الآن تم تهكير موقع سودانيس ثانية !!!

[أمين عام سودانيات]

[align=justify]عزيزنا رأفت،

سلامات . .

وبعدين قصة المسنجر نحن قاصدين بيها هزار .. لأنه كل مسنجر ليه باس ويرد براه .. لكن كان الهكر بقدر يدخلا يبقى ناس بكرى وخالد ديل كاشفين حالنا ..

أحب أطمّنك، خاصية إمكانية الدخول وقراءة رسائل الأعضاء لا توجد (من ناحية فنيّة) في سودانيات، تلك الخاصية قد أزيلت تماماً عند الـ configuration في المراحل الأولى قبل تفعيل نسخة سودانيات الحاليّة.
فُتح بوست لتوضيح الموضوع (يبدو إنّك حينها كنت مسجّل غياب).
شكراً لتعليقك، عشان يتطمّن الأعضاء الجدد والجميع مرّة أخرى.
لا المشرف الفنّي (خالد) ولا أي فرد من الإدارة يمكنه قراءة الرسائل.
فـ
حالك مستور وماهو مكشوف يا خوي.

مع تحيّاتي،

[/align]

[AMAL]

لنا العزيزة
واصلي في الكلام العلمي المرتب البخلي البوست يستعدل ويمسك دربو
وازيدك من الرهق الجميل
انواع المنابر وتصنيفها واسس هذا التصنيف والاساليب التي تنتهجها لجذب القراء من جهة وجذب االكتاب من جهة تانية
هل قام النظام بخلق منابر مضادة بالعديل والمضاري ولا اكتفي بزرع كتاب في المنابر ذات التوجهات المعارضة
ماهو راي الناس في وضع اي نوع من الضوابط علي العضوية او الاسلوب او المحتوي ولا نخلي المسالة بدون ذي مابقولو
اثني فكرة البوست المنفصل
وليتواصل هذا النهج البناء فعلا

[مواطن]

الأحبة المشاركون ، والأخت "لنا"
تحية تقدير وإحترام ..
ألاحظ مرة أخرى أن مسار البوست قد أنتحى قليلاً عن التعبير عن التعاطف مع سودانيز أونلاين وإدانة العمل الإجرامي إلى إتهام الحكومة والكيزان وأجهزة الأمن بدون دليل ..
مشكلة أن نكون سابقي الصب في أحكامنا هي مشكلة لا تساعد على التحليل السليم والإستبيان المؤسس بغرض الوصول إلى الدلائل ، وقديما قال مشرعو القوانين "أن المتهم بريء حتى تثبت إدانته". أعمال الحكومة تشي بها ، بل أعمال كل الحكومات في العالم الثالث متطابقة فيما يتعلق بمحاربة الحرية وحقوق مواطنيها .. ولكن إلى أين يقودنا مثل هذا الإتهام ..؟ وماذا نجني من إقحام الحكومة أو أجهزتها الأمنية في تهكير سودانيز أونلاين ؟؟ كي نسجل موقف ؟ .. حسناً وماذا بعـد ؟ .. وهل يكون هذا موقف مستند على أدلة حسية قطعية أم نكتفي بالأدلة الظرفية والتي لا تصلح عادة لإصدار حكم أياً كان ذلك الحكم؟ .
كما أن تلكم الأحكام المسبقة الصب تقلل من حجية المنطق المطروح في تقويم ما حدث وتثير بعض الذين يرون أن الحكومة غير معنية بموقع الكتروني فيبرزون حججهـم أيضاً ورويداً رويداً تصبح التحاور ثنائي المنحى وتدور الحجج والرد عليها في فلك عامـهٍ إلى أن تصبح في مرحلة ما غير منتجة.

ولتسمحوا لي إخوتي أن أعيد فحوى مداخلتي السابقة في الأول من أمس :
"الأستاذة لنا ،
أعطرالتحايا أزفها لك وللمشاركين في هذا البوست والذي أرى أنه قد غلب عليه طابع المناظرة في أمر {حسب تقديري} لا يتناطح فيه عنزان.
• العمل إرهابي أياً كانت دوافعه ومبرراته
• إدانته لا يعارضها إلا مكابر وما أحسب أن بيننا مكابر
• هو عمل ضد الكلمة الحرة وحق التعبير بغض النظر عن تقويم البعض للموقع المستهدف
• ضلوع السلطات أم براءتها أمر يمكن إيضاحه بالمتابعة القضائية
• على الأخ بكري إقامة دعوى قضائية ضد كنار وآخرين بغرض الوصول إلى الفاعل الأصلي، ومن هنا سيتبين موقف السلطة سلباً أو إيجاباً
• تأثير المواقع الألكترونية على الرأي العام الداخلي ينمو طردياً مع نمو مستخدمي أجهزة الحاسوب، والدليل هو عدد المعاهـد والكليات التي تدرس علوم الحاسوب قبل 7 سنوات مثلا وعددها الآن في مدن السودان المختلفة وعدد الدارسين فيها .. هذا إذا غضضنا النظر عن الذين يبتاعون أجهزة الحاسوب لتصريف أعمالهم .
ودليل آخر على أهمية وتأثير الحاسوب على الرأي العام الداخلي هي الإعتقالات المتتالية لأصحاب مواقع المدونات "BLOGGERS" في مصر .. وإستغلال المرشح أوباما لمواقع الشبكة في دعايته الإنتخابية.. أدرك الفارق في الإستخدام .. ولكني أعني أن السودان قادم أيضاً.
ودمتـم. "
وفيها أشرت إلى أن إدانة الحكومة لا يتأتي بغير الطرق القضائية إلا إذا كان البعض يرى أن البيانات والبيانات المضادة تكفي لمساعدة الأخ بكري في إسترداد حقه .
ثانيا :
طرحت الكاتبة آمال مثلا النقاط التالية :
هل الكتابة في السايبر فعلا محدودة التاثير؟
وهل نكتب فقط للتنفيس وتزجية الوقت ؟
وبالتالي كل ما ندلقه هنا هو مجرد هدر للباندوث
وكل سؤال من هذه الاسئلة موضوع لبوست كامل
وهي نقاط لا شك جيدة وتستحق تناولها ولكنها لا تصب في قلب البوست ، وقد شرعت "لنا " في ذلك بطريقة شبه شاملة وأثني إفراد بوست خاص لهذه النقاط.

[طيبان]

الأخت لنــا والحضور الكرام:

كامل تضامني مع أسرة سودانيز أون لاين وصاحب المــوقع ..

دوافع الفاعل (أيّا كانت جهته )..لاتخرج عن كونها إمّـا تعبير عن غضب أو إخراس الآخر أو إثبات ذات وإستعراض ...

الدلائل وحدها هي التي ترجّح إتّهام فاعل معيّن علي آخر ..
الحكومة متّهم مثلها مثل غيرها ..فمنغّصاتها كثيرة بسودانيز أون لاين إضافة لطبيعتها الإقصائية ..التي تتحسّن أحيانا لدواعي تكتيكية ..

ما الذي يجعلنا نرجّح متهم علي آخر ..؟؟؟
وحدها الدلائل والبيّنات هي التي تدفع بالمتهم إلي المنصّة ...
أسئلة :-
هل من سابقة تهكير بالمنتديات السودانية انتهت بالقبض علي الفاعل والقصاص منه ؟؟
وإن لم يحدث ..
فلماذا؟؟
سؤال موجّه للإدارة خصوصا أن للموقع تجربة تهكير سابقة ..أتمني ألا تتكرر ..
هل باءت كل محاولات التخريب السابقة بالمنتديات بالفشل وسجلت جرائم التهكير ضد مجهول .؟؟
أم تكاسل أصحاب المواقع عن ملاحقة الجاني ..؟؟
وهل تكلف مثل هذه الملاحقة مبلغا كبيرا من المال ؟؟
وهل هناك جهات خبرة معيّنة معروفة تقدم خدماتها للمتتضررين ؟؟
وهل بالسودان قانون يعاقب علي مثل هذه الجرائم الإلكترونية ؟؟
________________
شكرا أخت لنا ..وكل الأحباب ..
الأخت آمال ...
أتابع ما تقومين به من جهد ..مشكورة ..نرجو المواصلة ..
الأخت د.بيــان
فرضية الهكرالخليجي ضعيفة لحد ما ..بعد التهكير الثاني كنت أقرأ بوست بعنوان (الهكر في قبضتي ..وفاهمني)اسم الكاتب tmbisعلي ما أظن ..وضح لاحقا أنه لم يكن هو الكاتب (أو هكذا بدا لي بعد أن قــال ذلك خصوصا بعد إيراده لنموذج ناقص من مراسلات داخلية بين اثنين من الأعضاء دون إيراد نص الحوار) الشاهد فيه أن اللهجة التي كان يستخدمها الهكر(إن كان هو) هي لهجة سودانية قحّة لن يجيدها أي خليجي مهما كان بارعــا...
___________
تحياتي للجميع ...
أكرر تضامني مع سودانيز اون لاين ..ورفضي لما حدث بالموقع ومواقع سودانية أخري ...

[شبارقة]

المشاركة الأصلية كتبت بواسطة bayan

لكن الناس عايزة تعملو سياسة وما سياسة.. والحكومة
انا عندي وجهة نظري انه الحكومة ما بتكون هكرت الموقع
موش دفاعا عنها لكن دي الحقيقة..الانا بشوفها
اسع البقولو الحكومة ديل بقصدو الحكومة اللسع دي المشتركة فيها الحركة الشعبية
ولا حكومة شنو..

المشاركة الأصلية كتبت بواسطة هاشم طـه

ألاحظ مرة أخرى أن مسار البوست قد أنتحى قليلاً من التعبير عن التعاطف مع سودانيز أونلاين وإدانة العمل الإجرامي إلى إتهام الحكومة والكيزان وأجهزة الأمن بدون دليل ..
مشكلة أن نكون سابقي الصب في أحكامنا هي مشكلة لا تساعد على التحليل السليم والإستبيان المؤسس بغرض الوصول إلى الدلائل ، وقديما قال مشرعو القوانين "أن المتهم بريء حتى تثبت إدانته".

[align=justify]المكرمين/ د. بيان وهاشم طه ...
أوافقكما الرأي فيما ذهبتما إليه ... وفعلا ً صرنا لا نحتكم إلى عقولنا بل إلى أهوائنا وميولنا السياسية وهذا لعمري إحدى مشاكل سوداني الشتات ... نرمي اللوم على الحكومة في كل شئ بدون أي أدلة أو براهين ... جميع الأحزاب السياسية وقياداتها موجودن الآن بالداخل ويتحركون بحرية ومشاركون في الحكومة إلا من أبى ... الحكومة الآن حكومة وحدة وطنية نرجى منها الكثير وكان الله في عون بلدنا الحبيب.

إستطاع شاب أمريكي مراهق أن يقتحم أنظمة كمبيوتر البنتاجون وتلاعب بها فترة من الوقت كما إستطاع مراهق بريطاني من أن يقتحم أنظمة البنوك وكان بإمكانه أن يتلاعب في جميع الأرصدة !!! أليست حواء قادرة في السودان على أن تنجب مراهقا ً يستطيع أن يتلاعب بموقع سودانيزونلاين؟ لعمري الكثير من مراهقي بلادي في زمن العولمة هذا يستطيعون. [/align]

[شبارقة]

المشاركة الأصلية كتبت بواسطة bayan

حيث تم تتبع الاي بي و الايميل وجدو شخص اسمو الجوكر بيدي دروس في التهكير..باللهجة الخليجية

المشاركة الأصلية كتبت بواسطة شبارقة

[align=justify]أليست حواء قادرة في السودان على أن تنجب مراهقا ً يستطيع أن يتلاعب بموقع سودانيزونلاين؟ لعمري الكثير من مراهقي بلادي في زمن العولمة هذا يستطيعون. [/align]

[align=justify]إذا ً لا حكومة ولا يحزنون .. آسفين عزيزتنا ( لنا) إن كنا غيرنا مجرى البوست ... لك العتبى [/align]

[الجيلى أحمد]

المشاركة الأصلية كتبت بواسطة رأفت ميلاد

الجيلى عارفين سودانيات كويس .. خلينا نتونس بجنب ياخ .. لنا هى المسئولة

رأفت إزيك


الواحد جاء خاشى أمبارح سريع ..
شايف الناس مسخنين وبيان لابسة الكدارة..

الليلة المساء شغلى كلو فى الكمبيوتر
نتقابل بى هناك ..


بالله يارأفت ركز فى كلام لنا جعفر
وشوف نحنا محظوظين كيف..

[شبارقة]

المشاركة الأصلية كتبت بواسطة Nabeil Abdelrahim

..
لماذا تخفين هويتك السياسية ؟

[align=justify]أخي نبيل ... نحن في هذا المنبر لسنا مطالبين بالإنتماء إلى حزب سياسي معين ومحدد ... ولسنا مطالبين في عضوية هذا المنتدى لإبراز بطاقاتنا وهويتنا السياسية ...بل محتاجين إلى نضج سياسي وإلى عقول واعية وأذهان متفتحة وأقلام من مختلف التيارات السياسية نأخذ منها الصالح ونترك الطالح ... ومن سياق الأقلام تستطيع أن نستشف الهوية السياسية للكاتب... وكل منا له مبادئه وإنتمآته السياسية التي لا يخجل منها ولا يخفيها طالما هو مقتنع بها ... ويجب علينا إحترام الميول السياسية و الحزبية لكل مشارك معنا في جو تسوده الإلفة والمحبة والمودة ... وإختلاف الرأي فعلا ً لا يفسد للود القائم في( سودانيات) أي قضية (ميثاق سودانيات - قانون الموقع)... مع تقديري . [/align]

[مواطن]

الكاتب : د. Bayan
ِِِالشكر لك على النبذة التأصيلية لنشأة المنتديات .
وما أود أن يتجه إليه النقاش هنا هو البعد عن الأحكام المسبقة والقولبة الجاهزة والتي ستؤول وفي وقت وجيز إلى إشتقاق بين الأطراف المتشاركة في الكتابة.

يعني حكاية نحنا مزروعين ولا الحكومة زارعة الظلاميين دي ما واردة اصلا..
لانه نحنا الظلاميين ديل الفي لست سوداينزاولاين كنا في النت دا من قولة تيتت

أنا لم أقل ذلك يا دكتورة ..!!!

نجي هل النت في السودان عنده اثر كبير؟
وهل هذه البوردات ت غير في اتجاهات الراي في الخرطوم؟
99% من ناس الحكومة لا يقرأون البوردات

عقبت سابقاً على هذه النقطة وأقترح أن يتطرق لها بتفصيل أكثر في البوست المقترح إدراجه بواسطة "لنا" إذا ما وافقتي. ولكن ثقي أن الوعي بأهمية الحاسوب وإستخدامه في تزايد مضطرد.
سأوافقك على النسبة المطروحة ولو أن التوصل إليها أو توكيدها يقتضيان أعمال مسح ميداني ، بالإضافة إلى أن قراءة ناس الحكومة للبوردات أو عدمها ليس هو المستهدف .. بل الفئات خارج الحكومة.
ودمتي

[طيبان]

حيث تم تتبع الاي بي و الايميل وجدو شخص اسمو الجوكر بيدي دروس في التهكير..باللهجة الخليجية
اول بورد اتهكر هو بورد سودان نت

سلام يادكتــورة ..
المدعو الجوكر دا قريت كلامو قبل يومين ..وحتي (رزمة المواقع) المكتوب قداما إنو قام بتهكيرها ...هو والشباب المعاهو ..
لكن لسة تدور في راسي بعض الأسئلة ..
هل المصدر دا زاتو موثوق ؟؟؟؟
ومالو موهّط اسم ميكافيللي بدل جوكر -1 طالما هم الاسمين ما بيوضحوا هو منو ؟؟
اذا حسبنا المسألة مسألة استعراض فنفسيا كدة أنا لو محلو ما بكتب اسم غير اسم جوكر-1
ويمكن تكوني لاحظتي محاولتو لإقناع الشاب الإتهمو بسرقة طريقة الإختراق ..في اللنك الأول ..
دا سؤال ..
السؤال التاني ..
من وين جاب اللهجة السودانية القحّة دي ؟؟؟
موش لهجة وبس .. بل حتّي طريقة الكلام والإشارة لبعض المواضيع وإختيار رسائل منتقاة بها ألفاظ لا يفهمهما أبدا شاب خليجي (ولو كسر رقبتو ) ...
وبرضو برجع معاك لفرضية تداخلو بي حساب (تمبس) ..
دا زول سوداني عدييييل .. إلا تكوني قاصدة إنو سوداني عايش في الخليج ..أو اتربّي هناك ودا برضو وارد
...

وقد قدم له شخص هناك تحدي ان يذهب ويهكر سودانتزوالاين وذكر انه كتب له رسالة بالتفاصيل عما يظنه عن سوداينزونلاين..وطوالي جا هكر سوديانزاولاين

ياريت لو تورّيني درب الكلام دا .. ما اتمكنت ألقاهو ..

شوف اللنكات ورينا في رايك منو الهكر سوديانزوالاين وسودان نت والمشاهير..

المكتوب قدّامي الجوكر-1
لكن كيف اقتنع إنو الفاعل ؟؟؟
وكيف أجزم إنو شاب عربي (ماسوداني ) ...
________
تحيّاتي واحترامي ....

[سفيان ابوقصيصة]

المشاركة الأصلية كتبت بواسطة الغرقان

[color=#8B0000]
من وين جاب اللهجة السودانية القحّة دي ؟؟؟
موش لهجة وبس .. بل حتّي طريقة الكلام والإشارة لبعض المواضيع وإختيار رسائل منتقاة بها ألفاظ لا يفهمهما أبدا شاب خليجي (ولو كسر رقبتو ) ...
وبرضو برجع معاك لفرضية تداخلو بي حساب (تمبس) ..
دا زول سوداني عدييييل .. إلا تكوني قاصدة إنو سوداني عايش في الخليج ..أو اتربّي هناك ودا برضو وارد


وكيف أجزم إنو شاب عربي (ماسوداني ) ...
________
.

تحياتي اخي الغرقان
وللدكتوره والمتداخلين
اجزم بان الشاب اللذي قام بتلك العمليه هو سوداني اذ انه قام تهكير موقع له علاقه بنادي الهلال الرياضي و بث فيه رساله يعبر فيها عن سخطه للهزائم التي تعرض لها الفريق وشتم فيها رئيس النادي ورئيس الاتحاد العام للكره باشد الالفاظ قبحا وبذاءة كما توعد نادي المريخ ايضا....

ادناه الرساله التي بثها الهاكر مع حذف الالفاظ الغير لائقه....

n

(اولا : نحن هلالاب بس كرهتونا كل مره مغلوبين مغلوبين يا اخى قالو اهلنا يا الكورة يا الزول يعنى ما ترجع ساي . وانتو لا كورة ولا زول ..... و... صلاح ادريس زاتو و.... ابو شداد و.... ابو الكورة السودانية زاتو يا ...... تاكلو فى القروش وتركبو فى العربات السحمة .. تركبو ان شاء الله في نار جهنم . ما تقول لي سيد البلد ولا الزعيم واسى ماشيين علي المريخ) انتهى..

ودمتم

[طيبان]

سلام أختي العزيزة د/بيــان ...
كلامك سمح ..لولا سكينة الختمتي بيها ردّك الكريم ..

ووكت أصلو ياهو الزول وفي كم طريقة علمية لمعرفة الجوكر -1 مافي ود مقنّعةمنهم عرف يصلـو ليه ؟؟
وهو يخبط في المواقع يمين وشمال ويحاور ويناقش ويتداخل كمان
زول زي دا قاسي يتم التعرف علي هويتو ؟؟
صعب يتعرِف محلّــو ؟؟
يبقوا أصحاب المواقع السودانيةالمضروبة ديل - تقنيا وقانونيا - قاعدين في السهــلة ..
وبرضو داير زول يشرح لي حكاية الراندوق البخاطب بيها شاب خليجي عموم البورداب ...

الحكومة لاتزال متّهمة هي وناس الغباين الخاصة ..لحين القبض علي فاطمة ...
ملحوظة :-
ما بعرف عنك ما يدفعني لإتّهامك بالدفاع عن الحكومة او انتسابك ليها ..وشي مابتقوليهو بي لسانك ما بصدّقوا ..
لكن دايرك تدّيني تفسيرات للّبس الحاصل دا . لأنّك وصلتي لهويّة الهكــر ..
يا د.بيان
(شن عرّف الهكر بي كلمة أم رشيرش ؟؟)..
مجرّد سؤال
ملحوظة أخيرة :-
قلتي في معرض ردّك إنّو الهكر استجاب لإستفزاز من عضو في سودان بورد ..
لاحظي الآتي :-

هاك رجالتك دي سويها هنا
sudaneseonline.com

الكلام دا كان الساعة

22:14

ورد عليهو عضو تاني قال ليهو

سواهاا يامعلم ماتنوم على العسل كتير

الساعة

22:18

الرابط هو نفس رابط أعفص هنا الوارد في ردّك الأخير علي الغرقان ..
بين الرسالتين أربعة دقايق عدّا نقدا ..
يعني الهكر سريع النهمة استجاب للإستفزاز ودخل علي سودانيز أون لاين وخربو في أربعة دقايق ؟؟؟
الحكاية مرتبة جدا ...جدا ..ومدروسة ..

___________

*حكي الراوي في قصّة اللوترابي المذكورة ..إنّو اللوترابي صاحب المقولة دي ..دخل أمريكا قبل الإنقاذ ذاتا وعايش علي الإحتيال وليس له وازع من ضمير يردعه لدرجة استغفاله لصاحبو الجايي البلد يادوب وشغال عتالي..ولم يثبت عليه كلمة - لابي أعوج لا بي عديل- في حق حكومةالإنقاذ ...(ملخص من القصّة المذكورة ) ...
_________


هذا ماكان من أمر ود سكينة ..

[طيبان]

الأخت العزيزة د/بيان

انا قلت الناس البعرفو بما اني كل عرفتي بس تصفح اتبعو الهاكر لما وصلو للجوكر الخليجي دا
دا كلامي

وأنا متفق معاك وآسف لو كلامي إتفهم إنّك الوصلتي للنتيجة لأنك فعلا ما قلتي كدة..فعلا ح تفرق

ام رشيرش كتبها عضو لبكري مشيرا لتراجي ما الهاكر
هو بس ظهر ماسنجر..

اناقريت اقتباس المسنجر ..وفهمت المقصود منّـو و سؤالي في محلّـو
ليه الشاب الخليجي دا عصر علي الكلمة دي ..؟؟
والإقتباس دا بالذات ؟؟
وبرضو (إذا راجعنا رسالتو في التهكير الأوّل )
شن عرّف الخليجي دا بي مايرنو وأم بدّة ؟؟
/color]

انا شخصيا وصلت من متابعتي وقراءتي لموضوع الهاكر دا
انه ناس بتلعب لا حكومة لا غيرو فاضية للبوردات..
وعايزة مناضلين ايكبورد ديل يطلعو من وهمة اهميتهم وخطورتهم دي

حلــو
د احتمال رابع .. وارد
ما اختلفنا ..
وتأكّدي إنو الغرقان ما هو متبنّي حكاية إنو الحكومة هي الفاعل ..
أكرر هي متّهمة .. زيّها وزي الباقين ..
لكن حكاية شاب خليجي دي .. ما مبلوعة ..

اقتباس من إقتباس الأخ سفيان نقلا عن رسالة هكر نادي الهلال السوداني ..
(اولا : نحن هلالاب بس كرهتونا كل مره مغلوبين مغلوبين يا اخى قالو اهلنا يا الكورة يا الزول يعنى ما ترجع ساي . وانتو لا كورة ولا زول ..... و... صلاح ادريس زاتو و.... ابو شداد و.... ابو الكورة السودانية زاتو يا ...... تاكلو فى القروش وتركبو فى العربات السحمة .. تركبو ان شاء الله في نار جهنم . ما تقول لي سيد البلد ولا الزعيم واسى ماشيين علي المريخ)

ودا إقتباس من ردّك عليهو

وهكار سودانين اصابتهم الحمى,,

دي الحتة الفيها الزول الضرب موقع الهلال
[align=center][/align]
المصدر واحد من المصادر الأديتيني ليها قبيل ..

دحين دا ما ياهو الجوكر-1 زاتو ؟؟؟
يعني الحكاية ماهم هكر سودانيين بيقلدوا
نفس الجوكر الخليجي
معقول يا عالم الكلام الفوق دا كلام زول ما سوداني ؟؟؟

أنا في رايي نستبعد حكاية إنو ما سوداني دي أولا ..بعد داك نشوف دوافعو شنو ...


________
سوري د. بيــان

[نبيل عبد الرحيم]

المشاركة الأصلية كتبت بواسطة شبارقة

[align=justify]أخي نبيل ... نحن في هذا المنبر لسنا مطالبين بالإنتماء إلى حزب سياسي معين ومحدد ... ولسنا مطالبين في عضوية هذا المنتدى لإبراز بطاقاتنا وهويتنا السياسية ...بل محتاجين إلى نضج سياسي وإلى عقول واعية وأذهان متفتحة وأقلام من مختلف التيارات السياسية نأخذ منها الصالح ونترك الطالح ... ومن سياق الأقلام تستطيع أن نستشف الهوية السياسية للكاتب... وكل منا له مبادئه وإنتمآته السياسية التي لا يخجل منها ولا يخفيها طالما هو مقتنع بها ... ويجب علينا إحترام الميول السياسية و الحزبية لكل مشارك معنا في جو تسوده الإلفة والمحبة والمودة ... وإختلاف الرأي فعلا ً لا يفسد للود القائم في( سودانيات) أي قضية (ميثاق سودانيات - قانون الموقع)... مع تقديري . [/align]

المحترمة سبارقة
أولا أتفق معك
وأنا أحترم الرأى الأخر وكل شخص حر فى إنتمائه الحزبى ولكن يجى شخص مثل بيان تتخفى تحت إسم أنها لا تنتمى لأى حزب مع أنه يستشف من كتاباتها إنها كوزة وتحت هذا الستار فى كل مناسبة تشتم الحزب الشيوعى وهذا ما أعتبره خداع أو أنها خجلانه أن تعلن بعد ماكتب ضدها فى سودانيز أولاين .


مع أنها دائما تصرخ وتقول إنها ضحية مع إنها من يبدأ بلإساءة .
أما مسألة كرها للحزب الشيوعى عدوها اللدود فلن يزيد ولا ينقص هذا من قدر الحزب.
إحترماتى

[نبيل عبد الرحيم]

المشاركة الأصلية كتبت بواسطة bayan

اولا يا نبيل دور مفتشين الصحة دا ما لايق بيك يا رجل يا سياسي
بعدين دور اني بخفي هويتي السياسية برضو لا يليق بي لاني ما بخاف من زول
بعدين الانتماء دا مرض جنسي لا قدر الله عشان الزول يخجل منو؟
الانتماء دا بتختارو براك بكامل القناعات عشان كدا بتكون فخور بيه
اسع انت شيوعي وفخور بكدا رغم التركة السوداء والدماء والانقلابات والمظالم
والجرائم التاريخية والاخلاقية.. بعد دا كلو واقف وسط البورد وتكتب..
البخليني انا اخجل شنو
انا مع حزب الحقيقة حيث تميل نميل
يعني عشان قلنا الحكومة ما هكرت البورد بقيت كوزة وعندي ميول كوزية كمان داساها؟
يا زول انتو مدرسة الكادر فكت ولا شنو؟
ولا الكومون سينس ما بدرسوه ذي ما بقولو..
لازم يا نبيل يكون عندنا كومونسينس..ونفكر قبل نكتب ثمح؟
سوري سكينة..

شوفى يابيان
أنت أيضا دور المراوغة هذا فعلا يليق بسياسية تنتمى لحزب دموى بتخذ من الدين ستارة لأفعالة .
حزب فتح بيوت الأشباح لمعارضية.
أرتكب أفظع الجرائم فى حق أهل دارفور وكجبار .
حزب على إستعداد أن يفرط فى التراب السودانى كما فرط فى حلايب ,والجنوب, والشمالية قربان للمحافظة على كرسى الحكم .

ولن نسكت حتى يقدم كل من قام بهذة الجرائم للمحاكمة
ولن يفلت كل من هرب فلوس الشعب السودانى للخارج وبلأخص ماليزيا
ولن يهرب كل من منح درجات علمية مزورة لكوادرة النشطة وهو لا يستحقها .
أما إنتمائى للحزب اشيوعى فهذا شرف لى لا أخجل منه كما تخجلين أنت من حزب يده ملوثة بالدماء .
أما الجرائم الأخلاقية والتاريخية هى من قام بها حزبك
وتمثلية إنك دائما ضحية بقت بايخة وأسطوانة مشروخة لأنك من يبدأ بلأساءة وهذا هو سبب هروبك من سودانيز يعنى ليس من المعقول الناس دى هبشتك ساكت بدون سبب .
أما دفاعك عن الحكومة وهجومك على المعارضة فهو شئ متوقع منك
واضح جدا أن رغم أن غلمان الحكومة داخل هذا المنبر يحاولون درئ التهمة عن الحكومة المؤتمر الوطني رغم أنها هي المعنية يوقف sudaneseonline.com
وهم بذلك يرسلون بذلك رسالة إنذار وتهديد لباقى الأسافير

محاوله إبعاد الشبهة عن الحكومة أمر غريب خصوصا أنها كاللص أو الخفاش لاتنشط إلا في الظلام لذا يتضح بلا ريب أنها من عمل ويعمل على إسكات الأصوات المعا رضه الفاضحة لقبحها وتعريه رموزها في المواقع الاسفيريه التي يستحيل الرقابة التقليدية عليها سوى عبر التهكير



أما حكاية عربى هو من قام بالهكر فهى مضحكة فبقول خلى عندك أنت كومونسينس
أين حمرة الخجل