غايتو يا ياسر عرمان باضت ليك الفرخة في قفصك

[imported_أسعد]

ياسر عرمان باضت ليهو الفرخة في قفصو
عقب تصريحات البشير الأخيرة في مسألة تطبيق الشريعة الاسلامية ورفض التعددية العرقية في السودان
ومن ثم إعادة تدويرها من قبل خاله الطيب مصطفى لانها تتوافق مع توجهاته

فبالتالي ح يعاد سطوع نجم ياسر عرمان مرة أخرى
بعد بهتانه وضياعة في غزوة (ذات الانتخابات)

لكن بس معقولة يتغير المثل بتاع (لا يلدغ المؤمن من جحر واحد مرتين)
إلى (يلدغ العلماني من ياسر واحد مرتين)

[imported_فتحي مسعد حنفي]

المشاركة الأصلية كتبت بواسطة وجدي الأسعد الأسعد

ياسر عرمان باضت ليهو الفرخة في قفصو
عقب تصريحات البشير الأخيرة في مسألة تطبيق الشريعة الاسلامية ورفض التعددية العرقية في السودان
ومن ثم إعادة تدويرها من قبل خاله الطيب مصطفى لانها تتوافق مع توجهاته

فبالتالي ح يعاد سطوع نجم ياسر عرمان مرة أخرى
بعد بهتانه وضياعة في غزوة (ذات الانتخابات)

لكن بس معقولة يتغير المثل بتاع (لا يلدغ المؤمن من جحر واحد مرتين)
إلى (يلدغ العلماني من ياسر واحد مرتين)

ياوجدي ياسر عرمان دا كان كرت في ورق الحركة رمتو بايظ وجرت غيرو طمعانة في جوكر لكن ياخوي الورق قرب يتدكا والخمسينات مافي ليها طريقة الجماعة كلهم معرجين..

[imported_أسعد]

عزيزنا فتحي
ياسر عرمان اساسا دو هارت بس ناس الحركة الشعبية عملوا في الوش التاني للكرت رسمو جوكر ... فافتكر الناس أنه جوكر وح يطخوا بيهو خمسين في الانتخابات السابقة ... وإذا بهم يتفاجئون بمكر الحركة الشعبية (طبعا اكيد المكر دا من كراسهم) أنهم خدعوا الناس وأوهمهم بدو هارت ياسر عرمان لكي يضغطوا على المؤتمر الوطني في تلبية متطلباتهم ...

لكن حاليا وبعد تصريحات البشير (الغريبة) في القضارف ذات دغمسة ... ووصفهم لطبيعة الناس بالمدغمسون في الأرض ... وحيث أنه عزف علي وترين
الوتر الأول :في مسألة تطبيق الشريعة (ودي حتة دونها خرط القتات عند العلمانيين)
الوتر التاني:في مسألة رفضه للتعددية العرقية (ودي حتة مهمة جداً لكل السودانيين)
لذلك فأن ماضي ياسر عرمان سيصبح نسيا منسيا
لأن الحاضر اهول وأشد

[بابكر عباس]

المشاركة الأصلية كتبت بواسطة وجدي الأسعد الأسعد

إلى (يلدغ العلماني من ياسر واحد مرتين)

وجدي "العلماني"
سلامات،،
شنو الكان ممكن يعملو ياسر عرمان في الإنتخابات الفاتت و ما عملو؟

و انت مأخذك عليهو شنو؟

[عبدالمنعم الطيب حسن]

ويظل ياسر عرمان من القيادات السودانية التي صنعت
نفسها بنفسها
من عرق جبينا لاوراثة لاقداسة
رفع السلاح مقاتلا دفاعا عن قناعاته
عندما كان الشباب في سنه يبحث عن الحلول الذاتية من الخليج
حتى اوروبا الباردة
مازال ينشد الحلول الجماعية وفق قناعاته التى تتوافق وقناعات كثيرون
يعبر عنها مازال
انه القائد ياسر عرمان
شكرا وجدي
والمتداخلين

[imported_أسعد]

شنو الكان ممكن يعملو ياسر عرمان في الإنتخابات الفاتت و ما عملو؟
و انت مأخذك عليهو شنو؟

الكان ممكن يعملو ...
أنه ما يرضى تفويت خديعة الحركة الشعبية
باقان أموم ظهرها عاااااااااملة مع ياسر عرمان

أها نحن مسألة عملية استخدام ياسر عرمان كطعم ما بناباها
لكن ما بنقبل من ياسر عرمان يخت الخمسة فوق الاتنين
كان يخرخر عديل كدة مع الحركة الشعبية