اقتباس:
المشاركة الأصلية كتبت بواسطة صديق عيدروس
والله برضو الكلام عن الاسباب بيكون مهم جدا
الجيلي قال انو السبب هو الخجل من الاداء السياسي (الشينة منكورة )
والاخت امنة قالت : ل(دواعي التامين)
اما عن رأي الجيلي الاول ،، وفرضية (الشينة منكورة ) فانا اشك في ذلك ،، لاسباب كثيرة ،،، ومنها ان الفاعلين في المشهد السوداني من الجبهجية ،،، بيظنو في انفسهم غير ذلك ،، بل قد قالوها مرارا واكثر من مرة ،، بان لدينا اخطاء ولكننا افضل الموجودين ،،، الكلام ده انا سمعته اكثر من مرة
لكن افضل نسأل ونسمع الاجابة:
هل تعتقدون بانه ليس لهم قبول ووجود في الشارع السوداني ؟
وإذا كانت الاجابة بنعم ،،، فكيف استطاعوا أن يحققوا نتائج جيدة إن لم تكن ممتازة في كل الانتخابات التي خاضوها على مدار تاريخ السودان ؟
كيف استطاعوا ان سيطروا على كل النقابات والاتحادات الطلابية طيلة الفترة الماضية و(بالانتخابات ) ،،، ؟
كيف صبر عليهم الشعب السوداني في خلال ال 25 سنة الماضية ،،، كما لم يصبر على غيرهم ،،،؟
اما ان كان الفرض التاني ،،، وهو ،،، (دواعي التامين) واننا فعلا ،، نعتقد ان هناك اسباب جدية تدعوهم للتخوف والتوقف ،،، فمن غير المنصف وغير الاخلاقي محاولة جرجرتهم الى ما لايريدون
|
----------------------------------------------------------
يا صديق يا اخى نقابات شنو البيسيطروا عليها الجماعة ديل...النقابات منذ نشأتها الاولى كان يقودها اليسار وهو من اسسها..... الاسلامويون لم يتمكنوا الا فى عهد نميرى وعهد الانقاذ بعد ان وجه النظامان ضربة قاضية للاتحاد العام لنقابات السودان واعدام قائده الشهيد الشفيع احمد الشيخ وتشريد قياداته وتجفيف منابعه وتحطيم المؤسسات مثل السكة حديد ومشروع الجزيرة والقضاء التام على كل الصناعات التى نشطت فيها النقابات ....الا يثيرلديك الضحك عندما تسمع ان رئيس اتحاد نقابات السودان هو البروف غندور
بعدين يا اخى القال ليك منو الشعب السودانى صابر عن الانقاذ....طيب الحروب الدارت فى الشرق....دارت وتدور فى جبال النوبة وفى دارفور وفى النيل الازرق ديل شنو ....طيب ديل ما سودانيين...وانتفاضة سبتمبر فى العاصمة 2013 دى شنو
