حد يصحي الجيلي احمد(يوجد حوت)

[AMAL]

واشماتة ابلة ظاظا فيك
معليش ياشاب بنشغلك عن مهامك العظيمة


ملطوشة من هنا
http://www.sudaneseonline.com/cgi-bi...msg=1334784852

[AMAL]

ياخي الانقاذ دي عجيبة
ماكفاهم جلدوهو وبشعبوا بيه
كمان مودنو هجليلج
انا لله
اها يالجيلي الدبارة كيف

[AMAL]

وهجليج بقت هجيج
[youtube]http://www.youtube.com/watch?v=CwvV9Hc3x0A&feature=player_embedded[/youtube]

[جيجي]

اه يالاهيف
الجيلي بكون غمر

[wadosman]

غاايتو يا امال دى سيك و فى القبول كماان....

[الجيلى أحمد]

دا كلام زى الورد

[الجيلى أحمد]

المشاركة الأصلية كتبت بواسطة wadosman

غاايتو يا امال دى سيك و فى القبول كماان....

حباب الزول الفنان ود عثمان
زمان ياصاحبى لمن كان (الجوز أربعة , والدستة تلاتين , والسيرة البحر والعريس قدام) كان لمن الشباب ياخدو سيك بنكتبا ونعلقا ليهم فى حيط الداخلية , وتبقى ليهم محنة لى كم اسبوع , يعنى الواحد يكون قاعد فى أمانة الله نقوم نشبكو ليك (قوم سوى الحلة , انت زول مسيَك البقعدك وسط المعلمين الكبار شنو؟)

ياأخى والله أنا مسيكانى البلد أم همآ عريض..

هسه ياصاحبى نداول المسألة دى كيف؟

_______________

ياأخى والله لى أكتر من عشرة سنين مشتهى لى قيم وست

[الجيلى أحمد]

المشاركة الأصلية كتبت بواسطة جيجي

اه يالاهيف
الجيلي بكون غمر

تحياتى ياجيجى

الخط البفرق بين المبدع وبين تأثرو بالخطاب الحايم الباخاهو الجبهة فى سقف وأمانى الوطن, بالعمى بشوفو ..
الغمران ياسيدتى هو التخلى عن هموم الناس وحوجتهم لمن يأخذ بيدهم فى حلكة هذه المعمعة الممتدة لقرابة ربع قرن ..

وتبقى (الأهيف) وكل ماأخرجته حنجرة محمود , أشياء ملكها الخالص يعود للانسانية , وبمعزل عن ذلك سننتقد محمود ويقف كل منا موقف يخصه فى تقييم تراتيب فعله اليومى

[جيجي]

المشاركة الأصلية كتبت بواسطة الجيلى أحمد

تحياتى ياجيجى

الخط البفرق بين المبدع وبين تأثرو بالخطاب الحايم الباخاهو الجبهة فى سقف وأمانى الوطن, بالعمى بشوفو ..
الغمران ياسيدتى هو التخلى عن هموم الناس وحوجتهم لمن يأخذ بيدهم فى حلكة هذه المعمعة الممتدة لقرابة ربع قرن ..

وتبقى (الأهيف) وكل ماأخرجته حنجرة محمود , أشياء ملكها الخالص يعود للانسانية , وبمعزل عن ذلك سننتقد محمود ويقف كل منا موقف يخصه فى تقييم تراتيب فعله اليومى

يا صديقي الجميل
الموضوع مامحتاج كل هذا المنطق
نحن متفهمين ما يحصل مثلك تماما
لكنه تعليقنا كان يحمل في طياته الكثير من الدعابة
وما الاهيف الا لانها محبوبتك
فهون عليك
وعلينا فلست بشامتين على وطن
ولا احد افراده مادام الظلم يرفع رايات البؤس والازلال وازهاق النفوس والاجسد

[الجيلى أحمد]

المشاركة الأصلية كتبت بواسطة AMAL

ياخي الانقاذ دي عجيبة
ماكفاهم جلدوهو وبشعبوا بيه
كمان مودنو هجليلج
انا لله
اها يالجيلي الدبارة كيف

يمشى وين ؟
يطير ؟

دقوهو دق العيش ولسه قاعد يبدع, ويحافظ على آخر نبض من الانسانية بداخله ,
الناس القاعدا ورا القزاز وتتمطق فى الفن والابداع حقو يمدو يدهم جوا النار البتلوى دى ويحاولو يعرفو لييه الزول دا اتدقا؟
وطن كامل قاعد ينجلد سوط ورا سوط, وضهرو مليان دم , وبعد دا كلو واقف نص وقفة ومستحمل الفهم الجايط عن الوطنية , ورزالة الكيزان
بقت على محمود؟

ناس عادل عسوم ديل شايلين الموس وبشلَخو فى البلد من قفاها ووشها

بقت على محمود؟

والله حقو الناس تقعد وتشوف تفكيك علاقة المبدع بالسلطة ,
وتمسكا خطوة خطوة من بداية الانقاذ لحدى الوكت الحالى, عشان الصورة دى ماتبقى ناقصة .. وفى تلك المطالعة من المهم أن نستصحب دور المثقف فى التأثير على قطاع المبدعين وعموم أهل الفن بما يخدم حوجة الوطن للارتقاء فى سلم الانسانية ..

[محمد مصطفي]

اقتباس:
المشاركة الأصلية كتبت بواسطة AMAL
واشماتة ابلة ظاظا فيك
معليش ياشاب بنشغلك عن مهامك العظيمة


ملطوشة من هنا
http://www.sudaneseonline.com/cgi-bi...msg=1334784852

والله لولا أن هناك واجب لا يقل عن واجبي تجاه الوطن
لكنت بجانب المقاتلين هناك في هجليج أحمل سلاحي وادافع عن ارض هذا الوطن
هنا تصطف الناس جميعاً يا امال ... الولاء للوطن فقط ... لا للكيزان ولا للشوعية
ما زالت تطربني لهيب الشوق بصوت هذا الحوت

[الجيلى أحمد]

المشاركة الأصلية كتبت بواسطة محمد مصطفي

والله لولا أن هناك واجب لا يقل عن واجبي تجاه الوطن
لكنت بجانب المقاتلين هناك في هجليج أحمل سلاحي وادافع عن ارض هذا الوطن
هنا تصطف الناس جميعاً يا امال ... الولاء للوطن فقط ... لا للكيزان ولا للشوعية
ما زالت تطربني لهيب الشوق بصوت هذا الحوت

تحياتى يامحمد
ويطيب يومك ..

ياأخوى حلايب والفشقة ديل محتلات ليهم زمن مابالهين (حمرة عين, ورجالة) ,
عليك الله الناس البكبرو وهم ماشين على هجليج , قول ليهم فى الأول
يدوهم غشوة ويحرروهم معاهم..

هذه حرب التراكم بتأثرات مشروع الجبهة الجهادى, وحرب للبقاء فى السلطة
, وليس حرب حقوق,
الحقوق يامحمد أخوى ياها ديك مهدرة فى حلايب والفشقة وعلى عينك ياتاجر ,
ومافى زول من الناس البكوركو فى الميديا ديل قادر يقدر يقول (أم المك)