راكوبة المجادعات.. النمة والدوباي

[سجمان]

المشاركة الأصلية كتبت بواسطة عبد المنعم حضيري

الألفين علي تكميلا يا سجمان
إن جيت مرحبابك يا أخو الأخوان
وإن ما جيت ترانا مصنقرين كيمان
عاصرنو البرش فيصل وعبدو كمان

ما قصّرتو تب بالنم ردمتو الهربة
غزّرتو المكان واقفين رويتو التُربة
سجمان يا الحبيب زادت عليهو الكُربة
واتردمن عليو أشواق حبابيب وغربة

[سجمان]

المشاركة الأصلية كتبت بواسطة عبده سعد

سجمان أصلو حالو من ركب الصويان.
ولا بكرم ضيوفو ما طلا قام حفيان .
ومن سنوات مفارق شلة الصحبان.
خلانا وسرح تايه بعيد توهان.

اتعمكن علي هملة وفراق وتِغرّب
والزاد العلي الشوقو زادني تِخِرّب
للصحبان جميع يا عبدو جيت متقرب
ومن زمني الصبي أنا للضيوف متدرب

[سجمان]

المشاركة الأصلية كتبت بواسطة يحي عثمان عيسي

اللــــــــــه هذا البوست رائع شداني هز كياني
هيجــتو المواجع يا حليلو القصيد جــافاني
شردن وفــارقنـي حروفــو يا خلايا مين يلفاني
زاجر مهري في خيولكم يا ريت يجي التاني

أب هجب اللصم دود الخلا البتنتر
ريكة العيش وكت قدح اليتامى اتعتر
شرّفت "ام شِعب" نمك بشوف مقنطر
تسنج فيهو زي غنوات عبيلة وعنتر

[عبد المنعم حضيري]

[QUOTE=سجمان;628452]ما قصّرتو تب بالنم ردمتو الهربة
غزّرتو المكان واقفين رويتو التُربة
سجمان يا الحبيب زادت عليهو الكُربة
واتردمن عليو أشواق حبابيب وغربة
[/QUOTE

كترنا الملام يا غالي ليك العُتبة
ريدتاً في نميمك خلتنا نسكر نَغَبَة
الغربة العبوس أحوالا دايماً صعبة
والشوق والخدار دايما بدورو الشربة

[سجمان]

المشاركة الأصلية كتبت بواسطة عبده سعد

ياسجمان تعال شوف يحى جاك بى قولو.
جاهز تب ركب وإمتطاها خيولو.
والراكوبة فاضية ماب بتكفى ليهو فضولو.
محتاجك ترحب بى جيتو ليك ووصولو.

الليلة أم شعب سجمان رتقه عرشها
بي النمة الصباح زارا النسيم رشرشها
سآلين الكريم للغابو سابو فرشها
يا عبدوش يجو ونقدر نعصرو برشها

[سجمان]

المشاركة الأصلية كتبت بواسطة أبو أماني

السجمان يا أخوي ديمه سادر في نجوعه
ومن درب الهوى .. ما أظن يتم رجوعـه
أكان يحي بيقدر للبدر يرجع لينا سطوعه
يقول لأم ديسا مكنتل تتم ليو ..مشروعه
***********
كاااااااااااااااااااااااااااااااااااااااك !!!

السجمان أخوى الهم رماهو اتلح
والغنا ما بجي كان ما المزاج اتصلح
أم ساقاً مرق بعد انمّسح واتطلّح
خلت قلبي بي موس الحلاقة مفلّح

[سجمان]

حليل الديون ودر يومنا
نجي بكرة إن الله هون نكمل الباقي أعفولنا هوي..

[سجمان]

المشاركة الأصلية كتبت بواسطة اسراء المهدي

اكتب يالفقير وجيب البعيدة اوصافو
التلب الاصيل فهود الغابة منو بخافو
قلبي طش من ساعة عند المغيريب شافو
ودر لبابي والموايق للغمايض عافو

الحارسين سُبُع دار المقرن بيتو
في ام ضبان محل فك الكتر ربيطو
السوا سواتو عند البرنو بي تحويطو
ما بقرعني من ريد المتنى سبيطو


مرحب بالحرف الأنيق..
نورتي ام شعب ومعليش الجات متأخرة أخير من الماب تجي كلو كلو..

[سجمان]

[quote=عبد المنعم حضيري;628459]

المشاركة الأصلية كتبت بواسطة سجمان

ما قصّرتو تب بالنم ردمتو الهربة
غزّرتو المكان واقفين رويتو التُربة
سجمان يا الحبيب زادت عليهو الكُربة
واتردمن عليو أشواق حبابيب وغربة
[/QUOTE

كترنا الملام يا غالي ليك العُتبة
ريدتاً في نميمك خلتنا نسكر نَغَبَة
الغربة العبوس أحوالا دايماً صعبة
والشوق والخدار دايما بدورو الشربة

عارفك يالهميم بالخير نسيمك ندا
واللوم للصحاب معروف بقولو مودة
بابك للضيوف جزمت ما بنسدة
خمشك ما بجف من قول يمين تتغدا

[تماضر حمزة]

كتبان الفقير ما بفيدني وان لا بدّ
أكتب بالعيون للغرامو اشتدَّ
فارقني المنام ما مس راسي مخدة
ما بنلقالنا منك يا الحِبيّب كَدّة?

[تماضر حمزة]

المشاركة الأصلية كتبت بواسطة سجمان

إنت الشوقو شقولو الجيوب يوم قفا
وإنت الـ بالحنان دايماً مرجح كفة
سجمان إن بقيت شرب السجاير وسف
كلو سبب غياب الشنّو حالي مصفى

دايماً في الكلام تجري وتمش تتخفّى
شلنالك صبر كبرنا ليك اللفة
دلوكة ولقاك جهزنا حتى الزفّة
ويوم شمّر ضراعك نط القلب في الكفة

[آخـر المواني]

المشاركة الأصلية كتبت بواسطة تماضر حمزة

دايماً في الكلام تجري وتمش تتخفّى
شلنالك صبر كبرنا ليك اللفة
دلوكة ولقاك جهزنا حتى الزفّة
ويوم شمّر ضراعك نط القلب في الكفة

[تماضر حمزة]

المشاركة الأصلية كتبت بواسطة آخـر المواني

تضحك بلا سنون

[آخـر المواني]

المشاركة الأصلية كتبت بواسطة تماضر حمزة

تضحك بلا سنون

أصلن سنون من زمااان ما عندي

[فيصل سعد]

المشاركة الأصلية كتبت بواسطة عبد المنعم حضيري

كترنا الملام يا غالي ليك العُتبة
ريدتاً في نميمك خلتنا نسكر نَغَبَة
الغربة العبوس أحوالا دايماً صعبة
والشوق والخدار دايما بدورو الشربة

الشربة أن ختت بلحا منقي مقطر
ما بتروي العطش و لو قللوه السكر
قول للجميل القادل يتيه و يتبختر
في علي التلب منعم وراك مكسر

و ابشر بالخير..