حتجي الحلوة الغمام ...

[imported_الشريف الراقي]

[align=center]حتجي الحلوة الغمام

وتحجب الشمس البتحرق كل تفاصيل الكلام

وترش عبيرها فوق قلوب صابها الهيام

يا مطر من كل عام

يا مطر غطى البلودات بي الغرام

يا مطر شق الزحام

واشتقت ليك ...

صليت على طرف الفريق بي ركعتين

وقلبت توبي الكان علي ...

وسدرت راجع لي البيوت بي خطوتين

وبديت أفتش لي الغمام

ألقاه وين ..؟

وأنا في رجاه

مصلوب على خطوي القبيل

لا قدرت أوصل لي الفريق

لا قدرت أعرف لي دليل ..!! [/align]

[imported_jezabell]

[align=center]يا ود سلام..
مريت علي قيفك ورود..
نزلت سعن الريد هيام..
غرفت ما خليت حنين..
ومليتو من دفقك تمام..
ادفق..
حروفك بسمتي..
والبسمة نور يمسح ضلام..
الكون قرف..
بس نغلب الهم بابتسام..[/align]

[imported_منال]

المشاركة الأصلية كتبت بواسطة الشريف الراقي

[align=center]
ألقاه وين ..؟

وأنا في رجاه

مصلوب على خطوي القبيل

لا قدرت أوصل لي الفريق

لا قدرت أعرف لي دليل ..!! [/align]

ماأصلو قبلك كان بريد نجمايه فى قــلب الســمــا
يرجاها من عصرا بعيد فى تقنت الشوق النـمـا
يشقى ويشق صدرو الاسف تبقى دنيا مغيمه
وكان الفرح يملاهو يوم يلقى القمر غاب وأحتمه
ماقصدو بس داير يشوف النجمه واضحه معالمه
يابانه كان بالجد قنوع تكفيهو شوفت الملهمه
من الظهور حتى الإفول عينيهو ما بينومــــــه
كان من بعيد بيسالمه فرحان سعيد بيكالمــــه
لكن محال ينتم حـال جه الشوق ملك قلبو وعمه
وبدا الودار يومو القال النجمه لازم يوصلـــــــه


وآخر محاولة للوصول كانت رحيلو مع الشعاع
إستنى فى الليل القمر ساب الأرض مقدار ضراع
وإستنى قارب الهم رسى فى مشرع الشوق المطاع
مسك الشعاع وبدا الطلوع بين الغيوم كان خبرو شاع
جات غيمه من بلد العشم سايقاها عاصفه من الوداع
قطعت خيوطو الماسكه واتهاوا فى لجج الضــيـــــاع

[imported_منال]

المشاركة الأصلية كتبت بواسطة Rasha Hatim

[align=center]
مريت علي قيفك ورود..
نزلت سعن الريد هيام..
غرفت ما خليت حنين..
ومليتو من دفقك تمام..
[/align]

وعشان بريد من قلبو جد لقالو فوق اللجه طـــــوف
عيدانو من شجر الوفاء وحبالو من غالى الحروف
وداهو لى ساحل الندم وراهو فى العشاق صـنوف
قاليهو فكر ياقلب قاليهو عيد المـــاضى طـــــــــوف
إتواره غاب طوف النجا خلاهو فى إيــد الظــــروف
فتح عيونو مع المساء شاف النجم دانى القــطوف
بكى وابتسم وعرف صحيح انو البعيش لابد يشوف

لو كان رجى الأقدار تجى وخلى القياده على الزمان
لو كان عرف انو البسير فوق الدرب يوصـل ضمان
مكان شقى القلب الودود و يابانه ماكان اللكــــــان
وصيتى ليك لمن يقوم غصنك جــديــــد إتــمهــــلى
أوعك تكررى محنتك أوعك كمان تستعجـــــــلى
بلاتروحى وتتعبى الغـــيث يجيــكى من العـــــلى
ولو انتى مــديت الصـبر حتى النجــم تتناولــــى

واخيرا ساهل جدن تقولى

[rams]http://www.alnsri.com/upload/uploads/33333333333333333.mp3[/rams]

[imported_الشريف الراقي]

المشاركة الأصلية كتبت بواسطة Rasha Hatim

[align=center]يا ود سلام..
مريت علي قيفك ورود..
نزلت سعن الريد هيام..
غرفت ما خليت حنين..
ومليتو من دفقك تمام..
ادفق..
حروفك بسمتي..
والبسمة نور يمسح ضلام..
الكون قرف..
بس نغلب الهم بابتسام..[/align]

[align=center]تعظيم سلام

لي الساكنة في جواي شرود

هبشتي بي سعن الحروف إحساسي بيك

وعصرتي بي لهفة سؤالك

سر حنيني الباكي فيك

وراجياني ادفق عليك

وأنا من زمن مسكوب على عمق المسافة الفيني ليك

لميني يا بسمة صباحي المشتهيك

لميني ليك

وأنا جاي ليك ... جاراني أشواقي

البقت رابطة إحساسي المكسّر فيك من زمناً قبيل

لا قدرت الأحرف تقولو ولا الحنين فارقني ليل ..

لميني ليك [/align]

[imported_الشريف الراقي]

[QUOTE=منال;115880]ماأصلو قبلك كان بريد نجمايه فى قــلب الســمــا
يرجاها من عصرا بعيد فى تقنت الشوق النـمـا
يشقى ويشق صدرو الاسف تبقى دنيا مغيمه
وكان الفرح يملاهو يوم يلقى القمر غاب وأحتمه
ماقصدو بس داير يشوف النجمه واضحه معالمه
يابانه كان بالجد قنوع تكفيهو شوفت الملهمه
من الظهور حتى الإفول عينيهو ما بينومــــــه
كان من بعيد بيسالمه فرحان سعيد بيكالمــــه
لكن محال ينتم حـال جه الشوق ملك قلبو وعمه
وبدا الودار يومو القال النجمه لازم يوصلـــــــه


[align=center][align=center]مسكين قليبي ما هو عارف الشوق بنوح

وما هو عارف سكة الأفراح جروح

خليه استنا القدر اسقيه من عطشو وإروح

ولا من إروح وألقى البراح مليانة بي الهم البلوح

برجع بجي راجي السماح ما أصلو قلبي ليه سوح[/align][/align]

[imported_طارق صديق كانديك]

يا سلااااااااااام

شعراً ماااا عندنا ليه رقبة ... !!

يكفينا التأمل بانشراح ...!!

[imported_jezabell]

المشاركة الأصلية كتبت بواسطة الشريف الراقي

[align=center]تعظيم سلام

لي الساكنة في جواي شرود

هبشتي بي سعن الحروف إحساسي بيك

وعصرتي بي لهفة سؤالك

سر حنيني الباكي فيك

وراجياني ادفق عليك

وأنا من زمن مسكوب على عمق المسافة الفيني ليك

لميني يا بسمة صباحي المشتهيك

لميني ليك

وأنا جاي ليك ... جاراني أشواقي

البقت رابطة إحساسي المكسّر فيك من زمناً قبيل

لا قدرت الأحرف تقولو ولا الحنين فارقني ليل ..

لميني ليك [/align]

[align=center]لميتو خطو الريد وقوف..

ووقفت ليك..

قومت نفس الفيني شوق..

والقومة ليك..

هدهدت احرف لهفتي..

وغطيتا بكفة ايديك..

كتبت في ريدك غناي..

وقليبي كم اتغنى بيك..

وانا بيك ماليني الحنين..

واااا شوقي لضحكة عينيك..

عاجباني فيك رقة وحنان..

وبسمة صباح انا عشتو فيك..

وضلامي محتاج ليك نور..

وليلي كم فتش عليك..

ما تقول دروبنا حتبتعد..

طول الطريق بقصر اليك..

وانا ليك بمشيها السنين..

يا ود اكييييييد..

مفتونة بيك..[/align]

[imported_الشريف الراقي]

المشاركة الأصلية كتبت بواسطة Rasha Hatim

[align=center]لميتو خطو الريد وقوف..

ووقفت ليك..

قومت نفس الفيني شوق..

والقومة ليك..

هدهدت احرف لهفتي..

وغطيتا بكفة ايديك..

كتبت في ريدك غناي..

وقليبي كم اتغنى بيك..

وانا بيك ماليني الحنين..

واااا شوقي لضحكة عينيك..

عاجباني فيك رقة وحنان..

وبسمة صباح انا عشتو فيك..

وضلامي محتاج ليك نور..

وليلي كم فتش عليك..

ما تقول دروبنا حتبتعد..

طول الطريق بقصر اليك..

وانا ليك بمشيها السنين..

يا ود اكييييييد..

مفتونة بيك..[/align]

[align=center]يا بت ...

جاني خطو الريد صباح

لابس عبير نفسك وشاح

لو شفتي كيف

يا روعة القول المباح

لما العشق جواك صاح

وا لهفة الشوق والنواح

وا ضيعة القلب الأباح

لو ما شرب من حضرة القمر الصبوح

وأنجّم في ضلكِ رواح

آه يا اعتراف خطو البراح

مسداري ناح [/align]

[imported_منال]

المشاركة الأصلية كتبت بواسطة الشريف الراقي

[align=center][align=center]مسكين قليبي ما هو عارف الشوق بنوح

وما هو عارف سكة الأفراح جروح

خليه استنا القدر اسقيه من عطشو وإروح

ولا من إروح وألقى البراح مليانة بي الهم البلوح

برجع بجي راجي السماح ما أصلو قلبي ليه سوح[/align][/align]

ورجياني أجيب ليك الشمس
طالقنى فيك عكس الهوي وسابقانى
بى فسراع .. وامش
نقرشتى قلبى عشان يكون
يوم مهرجان سعفك .. برش أنا ما انقدت
حب العيون لا من يحاجينى الرمش
ساعالى ناموس الشجون
وحامانى بى غنواتى اهش
مابين مرايات الظنون
فيك كل مرة بلاقى وش
فانوس رؤاى والشوق عطش
وصقعالى بى داك السحاب بار البروق
وأوعاك تطش
ولا همسة يا بنية الغمام
الرش واديك مندهش
ليش لا قبض شت الغرام
طيروا فيك سوالو عش
نوبة المجاذيب اترخت
ودرويشي ينقز مندرش
وانا روحى تقابة بخت ليها الله
لى رب العرش
فى الضلمة لسه بنات نعش
يابنية بارى العنقريب
ضارب العريجي مجرد غش
فى سكة الشوق الخبيب
إندهدهت راجى الهوا
وعود التباشير يملأ طيب
ينفخ مزامير الهوى
وعلى نقرة العشق الرهيب
تصدح معانينا السوي
وتسكت زنازين الوجيب
وانا بيكى ببقى الكون ندى
وكل المواسم همبريب
لا ريدة تتحترب صدا لا ظن
حبيب فى حبيب يخيب
العمر بالبسمة إبتدأ والصرخة
ما صرخة نحيب
صرخة اريحية ورضا
وأنا راضى بي ذكراك نصيب
بقبقتى بى ريح السراب
يا بنية ما اكتر من بشر فى خير وشر
يختى ويصيب
يسعدنى اكونك من مطر
ما شرط طينك يستجيب
المهدى وين المنتظر عز الكدر
غير فى الحبيب
دي الكتمة
وكشر المطر
حوش الربيع الهمبريب

[imported_AMAL]

[align=center][/align]
[align=center]
ياراقي ياهمس الكلام
طال الغياب
حزن السحاب
وسؤالنا عنك
والملام
اهطل يامزن
وخلي البنيات يرقصن
رقص الحمام
واظهر
يبين وشيك
بين الزحام
غيمة فرح
وبذرة وئام[/align]

[بابكر مخير]

كمين يوم
وعيني بترفني
أقول حا أشوف حبيب
ولا دآ بس إحساسن غريب
.....
أتاريك بي هنا يا شريف
طيب!!
أنا كتا وين؟؟؟؟؟؟؟؟؟؟؟؟؟؟؟؟؟؟؟؟؟

[imported_AMAL]

المشاركة الأصلية كتبت بواسطة Babiker Mukhayer

كمين يوم
وعيني بترفني
أقول حا أشوف حبيب
ولا دآ بس إحساسن غريب
.....
أتاريك بي هنا يا شريف
طيب!!
أنا كتا وين؟؟؟؟؟؟؟؟؟؟؟؟؟؟؟؟؟؟؟؟؟

[align=center][/align]

[align=center]بنستدعي فيه يا بابكر طول شديد[/align]

[ناصر يوسف]

[align=justify]هذا والله لغناءٌ لطيف يوزن عصب الروح من أقلامكم جميعاً أراها الموسيقي تنساب في مسامِ الرُح شكراً أنيقاً مُهَذَبَاً لبوحِ أقلامكم هُنا [/align]

[بابكر مخير]

المشاركة الأصلية كتبت بواسطة AMAL

[align=center][/align]

[align=center]بنستدعي فيه يا بابكر طول شديد[/align]

[align=center]والله يا آمولي لو تورينا مشتلك دآ وين[/align]