ناس سودانيات اللوم بجى بالغفلات
فى اللاول سلام عليكم
وان شاءالله طيبين
وحات كتاب الدين عندى غبينة فى حلقى دا
الشئ لا بتسالو من الغايبين حيين ولا ميتين
مالى ما نضمت معاكم واتقاسمنا الحروف حرف
ونضمت لامن فترت فى شان مشاركاتى شوية همشتونى
النبي ماكدى؟
خسمتكم بالرسول سبعة مرات شوفونى مابديت نشيطة
الا ما وصلت المية
نحن فى الحوش دا ابناء عمومة وبنات خالات
ولا ماكدى؟ كان غلتانة صححونى
وحات اسم الله لى زمن كلمة مرورى راحت منى
وقدر ما قلبت صفحات مخى التخين دا مالقيتا
وقلت ما بستعين بالادارة الا تغلب الغلاب
اها كتر خيرهم من تانى دقة فتحو لى الباب
هوى والله نضمينى دا نضمى زول مشتاق ليكم ساكت
واصابعو اشتاقة تكلكل الكيبورت
قنبو عافية
مودتى والله
|
