[منال]

المشاركة الأصلية كتبت بواسطة مهند بشير

اصعب حاجه
انو الواحد يفتش زاتو في زات زول
يكون زاتو
وانا المسكين لقيت زاتي في زات زول
بفتش لسه في زاتو
غاب عني الاحساس بالطمأنيه ردحا من الزمن جاوز السنوات السبع الا انها عاد امتع مما سبق , احساس انك هناك من يخاف عليك اكثر من امك ويهتم لكل صغيره و كبيره في حياتك و بصدق
لا يضاههي احساس
انه
الحب
امنياتكم لي بعشقٍ لحبيبي يدوم امد الدهر
حيث اكتشفت فيه بحر جديد من بحور الحب اسمه
الخلود

يا سلام يا المحبين
مهند بقول

الشقا اللاّزمنى .. مدة
يوم بفوت .. والفرحة تبدا
ما بقول .. فارقنى عدّى
عشان بخاف ترحل عيونك
وتنهزم فينى الأمانى
وبى شقاهو .. وبى أساهو
تانى يتوشـّح زمانى
أصلو غير عينيك .. وحاتك
مافى للأفراح .. معانى
جينا ليك شوق فى عيونـّا
وفى عيونك شوق يناغِم

الحبيبة بتقول

الشجون باكر بترحل
والزمن يصفا .. ويسالم
والحلم يصبح حقيقة
وتنسجم فى الحب ظروفو
والحنين تزهر غصونو
والعشم .. دانيات قطوفو

و بنقول ليهم نحن
شوفى كيف يوم بكرة .. عامِر
هاتى إيدك .. شان نطوفو