[elmhasi]

تخيفني كلمة تحرير هذه التي ترتبط بكوش

ها يا خالد إنت ما عارف ؟؟؟

كوش ده باللغة النوبية ياها السودان زاتو بس عبدالوهاب رفيقك قال السودان حدو لي صحراء ناميبيا وإذا ما أخاف الكضب قال إنو قبايل شنو وشنو في غرب أفريقيا هم أيضاً نوبيين ..

يا زول والله بقينا كتار كترة أسكت ساكت ..

والقشة دي ما تعتر ليك يا زول ..

ونوم مطامن ..

فهي "فرملة" ضد نداء الحركة نفسها الذي يقول :
(فلنتحد لإسقاط عصابة الخرطوم الفاشية العميلة ) ؟؟؟؟!

إنت عارف أنا المحيرني شنو أكتر من ده ..

كانوا في أكتر من سبعة حركات تحرير ..

وقلت في عقلي طيب إذا واحد فيهم سبق بيخلوا يأكل النبق ؟؟ وألا ناس الإنقاذ حينطوا يقيفوا مع الحركات الإتغلبت علي السبقت علي النبق ..

والله معادلة صعبة حاولت اسأل الكمبيوتر بلغة البلي باك قال يا زول إنت مستهبل ..

وتصدق رفيقك يكون ما منتبه للشغلة دي كلو كلو كان ..

لكن ليمن عصرو محمد جمال وسألو .. طيب تحرير كوش دي ما فاهميها ..

قال ليهو كوش باللغة النوبية تعني السودان وكانت تطلق علي كل أفريقيا ..

شفت كيف ..

يعني نحنا في مليون ميل مربع ما قادرين ..

لكن الرفيق داير يحرر أفريقيا ( كوش )

وحننزل الباقي إن شاء الله