يا أهلنا إنتو معزومين زواج (شقيقتنا)

[ناصر يوسف]

إزيكم ونعلكم طيبين

الجمعه القدامنا دي

4 مايو

عقد قران شقيقتي

نازك يوسف

العقد بعد صلاة الجمعه

وبعد العقد عندنا رببببببببببببببببببببه

ووالله العظيم حيكون عندنا غداء للجميع علي الرغم من إنو الدعوه (عشاء)

أها والمساء برررررضو عندنا ربه كااااااااااااااااااااااااااربه

أها تجوا ولا نجي ؟؟؟

وباكر الخميس 3 مايو طبعاً ما تنسوا زواج أخوكم معاويه


المكان:

أمبده شارع الجميعاب

الحاره خمستااااااااااااااااااااااااااااشر

والتلفون عندكم

[imported_رأفت ميلاد]

ألف مبروك يا ناصر

زواج ميمون ومبارك
تغلبو بالعيال ويغلبا بالمال

ورباتكم (المراكبية) دى مقبوووووولة

ربنا يهنيهم

محبتى

[imported_عماد بشير حامد]

[media]D:\mymouzsudan\البنا العديل والزين.wma[/media]


الاخ العزيز ناصـــر

ان شاء الله زواج مبارك وتغلبه بالعيال ويغلبها بالمال

وده نصيبى في الربة الكاربة

[بابكر مخير]

مليون، دشليون مبروك
ما عارف سفري إتقدم ولا عرسكم إتأخر؟
ما ليك علي دين!!! واجب سدادو
إنشاء الله الحبيب تفرح بي عرس الحليوينة ست الصورة

[imported_حمدي اب جقادو]

[align=center]ابقي شيل لي نصيبي في التلاجه يالمدردم

ملييين التباريك لي نازك[/align]

[align=center][/align]

[imported_أبو حازم]

الحبيب ناصر

نقول مقدماً مليون مبروك لست الحسان نازك
ونسأل الله أن يجعله زواجاً مباركاً وسعيداً..
وأكيد يا ناصر لو كنا في السودان كنا لبينا الدعوة..
عموماً مبروك مرة تانية ووا أسفاي على غدوة طقت..

[imported_Garcia]

الأخ العزيز وديوسف
الف مبروك مقدما وربنا يفرحهم ويسعدهم وبالرفاء والبنين ..
وكنا نتمنى أن نكون معكم بأرض الوطن حتى نقاسمكم الفرحة ..
وتهانينا الحارة للعروس ولأسرتك الكريمة ...

[imported_omrashid]

مبروووووووووك وبخيت

لكن ما قلتو لي حق التداكر علي منو

[imported_صلاح نعمان]

وغنت ليكى البنيه يا دهب الوقيه ...
ألف ومليون مبروووك والمنى بالمشاركه .... وللعروسين كل الامانى الذاكيات الطيبات

[imported_معتصم دفع الله]

تهانينا القلبية صديقي ناصر ..
وعقبال كل الحلويييييييييين ..

أفراح دائمة إن شا الله ..

[imported_سوميا غالي]

الاخ والعزيز جدا جدا جدا ناصر يوسف
سلامي لنازك يوسف وقول ليها بيت مال وعيال وربنا يهنيكم وسلامي للرائعه سميه فرج الزاكئ وبوسه للصغيرون الما شفناهو

[ناصر يوسف]

الأحباب الأعزاء

سلام


رأفت يا ميلاد

قالوا المراكبيه عدوا المالح

إزيك يا جميل

مافي مشكله نجيب ليك بتك رحيق تعرس ليها عندك هنوووووووووووووك

أها رأيك شنو

عماد بشير

شكراً ليك وشكراً علي الهدية علي الرغم من إنها ما أشتغلت معاي
خليها بجيها بي روااااااااقه

د. بابكر مخير

يا عاشق التبغ سلام

تعرف لو كنا إتلاقينا علي حسب وعدنا السابق بعد زواج إبنة أخيك

كان نسقنا مع بعض أكتر

عموماً الجايات أكتر من الرايحات

وبالمناسبه دي في مثل كده قاعد لي في حلقومي وما داير ينبلع لي

الجفلن خلهِن أقرع الواقفات

:

جقجق يااااااااا سجم الرماد

هو بالله إنت حي ؟؟ ولا حي ووووووووووب

أٍمع ياتو تلاجه دي وياتو نصيب ؟؟

يا أخوي نحن ناس مشلعيب وكاب دلو ساااااااااااااااااكت وبعدين أنواع حاجاتك ديييييييييك والله ما عندنا عشان نخلي ليك منها نصيبك ونحن ناس (مولانااااااااااااااات) وكده


أبو حازم وجارسيا
الجميلين

ليتكم لو كنتم معنا هنا حقيقة لكم الشكر والتقدير والإحترام


أم رااااااشد
زعلااااااااان منك

تجي البلد وما تدينا خبر عِلا نسمعبك غادرتي إلي بلاد الواق واق؟
ما عندك مشكله التظاااكر علينا ليكي وللعيال وأبوهم ظااااتو كمان تحياتي ليهم وربنا يحفظكم ويغطي عليكم

صلاح نعمان وبما إنك من ناس هني يبقي حضورك هااااااام وعاااااااجل وضرووووووووري ولا مو كدي

جيت جيت ما جيت بنزل فيك مقال صحفي يعصف بمستقبلك الصحفي ظاتو
ههههههههههههههه

معتصم دفع الله

وييييينك يا زول بركه الطليت بي جاي
وعقبال ما نسير من القلقاله لي بلاد عروستك القادمه الما عارفنها هي منو ووين


سوميا غالي
يا بت البيت
إزيك ونعلك عافيه وطيبه تب

بارك الله فيك وسلامك وصل

وأبقي طِلِي علينا يا زوله
وبعدين مرحبتين حبابك فوق بطن بيتك سودانيات ومعليش لي فتره كده بدخل علي باب بيتنا طشاااااااااااش طشاش

[imported_يسرا مصطفي]

ربنا سهل ويتم علي خير وعقبال العزاري والحياري والقلوب الباره والبايرين والمشوكشين والمكسرين رُكب ومالاحقين

[معتصم الطاهر]

الف مبرروك نازك .. 39

ويا ناصر الفيك اتغرفت

[imported_haneena]

ألف مبروك لي نازك يا ناصر
ربنا يتم ليها على خير
و يفرح العرسان ببعض
و يديهم ذرية تملأ حياتهم

بيننا تليفون

على جنب..
ياأ خواننا إنتوا الشتاء دة مالو؟
نجي بي عندكم نلقاهو ناااشف