خريطــــة جغرافيـــة لأعضــاء ســـــودانيات

[أبو العز الجنوبي]

المشاركة الأصلية كتبت بواسطة [quote

حمدي اب جقادو][align=center]الله يفضحك تلفونك مقطوع [/align]

امين ياحبيبي
الشهاده لله الرصيد خلص ولولا ذلك كنت بقدك للصباح وتاني جاييك بي غادي ابقي منتظر

[/quote]
اب جقادو يا جقجق يا بتاع ارتحنا... وريقنا نشف....
والله العظيم ، ورسوله الكريم، وعلى .....
كلامك صاح، بس مش مقطوع ساي كده، قاطعه من ناس عديل كده، لكن على بالهناي، اقوم ارجعه واكسر كل كلام قلته....
لغاية ما يرجع عندك تلفون المكتب في الخاص....
وبعدين ليك رسالة برضو في الخاص ما فتحتها ليه؟؟؟
انت ، وعالم، وحنينه.....
مع ودي وحبي

[amine]

ههههههههههه يأبو العز يا حبيب تعرف أنه جقجق كلامه صاح ؟؟؟ لأنه أنا قبل ساعتين أتصلت بيه و من قبله حاولت الأتصال بيك أنت و أتتني رسالة تفيد بأن رقمك خارج عن الخدمة المدنية .....
المهم راكب الفيل ده بتاع القدوقدو بروب خليتو ليك يضحك لحدي ما ريالته جرت .... ووعدني بزيارة هنا عشان قال مشتاق للحاجة الباااااااااااااردة ....طبعآ موجودة هنا و بكثرة ....و قال عايز يركب الفيل ....قلت ليه كمان موجود و بكثرة ....بس مش زي بتاع ساحل العاج ... (( هي ليه سموها ساحل العاج )) ؟؟؟ أنا عارف و الله ...أها قلت لي طلعتو أقرباء ؟؟؟ كان كدي أني بمسك في ضنب خالد أخوي لعنو جعلي ....
تعرف يا أبو المعز جقجق قال لي و الله منتظر يقبض المرتب عشان يقدني بالتلفونات ....هههههههههههههههههه..يعني لو قلنا الدنيا آخر شهر كان حتكون معقولة ...بس هو الظاهر عليه بفكر في راتب الشهر الجايي داك ....عشان كدي أنا بقول ليه وحات شيخي الأحتياطي داك ياني المنتظرك يا بتاع القدوقدو بروب ...تعرف يا عزنا ...!!! مش أنا الأتصلت بيهو ؟؟؟ قام يتفلقص علي و شبكني ليك لغة تنغليزية بتاعت الأصلنغ ديك ...و نسى أنه أنا بجيدها ....أها حاول معاي لغة الديبلوماسية (( الفرسناوية )) لقاني كمان ما بخلي ليهو دريبآ يمرق منه ....بس دقس شوية لأنه ما سألني عن لغة الأسباغيتي ...لأنني كذلك أجيدها ...و البورتوغيز لا تنقصني معرفة ...أها يلا نخش في الباذنجان ...لأنه أطيب سلطة ....أتاني أتصال بهذا الرقم ومن أميركا ....0018002655322 ولكن لم يحصل الأتصال ....فحاولت أنا اليوم و لكني لم أوفق لأن (( answering machine )) سبقتي ووقف حمار شيخي في العقبة ....
يا ربي أنا وين ؟؟؟
تحياتي يا حلوين ...
أمين

[haneena]

أتاني أتصال بهذا الرقم ومن أميركا ....0018002655322 ولكن لم يحصل الأتصال ....

فحاولت أنا اليوم و لكني لم أوفق لأن (( answering machine )) سبقتي ووقف حمار شيخي في العقبة ....

غرييييبة يا أمين
الرقم دة مجاني في أمريكا
يعني رقم الكرت الإتصلو بيهو ليك
و لو إنه في آنسر ماشين..يبقى دي بتاعة الكرت يا أخونا..
يعني ممكن يكونوا مكسيكيين او صينيين أو أي حاجة

عالم دايشة و الله

[iman mohamed hussien]

المشاركة الأصلية كتبت بواسطة haneena

الأخت إيمان محمد حسين
مبروك للوليد ..يا ريت لو ما كنت شغالة كنا جيناكم للحضور و التهنئة

مبروك مقدمآ
ِ

سلامات
كيف يا عسل مشتاقين الله يبارك فيك ياريت كنتم معانا تكون حاجه جميله الجايات اكثر ايمان

[iman mohamed hussien]

المشاركة الأصلية كتبت بواسطة amine

هههههههه يا أيمان وحات شيخي الأحتياطي داك طهور داني لازم أحضره ...بس أنتي رسلي ال (( فيييظا )) لعنو أنا حأجيب الكوكا كولا بتاعتي معاي ...
بس بيني و بينك يا أيمان أني سمعت تحت تحت أنو بلدكم ديك ما فيها كوكاكولا ...
وكان دايرة بسبوسة و كنافة من بابا سامي كمان نجيبها معاي ...بس قالو حلويات سلا ضربت السوق هناك ...
و أنا خايف معتصم الطاهر ينط لي هنا كمان .... مش هو كان في الحلة الجديدة ؟؟؟ و تيييييب ...!!!
يا ربي أنا وين ؟؟؟
تحياتي يا حلوين ...
أمين

امين
كيفك يا بديع مشتاقين والله ياريت كان في بلاد السجم والرماد دي اقدر اعمل ليك فيظظظظظظظظظظا كان اول زول انته عندنا كم امين انته يا بتاع الكوكا كولا حتموت انته منقمص في الكوكا كولا

[منعم ابراهيم]

المشاركة الأصلية كتبت بواسطة amine

تعرف يا منعم أخوي حكاية التفقيس دي تحير و الله ... دي كانت مشكلتنا هناك في البلد ...
يعني زي ما تقول كده لما ترتفع درجة الحرارة !!!!! و خاصة بالليل لما الكل يقول (( يا ربي هبوبك لكرتوبك )) و تلقاه بقى بالعراقي بس يعني لا سروال ولا من يحزنون ...و فجأة تأتيه التهيؤآت (( b b q )) ..يعني دغري تتهيأ له أفخاذ الدجاج المشوي ...وهنا تزداد سعراته الحرارية مع نهم شديد ..غير مبالي بالعواقب ...يتهيأ له سرج الحصان ... و هنا هو يزداد أمعانآ في الأمتطاء ...(( الله يرزق )) ...(( و الكل رزقه يولد معه )) ..أمتطاء و ركوب و شد و أركب ؟؟؟ أأأأأأأأأأأأأأفففففففففففففف ...فمحاربة أسرائيل توجب علينا مزيدآ من الولادة ..و سوف نهزمها يومآ ما ديموغرافيآ ...(( ده كان بعض من أحلام حنظلة )) ..أغتالوه هم و هنا أقصد ناجي العلي ...يووووووووه أنا الظاهر علي سرحت ...بس مش بغنم أبليس ...!!!!
فالنرجع لكلمة (( take a break )) ... , و الكلمة التانية (( make a brake )) ...لا فرق مش كده ؟؟؟
الأولى تعني خذ بعض من الراحة ... و الثانية أقبض فرامل ياخي ...مش كل مرة تجيك السخانة و تقوم خاشي تووووووووووووووش كده ...!!! وبعدين الجيران ديل ما عندهم وجود في قاموس أو سنن (( حمورابي )) يعني ؟؟؟
و أخيرآ ليه تهزمك بنية الوعي نظرية تنظيم النسل (( مش التناسل )) ...آآآآآآآآآآآآآآآآآآآآآآآآآآآآآآآآآآآآخ يا راسي ..
يا ربي أنا وين ؟؟؟
تحياتي يا حلوين ...
أمين

الجميل أمين


سلامات يارايع ....اسمعني ,,النص ده ..لكن يودوهو...وين !!؟ قدر ماأقراهو ...أحس بالسخانة
واطرأ لبس العراقي الخفيف..بيني وبينك..الـــــ culture.. حقتنا ماختيره...بالله أقرأ النص ده بي رواقة واديني رايك..من جديد في المسالة الديموغرافية
بس اوعك تمشي زقاق الخوري....وتسأل نفس السؤال ياربي أنا وين؟




المسكونة بالعشق الملائكي ..
المرهفة بالكلمات الدفيئة
كانفاس الرهق ..
وطعم تلك اللغة
التي تجعل سحالي الكف
تزحف نحو غابة الجسد
بين فهدين طليقين،
حركتهما النشوة
في ليلة الحضور الآلهي ..
او حينما فقست المجرة
بيض نجماتها ..
في افق يغري نسور الرغبة
بالتحليق في فضاء بين مهاوي
القرط وارنبة الوجه في شاهق
السكون الطلق،
واصطدام رحيقين
علي غفلة الآهة
من شهيق الوصول
الي قمة الحس ..
ياه..ياخدر اللحظة
الخاطفة ..
بين برجين في عزلة الوقت
لامستهما
حمامة الشدو ..
علي ايقاع العصافير
في شجرة الروح ..
حين يكون العشق
تغريدة للسنونو
وصحو الحنين..
وحين تكون الاحلام
فرسة لصهيل
الرغبة،
وحدوة لسنابك
الارتحال بين
مزاياالنشيد
وفضة الشجن الاول
ياسيدة الاتكاءة
الرحبة،
تنثرين اللهفة
المخملية
في مفاصل القلب
علي اثرها ينبت
العشب نشيش
الرهافة،
ياوردة الانتماء
لمعني الوطن
حين يرتفع الجرح رويدا
رويدا
فوق ادراكنا
للحقيقة،
وفوق مجاز الوله..
كانت الهمسات
جسرا في سماء
الرعشة،
لا يستفيق مغزلها
من نسيج العبير
في خيوط طهمها الضوء
بالالق..
سرحة لماء الحضور
او كما يرسم البرتقال
دائرتين في الصدر
يضاهيهما تعب
الشهيق وانفلات النسق..
فللنشوة لثغتها
وفضاء يحتمل النحل
في اقصي حالاتة
ابرة للوجد،
ومرجة للسهو
تخترقها فراشة
اللهب..
سوف اكون علي
رصيف الانتظار
خلف اسلاك المطارات البعيدة
حيث الحلم يشرق
صحو العبارة..
وهمس المنافي ..
كانت احلامي
يتوجها فرح اللقاء
علي جدول القلق..
واشتاقك كيما اكسر
الصمت ..
واعلف
الرئة عبيق
وجودك المستفيض

الذي يخفف عني
الربو ووطاة الفانتولين..
بعيدا عنك اتنفس
ربع قيمة الحياة
من رئةالاحزان
حيث أطفو
فوق نهر سقطت شطئانه
في فراغ عدمي
لا دفة لي تحدد اتجاهي ولا
من بوصلة..

[حمدتو]

يعني حتى الآن ما اتلقينا أي اتصال ، لعل المانع خير

[خالد الأيوبي]

يا شــــباب ســـلام

مشـــغول شـــوية .. لكن جاييكم بكرة إن شــاء الله

مبروك يا إيمان للفارس

و يا حمدتو .. ما يهمك أنا حأتصل بيك .. بس خليني أفضي شوية

[amine]

المشاركة الأصلية كتبت بواسطة haneena

غرييييبة يا أمين
الرقم دة مجاني في أمريكا
يعني رقم الكرت الإتصلو بيهو ليك
و لو إنه في آنسر ماشين..يبقى دي بتاعة الكرت يا أخونا..
يعني ممكن يكونوا مكسيكيين او صينيين أو أي حاجة

عالم دايشة و الله

ههههههههه يا حنينة كان كده أنا كنت داقس و الله ...
أتاريها ال (( answering machine )) كانت بصوت أمرأة و أظنها عانس ...وده كان تحليلي أنا من خلال نبرات صوتها الأجش ...و أنا أشيل و أضرب في التيلفون داك ....و يجيني نفس الصوت و نفس الكلمات ...بس أنا متأكد من أنه الشخص الأتصل بي سوداني ...لأنه الصيني عارفني أنا ما باكل بقصباتهم ديلاك ... و المكسيكي كمان بيعرفني لما ألبس قبعتهم ديك ألا لما أحاول أن أدخل البسمة في من حولي ...
وحات شيخي الأحتياطي داك أنا دايش ....
يا ربي أنا وين ؟؟؟
تحياتي يا حلوين ...
أمين

[amine]

المشاركة الأصلية كتبت بواسطة iman mohamed hussien

امين
كيفك يا بديع مشتاقين والله ياريت كان في بلاد السجم والرماد دي اقدر اعمل ليك فيظظظظظظظظظظا كان اول زول انته عندنا كم امين انته يا بتاع الكوكا كولا حتموت انته منقمص في الكوكا كولا

ههههههيا أيمان و الله أنتي روح الأبداع ظااااااااااااتو ...أنا عارف و الله بس دي كانت طفشة مني بس ...مني على حسب الجنون المتراكم ...و عواطف محجوب رسلت لي و قالت مشتاقة كمان للكوكاكولا هههههههههههه .... عشان كده الجنون الثلاثي ما زال معشعش في الذاكرة الخراب ....شفتي كيف أصبحت الذاكرة ؟؟؟ تعرفي يا أيمان أنا عايز لي فيظظظظظظظا لكوستي بث ....علشان أمشي لبابا سامي و آكل باسطة وبسبوسة مع كباية لبن بث ... و أمر بشوارع الحلة الجديدة و أمسك شارع الدويم عشان يوديني حلتنا ...مش الطويلة غرب الجزيرة أبا ؟؟؟ و تييييييييييييييييب ....!!!!! تحياتي و شوقي لكي يا أيمان ....
يا ربي أنا وين ؟؟؟
تحياتي يا حلوين ...
أمين

[amine]

المشاركة الأصلية كتبت بواسطة حمدتو

يعني حتى الآن ما اتلقينا أي اتصال ، لعل المانع خير

ده شنو ده يا حمدتو ؟؟ يعني كتبت رقم تلفونك و قعدت في الكرسي و خلفت كراع فوق كراع و منتظر التلفونات ؟؟؟ ياخي أسعى ....يعني أتصل أنت ...عن نفسي أنا أتصلت بخمسة أشخاص و أتاني أتصال من سبعة أشخاص ...شفت كيف ؟؟؟ أتحرك ياخي و أتصل أنت و شوف الردود بعدين .....
يا ربي منعم أبراهيم ده ما عنده رقم تلفون ولا شنو ؟؟؟
يا ربي أنا وين ؟؟؟
تحياتي يا حلوين ...
أمين

[حمدتو]

والله يا امين شيل شيلتك لاني عارف فرق الزمن بينا وبين اي مكان حاجة بطالة خالص ، يعني لو هاتفك رن تلاتة صباحا ما تعمل نايم

[حمدي اب جقادو]

المشاركة الأصلية كتبت بواسطة amine

.....
يا ربي منعم أبراهيم ده ما عنده رقم تلفون ولا شنو ؟؟؟

انا هسه قلت حاجه ؟؟؟

[منعم ابراهيم]

المشاركة الأصلية كتبت بواسطة حمدي اب جقادو

انا هسه قلت حاجه ؟؟؟

ياجماعة لازم تحرجونا كدة يعني

ماأنتو عارفيني ياداب راحل وكده ...المهم ده تلفون( تمبرري )...ومشاركني فيهو ناس كتااار

0016022498996


لكن حااتصل بيكم ...بعد ماتصحو بكرة


بعدين ياامين هسسه الواحد بقي قدر مايدخل البوست ده ..يلقي نفسو بقرأ في القصيدة

[amine]

[QUOTE=حمدي اب جقادو]انا هسه قلت حاجه ؟؟؟
[/QUO
ههههههههههه يا أبو صلعة و الله أنت قلت حاجتين مش واحدة بس ...أول حاجة أنت أقتبست التوقيع بتاعي أنا ..(( يا ربي أنا وين ؟؟؟ )) و أنت قلت ضايع شديد .... ههههههه و التانياوية لما تتكلم بالتلفون ليه بتطاير الرزاز مع ضحكاتك ؟؟؟ هههههههههههه ....قلت لي الكوكاكولا كيف ؟؟؟ و الله موجودة ...و سألتني عن الأفيال ؟؟؟ قلت ليك كمان موجودة و بكثرة ....مش ساحل العاج سموها بالأسم ده ؟؟؟ قول لي ليه ؟؟؟
لأنه الأفيال موجودة هناك ....
بس أنا زعلان منك وحات شيخي البزوروهو الحفايا و العرايا داك ....تعرف ليه ؟؟؟ لأنه مايم كتب بوست عن عيد ميلادي القديم داك و أنت ما شاركت هناك .....ههههههههههههههههه
يا ربي أنا وين ؟؟؟
تحياتي يا حلوين ...
أمين