نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > خـــــــالد الـحــــــاج > موضوعات خـــــــالـد الحـــــــــاج

 
 
أدوات الموضوع انواع عرض الموضوع
قديم 16-01-2006, 06:16 PM   #[31]
طارق أبوعبيدة
:: كــاتب نشــط::
الصورة الرمزية طارق أبوعبيدة
 
افتراضي

اقتباس:
المشاركة الأصلية كتبت بواسطة خالد الحاج
(1)

[U]شخصيات من حلتنا...
بكي جمال من الحرقة والحلم الضائع وعاد من جديد ذاك الطفل الحائر..



عليكـ الله يا خالد عمايل جمال دي عمايل طفل صغير حائر ؟





حائر انا يا اخوي



طارق أبوعبيدة غير متصل  
قديم 16-01-2006, 06:16 PM   #[32]
خالد الحاج
:: كــاتب نشــط::
الصورة الرمزية خالد الحاج
 
افتراضي

اقتباس:
المشاركة الأصلية كتبت بواسطة طارق أبوعبيدة
اماني
انشاء الله يطلع بتاع بنقو ذاتو
خلي الراجل يحكي
اسه لو نط وابا يتم لينا القصص دي
نتمها خيال نحن ولا شنو
هيييع
الله يديك العافية أهرشا لي المصيبة بقت لي في رقبتي

تشكر يا رفيق الهم والعرس



التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها،
وبها تُخَلِّصُ أرضَنا من رجْسِها،
حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

(عالم عباس)
[/align]
خالد الحاج غير متصل  
قديم 16-01-2006, 06:28 PM   #[33]
Osman Hamad
:: كــاتب نشــط::
الصورة الرمزية Osman Hamad
 
افتراضي

الحكى حلو ولذيذ ياخالد، واصل وكان امانى جننتك وغلبك تتمهم، انا بسلفك جاكولين ونقول بقت من بنات حلتكم



التوقيع: عثمـان حمــد عثمـان حمــد
alhasahisa@hotmail.com
Osman Hamad غير متصل  
قديم 16-01-2006, 07:17 PM   #[34]
خالد الحاج
:: كــاتب نشــط::
الصورة الرمزية خالد الحاج
 
افتراضي

(3)

شخصيات من حلتنا

علي ود نفيسة (علي كشه) :



ينادونه علي ود نفيسة ولا يعرف أحد سبب التسمية ولكنه لا يتضايق من الإسم علي كل حال.. أما إسم علي كشة والذي كاد يغطي علي إسم ود نفيسة فله أسباب كثيرة بعضها يحكيها علي بنفسه وهو يضحك والآخر يحكيها رفاقه ومعارفه وعلي شخص لا أعداء له ليس لأنه شخص فاشل فعلي مكنيكي ناجح جدآ لدرجة أنه يولف بعض قطع الغيار الغير متوفرة للسيارات ولكن لأنه صاحب نكتة ولا يتأخر عن مد يد المساعدة في فرح أو ترح في الحي.
سألته الحاجة فاطمة زهرة مرة :
إنت يا علي يا ولدي سموك علي كشه ليه؟
تلفت علي وردّ عليها بتهذيب كبير والله يا خالتي فاطمة السبب نميري!!؟
لم تفهم هي المقصود ولم يتبرع هو بالشرح..
كنا جالسين أما طاحونة عم حسين وجاء علي كشة وسلم كعادته وجلس.
وكالعادة أيضآ بدأ حديثه بنكتة : يا جماعة سمعتوا آخر نكتة؟
الشباب : لا . يا زول قول..
علي كشة : الفلاتي مشا للحبشية وبعد ما .... رفض يديها القروش حقتها ، الحبشية زعلت شديد وقالت ليه إن شاء الله تمرض ويجيك أيدز !! الفلاتي قال ليها : إندي .
ويختم بضحكة مجلجلة لا يفوتها في العلو إلا صوت "جعفر الموش" بصوته الجلف وهو يؤذن لصلاة الصبح.
حسن : يا علي كدي أحكي لينا ليه سموك علي كشه؟
علي كشه : إنتوا في علي كشة ولا في المصيبة فاطنة ظهرة دايرة تعرف سموني علي كشه ليه؟ بالله شفتوا المرا المكشكشة دي هو أنا ناقص والله باكر ألقي الخبر مذاع في مونتكارلو..(علي يتابع كل الإذاعات ، لندن ، مونتكارلو ، القاهرة ويردد الأخبار بفخر كدلالة علي أنه مثقف).
حسن: كدي أحكي لينا بالله يا علي السبب شنو..
علي كشه : السبب أسألو منو أبراهيم ده..
أبراهيم : يا علي يا أخوي أمرقني بره من قصصك دي يا زول إنت مشيول حال وأنا زول بقيت أبو عيال.

علي كشه : سمح ما دام أبيت تحكي بحكي أنا ويضحك مر أخري.. تعرفوا يا شباب مرة أبراهيم ده قال نمش
شارع كترينا لي بيت حقوص الحبشية ، والأيام ديك شريعة نار والبوليس كشاتو مدورة ، أها مشينا أنا وأبراهيم أخوي ده وفلان وفلان وعليكم آمان الله دخلنا كده وبدينا نستمخ الكشة جات وكان عمك الصول داؤود هو القايد الكشة .. أنا قاعد وحاتكم في السرير أم فكو زي ما الله خلقني أسمع ليك أصوات البوت وكرعين العساكر وصوت عمك داؤود الما بيغباني قمت لبست ليك البنطلون وحاتكم بدون لباس وكمان بالقلبة وإنحشرت ليك تحت السرير من حظي الكويس العسكري طلع بيعرفني رفع ليك الملاية وعاين تحت السرير وقال لي يا علي إنت قايل نفسك مندسي جزمتك دي إنت قايل في زول ما عارفها..المهم خلاني مرقت جريت ليك في زقاق ضيق كده وطلعت في الحنفية وتلبت بالحيطة وحاتكم نزلتي كده لما فيني كلب عضاني في كراعي.. مشيت بيت العزابة شحدت لي قميص ومن هناك للشفخانة الدكتور قال لي تاخد حداشر حقنة وتمش تشوف الكلب كان لقيتو حي توقف الحقن.. أخدت الحداشر حقنة ومشيت أشوف الكلب حي ولا مات والله يا جماعة وقفت ليك جنب بيت ناس حقوص يجي الكلب الما بيغباني مارق زي الطلقة ويعضيني تاني. أما الإسم جا من وين فسببو نميري الله لا تاجرو قاعدين أيامها ديك في بيت ناس سمير التمرجي نضحك ومعانا بنات يغنوا ومبتهجين وما عندنا شغلة بي زول أكان الكشة تجي وجابوني ليك في التلفزيون (علي أربعين جلدة وشهر سجن) غايتو أنا الأربعين جلدة أكلتهن جعولية ساكت لكن من اليوم داك بقيت أشهر من علي قاقرين علي كشه علي كشه الله لا كسبك يا نميري.

رهن علي منزله ليضمن أحد أبناء الحي الذي سجن في شيك من غير رصيد وعندما تسأله كيف تضمن السداد يا علي يقول لك وكيف نضمن إننا نعيش لي باكر !! الله في.؟؟

علي شخص لا يعرف الغضب إليه سبيل يساعد المحتاج ويتفقد المريض أول من يقيم "الصيوان" في فرح وترح
آخر عهدي به أنه لا يزال أعزب ويفسر الأمر بأنه ما دام إسم كشه ده موجود فسيظل أعزب ولن ترضي به فتاة عاقلة.. وشخصيآ لو كنت أملك من الأمر شيئ وتقدم علي لأحد أخواتي لما ترددت في الموافقة فهو نعم الرجل..
الله يطراك بالخير يا علي ود نفيسة.



التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها،
وبها تُخَلِّصُ أرضَنا من رجْسِها،
حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

(عالم عباس)
[/align]
خالد الحاج غير متصل  
قديم 16-01-2006, 09:13 PM   #[35]
الجيلى أحمد
:: كــاتب نشــط::
الصورة الرمزية الجيلى أحمد
 
افتراضي

جميل ياودالحاج
امتاع..سلاسه وبساطة متناهيه تخليك تقرا النصوص كانها تتحدث
عن ناس حلتك بالجد..
واصل يابوالخلد ومتابعنك بى مزاج



التوقيع: How long shall they kill our prophets
While we stand aside and look
Some say it's just a part of it
We've got to fulfill de book
Won't you help to sing,
These songs of freedom
'Cause all I ever had
Redemption songs
الجيلى أحمد غير متصل  
قديم 17-01-2006, 05:51 AM   #[36]
abdu abubakr abdalla
:: كــاتب نشــط::
 
افتراضي

العم الحبيب : خالد الحاج .

سرد ممتع تتداعى الذكريات اها حنيتكم ما بتفارقكم رحمة الله على الحاج ابو الشوك واصل ونحن متابعينك وياما نطلع بعبر وحكم من تجارب وحكاوى الماضى .
مع تحياتى عبده



abdu abubakr abdalla غير متصل  
قديم 17-01-2006, 06:54 AM   #[37]
أبوجهينة
:: كــاتب نشــط::
الصورة الرمزية أبوجهينة
 
افتراضي

أبو جعفر

تحياتي
و من العايدين و عيدك مبارك

أمام مثل هذه التداعيات .. لا يسعني إلا أن أقرأ فقط و أنا أستمتع و أحياناً أضحك و أحياناً أتوه في ذكريات مماثلة ..
واصل ..
تحياتي للأسرة



التوقيع: [align=center]أن تكُوُن نفسك في هذا الزمن الصعب هو كمحاولة ترويض جواد بري جامح ..
أو كإرجاع العسل إلى بطن النحلة ..
معادلة مربكة .. متشابكة العناصر ..
جلال الدين داود
( أبوجهينة)[/align]



[align=center]مقالات أخري ل : أبوجهينة[/align]
أبوجهينة غير متصل  
قديم 17-01-2006, 05:39 PM   #[38]
خالد الحاج
:: كــاتب نشــط::
الصورة الرمزية خالد الحاج
 
افتراضي

(4)

العم صالح الحلفاوي:


الساعة ما بعد منتصف الليل شتاء أحد أعوام الثمانينات...صوت صريخ عالي يقطع صمت الليل الطاغي...حرامي..
حراميييييييي..الحرامييييييي. كان مصدر الصوت منزل الخالة مارية.. وقد أخرج الصريخ كل الحي وكان أسرعهم جعفر الموش وعصام ..قبضا علي الحرامي وأوسعاه ضربآ حتي أن بقية شباب الحي لم يجدوا بدآ من التفرج فقط فقد كان اللص المسكين ضعيف البنية ناحل الجسد. ولكنهم ربطوه إلي عامود الكهرباء علي كل حال.....
بدأت الإقتراحات من الجمع كان أعقلهم يطالب بتسليمه البوليس.. وبما أن حوادث السرقات قد تعددت في الحي في تلك الآونة فقد كان إقتراح العم صالح الحلفاوي قاطعآ ...
العم صالح : إحنا لازم نجعل منو (إكزامبل) -نموذج، عبرة- (يدخل العم صالح علي لهجته الخليط من المصرية والسودانية بعض الكلمات الإنجليزية ويقلب الخاء إلي هاء وحرف الصاد إلي سين) .

جعفر الموش: "زرقوا" ليهو الشطة الكلب ده!!

لاقت الفكرة قبول سريع من الجمع المتواجد وتبرعت أولقا بالشطة إلا أن علي ودنفيسة رفض تبرع أولقا بحجة أن الشطة الحبشية باردة ولن تترك لأثر المطلوب وأسرع إلي منزله طالبآ منهم الإنتظار ولم يطول غيابه..عاد وهو يحمل كيس "أتي" بين الليان والنشفان وقدم الكيس.. أخذ عصام الكيس في يده وهو يتبسم كأول بادرة للمرح بين الحضور فقد كانوا يتعاملون بجدية تفوق جدية أركان الحرب ، أخذ الكيس قائلآ والله ده تبرع غالي يا كشه؟؟
.
علي ود نفيسة: دي شطة "قبانيت" وارد كسلا كنت خاتيها لليوم الأسود..

تلفت صالح الحلفاوي وأعطي أوامره للنساء والأطفال بالرجوع إلي منازلهم وكان صوته قاطعآ فخلت الساحة إلا من الشباب والحاجتين فاطمة زهرة وبتول بالإضافة إلي أولقا ولم يكن الأمر مستغربآ فهن علي كل حال لا يدخلن في تصنيف العم صالح بقوله نساء.. كما أنهن لن يلقين بالآ لأوامره .

قام عصام بمساعدة الموش وعلي بعملية "تزريق" الشطة للص المسكين والذي ظل صريخه يعلو حتي أن الموش نسي أن يؤذن للفجر ذلك اليوم. وفي الصبيحة تم تسليم اللص للبوليس مع نكران تام من الجميع لعملية الشطة.

يعتبر العم صالح معجزة من معجزات الزمان بل كل الأزمنة.. متزوج من ثلاثة نساء يسكنون جميعآ في منزل واحد وللعم صالح ستة عشرة ولدآ وعدد غير معروف من البنات.. لم يرتفع لنساءه يومآ صوتآ وكل منهن تعتبر أم لجميع الأبناء، ضابط سابق في الجيش السوداني أحيل للصالح العام بعيد حركة حسن حسين الإنقلابية ..رئيس الجمعية التعاونية في الحي ..مدرب فريق كرة القدم.. وقائد لتيم الكتشينة يجيد كل أنواع اللعب من "كنكان" و "وست" و "هارت" ..
ومن معجزات العم صالح والتي أبطلتها الإنقاذ أنه جعل من زاوية الصلاة في الحي مركزآ وكنتين للجمعية التعاونية ومكان للصلاة وتجمع للعب الكتشينة بعد صلاة العشاء..
تجدهم يلعبون الكنكان حتي منتصف الليل ويطول جلوسهم في رمضان. وله نوادر تحكي مع العم علي وراق والحاج أبوشوك غريميه في اللعب.. من أشهرها تلك "الخمسين" الغير معترف بها والتي كانت حديث الحي لشهر أو نحوه.. رمي علي وراق "الدو" في لعبة الكتشينة وكان العم صالح ينتظره بجوكر "مخاواة" فسحب الكرت سريعآ قائلآ (همسين) فرفض علي وراق القبول بها مصرآ علي صالح أن عليه أن يقول (خمسين وليس همسين) وأصر صالح علي الإعتراف بالخمسين وإلا لا لعب لبقية اليوم وقد كان. إلا أن الخمسين صارت حجوة في الحي ومثار للتندر لزمن. كذلك وصفه لعلي وراق بأنه هرهار "خرخار" .
بعد خروجه من الجيش بقرار حكومي عمل العم صالح لفترة في دلالة الخرطوم وكان يخبر أثرياء الحي حين تكون بعض معروضات السفارة الأمريكية في الدلالة.. ويحكي أن العم صالح كرر علي مجموعة العجائز أن هناك بعض معروضات السفارة ستعرض وعليهم التبكير في الحضور فتأخروا وبيعت المعروضات لشخص آخر وحضر رفاقه وحين شاهدهم قال لهم موجهآ حديثه لأبي شوك : أب شوك "تو ليت" ولم يفهم أبوشوك معني كلمة تو ليت
فالتفت إلي علي وراق سائلآ عن ما قاله صالح الحلفاوي ووجدها علي وراق فرصة يمارس تنكيته عليهم فقال لأبي شوك قال ليك يا وليد.. غضب أبوشوك غضبة كبيرة ولو لا تفسير علي وراق وشرحه للنكتة لم رضي عنه علي الإطلاق وكان غياب أبوشوك من لعب الكتشينة هو سبب حرص علي وراق علي الصلح بينهم.

من أمتع ما أذكره حضور مباراة هلال مريخ في منزل العم صالح وينقسم أبناءه تقريبآ في ميولهم بين هلالاب ومريخاب والعم صالح نفسه هلالابي مريض بحب الهلال لدرجة الهوس.. وتراه يقف مع الجمع في الزاوية الجنوبية الشرقية لميدان الأمم المتحدة يمارس الغلاط ويتحدث عن الكرة وزمانها الذهبي ويحمل صحف في يده كوثائق مثل السودان اليوم وبعض الصحف القديمة.

توفي العم صالح الحلفاوي في عام 1993 وقمت شخصيآ بحفر ود الأحد له وقام العم أبوشوك بزرع شجرة نيم علي قبره كنت حريص لعام بحاله علي سقايتها مرة كل أسبوع.
غفر الله للحاج صالح وجعل الجنة مأواه.



التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها،
وبها تُخَلِّصُ أرضَنا من رجْسِها،
حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

(عالم عباس)
[/align]
خالد الحاج غير متصل  
قديم 17-01-2006, 05:46 PM   #[39]
خالد الحاج
:: كــاتب نشــط::
الصورة الرمزية خالد الحاج
 
افتراضي

اقتباس:
المشاركة الأصلية كتبت بواسطة Osman Hamad
الحكى حلو ولذيذ ياخالد، واصل وكان امانى جننتك وغلبك تتمهم، انا بسلفك جاكولين ونقول بقت من بنات حلتكم
نان يا عثمان يا أخوي "جاكولين" حقتك دي بيلقوها في ياتو طلمبة بنزين
ما تلخبت الكيمان يا زول..
تشكر لوجودك الجميل



التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها،
وبها تُخَلِّصُ أرضَنا من رجْسِها،
حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

(عالم عباس)
[/align]
خالد الحاج غير متصل  
قديم 17-01-2006, 05:54 PM   #[40]
خالد الحاج
:: كــاتب نشــط::
الصورة الرمزية خالد الحاج
 
افتراضي

اقتباس:
المشاركة الأصلية كتبت بواسطة Elgaily
جميل ياودالحاج
امتاع..سلاسه وبساطة متناهيه تخليك تقرا النصوص كانها تتحدث
عن ناس حلتك بالجد..
واصل يابوالخلد ومتابعنك بى مزاج
سلام يا جيلي
تشكر يا صديقي للإطراء
عساك بخير وسلام من الحيكومة لحكومتكم الموقرة والأمورة



التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها،
وبها تُخَلِّصُ أرضَنا من رجْسِها،
حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

(عالم عباس)
[/align]
خالد الحاج غير متصل  
قديم 17-01-2006, 05:55 PM   #[41]
خالد الحاج
:: كــاتب نشــط::
الصورة الرمزية خالد الحاج
 
افتراضي

اقتباس:
المشاركة الأصلية كتبت بواسطة أبوجهينة
أبو جعفر

تحياتي
و من العايدين و عيدك مبارك

أمام مثل هذه التداعيات .. لا يسعني إلا أن أقرأ فقط و أنا أستمتع و أحياناً أضحك و أحياناً أتوه في ذكريات مماثلة ..
واصل ..
تحياتي للأسرة
أبوجهينة العزيز
أسعدني أن وجدت فيما أكتب بعضآ من متعة يا صديقي الجميل
وتشكر لتواجدك المفرح.



التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها،
وبها تُخَلِّصُ أرضَنا من رجْسِها،
حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

(عالم عباس)
[/align]
خالد الحاج غير متصل  
قديم 17-01-2006, 07:50 PM   #[42]
خالد الحاج
:: كــاتب نشــط::
الصورة الرمزية خالد الحاج
 
افتراضي

اقتباس:
المشاركة الأصلية كتبت بواسطة abdu abubakr abdalla
العم الحبيب : خالد الحاج .

سرد ممتع تتداعى الذكريات اها حنيتكم ما بتفارقكم رحمة الله على الحاج ابو الشوك واصل ونحن متابعينك وياما نطلع بعبر وحكم من تجارب وحكاوى الماضى .
مع تحياتى عبده
عبدو يا ود أخوي أهلآ بيك

دي ذكريات من زمن مختلف كنا نظنه زمن سوء إلي أن أطلت الإنقاذ ورمت بكلكلها علينا..
لست أدري إن كان فيها ما يعتبر حكمة ولكنها أيام حميمة أحببت أن أشرك فيها الأحباب.

تحياتي لك.



التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها،
وبها تُخَلِّصُ أرضَنا من رجْسِها،
حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

(عالم عباس)
[/align]
خالد الحاج غير متصل  
قديم 18-01-2006, 08:46 AM   #[43]
عكــود
Administrator
الصورة الرمزية عكــود
 
افتراضي

خالد يا صديقي،

إنبسطت جدّاً بمتاورة ضرس الكتابة لك (الله يستر من الضروس البتضرس )
فضفض يا زول وما تهتم بالمثبطين/ات
فداخل كل منا جمال...
لا يوصف،

رسمت الشخصيات بطريقة مرئية،

عكــود



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل  
قديم 18-01-2006, 11:57 PM   #[44]
ميدو
:: كــاتب نشــط::
 
افتراضي

الخال ود الحاج

تحية طيبة

اسلوب قصصى رائع وسلسل وجذاب ومشوق

لاتحرمنا من ابداعاتك

وكل عام وانت بخير

ميييييييدو



ميدو غير متصل  
قديم 19-01-2006, 08:20 AM   #[45]
علاءالدين عبدالله الاحمر
:: كــاتب نشــط::
الصورة الرمزية علاءالدين عبدالله الاحمر
 
افتراضي

العزيز ود الحاج .. بعد التحية ... والله اولاً بقيت لي مشكلة مع الصغيرة * شمة * والتي تتابع بوستاتك حتي النخاع .. حتي أنني فكرت في نسف البوست حتي اريح نفسي منه بعد أن انتقل للبيت مع الرائعة كما الاشواق *شمة * عموماً ـ كل لحظة وانت اجمل من ذمان ـ



امين .... يا امين ... هوي يا امين ...



علاءالدين عبدالله الاحمر غير متصل  
 

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 07:19 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.