مؤسف ياسودانيات جدا

[أمير الأمين]

المشاركة الأصلية كتبت بواسطة تغريده

أنت بس تطلب وتأمر نحكى نحن هنا لنحكى ونتحادث ونتحاورفى المفيد الجميل

بس أنت يارأفت ماحددة نوع الحكى عن شنو

طارق كانديك يمسيك بالورد والرياحين

أنا لم أذكر موقف بعينه ووحقيقة بكلامى هذا ما قصدت هذا الموقف تحديداً وأنما قصدت موقفين مشابهين فى فى مواضيع تانية فى المنتدى هنا

ومانى زعلانة منك تب

لك الشكر والتقدير طارق وكمان مولانا فتح العليم


بابكرعباس مساء الخيييييييير براحة ياخوى بجى لكلامك دا براهو




بابكر عباس المعرفة مطلوبة ومرغوبة والحمد لله انها فى متناول الجميع ولو الواحد بكتب عشان يبقى نجم ولا الناس يقولوا فلان دا كتاااااااااب وكلمات الشكر وكبير الراس تكتر الرمادة فى خشمه


بجى صادة تانى والتحية والود للجميع

من حق اى انسان يكون طموح ويسعى عشان يحقق شئ من ذاتو
(نحم كاتب كبير الخ) اهم شئ فى ظنى الادوات المستخدمة للوصول.

[دياب الشاهر]

المشاركة الأصلية كتبت بواسطة د اسامه

لقد أسمعت لو ناديت حيا
ولكن لا حياة لمن تنادي
ولو نار نفخت بها أضاءت
ولكن أنت تنفخ في رماد


ولا ابرئ نفسي

سلامات دياب

د اسامة
مساء الرياحين
شكرا علي المداخلة
اردت من الرماد ان يتحول ألي عجينة لسد ثغرات النسيج الموتوفر هنا
دمت بخير

[تغريده]

المشاركة الأصلية كتبت بواسطة بابكر عباس

نوع البوست دا، بزيد نمطية الحوار وممكن يساهم في تأطير ضرورة الرد على كل المتداخلين وبالدور حتى لو يكن هناك إضافة!
ناخد مثلا مداخلة تغريدة في بوست فتح العليم:
تغريدة جات إترحمت على الأطفال الموتى، وتفترض لازما على صاحب البوست أن يشكرها على المرور؟؟ صحي الناس الردّ عليهم صاحب البوست هناك لم يضيفوا شئيا، لكن ما في شئ بلزم صاحب البوست بالرد على المشاركات إن لم ير في الرد عليها إضافة ودي يا ها المفروض تكون القاعدة
يعني الزول يفتح بوست للحوار؛ يبقى في التفكو من تقديم الشربات والتوصيل لخشم البيت!
أنا غايتو لو كتابة الزول ما خطيرة، لا بقراها ليهو ولا برد عليها...
وداك الخزان والنيسان

مساء الخير عليك يابابكر تانى

الكاتب قطعاً عندما قام بفتح البوست لديه وجه نظر معينة وعايز الناس تشاركوا وتناقشوا فيها فالردود يجب ان تنبع من احساسناالحقيقي ويجب أن تكون السبب لـ ايصال افكار معينه للكاتب
ومناقشته في جانب معين لكن برضوا الكاتب مفترض يتوقع أى نوع من الردود والمشاركات لانه لكل فرد من المتداخلين زاويه ووجهة نظر معينه تختلف عن غيره وفى بعد المرات بتكون المداخلات زاتا ماليها علاقة بالموضوع المطروح يلا فى الحته دى هنا تبرز فنيات التحاور وقبول رأى الغير حتى لو كان ماليه علاقة بالموضوع فمن الذوق وليس فرضاً أن ترد على كل متداخل مهما كان نوع مداخلته ولو ابسط أنواع الكلمات (كلمة شكراً) مابتكلف شئ ولابتكمل الحبر ولا بتخسر الورق
آخد ليك مثال المشاركة بتاعتى زاااااااااااااااااااتا

حقيقة مؤسف ولكن قدر الله وماشاء فعل ونحمد الله على نعمة علينا التى فى كثير من الأحايين نغفل عن الحمد والشكر لله عليها
أسأل الله العلى العظيم أن يتغمدهم برحمته الواسعة ويلهم آلهم وذويهم الصبرويؤجرهم فى مصابهم


بعتزر ماعرفت أجيب المداخلة كما هى

العيال ديل ماماتوا الله يرحمهم بس انا لما قرأت الموضوع تبادر إلى ذهنى فوراً النعم النحن فيها عيال صغار ونايمين فى بيت من القش وناس تانية ساكنة فى بيوت الطوب المسلح والعمارات والجو الرطب ووووو.... الخ
طبعا من الطبيعى فى عالم المنتديات دا لمن تكتب مداخلة فى موضوع ما بترجع تشوف الكاتب علق على مداخلتك شنو لانه يمكن يكون فى شئ من الحوار والنقاش أها لما رجعت يابابكر لقيت كل الناس شكروهم وضيفوهم وأدوهم الشربات وانا فطونى رغم أنه تقريباً كل المداخلات متشابهة (وقع ليك كلامى هنا فى الجزئيةدى).
ردود الأعضاء تجعل الموضوع أكثر جمالاً و غنىً والكاتب بيحس انه قدر وصل طرحه وفكرته للناس وبيكون فى جو من التواجد الأخوى الحانى أياً كانت صوره وأشكاله حتى يحبك الآخرون وينتظروا حضورك دائماً ليقينهم بأن البسمة لها رواج فى وجودك والكلمة الطيبة لها وقع فى حضورك ولإدراكهم بأن حضورك دائماً يتبعه حضور الذوق والأدب والمرؤة والخلق الكريم بغض النظر عن أنك كاتب مشهور ومعروف أو شخص مبتدئ يتلمس طريقة فى الكتابة

[تغريده]

فى النهاية الحمد لله يادوب كسبنا لينا شله وسعيدة بكل الناس الموجودين ولهم الشكر والود والتقدير

[دياب الشاهر]

المشاركة الأصلية كتبت بواسطة تغريده

صباحك خير أخى دياب الشاهر

شكراً عميقاً على هذا الطرح والذى أحسبه هاااام للغاية

ليه الواحد لما يكون عضو جديد والناس مابتعرفه مابترد عليه كان كتب بوست أو حتى تداخل مع شخص فى بوست الناس مفروض تشجعه وتحسسه بالترحيب ولا مايعبروه ويحسسوه بأنه دخيل وما من الشلة (كلامى دا عن موقف حصل لى هنا ماأتكلمت ساى )

لعزيزة تغريدة
مساء الورد
شكرا علي المرور

[تغريده]

المشاركة الأصلية كتبت بواسطة أمير الأمين

من حق اى انسان يكون طموح ويسعى عشان يحقق شئ من ذاتو
(نحم كاتب كبير الخ) اهم شئ فى ظنى الادوات المستخدمة للوصول.

الأدوااااااااااااااااااااااااااات

بالضبط وبالتأكيد لأنه فى النهاية الشهرة والنجوميه لنفسه

[حجة امنة]

المشاركة الأصلية كتبت بواسطة تغريده

الأدوااااااااااااااااااااااااااات

بالضبط وبالتأكيد لأنه فى النهاية الشهرة والنجوميه لنفسه

تغريده إزيك؟!

أمشي كدا عامله إسمك السمح دا gap

بتفق معاك في كلامك الفوق دا و بختلف مع بابكر عباس، حق إنو يستحسن صاحب البوست يرد على أي زول دخل البوست، انا عن نفسي بعمل كدا، و لمن أدخل أي موضوع برجع أشوف صاحبو رد لي قال شنو gap
عشان كدا ما بحب أفتح بوستات، لانو الرد متعب و قدر ما تجتهد في الرد مرات بحس بي نفسي ما عرفت أرد
إنتي تعاااالي مااالك اليوما داك سحبتي ردك من بوستي حق رسائل إلى أمي؟!!!gap

معليش يا دياب جيت داخله ليك تووووووش في الموضوع gap

[دياب الشاهر]

المشاركة الأصلية كتبت بواسطة رأفت ميلاد

سلامات يا دياب
شايفكم بتعملوا ليكم فى شلة أنت وتغربدة ود. أسامة نخرتو صاقطة يوازر فيكم وهو مقددا ما مدينا فرصة معاه

أنت يا دياب الشاهر ده أسمك ولّ شهرة ساكت .. وتغريدة بالمرة أحكى لينا .. بصراحة عندى حساسية من المستعار وبختاه بعيد .. ما كسرت العقدة إلا جيجى دى

عمنا رأفت اتابع كتاباتك دوما
أنا أتمني من فهم الجميع ان لاينصب في تناسي الاخر بل حتى ان كان البوست غير موفق فعلي العضوية التدخل ولو بالارشاد ونقد الكاتب من أجل ترقيته بما يضيف للمكان ونفسه
دمت‎ ‎

[دياب الشاهر]

المشاركة الأصلية كتبت بواسطة عبدالحفيظ

الاستاذ الشاهر
لا اود ان احقق لك تنبؤك هذا .
لأن الموضوع الذي أشرت اليه ضمنا و بوضوح هو الحقيقة المرة ليس هنا فقط ولكن في كل المنتديات ، اما ان تتشلشل ( من شلة ) ولديك مشلشلين يشتغلوا معك شيالين أو تتعب نفسك تكتب حيث تشاء دون ان تلتفت للوراء من شاء تداخل ومن لم يشاء فله كامل الحرية ولكن تأكد ان ما تكتبه بمسئولة سيبقى وسينال اكبر قدر من ضربات مفاتيح الكيبورد. حتى ولو ضنو عليك بمداخلة واحدة ..فأبشر ويبدو البوست بتاعك دا حيتلموا فيه اليتيم وابن السبيل

تحية سيدي عبدالحفيظ
شكرا علي الرأي المفجع والمنير في آن معا
دمت

[دياب الشاهر]

المشاركة الأصلية كتبت بواسطة الرشيد اسماعيل محمود

بالنسبة لمنو؟!
سلام يا دياب،،
في رأيي الشللية ممكن تكون في بوستات الونسة والمزاح، ودي حاجة طبيعية لو اعتمدنا علي معايير الإلفة المكتسبة بمرور الوقت، لكن في مواضيع بتجبر الآخر علي التداخل وإبداء رأيه، طبعاً دا بالإضافة لأسلوب طرح الموضوع، وأقرب مثال في بالي هسع، بوست "أغاني البنات، هبوط المفردة يوازي هبوط القيم" للزميلة الجديدة أنجيلا، أوّل ليها بوست، وما بتنتمي لأيِّ شلة، وما أظن بتعرف زول أو بعرفها زول، لكن الموضوع قدر يجذب الناس للتداخل.
ثمّ:
بتخيّل لي الفكرة مربوطة بأشياء عديدة، من ضمنها المزاج، الذائقة الشخصية (خاصة لو كان موضوع أدبي زي القصة والشعر والخواطر الخاصة)، واستحسان الموضوع المطروح وقوّة الطرح، دون إغفال للموود العام للمنتدي.
الشللية كفكرة، حاجة طبيعية، وموجودة في كل مكان، وكل التحالفات (سياسية، إقتصادية، إجتماعية ورياضية) في العالم هي شُلل لسبب من الاسباب، والشللية الاسفيرية ليست بمنأي عن كل ذلك، ولكن ابداً ما بتعني الانغلاق.

تحياتي

اخ الرشيد تحية لك
المزاج اكيد فيصل التصفح لكن الدعوة للالتفاف حول بعضنا جيد برغم ان البعض قد لا يقبل النقد الناصح

المشاركة الأصلية كتبت بواسطة نبراس السيد الدمرداش

سلامات دياب وضيوفك الكرام

ما اظن الموضوع عندو علاقه بالشلليه شوف موضوع عماد علي ودا اول موضوع ليهو كمية المداخلات البتخص الموضوع نفسو كم بعيد عن السجال الكان فيهو بين الجيلي وقيس وعادل مع ملاحظة انو نفس الموضوع تقريبا(لانو الفيديو ما واضح لي) طرحو معتصم الطاهر وهو مشترك من 2005 وبدون مداخله واحده وكميه من المشاهدات

هل انت شاركت بموضوع عشان الناس تتداخل معاك فقط وهل اذا مافي زول تداخل معاك معناها بضاعتك بايره او لانو ما عندك شله
ولا شاركت بموضوع للفائده العامه
طيب ما يمكن المشكله في طريقة طرح وعرض الموضوع
ويمكن الموضوع ما مستهوي الناس
دا كلو مفروض ما يحبطك وتستمر اذا جاوبت على السؤال ادناه
الغايه من تواجدنا هنا شنو؟؟ وبنشارك بمواضيع ونتداخل في مواضيع الغير ليه ؟؟

بت العبدلاب حلفاية الملوك سلام ياجارة ‏
نبرة مداخلتك فيه نوع من التوتر ‏
أنا عممت اشارتي لئلا أتعرض لمثل حديثك هذا ‏
لن اجيب علي سؤالك ولك ان تراجعيه بنفسك المهم شكرا بتنا وبالمناسبة مبروك الزواج ‏
دمت‎

[أبوبكر عباس]

المشاركة الأصلية كتبت بواسطة حجة امنة

و بختلف مع بابكر عباس، حق إنو يستحسن صاحب البوست يرد على أي زول دخل البوست، انا عن نفسي بعمل كدا، و لمن أدخل أي موضوع برجع أشوف صاحبو رد لي قال شنو gap
عشان كدا ما بحب أفتح بوستات، لانو الرد متعب و قدر ما تجتهد في الرد مرات بحس بي نفسي ما عرفت أرد
gap

وبعد دا، مُختلفة مع بابكر عباس؟!
والله، ربنا دا، حتى بلندن عندو قنس حاقات!

[د اسامه]

المشاركة الأصلية كتبت بواسطة رأفت ميلاد

سلامات يا دياب
شايفكم بتعملوا ليكم فى شلة أنت وتغربدة ود. أسامة نخرتو صاقطة يوازر فيكم وهو مقددا ما مدينا فرصة معاه

اخونا رافت سلامات الاولاد والصحة

والله ضحكتني لكن
قلت لي مقددا
اقدد ليها شنو ياخ
هي عاملة زي شملة بت كنيز تلاتية وقدها رباعي
تجي تقول لي مقددا

عارف اكتر حاجة تحير هنا شنو
تجي تلقي واحد فاتح ليهو بوست طويل عريض
زول وااااحد هببو لي مافي

تجي انت الشليق
تقول ترفع من معنوياتو
وتداخل معاهو باي حاجة
اها يقوم يشخت ليك زي الماحصل شئ
والاغرب من كدا تاني البوست الفتحو بي جنبو ما بجي

اها عليك الله دا ما حالة مستعصية
واخير منها العرس

[د اسامه]

المشاركة الأصلية كتبت بواسطة طارق صديق كانديك

ما عصرت علينا شوية يا دكتور؟

سلامات اخونا كانديك الصحة والاخبار

انا لكن ما عصرت علي تولا دي معاكم
دا ما بحلني

عارف الموضوع دا يكون اتفتح دشليون مرة

والعقرب في نبلا(لي ناس الشهادة العربية النبل هو النتحpulsation)

عارف الموقع دا علشان ما يحصل ليهو
موات سريري clinical death
ونقعد ندق السكليب علي ونترمد
ولو فعلا نحن بهمنا امرو وبنحترموا
في وصفة بسيطة وما صعبة
وفي مقدور اي واحد مننا

كالاتي
اي واحد اداخل مع التاني في موضوع ما
يجي راجع ويرد علي الزول الرد عليهو

يعني ما يكب ليهو كلام ويمشي تاني ما يجي
وبي كدا بنخلق التواصل المطلوب ومعاهو تجي كل الحاجات التانية من محبة وغيرو


ودا بدون ما نلبس توب اهميات ونفخة في الفاضي والمليان
ونترفع علي المداخلة مع دا وداك
بحجة انا اقدم منك وانت برلوم
وهو دا زاتو منو
والكلام الماجايب همو دا
ولا النوع العامل فيها عارف كل حاجة داك
ويجي داخل سلام الله دا ما يديك ليهو
صدقني الفهم بلا التواضع ما عندو قيمة
وببقي زي ما بقول المصريين
نفخة كدابة
وعمرنا ما حنقدر نتواصل مع بعض لو ما كل واحد مننا خت الكورة في الواطا دي
وقال يا لطيف

مع كامل تقديري واحترامي للجميع

[رأفت ميلاد]

المشاركة الأصلية كتبت بواسطة د اسامه

عارف اكتر حاجة تحير هنا شنو
تجي تلقي واحد فاتح ليهو بوست طويل عريض
زول وااااحد هببو لي مافي

تجي انت الشليق
تقول ترفع من معنوياتو
وتداخل معاهو باي حاجة
اها يقوم يشخت ليك زي الماحصل شئ
والاغرب من كدا تاني البوست الفتحو بي جنبو ما بجي

اها عليك الله دا ما حالة مستعصية
واخير منها العرس

[تغريده]

المشاركة الأصلية كتبت بواسطة حجة امنة

تغريده إزيك؟!

أمشي كدا عامله إسمك السمح دا gap

بتفق معاك في كلامك الفوق دا و بختلف مع بابكر عباس، حق إنو يستحسن صاحب البوست يرد على أي زول دخل البوست، انا عن نفسي بعمل كدا، و لمن أدخل أي موضوع برجع أشوف صاحبو رد لي قال شنو gap
عشان كدا ما بحب أفتح بوستات، لانو الرد متعب و قدر ما تجتهد في الرد مرات بحس بي نفسي ما عرفت أرد
إنتي تعاااالي مااالك اليوما داك سحبتي ردك من بوستي حق رسائل إلى أمي؟!!!gap

معليش يا دياب جيت داخله ليك تووووووش في الموضوع gap

الله يسلمك من كل شر وتتفضليه طوالى

بالنسبة للمداخلات بتاعتى فى البوست بتاعك نعم حذفتها وبعتذر منك يعنى كان أخطرك بذلك وسبب الحذف كان مجرد أخطاء أملائية ولغوية وكانو مداخلتين طويلات ولم يسعنى الزمن حتى أتمكن من التعديل ولا شئ غير ذلك وجيتك فى البوست وعلقت تعانى

ومشكورة ياحجوجة ياظريفة