عندما كنت كوز صغيروني

[زول الله]

.
.
.
.
.
.
.
.
.
.
.
.
.
.
.
على لسانه ذات قعدة على كورنيش امدرمان حيث إنداح قائلاً:

كنت راجع من موعد عاطفي مع واحدة حسناء جداً ذات تضاريس تخلب الالباب
حيث ارتشفنا بضع كاسات من غرام واشياء أخرى
ومن ثم بديت اراجع في التفاصيل وذكريات الموعد العجيب دا لحدما وصلت بيتنا.
بعد شويتين وبينما كنت بشرب في كباية شاي صاموتي من يد امي الله يديها العافية
فجأة الباب يدق بطريقة مهذبة كدا لدرجة اني اتوقعت انو الزول دا واحدة شديييدة لمن غلط...
المهم اختي مشت فتحت الباب وجات راجعة قالت لي في ناس عايزنك برا..
-
-
-
-
-

يوووتبع بعد شوية













اقول قولي هذا واستغفرالله لي..............................

[ناصر يوسف]

المشاركة الأصلية كتبت بواسطة زول الله

.

على لسانه ذات قعدة على كورنيش امدرمان حيث إنداح قائلاً:

كنت راجع من موعد عاطفي مع واحدة حسناء جداً ذات تضاريس تخلب الالباب
حيث ارتشفنا بضع كاسات من غرام واشياء أخرى
ومن ثم بديت اراجع في التفاصيل وذكريات الموعد العجيب دا لحدما وصلت بيتنا.
بعد شويتين وبينما كنت بشرب في كباية شاي صاموتي من يد امي الله يديها العافية
فجأة الباب يدق بطريقة مهذبة كدا لدرجة اني اتوقعت انو الزول دا واحدة شديييدة لمن غلط...
المهم اختي مشت فتحت الباب وجات راجعة قالت لي في ناس عايزنك برا..


يوووتبع بعد شوية

اقول قولي هذا واستغفرالله لي..............................

طلعو ديل اهل البت الشَرِط الكان قاعِد معاها
وما جوه عشان كاسات الالغرام ،،،
جوهو خبتوه خَبِت نضييييف ،،، عشان الأشياء الأخري يمكن

الكلام ده مو غريب علي

ظينتو حق خالك حسن فرح ده ياخ
ولا شنو



مشتاقين يا سجم

[زول الله]

المشاركة الأصلية كتبت بواسطة ناصر يوسف

طلعو ديل اهل البت الشَرِط الكان قاعِد معاها
وما جوه عشان كاسات الالغرام ،،،
جوهو خبتوه خَبِت نضييييف ،،، عشان الأشياء الأخري يمكن

الكلام ده مو غريب علي

ظينتو حق خالك حسن فرح ده ياخ
ولا شنو



مشتاقين يا سجم

لالا القصة مافيها خبت
ولا حقت الخال
دي قصة تانية يامواطن انت بس اصبر شوية ماتستعجل على رزقك

ثم انو لامشتاقين ولاشتين








اقول قولي هذا واستغفرالله لي.......................

[ناصر يوسف]

المشاركة الأصلية كتبت بواسطة زول الله

لالا القصة مافيها خبت
ولا حقت الخال
دي قصة تانية يامواطن انت بس اصبر شوية ماتستعجل على رزقك

ثم انو لامشتاقين ولاشتين

اقول قولي هذا واستغفرالله لي.......................

كان صبرت فوق بطن امي ياخ










بل انا مشتاقٌ وعندي لوعةٌ ،،،

مش ياها البغنيها الكابلي ديك يا زول يا غناي ؟؟


بس ياهو ظااااتو ياخ

[زول الله]

-واصل ياخ
- طيب دقيقة خلي الحجر دا يولع كويس
وقد كان يشفط من الشيشة القدامو بي مزاااج ومن ثم واصل الحكي:

اها ياحبيب قمت مشيت على الباب لقيت ليك واحد سمين كدا ومربع
ومعاهو واحد تاني بي جلابية وعمة صغيرونة كدا ماعارف لفاها كيف في راسو الكبير دا
ولقيت ليك معاهم واحد قطيم كدا من ناس حلتنا بتاع اللجنة الشعبية
سلمت عليهم ودعيتهم انهم يتفضلو وإعتذرو عن الدخول وسلموني ورقة
فتحت الورقة لقيت فيها دعوة لإجتماع عام في الميدان الكبير الفي نص حلتنا الجنب الجامع داك
والاجتماع بمناسبة تكوين "فرعية" جديدة لمنظمة شبابية قائمة ومشهورة في الزمن داك
اها ياعمك قلت ليهم ياخوانا انا الأمور دي ماعندي بيها كبير غرض قام السمين داك ضحك براحة كدا وسلمني ورقة تانية.
فتحت الورقة لقيتها أمر تكليف بالقيام بمهام أمين مكتب من مكاتب الفرعية نفسها اللي هي طبعا لسه ما اتكونت وحتتكون يادوب يوم الجمعة الجاية في الاجتماع.
هنا انا يافردة دقيت جرس قلت ليهم ياخوانا انتو اكيد جايين غلط وأكيد قاصدين زول تاني عشان انا فعلا مابنفع معاكم في الشغلة دي.
الجماعة ولااا اشتغلو بي كلامي بس قالو لي انت تعال يوم الجمعة ونحن بنفهمك الحاصل كلو.

-
-
-
-
-
برضو يوووتبع
معليش مشغول شويتين









اقول قولي هذا واستغفرالله لي.........................

[يحي عثمان عيسي]

طلعو الكيزان
وبعد الذي منو
قال الزعيم : لكن اختك ما شررررط
المهم اختي لمن جابت الشاي
الحركات الما هي بدت
وبعد شويه ياكيزان غيب
ياكيزان انا كويز معاكم
طاخ طوخ وسال الدم في ارض الوادي
ومن ديك وعيك
وبعديها حلفت الموية ما اشربا في كوز
قزاز بس

[زول الله]

المشاركة الأصلية كتبت بواسطة يحي عثمان عيسي

طلعو الكيزان
وبعد الذي منو
قال الزعيم : لكن اختك ما شررررط
المهم اختي لمن جابت الشاي
الحركات الما هي بدت
وبعد شويه ياكيزان غيب
ياكيزان انا كويز معاكم
طاخ طوخ وسال الدم في ارض الوادي
ومن ديك وعيك
وبعديها حلفت الموية ما اشربا في كوز
قزاز بس

انت بس جاري للشرط ديك مالك

لالا يايحيى رووق المنقا شوية الغريق قدام







اقول قولي هذا واستغفرالله لي...................

[ناصر يوسف]

المشاركة الأصلية كتبت بواسطة زول الله

-واصل ياخ
- طيب دقيقة خلي الحجر دا يولع كويس
وقد كان يشفط من الشيشة القدامو بي مزاااج ومن ثم واصل الحكي:

اها ياحبيب قمت مشيت على الباب لقيت ليك واحد سمين كدا ومربع
ومعاهو واحد تاني بي جلابية وعمة صغيرونة كدا ماعارف لفاها كيف في راسو الكبير دا
ولقيت ليك معاهم واحد قطيم كدا من ناس حلتنا بتاع اللجنة الشعبية
سلمت عليهم ودعيتهم انهم يتفضلو وإعتذرو عن الدخول وسلموني ورقة
فتحت الورقة لقيت فيها دعوة لإجتماع عام في الميدان الكبير الفي نص حلتنا الجنب الجامع داك
والاجتماع بمناسبة تكوين "فرعية" جديدة لمنظمة شبابية قائمة ومشهورة في الزمن داك
اها ياعمك قلت ليهم ياخوانا انا الأمور دي ماعندي بيها كبير غرض قام السمين داك ضحك براحة كدا وسلمني ورقة تانية.
فتحت الورقة لقيتها أمر تكليف بالقيام بمهام أمين مكتب من مكاتب الفرعية نفسها اللي هي طبعا لسه ما اتكونت وحتتكون يادوب يوم الجمعة الجاية في الاجتماع.
هنا انا يافردة دقيت جرس قلت ليهم ياخوانا انتو اكيد جايين غلط وأكيد قاصدين زول تاني عشان انا فعلا مابنفع معاكم في الشغلة دي.
الجماعة ولااا اشتغلو بي كلامي بس قالو لي انت تعال يوم الجمعة ونحن بنفهمك الحاصل كلو.

برضو يوووتبع
معليش مشغول شويتين
اقول قولي هذا واستغفرالله لي.........................

يعلم الله شبه كبير مع قصة الخال حسن فرح ياخ

طيب ،،، هو صحي انا مستعجل كدي مالي التقول مؤجر لي عجله ياخ

المشاركة الأصلية كتبت بواسطة يحي عثمان عيسي

ومن ديك وعيك
وبعديها حلفت الموية ما اشربا في كوز
قزاز بس

قزاز عرقي يا عمممممممممممك ؟؟ ولا

السلم نايلو في نايلو والرقبه قزاز

هع هع هع

مشتاقين يا يحي ياخ

[زول الله]

جات الجمعة سريييع وكنت ناوي افتح للناس الوهم ديل لكن قلت نجرب ومالو
مشيت قعدت في الخيمة الكبيرة النصبوها في نص الميدان وركبوا فيها مكرفونات
وقعدت قدااام في الصف الاول مع اتنين تلاتة كدا من اولاد الحِلة البعرفهم
البرنامج بدأ خطبة من دا وتصفيق من دا وبعد شوية اذاعو تكوين الفرعية وباركو لي ناس الحلة إفتتاحها وانها حتخدمهم كتير وشنو وشنو وطبعا لحد هسه ماعارفا خدمتهم في شنو.
المهم اّذاعوا اسماء المسؤولين في الفرعية وكنت انا التاني بعد الامين العام واللي هو طبعا زولنا السمين المربع داك الجاني في البيت قبل كم يوم .
وحددو باقي الاسماء بتاعة أمناء المكاتب وخلو ليهم -أمناء المكاتب- مسؤولية إختيار وتسجيل العضوية ودي ماصعبة طبعا بحكم انو الحفلة الاشتغلت في الخيمة بعد الاجتماع كانت كافية انها تجيب كل الشباب عشان يسجلو عضويتهم لكن الغريبة الانا ماكنت خاتي ليها حساب اني اكون انا المسؤول عن قبول العضوية الجديدة وبعد انتهاء الحفل جاني الزول السمين المربع داك واصطحبني لحد بيتنا بالبوكس الكان معاهو وهناك سلمني اوراق مروسة بإسم المنظمة ومعاها صندوق كبير وتقيل لقيت جواهو آلة كاتبة متوسطة الحجم زي الكان بدرسوها في المعاهد زمان وطبعا الوكت داك كان الكمبيوتر شيء نادر وجديد على السودان
اها مع الحاجات دي سلمني كرتونتين صغيرات واحدة فيها عدد 200بطاقة عضوية جديدة وفاضية والتانية فيها أظرف بلاستيكية اللي هي تستعمل في تغليف البطاقات دي ووعدني انو بكرة يجيب لي ماكينة تسخين وتغليف البطاقات مع العلم انو حلتنا ماكان فيها كهرباء لانها لسه جديدة.

يوووتبع








اقول قولي هذا واستغفرالله لي......................

[زول الله]

المشاركة الأصلية كتبت بواسطة ناصر يوسف

يعلم الله شبه كبير مع قصة الخال حسن فرح ياخ

غايتو انا حقت الخال مالاقتني لكن بعد اخلص دي بمشي اديها طلة








اقول قولي هذا واستغفرالله لي......................

[قرقاش]

وحات الله الفلم ده خشيتوا قبل كده هنا فى منتدانا ..ولولا الركب المتعبانى دى كان فتشتوا ليكم فى الارششبف ....اوع واحديجيب سبره الزهايمر ..ويازول مش تزعل بس حمبك كمان ..قايلنى بخاف ولا بخاف ..الفلم ده مكرر00

[زول الله]

-قول يازول
-دقيقة ياخ كلم البت دي تجيب لينا كباية قهوة تاني وتخت فيها جنزبيل
-يابت يااابت ... قهوة تاني مع جنزبيل بالله ..... يللا واصل.

اها ياعمك انا قلت للزول دا ياخ انتو بتعرفوني من وين عشان تسلموني الحاجات دي
وهسه لو انا كبيت الزوغة ومالقيتوني حتعملو شنو؟؟؟ قال لي ماحتزوغ وماحنفتشك وانت حر لو ماعايز الشغلة دي ممكن عادي تخليها لكن انا انصحك انك تواصل معانا لي قدام وصدقني ماحتندم.
هنا انا قلت لي روحي يازول انت اصلاً قاعد ساي ومفلس وماعندك لاشغل لامشغلة ف ياخ جرب الناس ديل يمكن تفتح معاك وانت في الاخر ماخسران حاجة وبعدين الناس ديل معاهم جكس نضيف يامواطن... حاول استفيد من الحاجة دي ياخ.
لمن وصلت للحتة دي حسيت اني اقنعت روحي بالحاصل دا ولبست ليك وش بتاع زول مسؤول طوالي وقلت ليهو يازول مافي مشكلة ان شاءالله ربنا يوفقنا ونكون عند حسن ظنكم.
المهم الزول جاني بعد يومين معاهو ماكينة تغليف البطاقات وطبعا شرح لي كيفية تشغيلها وكيفية طباعة البطاقة وجاب لي معاهو ختم المنظمة بي إسم الفرعية الجديدة وطوالي نبهتو انو الحلة مافيها كهرباء واني اذا كنت ح اغلف بطاقة لازم اطلع الزلط برا عشان هناك الكهرباء ف الزول دا طوالي قال لي ماتشيل ونحن ماممكن ننسى الحتة دي وتعال برا في البوكس حتلقاني جايب ليك جنريتر بشتغل بالجاز عشان منها تنور بيتكم ومنها تغلف بطاقاتك
ودي كانت اول مكسب اناله من كوزنتي المؤقتة..

يووووتبع








اقول قولي هذا واستغفرالله لي.....................

[زول الله]

المشاركة الأصلية كتبت بواسطة قرقاش

وحات الله الفلم ده خشيتوا قبل كده هنا فى منتدانا ..ولولا الركب المتعبانى دى كان فتشتوا ليكم فى الارششبف ....اوع واحديجيب سبره الزهايمر ..ويازول مش تزعل بس حمبك كمان ..قايلنى بخاف ولا بخاف ..الفلم ده مكرر00

قرقاش انت حاشاك الخوف يا التلب

لكن انا صراحة مالاقاني والله
والقصة دي حقيقية بالمناسبة وانا كنت شاهد عليها من طقطق للسلام عليكم.








اقول قولي هذا واستغفرالله لي....................

[زول الله]

بعد القهوة وإعادة تسليح الشيشة واصل الحكي وقال:

اليوم التاني جابو لي برميل بتاع جاز عشان الجنريتر ونزلوهو في بيتنا
ومشو أجرو لينا بيت في الحلة عشان يكون مقر الفرعية وأدونا مكرفونات اتنين والجهاز بتاعهم وبرضو ادونا زي 100كرسي وطاولات كبيرة وصغيرة ومعاها فرشتين كبار للصلاة و زير بتاع موية والحاجات دي جابوها بي دفار وصاحبي السمين المربع المرة دي كان سايق موتر سوزوكي اسود جديد وقمت سألته من البوكس قال لي البوكس بتاع مهام ومهمتو معانا انتهت ومشو يفتتحو بيهو فرعية تانية.
بدينا دعواتنا لإجتماعاتنا بتاعة الفرعية وكنا زي سبعة شباب وشابتين شينات كدا وكنت انا بكرر عليهم انو لازم يجيبو لينا عضوية جديدة وبالذات العنصر النسائي عشان هن العليهن الرك في عملية الدعوات للأسر والبيوت وكدا و طبعا كان حنك عاضي ساكت مني لكن قصدتو لحاجة في نفس يعقوب وقد كان ان انضم لينا اكتر من العدد المتوقعنو ومن ضمنهم اجمل بنات الحلة الأنا طبعا قمت بكل جرأة ومسؤولية بإختيار إتنين منهن يكونن مساعدات المكتب التنفيذي.
وفي اول إجتماع بعد إكتمال نصاب المكتب التنفيذي طوالي جابو لينا أمر تكليف بحشد الناس لمسيرة هادرة يخاطبها الرئيس من أمام مجلس الوزراء
وقاموا بتكليف المسؤول عن الحاجة دي -اللي هو العبد لله- بالحضور بكرة لمكتب فلان الفلاني عشان نستلم ميزانية الحشد.

يوووتبع







اقول قولي هذا واستغفرالله لي..................

[Hassan Farah]

المشاركة الأصلية كتبت بواسطة زول الله

بعد القهوة وإعادة تسليح الشيشة واصل الحكي وقال:

اليوم التاني جابو لي برميل بتاع جاز عشان الجنريتر ونزلوهو في بيتنا
ومشو أجرو لينا بيت في الحلة عشان يكون مقر الفرعية وأدونا مكرفونات اتنين والجهاز بتاعهم وبرضو ادونا زي 100كرسي وطاولات كبيرة وصغيرة ومعاها فرشتين كبار للصلاة و زير بتاع موية والحاجات دي جابوها بي دفار وصاحبي السمين المربع المرة دي كان سايق موتر سوزوكي اسود جديد وقمت سألته من البوكس قال لي البوكس بتاع مهام ومهمتو معانا انتهت ومشو يفتتحو بيهو فرعية تانية.
بدينا دعواتنا لإجتماعاتنا بتاعة الفرعية وكنا زي سبعة شباب وشابتين شينات كدا وكنت انا بكرر عليهم انو لازم يجيبو لينا عضوية جديدة وبالذات العنصر النسائي عشان هن العليهن الرك في عملية الدعوات للأسر والبيوت وكدا و طبعا كان حنك عاضي ساكت مني لكن قصدتو لحاجة في نفس يعقوب وقد كان ان انضم لينا اكتر من العدد المتوقعنو ومن ضمنهم اجمل بنات الحلة الأنا طبعا قمت بكل جرأة ومسؤولية بإختيار إتنين منهن يكونن مساعدات المكتب التنفيذي.
وفي اول إجتماع بعد إكتمال نصاب المكتب التنفيذي طوالي جابو لينا أمر تكليف بحشد الناس لمسيرة هادرة يخاطبها الرئيس من أمام مجلس الوزراء
وقاموا بتكليف المسؤول عن الحاجة دي -اللي هو العبد لله- بالحضور بكرة لمكتب فلان الفلاني عشان نستلم ميزانية الحشد.

يوووتبع








اقول قولي هذا واستغفرالله لي..................

--------------------------------------------------------
زول الله....اوعك تخبئ حاجة....القريشات كيف....خالك عارف كل حاجة وارجوك ان تكون صريحا.... ودا فى مصلحتك ....لازم تسمى الناس باسمائهم حتى لو كانوا كبارا....اقدر ظروفك فقد كنت عاطلا ومفلسا ..... ادفعك لكى تبرئ ساحتك.....ولا تنسى....عادل عسوم حسبك من الكيزان ....ورماها فينى