أبوصلاح
هو شاعر الحقيبة الأشهر واسمه (صالح عبد السيد ) .
كتب الكثير من الأغنيات للحقيبة منها :
يا سمير بي نظرتك
غزال الروض
شقيقة البدري
قليبو الجافي
ليلي طال زي ديسك الهضلم نزل
سبعة من صدرا علي
شوف العين
البديع الهواك سباني
يا رشا يا كحيل
أرحم يا سمير
شي عجيب في غرامك
حبيبي فؤادي
بدور القلعة
وصف الخنتيلة
خلي العيش حرام
يا من فاح طيب رياه
فروع الحنة
قلبي همالو
يا ليل أبقالي شاهد
ضامر قوامك
لحظك الجراح
وغيرهم...
أبوصلاح عندي هو عميد أغنية الحقيبة بلا منازع...
أغنية وجه القمر موضوع البوست هنا مع أغنية الناعسات عيونن سوف أوفرها بعدة أصوات إن شاء الله وهذه هي كلمات القصيدة:
وجه القمر سافر يضوى شعاع ونور وافر
يا بدر ساءلك جاوب ليش أخوك نافر
من حيو السباع تنتر ومن رمشو السهم طافر
ريم يسحبلى سيف لحظو وآخر بالسلاح غافر
يادمع ادفق ودع ياقلب سافر
شوقي لي ضامر
هل بى نظرتك اظفر يا من بى القلوب ظافر
كاحل طرفك الناعس والجيد بالاسيس غامر
مجدولات اديك صدرك رجح طبق الضامر
زيدنى من تيهك طائع ليك يا آمر
زهرة السامر
رفقا بمجنونك يا ليلة بنى عامر
اعلم لولا ما طرفك للبيض الرقاق شاهر
إنسان عيني كاد يغرق في ماء خدك الزاهر
ونورك يتوقد لي عيون الخلوق جاهر
ظلمي شئ ظاهر
وإشراق الفجر يشهد على طرفي العليل ساهر
في دولة صباك تايه يا الفى عشقي ماك فاكر
أصبح مسكنك قلبي الفى كل ثانيه ليك ذاكر
لو رأيت محيك يا البى نظرتك ماكر
ليك أكون شاكر
وأم الأفق بيك تقنع لا تولد شمس باكر
تنظر بانه تتمايل في ثياب لو قدم خاتر
وتنظر كيف صدير يقلع تفاحو وردف ناتر
وبين ناعساتو يضوى الصارم الباتر
اللحاظ فاتر
لامعه سيوفو تتبارق من كسراتو يا ساتر
عاشق محيك الضاوى وعاشق حسنك النادر
تقبل لحظك يمرضني وانت على شفاى قادر
في هواك قابل تنفيذ أمرك الصادر
لي ليه غادر
حلمك جود وأتعطف سارع بى لقاي بادر
وحيات طرفك الناعس وحيات حاجبك الداير
وحيات خدك المجلى ومنظوم ثغرك الناير
بى لقاك تسمح لو كان في المنام زاير
فكرى فيك حاير
كل ساعة جيش حبك يهجم في الصدر غاير
|