خريطــــة جغرافيـــة لأعضــاء ســـــودانيات

[خالد الأيوبي]

أنا أتصلت بخمسة أشخاص و أتاني أتصال من سبعة أشخاص ...شفت كيف ؟؟؟

يعني يا أمين حســـابك بالســالب و مطلوب بلغة المال ... أو . بلغة كاس العالم ليك خمســـة أهداف و عليك ســـبعة

أما أنا فحســـــابي أيضـــاً مديون ... و لكن علي ثلاثة أهداف نظيفـــــة .. دون مقابل...
(القون) الأول من د. أبو قنات .. والثاني منك يا كابتن (زيدان) أما الثالث فكان من صديق يســـــجل غياباً هذه الأيام ليس من ساحة المنبر هنا فقط بل حتي من ساحات تواصلنا معاً .... ولكنه إتصل بي ، بعد هذا البوســـت.
إلتقينا و تزاملنا و تصادقنا الطيب بشـــــير وأنا ، لعدة ســــنوات، في ولاية مينيســـوتا. كان هو في مينيابولس العاصمة و كنت أنا في روشــستر - تفصل بينهما ســبعون ميلاً .. لكنها لم تفصل بيننا أبداً ،، كنا نلتقي بقدر ما نريد و نشــــتاق للقاء و بقدرما كنا نمارس نشــا‘طاتنا الثقافية و الإجتماعية في روشستر التي إشـــتهرت بتلك البرامج و الأنشــطة لفترة طويلة. كنت رئيس الرابطة و كان الطيب قطب الرحي و روح العمل. كل مناسبة وطنية، دينية ، إجتماعية كنا نحتفل بها في روشستر ( المدينة التي أحببت) و كنا نلققي فيها.
حتي عندما إنتقل الطيب شمالاً إلي ســانت كلاود للدراســة، قال عربتانا - عربته و عربتي - ( وأيه يعني ؟) . و فعلاً أيه يعني أربعة ساعات مع شوارعهم الجميلة دي . الطيب ســـبقني إلي المنابر الأســـفيرية و دلني علي الطريق إلي (حوش بكري) ،.. وكان يناديني بـ زميلي في (برد مينيســوتا القارص) و (قراية الكبر) .
ذهبت إلي ســاح العاج لأعود و أجده يحزم حقائبه موداعاً (برد مينيســوتا القارص ) وينشـــد مواصلة (قراية الكبر) في ولاية فلوريدا .... وبعدها بشـــهور قليلة غادرتها أنا أيضــاً .... إلي ولاية فرجينيا.
مرت فترة طويلة لم نتواصل فيها أو نلتقي. .. وكلانا يعلم أن ( القراية و الشـــغل و الأولاد) أعذار لا ترقي إلي مســـتوي ما يربط بيننا من ود و صداقة. حتي لو أضفنا إليهــا ( إنتقالي إلي العاصمة حيث الحياة أكثر زخماً و زحماً) أو أضفبنا إليها ( "موحي" الصغيرة آخر العنقود في بيت الطيب - حفظها الله - ) لن ترقي
لذلك أنا ســعيد بهذا البوســت - الذي وضعت فيه عنواني و تلفوني - و بإتصال الطيب بشـــير

[حمدتو]

ما أسعدني بهذا البوست

ما أسعدني باتصال الأخت حنينة

أنا الآن عاكف على تدوين كل رقم جاء به هذا البوست

وفي طريقي إلى الجميع

[حمدتو]

وسعدت جدا بسماع صوت الأخ الحبوب خالد الأيوبي وحرمه المصون الأخت أميرة

وهكذا استطاعت فرقة الساموراي من تسجيل هدف ذهبي في مرمى خالد

[بنت النيل]

أنا ( بنت النيل )

والباقى زى حنينة والمجدلية
ودى

بنت النيل

[خالد الأيوبي]

وسعدت جدا بسماع صوت الأخ الحبوب خالد الأيوبي وحرمه المصون الأخت أميرة

وهكذا استطاعت فرقة الساموراي من تسجيل هدف ذهبي في مرمى خالد

حمدتــو

علي الطلاق دا فاول و ضربة جزاء عديل كدا

ياخي في زول بيتصل الســــاعة ثلاثة صـباحاً . ده ما هدف ذهبي .. دا أوف صــايد ســـــارق عديل كدا . لأنه ثلاثة صباحاً دي مواعيد الحرامية ذاتها

يا جماعــة .. نصيحـــة لله .. ما تدوا تلفوناتكم لي حمدتو ؟ . دا حيتصل بيكم ثلاثة صباحاً

و برغم دا كلو يا حمدتو .... ألف شــــــكر و الله علي هذا الإتصال .. ونحن الأســــعد بســماع صوتك .

لكن أنا من دلوكتي شغال بحســــب الســــاعة ثلاثة صباحاً في طوكيو دي تطلع كم عندنا ...

إحتمال بدل إتصال تلفوني أرســــل ليك منبه مظبوط علي ثلاثة صباحاً

[خالد الأيوبي]

أنا ( بنت النيل )

والباقى زى حنينة والمجدلية

يا بنت النيل......... .مرحب بيك .. لكن

النيل دا من بحيرة فكتوريا لي البحر الأبيض المتوســـــط

قلنا الحد الأدني المدينة و البلد عشـــــان نعرف نختك علي الخريطـــة . والباقي ما عندنا مانع يكون زى حنينة والمجدلية

[Hazim Ateig]

تحياتى لكم ثانيةً
لقد سقط سهواً اسم الزوجه ( أم فراس ) من مداخلتى السابقه و هى العزيزه ( مشاعر سعيد )؛ و هذا ما لزم
منى التوضيح .
لكم جميعاً إعتذارى على هذا السهو ؛ و للعزيزه - الإستعمار - الإعتذار على هذا السهو غير المقصود ( و
الحمد لله جات سليمه و بالتالى سلمنا من حاجات كتيره كدا ...... )
لكم الود و مرحباً بكم جميعاً فى دارنا أعضاء سودانيات و أصدقائهم ؛ مع تحياتى لكل ناس الصحافه
و ابن النوبه الأصيل الاخ نبيل ( الحلفاوى )
حــازم عتيــق

[نبيل عبد الرحيم]

الأخ حازم عتيق
التحية والسلام ولأسرتك الكريمة
أشكرك جدا عل هذا الشعور النبيل وأخيرا وجدت حالفاوى معى فى سودانيات حقيقى أشعر أن روح جديدة دبت فى سودانيات والفضل يعود لبوست للأخ خالد بيومى وأمس تلقيت أتصالين من زمالاء فى سودانيات أتمنى أن تدوم وتستمر هذة الروح الجميلة بين الأعضاء
أشكرك جدا أخى عتيق واتمنى أن نتواصل والمسافة بين أنجلترا وهولندا ليست بعيدة.
لك مودتى وإحترامى
نبيل

[حمدتو]

والله يا خالد القون صحيح مية المية

وانا حذرتكم من أهداف الزمن القاتل

[خالد الأيوبي]

تحياتى لكم ثانيةً
لقد سقط سهواً اسم الزوجه ( أم فراس ) من مداخلتى السابقه و هى العزيزه ( مشاعر سعيد )؛ و هذا ما لزم
منى التوضيح .
لكم جميعاً إعتذارى على هذا السهو ؛ و للعزيزه - الإستعمار - الإعتذار على هذا السهو غير المقصود ( و
الحمد لله جات سليمه و بالتالى سلمنا من حاجات كتيره كدا ...... )
لكم الود و مرحباً بكم جميعاً فى دارنا أعضاء سودانيات و أصدقائهم ؛ مع تحياتى لكل ناس الصحافه
و ابن النوبه الأصيل الاخ نبيل ( الحلفاوى )
حــازم عتيــق

يا حاتم

أولاً آسف جداً .. تصدق أني ما شفت مداخلتك الأولي ... إختفت وسط الأخريان .. و عندما قرأت هذه المداخلة رجعت و ووجدتها.... يعني لو ما كان (أم فراس) ســـــقط إســــمها ســهواً ما كان إنتبهت ... عشــــان تعرف (الإســــتعمار) برضو ليه فوائد

ألف مرحب بالأخ حاتم عتيق و الأخت الأستاذة مشاعر و فراس كمان. و وضعناكم علي الخريطـــة في قلب العاصمة (هولندا) .. مش الريس ســـــاكن هناك ؟؟

[خالد الأيوبي]

العزيزة / أميرة

قالوا
جرسون جديد إشتغل في (بار). أول يوم لاحظ أنه في إثنين قاعدين يشربوا مع بعض. واحد شاب و الثاني راجل كبير شوية. لمن شربوا و سكروا. الراجل سأل الشاب و الجرسون كان قريب منهم بيسمع:
- قلت ساكن وين يا أخ ؟
- أم درمان
- غريبة . أنا برضو من أمدرمان. وين في أمدرمان؟
- في الثورة
- معقول؟ في الحارة الكم؟
- الإطناشر. ليه؟
-لأني أنا برضو من الإطناشـــر . أنا ساكن جنب بقالة الســر بيتنا فاتح علي المدرسة . إنتو وين ليها ؟
- طيب ما أنا برضو هناك. إنتو وين لي بيت حاج مدني أبو كلابيش؟
- حاج مدني ! دا جارنا بالحيطة
- طيب ما نحن برضو جارنا بالحيطة
- بتبالغ عديل ! جاركم كيف؟
- بالجد والله. جارنا بالحيطة ... إنت بيتكم رقم كم؟
- والله ماعارفو بالظبط .. لكن بابنا أخضر كدي .. أظنه الباب الأخضر الوحيد هناك
- طيب نحن زاتنا بابنا أخضر .. وكمان أظنو الباب الأخضر الوحيد ... أقول ليك حاجة ... ما تجي نركب تاكسي و نمشي ســــــوا ...
- جداً ... و الله فكرة هايلة .. يلا أرح

وقاما من مكانيهما و غادرا المكان

الجرســون الجديد جري نحو زميله (قديم في المحل) و حكي له القصة مندهشــــاً . قام الزميل رد عليه:
- ما تستغرب ... ديل ولد و أبوه .. كل يوم بيجــوا يســــكروا ســـوا و يتعارفوا هنا و بعدين ياخدوا تاكسي ويمشــوا البيت ســـوا

أهلي بسودانيات.. كل الحب لكم جميعا‘ ....
أســـكن في مدينة هريندون HERNDON ولاية فرجينيــا VIRGINIA بالقرب من مطار دالاس DULLES - فركة كعب من المطار . زوجي خالد و أبنائي ثلاثة .. ديمة ، محمد و أحمد . تلفوني 17039533666
مرحباً بكل من يمر عبر هذه المنطقة أو قريب منها. و مرحبا‘ بكل من جاءنا قاصداً ..أو غير قاصد .. ( صدفة). ..الدار داركم .

أميرة

أميرة
إنتي باب بيتكم لونو شـــــنو؟

[خالد الأيوبي]

الأعزاء
البوست جميل ورائع ومفيد
والفكره قويه
وحقيقه سيزيد هذا البوست من العلاقه والحميميه عند اعضاء سودانيات وحتى ممكن يكون مرجع رئيسي لأي عضو سيسافر خارج مكان اقامته ويرغب في لقاء اي عضو من سودانيات

بالظبط ،، تماماً .. و كل واحد بلا شــك سيفتح قلبه وداره لجميع أعضاء سودانيات

العزيز مهدي الأمين لك التحية

[خالد الأيوبي]

الإسم : معتصم دفع الله ..
ودا البكتب بيهو في كل المنابر

ودا بنعرفك بيهو عضوا نشــــطاً و مشــاركاً في إجتماعيات الرياض بالســعودية وبالســودان كمان

مقيم في الرياض - المملكة العربية السعودية .. أب جقادو كان مغشوش فيني قايلني في بلاد العم سام ما عارف الراحت عليهو منو ؟ "

أنا ذاتي ما عرف منو ؟ لكن عارف وين ... في غرب إفريقيا دي ..

مرحب بالشــــاب الرزين ... معتصم دفع الله و داوم علي التواصل

[خالد الأيوبي]

و من الدوحــــــة عندكم واحد ... ســـودانياتي تمام

نزار حسن علي

خلوهو في بالكم و في خريطتكم

[خالد الأيوبي]

و

المجدلية ... الأصلية و الأصيلة

شـــــقيقة حنينة

المجدلية ( المعلومات التانية عند المقابلة وجهآ لوجه)

تقيم في دولة الأمارات

وقالت ليكم بالحرف (حبابه ألف) و (نشيله في عيونا و راسنا )

أصيلة ولا ما أصيلة ؟