الان الان .... مجتمعين في بيت من بيوت سودانيات

[ناصر يوسف]

بروف امين محمد سليمان ( ابو صلعه ) متسكعاً في الخرطوم




اهاااا دي يحلوها كيفن عاد

النعمنو كدي الزول ده بدور ليه عيزومةً كاااااربه

شيَة جَمُر وقعدة جبنه في الصقطيبه دي ياخ


علا نقول شنو عاد لحركات المهاجرين والمغتربين ديل

قال شنو قال ،،

مشتهي لي فول كاااااااارب

غايتو ما فاضل ليه إلا يقول

مشتهي لي كسرة معجونة بطماطم وزيت سِمسِم

ولا يقول القالو لي عثمان حمد ( العب الألماني ) ذات يوم وانا ومهند جايبنو من المطار مودنو لبيتهم

الشارع كان فيه موية ( ماسورة مكسورة ولا موية مطره ما متذكر )

انا أحاحي في العربية عشان ما ادخل بيها الموية يقول لي شنو شنو شنو ؟؟


يا سلاااااااام ياخ ،،، عليك الله ادخل لي في المويه دي ،،، مشتهي الحركه دي ياخ


أحيييييييا انا ياخ من تلبية رغبات المهاجرين والمغتربين ديل

بالله فِرِد مره كدي قولو لي مشتهين لينا ريحة بَعَر بقر وشنو شنو داك

عالم ما تتقدم كلو كلو ياخ


أهااااااااااااااااا يا ناس الداخل

بروف امين ده تراهو بيناتكم

بندور نتلاقي ،،

طارق كانديك ونبراس بما إنكم أول العارفين بجيتو ،،، عليكم بالتنسيق

الزول قال عاوز فول كااااااارب ،،، يلا إنكربو نكرب الراجل ده زين ياخ

ولا شنو ....


مرحب بيك يا امين بينات أهلك وعشيرتك وصحابك

[الجيلى أحمد]

عنوانك هذا ياناصر هو أجمل وأفخم وأكثر عنوان معبر مر على الأسافير على مر العصور والأزمنة..
ياسلام يااخى ياسلام.. عنوان مليان حقائق وشاعرية وعنفوان وتفرد ووطنية..

[معتصم الطاهر]

المشاركة الأصلية كتبت بواسطة الجيلى أحمد

عنوانك هذا ياناصر هو أجمل وأفخم وأكثر عنوان معبر مر على الأسافير على مر العصور والأزمنة..
ياسلام يااخى ياسلام.. عنوان مليان حقائق وشاعرية وعنفوان وتفرد ووطنية..

و روح سودانيات ..

[ناصر يوسف]

المشاركة الأصلية كتبت بواسطة الجيلى أحمد

عنوانك هذا ياناصر هو أجمل وأفخم وأكثر عنوان معبر مر على الأسافير على مر العصور والأزمنة..
ياسلام يااخى ياسلام.. عنوان مليان حقائق وشاعرية وعنفوان وتفرد ووطنية..

والله الوطنية ما بناباها غايتو يا ابشلاليف
علا الفوووووول

ياخي احلام الفتي الطاير مهاجر لبلاد جدنا ولا خالنا ولا عمنا سام دي هسي نسوي فيها شنو يعني

[فتح العليم]

المشاركة الأصلية كتبت بواسطة ناصر يوسف

بروف امين محمد سليمان ( ابو صلعه ) متسكعاً في الخرطوم




اهاااا دي يحلوها كيفن عاد

النعمنو كدي الزول ده بدور ليه عيزومةً كاااااربه

شيَة جَمُر وقعدة جبنه في الصقطيبه دي ياخ


علا نقول شنو عاد لحركات المهاجرين والمغتربين ديل

قال شنو قال ،،

مشتهي لي فول كاااااااارب

غايتو ما فاضل ليه إلا يقول

مشتهي لي كسرة معجونة بطماطم وزيت سِمسِم

ولا يقول القالو لي عثمان حمد ( العب الألماني ) ذات يوم وانا ومهند جايبنو من المطار مودنو لبيتهم

الشارع كان فيه موية ( ماسورة مكسورة ولا موية مطره ما متذكر )

انا أحاحي في العربية عشان ما ادخل بيها الموية يقول لي شنو شنو شنو ؟؟


يا سلاااااااام ياخ ،،، عليك الله ادخل لي في المويه دي ،،، مشتهي الحركه دي ياخ


أحيييييييا انا ياخ من تلبية رغبات المهاجرين والمغتربين ديل

بالله فِرِد مره كدي قولو لي مشتهين لينا ريحة بَعَر بقر وشنو شنو داك

عالم ما تتقدم كلو كلو ياخ


أهااااااااااااااااا يا ناس الداخل

بروف امين ده تراهو بيناتكم

بندور نتلاقي ،،

طارق كانديك ونبراس بما إنكم أول العارفين بجيتو ،،، عليكم بالتنسيق

الزول قال عاوز فول كااااااارب ،،، يلا إنكربو نكرب الراجل ده زين ياخ

ولا شنو ....


مرحب بيك يا امين بينات أهلك وعشيرتك وصحابك

يا ناصر انت راجل جميل بالجد وعباراتك كلها صدق وتأجيج للعاطفة والذكريات الجميلة
نحي معك البروف بين أهله وعشيرته وبلغه تحياتنا.

[فيصل سعد]

دائما سباق في الخير يا ابو البنيات،، التحايا الطيبات للبروف ود سليمان و لكم بورداب العاصمة البوتقة و انتم تضربون الفول الكارب مع ضيفكم العزيز صاحب العلم الغزير و القفشات و النوادر،، و لكم كامل الحق في اكرامه و تلبية جميع طلباته و تسهيل كل أموره فيما عدا أن تكتب له تماضرنا الخنساء أي حرف قصيد و كدا..

يديكم العافية..

[عكــود]

ناصر الحبوب
ليك السلام مطبوق

التحية للبروف والأمنيات بقضاء أيام ممتعة بين الأهل والصحاب.

فرقت 10 يوم بس وكنا قابلناهو

دايماً قدّامي يا ناصر وزول واجب،
الله يديك العافية.

[أبوبكر عباس]

إتّا يا ناصر، هل العضو الحردان من سودانيات يستحق واجب؟
غايتو الشهر الفات لاقيت سماح والرشيد بدبي؛ إهتميت بالرشيد وظلطّ لسماح
أبوبكر عباس
تواصل ومحبّة

[معتصم الطاهر]

المشاركة الأصلية كتبت بواسطة أبوبكر عباس

إتّا يا ناصر، هل العضو الحردان من سودانيات يستحق واجب؟
غايتو الشهر الفات لاقيت سماح والرشيد بدبي؛ إهتميت بالرشيد وظلطّ لسماح
أبوبكر عباس
تواصل ومحبّة

الرئيس المرتقب ..

زى سماح بعد يفرشوا الدرب سجاد احمر مطرز بقلوب فيها سهام ..موزعة فيهو شجرات ليمون بالطرف و توقف الشيخات كلهن .. بعدين سعادتك .. تترجاها تسلم عليك ..


والله ياهو ؟

[ناصر يوسف]

المشاركة الأصلية كتبت بواسطة عكــود

ناصر الحبوب
ليك السلام مطبوق

التحية للبروف والأمنيات بقضاء أيام ممتعة بين الأهل والصحاب.

فرقت 10 يوم بس وكنا قابلناهو

دايماً قدّامي يا ناصر وزول واجب،
الله يديك العافية.

يا حبوب يعلم الله الواجب ده ترانا بنحاكي فيكم ياخ
كرمكم ومحبتكم الفايضه دي
منكم تعلمنا معني الواجب
وسلامك يوصل

[ناصر يوسف]

المشاركة الأصلية كتبت بواسطة فيصل سعد

دائما سباق في الخير يا ابو البنيات،، التحايا الطيبات للبروف ود سليمان و لكم بورداب العاصمة البوتقة و انتم تضربون الفول الكارب مع ضيفكم العزيز صاحب العلم الغزير و القفشات و النوادر،، و لكم كامل الحق في اكرامه و تلبية جميع طلباته و تسهيل كل أموره فيما عدا أن تكتب له تماضرنا الخنساء أي حرف قصيد و كدا..

يديكم العافية..

يعلم الله يا فيصل
ما متمني شئ في الدنيا دي غير اني الاقيك شخصيييييييا ياخ

حتجينا متين يا حبوب

والخنساء تماضر ذاتها الله يجيبها لينا كمان


اها ... تجو ولا نجي ؟؟

[ناصر يوسف]

المشاركة الأصلية كتبت بواسطة فتح العليم

يا ناصر انت راجل جميل بالجد وعباراتك كلها صدق وتأجيج للعاطفة والذكريات الجميلة
نحي معك البروف بين أهله وعشيرته وبلغه تحياتنا.

استاذنا فتح العليم
سلام ومحبة وشوق

البروف ده الليله الا يقول للفول ما دايييييييير غايتو

هههههه

تحاياك حتوصلو اليوم بمشيئة الله

وكمان حتتلم معاه ساره الضاره
غايتو الله يعدي الليلة دي علي خير

[ناصر يوسف]

برجع ليكم يا شباب

شويه مشغوليات

باكر حنلاقي الزول ده

[عبد المنعم حضيري]

الفول دا يا ناصر .... أهم زول

ياخ ما تستهين لينا بحبيب الشعب دا كدة ....

أنا برضو ختني في صف المشتهين فول ...

يا ناصر إنت حضرت زمن اليمانية ماسكين البقالات وبيسوا الفول؟؟؟؟

يا زول إنت ما اكلت ليك فول بالسمن البلدي في مطعم سلوى بالسوق العربي زماااااااااااااااااااااان.

يا زول إنت ما ضقت (سندوتش .... لاحظ ... سندوتش فول) من أبو العباس والعشرة الكرام.

التحية للبروف

والتحية للعظيم ناصر

والتحية لكل بورداب الداخل

[ناصر يوسف]

المشاركة الأصلية كتبت بواسطة عبد المنعم حضيري

الفول دا يا ناصر .... أهم زول

ياخ ما تستهين لينا بحبيب الشعب دا كدة ....

أنا برضو ختني في صف المشتهين فول ...

يا ناصر إنت حضرت زمن اليمانية ماسكين البقالات وبيسوا الفول؟؟؟؟

يا زول إنت ما اكلت ليك فول بالسمن البلدي في مطعم سلوى بالسوق العربي زماااااااااااااااااااااان.

يا زول إنت ما ضقت (سندوتش .... لاحظ ... سندوتش فول) من أبو العباس والعشرة الكرام.

التحية للبروف

والتحية للعظيم ناصر

والتحية لكل بورداب الداخل

عبد المنعم الحضيري

تحية ومحبة خالصة لوجه الله يا زول يا حبوب

اليمانيه ما حضرتهم في الخرطوم دي والله
لكن فول ابو العباس جربناه
وياااا حليلو فول ابو العباس
هسي في مكانه في زي خرتمية ابو العباس تقليد ساي ياخ