راكوبة المجادعات.. النمة والدوباي

[مي هاشم]

المشاركة الأصلية كتبت بواسطة طارق صديق كانديك

صباح الخير يا مي هاشم

غايتو الواحد لسه راسو ما زابط ( نعمل شنو مع القهوة الما غالية دي )

اسمحي لي بملاحظة على المربوع الفوق ده ؛ لو كان البيت الأخير في مكان قبل الأخير وينزل القبل الأخير الى نهاية المربوع بزبط شديد

عصر عليك وعلينا غايتو السيد الكاحل ده

تحياتي

صباح الجمال ود كانديك

الحالة لسة راسك مازبط (القهوة دي ما على غلاتا..على اليد البتعملا ياخ)

طبعاً .. سمعاً وطاعة..كلامك صح..بتكون أجود ومحكمة لما تتقري كده..
حأعدّلها هنا..


سيد الناس جميع قمر السّبوع الدوّر
حاكِل قلبي ريدو وفي غرامو إدوّر
الخلاّني مكتول ديمه ألِف وأدّوّر
كاحل مقلة مدعوجه ووشيهو مدوّر



شكراً للاهتمام والقراءة .. وراسك ده عصر علينا شديدgap

بخصوص السيد الكاحل حاكل القليب..الله كريم علي..


الله كريم علي .. اتوجهت صوب توكيلو
من كاحل العيون حاكل القليب بشكيلو
زايد في أزاي هالكني يوت تنكيلو
جهجه فكري تاه عندو العزاب توكيلو


ياخ ده متخصص فيني عديييييييل.. الشكية لله

[مي هاشم]

المشاركة الأصلية كتبت بواسطة عبده سعد

كانديك ناس تماضر (مىِ ) بدور تعريف .
وقولون كلو واضح ناعم لذيذ و لطيف.
الحازقات حروفن فى جودة التوصيف .
زى ضو (البدور ) فى ليالى الصيف .

كانديك يا اللّخو معروف رقيق ولطيف
كاتل الناس حنان ما بدورلو تب تعريف
وطمطم مجنونة شعر ما بتنلحق..عاد كيف؟!!
فايته الناس سنين في النّمة والتوصيف

[جيجي]

حتفضلوا تشكروا في بعض لمتين

يوم شكركم ان شاء الله مايجي
شغل الانت والانا دا ما لذيذ والله
شوفو لينا مجال ارحب
ماحاسدة ولا بقرانة لكن مابضمن الباقي

[مي هاشم]

المشاركة الأصلية كتبت بواسطة جيجي

حتفضلوا تشكروا في بعض لمتين

يوم شكركم ان شاء الله مايجي
شغل الانت والانا دا ما لذيذ والله
شوفو لينا مجال ارحب
ماحاسدة ولا بقرانة لكن مابضمن الباقي

حرام عليك يا جيجي..
هسي ما شفتي غير الشكر بس؟؟ البِكا والكسّير ده كلّو ما لاحظتيهو؟؟gap

ما مشكلة يا ستي..أقترحي موضوع نتجاع فيه..وأهو كده نكون بنتبارى بالصّح..ونشوف المجال الأرجب..

عارفاك لاك حاسدي ولاك بغراني..إلاّ المومضمون شن هو؟؟
السؤال الأخير ده جادي شديد..(مافي وش جادي)..

[مي هاشم]

المشاركة الأصلية كتبت بواسطة قيس الصديق شحاته

البارح مساهِر من جفاهو وصدّو
خاويت النّجِم كمّلْ حسابو وعَدّو
الخلاني صبْر أيّوبنا فايت حدّو
ريد المشتهيهو الانقلب لي ضدّو

البارح سِهِر من فرقو داك الطوّّل
خاويت النّجم باريتو لمّا اتحوّل
الخلاني صابر ومن رزانتو منوّل
مهما الزول جفل بطرى الحبيب اللّول



يا قيس..ماك هين تب.. تعال جاي ياخ..

[تماضر حمزة]

غايتو،
شكلي حأغيّر اتجاه تِكِسِّري ناحية تارق

ماعشان مداخلاتو الرزينة طبعن
ولاعشان تحس بيو بكتب..بررراحة،بررراحة كدا
ولاعشان وصّاف شديد
ولاسماحة الصورة ال ما نص ولافيها ضحكة بالجنبة
ولا القهوة طبعن

بس
بس عشان تعديلو الأخير ل ميّ دا
لأنو وكت قريتا قلت ياخ ماكان تقول الخلّاني بقيت كيت وكيت
انو هو كدا وكدا
بعدين انا بحب الهجمة في النهاية
وحلوة الحتة عند العروب ديل وكت يقولوا الخلّاني.... وتقوم تسال قبال يكمّل أهااا؟
يقول ليك السبب كيت وكيت
أبو دا دوبيت
أموت في الهبنبتة أنا
أهن دا توارد الخواطر بين السمحين زااااتو ( ميّ رغم سماحتك انتي مامعانا)
واوعا تغالطوني

عبده ياخ صباحك نمة ودوبيت وبكرية
و ارجاني

[مي هاشم]

المشاركة الأصلية كتبت بواسطة تماضر حمزة

غايتو،
شكلي حأغيّر اتجاه تِكِسِّري ناحية تارق

ماعشان مداخلاتو الرزينة طبعن
ولاعشان تحس بيو بكتب..بررراحة،بررراحة كدا
ولاعشان وصّاف شديد
ولاسماحة الصورة ال ما نص ولافيها ضحكة بالجنبة
ولا القهوة طبعن

بس
بس عشان تعديلو الأخير ل ميّ دا
لأنو وكت قريتا قلت ياخ ماكان تقول الخلّاني بقيت كيت وكيت
انو هو كدا وكدا
بعدين انا بحب الهجمة في النهاية
وحلوة الحتة عند العروب ديل وكت يقولوا الخلّاني.... وتقوم تسال قبال يكمّل أهااا؟
يقول ليك السبب كيت وكيت
أبو دا دوبيت
أموت في الهبنبتة أنا
أهن دا توارد الخواطر بين السمحين زااااتو ( ميّ رغم سماحتك انتي مامعانا)
واوعا تغالطوني

عبده ياخ صباحك نمة ودوبيت وبكرية
و ارجاني

تماضر عصرتي علي شديد ياخ
يعني هسي أنا أولّف بين خاطرك وخاطر كانديك وأطلع من المولد بلا أي شي؟؟
خلاس بدون غُلات.. بخيت وسعيد gap
أها .. عموماً اتجاه تِكِسِّري واااااااااضح gap.. لن أتحوّل..لن اتزعزع ولا نامت أعين الجبناء


تعالي أجدعي لي حاجة يمكن تولّف خاطري كدي ولاّ كدي

[احمد زين]

المشاركة الأصلية كتبت بواسطة مي هاشم

البارح سِهِر من فرقو داك الطوّّل
خاويت النّجم باريتو لمّا اتحوّل
الخلاني صابر ومن رزانتو منوّل
مهما الزول جفل بطرى الحبيب اللّول

البارح سِهِر ود عيني جافا غميدو
كترساسقي بين خدو وعيونو وجيدو
الخلاني اعقب في الحساب واعيدو
بهرة لونو زي دهبو المزين ايدو

[تماضر حمزة]

يا ميّ هاك
قديم متجدّد

ياميّ قولي للعالي ومَدوّر سورو
زولك بالوله مزرود أظن لا زورو
دوبا وشاشى غنّى وكمّلنو سطورو
أيا كاشف غرامي عليكَ بان مستورو


أحنَّ من كدا ماف

[طارق صديق كانديك]

المشاركة الأصلية كتبت بواسطة تماضر حمزة

غايتو،
شكلي حأغيّر اتجاه تِكِسِّري ناحية تارق

ماعشان مداخلاتو الرزينة طبعن
ولاعشان تحس بيو بكتب..بررراحة،بررراحة كدا
ولاعشان وصّاف شديد
ولاسماحة الصورة ال ما نص ولافيها ضحكة بالجنبة
ولا القهوة طبعن

بس
بس عشان تعديلو الأخير ل ميّ دا
لأنو وكت قريتا قلت ياخ ماكان تقول الخلّاني بقيت كيت وكيت
انو هو كدا وكدا
بعدين انا بحب الهجمة في النهاية
وحلوة الحتة عند العروب ديل وكت يقولوا الخلّاني.... وتقوم تسال قبال يكمّل أهااا؟
يقول ليك السبب كيت وكيت
أبو دا دوبيت
أموت في الهبنبتة أنا
أهن دا توارد الخواطر بين السمحين زااااتو ( ميّ رغم سماحتك انتي مامعانا)
واوعا تغالطوني

تسلمي يا خنساء

ليس هناك مايقال، بس بيني وبينك عايز استغل المداخلة دي وأعمل cc لِ:

وجدي الأسعد
فيصل سعد
ود عثمان

وآخرين من دونهم

[مي هاشم]

المشاركة الأصلية كتبت بواسطة أحمد محمد زين حسين

البارح سِهِر ود عيني جافا غميدو
كترساسقي بين خدو وعيونو وجيدو
الخلاني اعقب في الحساب واعيدو
بهرة لونو زي دهبو المزين ايدو

عوداً حميداً


البارح سِهِرتَ وليلي طال تمديدو
في طيب الخصال فاق المعاو ونديدو
الخلاّ القليب يطرب يزيد ترديدو
سهمو الصّاب حشاي ما بختى في تسديدو

[مي هاشم]

المشاركة الأصلية كتبت بواسطة تماضر حمزة

يا ميّ هاك
قديم متجدّد

ياميّ قولي للعالي ومَدوّر سورو
زولك بالوله مزرود أظن لا زورو
دوبا وشاشى غنّى وكمّلنو سطورو
أيا كاشف غرامي عليكَ بان مستورو


أحنَّ من كدا ماف

جدن..بس أعرفو


يا المسوِّر عالي وبالبيها ماك الخابر
زولتك بالوله تعبانة بس بتصابر
دوبت وشاشت في الفيس هناك ومنابر gap
أرحم مهجتها وكسرها كونلو الجابر


ما قصّرت معاك..

[طارق صديق كانديك]

تسلم ياعبده سعد تسلم ياخي .

أخوك غادروا شيطان شعره الى حين كان ردينا بمربوع.

تكون طالبني ما برضى الدين أنا

ود الزين حبابك بعد غياب .. جاييك برضو ( سوي صبر سديق)

[مي هاشم]

باريت النـّجِم لامن دنالو رحيل
ساهِر طرفي باكي وفي عذابي وحيل
الخلاّ الفواد مكسور وهادّي الحيل
أب سمتاً جميل مايقو الوسيع وكحيل

[مي هاشم]

الشغل عقلي وماخد معاو تفكيري
صافي الود شرب وساقيني بس تعكيري
الحاميني الوسن مانعني من تذكيري
طيفو اليحضن إيديّا ويزيد تسكيري