حبا وحقا وجمال ... للجميع

[كيشو]

المشاركة الأصلية كتبت بواسطة أسامة معاوية الطيب

فكرة البوست ثلاثية الأبعاد
اعتقد أن ضلعها الأول تحقق جيدا وهو الحب المدلوق دا ... وقد والله سعدت به ... حيث لم يكن من طرف واحد !!!
خلي بالكم

الضلع التاني وهو الحق ... ودا شغال عليه اسع ... إعادة صياغة حواراتي السابقة في شكل نقاط ... حتى نقرأ فيها ومعها ما دار وما يدور الآن وما سيدور في الغد القريب ... مستبصرين لا مستنكرين ... آخذين في الاعتبار أن ما كتب بحق وعن حب يجب أن يقرأ بحب من اجل الحق
وكيف لي وأنا اجهد في تجنب الذاتي أن أتفاكر حول أمور تخصنا كمنتدى ، أفراد ، باحثين عن الحقيقة وقراء

الضلع الثالث اللي هو الجمال سيتحقق بكم انتم ... من حيث تعاطيكم مع الحق ... والتجرد في النظر اليه ... وحينها نكون وصلنا " للجميع"
اتفقنا ؟؟

ياخي ريحتني
كنت عايز أسأل عن أصل المسألة؛ لأن الذي فهمته أن الاعتذار لا ينال منها

[جيجي]

المشاركة الأصلية كتبت بواسطة أسامة معاوية الطيب

فكرة البوست ثلاثية الأبعاد
اعتقد أن ضلعها الأول تحقق جيدا وهو الحب المدلوق دا ... وقد والله سعدت به ... حيث لم يكن من طرف واحد !!!
خلي بالكم

الضلع التاني وهو الحق ... ودا شغال عليه اسع ... إعادة صياغة حواراتي السابقة في شكل نقاط ... حتى نقرأ فيها ومعها ما دار وما يدور الآن وما سيدور في الغد القريب ... مستبصرين لا مستنكرين ... آخذين في الاعتبار أن ما كتب بحق وعن حب يجب أن يقرأ بحب من اجل الحق
وكيف لي وأنا اجهد في تجنب الذاتي أن أتفاكر حول أمور تخصنا كمنتدى ، أفراد ، باحثين عن الحقيقة وقراء

الضلع الثالث اللي هو الجمال سيتحقق بكم انتم ... من حيث تعاطيكم مع الحق ... والتجرد في النظر اليه ... وحينها نكون وصلنا " للجميع"
اتفقنا ؟؟

انتهازية واااعية
انعل ابو الدبلوماسية زاتو
والله انت مفروض تكون دبلوماس ومذيع وكاتب وشاعر واي حاجة

[أسعد]

المشاركة الأصلية كتبت بواسطة أسامة معاوية الطيب

يبدو أني في الاتجاه للاعتذار عن سيرتي الذاتية
يقول المثل " الأفضل لمن اعتذر أن يستمر"

اها نلبس الطاقية دي ونعتذر ليك؟
ولا نطنش وانت تقطعها في حنانك؟!

بصراحة كلامك تحته ما تحته من كلام
والزمن العلينا دا اتوقع من اي زول اي حاجة

[أسامة معاوية الطيب]

المشاركة الأصلية كتبت بواسطة وجدي الأسعد الأسعد

اها نلبس الطاقية دي ونعتذر ليك؟
ولا نطنش وانت تقطعها في حنانك؟!

بصراحة كلامك تحته ما تحته من كلام
والزمن العلينا دا اتوقع من اي زول اي حاجة

ياخي والله فضل ليك نص درجة وتبقى شاعر
تحته ما تحته كيف يا وجدي ياخي ؟ انت بي صحك ؟

[الرشيد اسماعيل محمود]

المشاركة الأصلية كتبت بواسطة أسامة معاوية الطيب

ياخي والله فضل ليك نص درجة وتبقى شاعر

بتخيّل لي فاضل ليهو درجة ويبقي نص شاعر

[فيصل سعد]

المشاركة الأصلية كتبت بواسطة أسامة معاوية الطيب

الضلع الثالث اللي هو الجمال سيتحقق بكم انتم ... من حيث تعاطيكم مع الحق ... و التجرد في النظر اليه ... و حينها نكون وصلنا " للجميع"
اتفقنا ؟؟

وصلنا تب .. و لك عاطر التحايا;
عارم الشوق; و كثيف المحبة ..

[أسامة معاوية الطيب]

توجست من أن حديثي الآن عن الضلع الثاني "الحق" ربما يقرأ كمؤثر على سير العملية الانتخابية - هذا وبرغم المؤثرات الأخرى الظاهرة والمخفية - ولكنه مبدئي !!!
بعد إعلان النتيجة ندلف باتجاه الحق !!!

[أبوبكر عباس]

المشاركة الأصلية كتبت بواسطة تماضر حمزة

حلاتو أسامة وهو بعتذر!
بوست لطيف جدّاً، وروح جميلة، عن نفسي أثمنها عالياً خالس وبلصق لك فيها فايف استارز كمان.

صدقي يا طماضر، بحلاتو دي كلها، رافض يعتذر لي أنا؟؟
يا أخي، الزول دا، مرة جرح شعوري

[فيصل سعد]

المشاركة الأصلية كتبت بواسطة بابكر عباس

صدقي يا طماضر، بحلاتو دي كلها، رافض يعتذر لي أنا؟؟
يا أخي، الزول دا، مرة جرح شعوري

يعني لو القيامة قامت الليلة يا ابو الند يا شفاف ;
لا لميت في اعتذار اسامة لا كتبت رسالة الاعتراف
الاخير زي ما اترجاك مبر

[أبوبكر عباس]

المشاركة الأصلية كتبت بواسطة فيصل سعد

يعني لو القيامة قامت الليلة يا ابو الند يا شفاف ;

طبعا يا أبا الند، انت اكتر زول بعرف شفافيتي وحساسيتي من أيام الطلائع في السبعينات، وكيف حنان بابكر بشعرها الآفرو كانت بتغني لينا:
نحن عاشقين مايو يابا
ونحن نٌردد معها:
مايو جات جات للغلابة
وتقول هي:
شمسنا الضواية يا مايو
ونردد نحنن:
نحن روحا وكل شبابا
جيل زي دا، يا نديدي، بتحمل يُجرح شعورو؟

لكن أسامة معاويا دا، عافين ليهو عشان حلاتو

[أبوبكر عباس]

بعدين يا أبا الند، القيامة دي، كان قامت الليلة، كان قامت بكرة، نحن جاهزين، بشفافيتنا وحبنا المبذول للاعداء قبل الاصحاب
خليها تجي، جاهزين.... جاهزين....

[أسامة معاوية الطيب]

المشاركة الأصلية كتبت بواسطة بابكر عباس

صدقي يا طماضر، بحلاتو دي كلها، رافض يعتذر لي أنا؟؟
يا أخي، الزول دا، مرة جرح شعوري

يا حبيبنا انت يصح فيك قول المتنبي
انا عاتب لتعتبك متعجب لتعجبك
إذ كنت حين لقيتني متوجع لتغيبك
فشغلت عن رد السلام وكان شغلي عنك بك


ياخي انا اسي قت تقول لي مداخلتك الأخيرة مخالفة للائحة أقوم أتكلم عن الحق طوالي بغض النظر عن التأثير !!!
كدي راجعا لي معاك عليك الله

[تماضر حمزة]

المشاركة الأصلية كتبت بواسطة بابكر عباس

صدقي يا طماضر، بحلاتو دي كلها، رافض يعتذر لي أنا؟؟
يا أخي، الزول دا، مرة جرح شعوري

أكان أسامة اعتذر ليك، ياها القيامة القامت جد جد

[أسامة معاوية الطيب]

كنت قد وعدت بالعودة لموضوع الحق ... والحق !!! أني في البدء بصدد ترشيح شعار للدورة القادمة
صوتولي وراحو نامو في حضن سيد الوداعة ...وآسفي بليغ لحميد ... اتصرفت في بيت من ابدع ابياتو
كما لا يفوتني اقتراح إطلاق اسم " غزوة ذات المسج" ... على مجمل العملية !!!
تفسير ... غزوة للتدليل على النهج الرسالي ... والمسج الرسالة ذاتا ... والصياغة بصورة عامة للتشبيه بأغنية " ذات الشامة للفنان. " التقدمي" المعروف ... وبهذا نكون استوفينا كافة الشروط !!!
الملاحظ والذي لا يخفى على أعمى أو متعامي أن من اختار لنا (نحن القاعدين ديل) هم الغائبون !!! لو أنهم عادوا من غيبتهم ليختاروا ويبقوا فوالله ربحنا ... وإلا فالخسارة المتراكمة آثارها ابعد وأعمق ... والأيام هي الفيصل
وحينها افضل انتخابات يعمر ساحاتها تلاتين زول قريبين من انتخابات يجيئها بليل مية وخمسين وينصرفون غداة بصماتهم !!! وهنا يحضرني احتفاء العزيز عكود بالعدد وأنا والله احتفي معه متى ما كان صحيا ومعافى وحريصا على الاثراء وطرح الافكار ولكني أقول " افلح إن صدق" !!!
واعتقادي أن من أولى الإفرازات سيكون الاستثمار في الباس ووردات ... الباس وورد الأبيض (يعني الما عندو التكتح كمساهمة في حراك المنتدى والموقع) ينفع في اليوم الأسود !!!
واهو عينكم تشوف
وكت قد طالبت بنشر لستة المصوتين في الانتخابات الأولى وأشار علي " معتصم الطاهر" احد أساطين اللائحة هنا انو (في معنى كلامو) إلا احنس الإدارة ... واهو انا بحنس الان على الهواء مباشرة ... يا سيدتي الإدارة ... المنتخبة ... رجاء ... كشف الانتخابات الأولى ... والتانية ... بعد إعلان نتيجتها بالطبع ( لستة الاسماء التي قامت بالتصويت) - منعا للتأويل الخاطيء - حتى نقف على حقائق اجزم أنها ستفيدنا (كأعضاء ومنتدى وتجربة) نفترض - جدلا- أنها رائدة !!!
واوعدكم أن نضع أمام الاسم الذي جاء للتصويت وبقي اللون الأحمر القاني أحقاقا للحق ... والاسم الذي صوت ومضى لحال مواته اللون الأخضر " مع رمز الشجرة لكليهما" أن أرادوا !!!
الواقع الاسفيري - عندي على الأقل - هو انعكاس للواقع على الأرض
وبهذا فان اليمين العريض باجندته التاجرة كلها قد ربح البيع !!!
اليمين العريض من أقصى اليمين إلى أقصى اليسار
وحزين جداً أن نرى بام اعيننا عجلة منتدى أردنا لها جميعا -تجاوزا - أن تكون خيارا نتعلم فيه الديمقراطية وأسس الحوار والتسامي فوق الذاتي من اجل الموضوعي ... توشك على الانفلات ... وتعود باتجاه أفعال وممارسات وتفاهات الجبهة الإسلامية القومية !!! ومن سخرية الأقدار ان يتم كل ذلك بواسطة اشد منتقدي مشروع الأرض ... لينفذوا كافة أجندته هنا في الاسافير وبحرفية يحسدوا عليها
ثم أن الأحزاب المحترمة لها فضاءها الذي يجب أن تشتغل فيه ... وتطرح أفكارها وتكرس لبرامجها عبره ... لا أن تتداعى للاقصاء متى ما توفرت الشروط !!!

انتهت الخاطرة الأولى
والخواطر تترى !!!

[وهاد ابراهيم محمد]

والله الواحد بقا يفتش للكلام البِحترم ليهو قدر العقل الفيهو
ويلقط فيهو تلاقيط.. (والموسم سوقو كعب يا قول شليل)
واعي لمحنة الصدق يا أسامة..؟!
المشكلة انها محنة بتنقش في كل عصب حياتنا
ونحنا ماشين قاشرين بي روحنا مهلهلة الجوانب دي
(القراءة من الخارج, فن برضو.. والأيام دي انا فنانة جداً)