إزيّكم ,, ورمضان كريم

[imported_طيبان]

سلام للجميع ,,رمضان كريم وأتمنى تكونوا وناسكم بخير ,
مبروك لمن فرح مؤخرا ,,وتعازيي لمن فقد حبيبا ,,ولمن أصابه مكروه ,,
خالص التعازي لمعظمكم يا أهل بلادي كونو طلعتوا سودانيين تحكم بلادكم الإنقاذ ويعلو كراسيها اللصوص والفاسدون .

ثم التحيّات الزاكيات لخالد الحاج وهو يرفل في نعيم الجنان بإذن ربّه ,,

__

كونوا بخير دايماً ..

[imported_طيبان]

يا ربي توقيعي كان مكتوب فيهو شنو ؟ الواحد ما يغيب وللا شنو ؟ ديل شنو سرّاق الثورات ديل ؟

[imported_طارق صديق كانديك]

يا سلام ياخي .. ياسلام عليك

رمضانك كريم وكنت كالعهد بك وفاءً لهذا المكان.

الآن يحلو معك وبك الحديث

تحياتي

[imported_طيبان]

هلا والله ياكانديك ,,حبابك بي جاي ,,
تقريبا كدة - والله أعلم - انا بقيت طيرة الله في بلد الله ,,روحة شديدة ياكافي البلا ,,

الحمد لله غايتو

[imported_طارق صديق كانديك]

يازول الزيك ده مابروح بالساهل

كدي أختف كراعك ياقول العمدة وايدك ما بتجي فاضية

وزي ماقال صديقنا الذي بلكسمبورج :

الواحد يفتح خشموا يلقا عثمان قدامو

[imported_سماح محمد]

صديقنا د.طيبـــان
الله أكرم
وتصوموا وتفطروا على خير

منوّر بيتك
سعيدة بطلتك
أبقى متمدد من جديد..

[عكــود]

هلا والله،
شوفتك تفرح والله يا طيبان!
بس عليك الله القعدة الفي طرف العنقريب دي خليها ...
إتوهّط ياخ.

[imported_طيبان]

هلا ياكانديك تاني ,, واضح انّك داير تلعبني راس
وأين هو صديقنا منقو الذي بلكسمبورج ؟ واضح انو مشغول بتغيير صورتو الرمزيّة بالفيسبوك ,,كل مرّة بجيب وشّو لا برّة ,,لامن ألقاهو قاعد جنبي في قرّيات ,,غايتو حالة سعبة
ثم مشتاقين ياخي ,,

[imported_طيبان]

الصديقة سماح محمد ,,رمضانك كريم انت دي ,
أتمدّد كيف انا مع طارق كانديك الشمولي دا ؟ ماشايفاهو شاملني كيف بي عطفو وردودو ؟؟ تقول مشتاق لي بالصح
تسلمي يا ستّي الدار منوّرة بوجودك ,,كوني بخير .

[imported_طيبان]

ازيك ياعكود ,,ويشهد الله مشتاقين شوق شديد ,,الناس ياخي يمرقوا من جنبك وانت عامل فيها مشغول وعندك ضيوف ومابعرف شنو .. انت بقيت أمير بي جاي برضو وللا كيف ؟
انا العنقريب ماشايفو في عضمو ,,تقول لي قاعد في طرفو ؟ خلاص بديتو تتبلّوا علينا من أوّلا كدة ؟
اسمع ياخي ,, قول لي ربى مشتاقين ,,وعازمكم جيّة بي جاي ,,العيد تراهو قدّامنا ,,عشان تكون عارف من بدري ,,

تحياتي يا زول يا جميل .

[imported_طيبان]

كنيولوك جديد وكدة ,,قرّرت ما أقتبس أي كلام ,,عشان الداير يغيّر كلامو يغيروا بي راحتو ,,

[imported_نبراس السيد الدمرداش]

فعلا رمضان شهر الخير
حبابك وحباب جيتك
ليك وحشه يادكتره

ينعاد عليك رمضان بالعافيه و الخير

[imported_طيبان]

أهلا بالعروس ,,زارتنا البركة والملائكة مجتمعين .
رمضان كريم وربنا يهنّيكم ,تحياتي لك وللأسرة ,
كوني بخير ,,

[imported_فتحي مسعد حنفي]

تصدق ياطيبان الليلة انا حاسي زي الزول الرايحة ليهو حاجة ولقاها..
يازول البركة في شوفتك والاطمئنان عليك..كل عام وانت والأسرة بخير وعافية وعليك الله ما تقطع تاني من سودانيات..

[imported_طيبان]

ياعم فتحي ازيّك شديد والله ,, وكتر خيرك ياخي على الكلام السمح ,,كيفنك وكيف أولادك ,,رمضان كريم عليكم تصوموا وتفطروا علي خير ,, لسّة مشلهت بين الخرطوم والقاهرة وتكاتل في كل الجبهات ؟ الله يعينك ويدّيك العافية يا زول يا جميل ,,
التحية عبرك للأستاذ هاشم طه ,,ياخي بس من ديك وعيك ,,أنا ودّرت خيطو ,,ان شاء يكون بخير ,تحياتي له أينما كان ,,كونوا بخير ,,