زمن الأحزان
يازمان أحزاني كترت
بس رجاء أرحم شوية
ليه تخلي حبيب عمرنا
يبقى ليه سبب الأسية
بالله شوفو الدنيا دية
الليلة من ساعات بنضحك
وهسة في حسم القضية
لو متخيلني حأبكي بعدك
لا وربك حأكون قوية
والفرح حأجيبه تاني
واعيد أيامي الهنية
وترجع أيامي الخوالي
وأغني ألحاني الشجية
وياحبيب إنت الخسرت
قلبي الحنين كان ليك هدية
ولو حأموت في بعدي عنك
يامراحب بالمنية
والله أحزاني بتضحك
وماضحكت إلا على البلية
ولو بتعرف شنو البلية
إني كنت في يوم غبية
ماافتكرتك تبقى خاين
وترضى إني أكون ضحية
مثلت دور حبيب وعاشق
مبروك نجاح التمثيلية
|
