حد يصحي الجيلي احمد(يوجد حوت)

[عادل عسوم]

قصة محمود بتشبه لحد كبير قصة الفنان العالمي (مارلون براندو)

غايتو لو سألوا محمودك دا عن (مالون براندو) خوفي يفتكروا نوع من أنواع السجاير
تعرف ياوجدي
صحيح محمود حباه الله خامة صوتية فريدة...
لكنو مؤدي فقط...
ومؤدي دي زاااتا لو مالقا ليهو مخرج أو موجه جيد حيبهدل الدنيا...
ودونك ماحدث في حلقة أغاني وأغاني عندما اختلف مع صاحبها عندما أصر بأن يغني أغنية يرى السر قدور بأن عاصم البنا أقدر منه على أدائها!
لن أتحدث عن عدم احترام محمود لفنه ولنفسه قبل ذلك فذاك معروف بالبديهة...
لكن أن لايسعى ولايفكر بأن يطور نفسو فذاك يقدح فيه كثيرا
تسلم

[أسعد]

المشاركة الأصلية كتبت بواسطة عادل عسوم

لن أتحدث عن عدم احترام محمود لفنه ولنفسه قبل ذلك فذاك معروف بالبديهة...
لكن أن لايسعى ولايفكر بأن يطور نفسو فذاك يقدح فيه كثيرا
تسلم

تصدق يا عادل نفس كلامك دا اتقال لي مارلون براندو؟!
زي عينة الجماعة ديل تطوير انفسهم برجعوهو لحتة تطوير ذاتهم في انهم يفعلون ما يشاؤون كيفما شاؤوا ووقتما ارادوا
غير عابئين بردود افعال معجبيهم واقوالهم
نفسو اهم عندو من معجبيه
مارلون براندو اول ايقونة تخاطب الشباب الامريكي بان هلموا الي التمرد
وتحرروا من ثياب ابابكم واجدادكم
فمن قبله كانو مشاهير الفنانين شغالين بمبدآ وقع الحافر علي الحافر من سيرة ابائهم واجدادهم
حتى جاء مارلون وبروحه المتمردة حبب للشباب روح التمرد والخروج عن المعتاد
فكان يفعل ما يشاء وكيفما يشاء ووقتما يشاء
ولكن افعاله كانت في حدود حريته الشخصية بدون ان يضر غيره
http://www.youtube.com/watch?v=AwBc8...eature=related

[عبدالمنعم الطيب حسن]

المشاركة الأصلية كتبت بواسطة وجدي الأسعد الأسعد

تعرف يا منعم
كلامك دا بختصر سيرة المثقف السوداني تماما
المثقف السوادني البشوف الحياة مقياسا لحياته
ودي الفجوة الاتخلقت بينو وبين محمد احمد
وخلتو يمشي للكيزان
لانو الكيزان على النقيض تماما اشتغلوا بفكرة تسويق ما يطلبه المستمعون
وكانوا بخاطبوا عواطف محمد احمد ويداعبو رغباتو
عشان كدة قدرو يكسبوهو
بينما المثقف السوداني كان في غيه وضلاله القديم
ينظر لمحمد احمد بنفس نظارته الكان بقرأ بيها لماركس وديستوفسكي وغيرهم من العلماء والأدباء الاجانب
ما جايبين خبر عن رغبات محمد احمد اللهم الا انه زول مفلس ومفروض يكون عندو قروش

اهو يا منعم كلامك بدلل علي كلامي اعلاه
يا اخوي محمود ما كان بخاطبكم انتو
محمود دا كان بخاطبنا نحن (التالف التربوي) والناس البسطاء
لاننا كنا لا نفقه لمصطفى قولا
فكان محمود هو منارتنا

يا وجدي يا اخوي كلامك بقى ملان فجوات ليه بس
ياخ اقولك 25 الف طالب تقولي مقياسا لحياتك
اقول ليك طلاب في مصر تقول لي محمد احمد
طلاب مصر ديل كلهم محمد احمد همتك
................
الفجوة الاكبر ان الانقاذ كانت ذكية وكسبت محمد احمد
بالله يا سلام
الانقاذ لم تكسب محمد احمد يوما
اذلته واجاعته وظلمته
وقسمت بلده
مافي ولا محمد احمد واحد مع الانقاذ ...
................
بعدين من قال لك ان مصطفى كان فنانا للمثقفين فقط لا ما صاح
مصطفى كان فنان كل الشعب
كنت في اوائل التسعينات عندما ارجع من مصر في الاجازات اولاد الحلة كلهم اراهم يسرقون شرائط مصطفى واعمل فيها ما شايف وبعضهم يستلف ولا يرجع
وبعضهم ينسخ ...
اولاد الحلة اهلي واصدقائي منهم المتعلم وجلهم بسطاء فيهم التربال والطُلبة
والبشيل الطوب والعاطل والشغال في فرن والعندو كارو
دا محمد احمد الحقيقي ولم يكن محمود بيننا
اوعك تقول لي حياتك مقياسا انا اتكلم عن شريحة من الناس وقطعة مصغرة من الوطن هذا الكبير ...
ولو لم تكن تسمع الاستاذ فقد فاتك الكثير وهذه دعوة لان تسمع وحا تستمتع
جلابية شنو كمان
والنقادة قال ...
..................
يا زول هوي محمد احمد دا نحن دائما اقرب اليه من حبل الوريد
وانت باعتبارك محمد احمد انا مبسوط جدا لهذا الحوار لانه يتكلم عن حقك في ان تسمع من تشاء حتى لو كان محمود هذا الاجش
بس لا تحمله اكتر مما يحتمل ...
نحن نعرف معاناة محمد احمد اليومية في حق الرغيف الفطور العلاج والمدارس والاكل الذي اصبح نار
والمواصلات وحقه في ان يعيش في حرية وديمقراطية وعدالة اجتماعية
يا وجدي نحن محمد احمد ذاتو ...

[الجيلى أحمد]

.......

[نبيل عبد الرحيم]

.................................................. .................
قمتى بحذف المداخلة

[نبيل عبد الرحيم]

هذه إسهاماتى فى الحزب فى بريطانيا وفى السودان كنت مندوب الحزب فى المايقوما فى دائرة نقد وساهمت فى تكوين الجبهة الديمقراطية فى المصرية

[نبيل عبد الرحيم]

[AMAL]

والله يانبيل انا زعلانة جدا
كدا ابدا ماكويس
هسي دايرين تصلو لشنو يعني
توقفوا رجاء

[نبيل عبد الرحيم]

المشاركة الأصلية كتبت بواسطة AMAL

والله يانبيل انا زعلانة جدا
كدا ابدا ماكويس
هسي دايرين تصلو لشنو يعني
توقفوا رجاء

.

[أكرم المهاجر]

أمال ..
من يوم وفات كان في البال ..الكر علي الفكرة لكن نسوي إيه مع فر العمل ..
أولاً من تاء تأنيث نبيل الي (دكترة) أسمر ..
أها كلو هين والبتجي منكم ما باباها ...
..
وثانياً تجد دعوتك للأخويين نبيل/الجيلي هوي في نفسي ..
مع التحاور لكن ياليتكم تبتعدون عن الإساءة لبعضكما ..
ركزوا في محتوي البوست ودعونا من الحزب ..فلا أحد يمثل الحزب في منتدي مفتوح ..وكل الأراء المبذولة هنا تعود لأفراد ..
مع الحوار والإختلاف
.
يا نبيل ..
باص عرضي ..
علي ما أعتقد (عنف البادية) له فضل وعي علي كل السودانين ..
وهو القائل
علي أغنية (الطير المهاجر)
هكذا ينبغي أن يكون الغناء السوداني ..
مع أن صلاح احمد ابراهيم بينه والشيوعين ما صنع الحداد ..
وبينه وبين عبدالخالق بحور ميتة وعداء مستحكم ..
.
يا نبيل ..
كدي راجع البوست ..
لتري من حادت ردوده عن موضوع البوست الي غيره ..
.
طبعاً لا يدخل أعلاه في ورد (النصيحة)..
لكن أظن وليس كل الظن إثم ..شئ مفيد للحوار ..
.
نقطه
.
النص ..
يا أمال (محمود) ليس محل (شفقه) .. ويا ناصر لا يحتاج لمحيط (عزلة) ..
يحتاج الي (علاج) ..
.
مودتي لكم جميعاً ..

[ناصر يوسف]

المشاركة الأصلية كتبت بواسطة أكرم المهاجر

ويا ناصر لا يحتاج لمحيط (عزلة) ..
يحتاج الي (علاج) ..
.
مودتي لكم جميعاً ..

؟؟؟؟؟؟

نادر صدقني لو قلت ليك ما فاهم حاجه

[فتحي مسعد حنفي]

المشاركة الأصلية كتبت بواسطة ناصر يوسف

؟؟؟؟؟؟

نادر صدقني لو قلت ليك ما فاهم حاجه

كدي سيبك من فاهم وما فاهم وتعال فهمني انت خاطبت أكرم بيانادر ليه وهل أكرم هو نادر المهاجر؟؟؟؟؟عشان لو طلع ياهو يمين بالله وراهو لامن يوقفوهو لتغيير الاسم بدون الاعلان عن ذلك

[نبيل عبد الرحيم]

المشاركة الأصلية كتبت بواسطة أكرم المهاجر

أمال ..
من يوم وفات كان في البال ..الكر علي الفكرة لكن نسوي إيه مع فر العمل ..
أولاً من تاء تأنيث نبيل الي (دكترة) أسمر ..
أها كلو هين والبتجي منكم ما باباها ...
..
وثانياً تجد دعوتك للأخويين نبيل/الجيلي هوي في نفسي ..
مع التحاور لكن ياليتكم تبتعدون عن الإساءة لبعضكما ..
ركزوا في محتوي البوست ودعونا من الحزب ..فلا أحد يمثل الحزب في منتدي مفتوح ..وكل الأراء المبذولة هنا تعود لأفراد ..
مع الحوار والإختلاف
.
يا نبيل ..
باص عرضي ..
علي ما أعتقد (عنف البادية) له فضل وعي علي كل السودانين ..
وهو القائل
علي أغنية (الطير المهاجر)
هكذا ينبغي أن يكون الغناء السوداني ..
مع أن صلاح احمد ابراهيم بينه والشيوعين ما صنع الحداد ..
وبينه وبين عبدالخالق بحور ميتة وعداء مستحكم ..
.
يا نبيل ..
كدي راجع البوست ..
لتري من حادت ردوده عن موضوع البوست الي غيره ..
.
طبعاً لا يدخل أعلاه في ورد (النصيحة)..
لكن أظن وليس كل الظن إثم ..شئ مفيد للحوار ..
.
نقطه
.
النص ..
يا أمال (محمود) ليس محل (شفقه) .. ويا ناصر لا يحتاج لمحيط (عزلة) ..
يحتاج الي (علاج) ..
.
مودتي لكم جميعاً ..

المحترم الأخ أكرم شوف مافى تأنيث
أولا كامل إحترامى لما تفضلت به .


وأتفق معك أنه لا يوجد أحد يمثل الحزب على صفحات الأسافير ولكل شخص يكتب وجهة نظره فقط.
أنا أحترم كل الأراء حتى مع ينتقد الحزب الشيوعى ويمكنك الرجوع لبوست التوثيق تأبين القائد نقد سوف تجد إحترامى لمن ينتقد الحزب مثل العزيز ختم السر والبدرى وسارة وأميرى

[أكرم المهاجر]

المشاركة الأصلية كتبت بواسطة ناصر يوسف

؟؟؟؟؟؟
نادر صدقني لو قلت ليك ما فاهم حاجه

سوف يكون نصيبي من الخيط ..قضية رد إسم
عودة للإستفهامات
كتبت

في يوم من أيام التذكر ،،، فكرت في الخروج به من هذا المستنقع الآثن ،، وتحدثنا معاً وأخبرته بنيتي أن أقوم بإخفاءه من الناس لفترة زمنٍ قد يطول أو يقصر ،، وأن أبتعد به من الشلة القميئة التي تُحيطُ به من حدبٍ وصوب ،، هؤلاء الذين يضربون حوله سياجاً من التحكمِ في حياته ،،، 
تنهد يومها محمود بآهة من داخل فؤاده ،،، وقال لي : جداً يا صديقي جداً ،،، وكان ساهماً يُحدق في الأفق ،، ينظر إلي اللااااااا شئ ...

فكان ردي في محيط (العلاج) ..
فهو في حوجة للتأهيل النفسي أكثر من طوق (العزلة) ..
وبالمناسبة أجريت تعديلاً في أخر المداخلة ..جعل من السطر الأخير غير مفهوم. شئ في نفسي هاتفني أن الحديث عن العلاج أمر خاص بمحمود وأحبائه مع تأميني أن الإبداع ملك الجميع ..
.
.
والود وزياده يا ناصر ..

[أكرم المهاجر]

كدي سيبك من فاهم وما فاهم وتعال فهمني انت خاطبت أكرم بيانادر ليه وهل أكرم هو نادر المهاجر؟؟؟؟؟عشان لو طلع ياهو يمين بالله وراهو لامن يوقفوهو لتغيير الاسم بدون الاعلان عن ذلك

اسي اجاوب ليك بي أكرم ولا نادر ولا
والله الناس دي بالغت معاي يا أستاذ فتحي
اي حد مجادعني بي إسم ..تألش (كلو ماشي) بتاع (5باب)
إكرام وأكرم ونادر ودكتور
وبعد يومين ما بعيد أطلع عضويه بديله ..
يللا ..المكتوب علي الجبين لازم تشوفوا العين ..