سلامات،
ده نسميهو شنو أسّي؟أقووول نسميو عكلتة متل عكلتة خالد غالي مع اشتر
أسي وكت يجو يشلخوا الواحدي بمسكوها ويشلخوها كدي من غير مايراعوا الحتة الجمالية كانوا؟ بس اهو انتي شايقية ولاجعلية ولا محسية ولا خلافو؟اكيد لا الدليل انو الشلوخ قدر ماكانت غريقة كانت اجمل في مفهومهم وياما تغنوا ليها
انا امي مامشلخة مثلا وده كان مشكلة كبيرة في زمنا لانها كده بتكون فقدت واحدي من بونتاتا في مقياس الجمال الزمن داك
وده زاتو خلاني اتساءل ليييه ماشلخوها؟كان مفترض تتشلخ عشان يعرفوها محسية ولاكيف؟ لكن اهو المفاهيم بدت تتغير كان الماركة المسجلة للقبيلة وبقى المرغوب الخديد السادة
حتة انها ترمز للانتماء دي من اوّل ذُكرت اما الحتة الجمالية دي كان فكّرت فيها بتلقاها قااااعدة في مفهوم الناس ديل
ودق الشلوفة بالله افردوا ليهو مساحة تستحق الالم البصاحبو بالله
