قصص من الدنيا؛ وبعض حكاوي...!!! - الصفحة 11

عايد عبد الحفيظ · 07-09-2021, 04:15 PM

له الرحمة والمغفرة والقبول الحسن

من أمتع البوستات التى تقرأها وتحس بعدها
بالسعادة .
مقدرة هائلة على الحكى الممتع ، الجميل ،
والأسلوب واللغة ملكية خاصة لك الأخ الحبيب
عبد المنعم .
كتابة جميلة تبدأ فلا يوقفك من الإستمرار
والمواصلة فى القراءة إلا الشديد القوى .
وما أكثره فى سوداننا الحبيب فى هذه الفترة
العجيبة من حياتنا وتاريخه
لك مودتى ومحبتى

عبدالمنعم الطيب حسن · 09-09-2021, 12:12 PM

اقتباس:

المشاركة الأصلية كتبت بواسطة عايد عبد الحفيظ

له الرحمة والمغفرة والقبول الحسن

من أمتع البوستات التى تقرأها وتحس بعدها
بالسعادة .
مقدرة هائلة على الحكى الممتع ، الجميل ،
والأسلوب واللغة ملكية خاصة لك الأخ الحبيب
عبد المنعم .
كتابة جميلة تبدأ فلا يوقفك من الإستمرار
والمواصلة فى القراءة إلا الشديد القوى .
وما أكثره فى سوداننا الحبيب فى هذه الفترة
العجيبة من حياتنا وتاريخه
لك مودتى ومحبتى

شكرا الدكتور عايد
تسلم يا صاحبي، والله رغم الارهاق والزمن الشوية ومافي، والمسؤوليات، نحاول ان نكتب قصاصات وتجارب وقصص، ولو عملت فرق واسعدت شخص واحد، ننسى كل مجابدة الزمن الممحوق، ومافي،،
ونسعد ايما سعادة..لسعادتكم احبابي..

تسلم اخوي وخليك قريب..

عبدالمنعم الطيب حسن · 12-09-2021, 12:34 PM

دخلت على امي في غرفتها، شفتا صاحباتا معاها، عاوز ارجع، نادتني امي تعال يا ولد سلم على خالاتك ديل!!
رجعت مباشرة على امي، ومديت لها ايدي للسلام، يا الله سلمت على، ههههها
وعاوز ارجع تاني،
قالت هوي هوي يا جنا،. يا المغبي
خالتك دي مادا ليك ايدا، سلم عليها،
سلمت على خالتي، ومش متاكد سلمت على كل الخالات ديل،
ول فطيت بعضهن،
...
لمبتي بتبق
..
🤣🤣🤣🤣🤣

عبدالمنعم الطيب حسن · 16-09-2021, 07:19 AM

صاحبنا جاب صورة ود اخوهو،
قال دي صورتي لما كنت صغير،
الجماعة قالوا ليهو:
ياخ لمن انتا اتولدتا في الجزيرة ابا،
كاميرا يصوروا بيها الصادق المهدي مافي..

عبدالمنعم الطيب حسن · 01-10-2021, 05:41 PM

كانت الاذاعة الملجا ونحن بعد صبيان، ارتبطت عندي في نهارات الخميس ببرنامج مختارات الخميس للغنائية، من اعداد وتقديم علم الدين حامد، فان شغلنا كطُلبة وكموانة على وشك الانتهاء واليوم بنستلم المصاريف، وبكرة اجازة وكشاتين الجمعة تبدا بعد الفطور ولقبيل المغرب، وتتواصل بعدها في النادي..
اذكر بكاء المذيع هو ينعي زميله مذيع نشرة السادسة والنصف كمال محمد الطيب،...
واذكر من الاذاعةذو النون بشرى وعلم الدين حامد وليلى المغربي وسهام العمرابي، وابراهيم البزعي النضام حتى ان صاحبنا قال انو ابراهيم البزعي دا متخرج من كلية الالسن،،
كتابك يا عمر بلساننا جميعا،
فنحن جيل الاذاعة..ومجلة العربي والدستور والدوحة وصباح الخير، وعادل امام وفاتن حمامة وسعيد صالح واحمد زكي
جيل الطيب صالح وعلي المك وحمدي بدرالدين،
جيل الدحيش وكوري وسامي عزالدين والضب،،
جيل وردي ومصطفى ووردي وودالبادية وكل اساطين الفن السوداني...
جيل عاطف خيري ويحيى فضل الله ومحطة التلفزيون الاهلية ومحمد نعيم سعد والدهباية..
جيل المهر الذكي وزيدان الكسلان ومريم الشجاعة،
جيل سهام والهام، سهام من الخرطوم، والهام بنت من بنات حلفا،،
حلفا دغيم، ولا باريس..
جيل الانتصارات الصغيرة والهزائم الكبيرة..
جيل الحب والشعر والثورة،،

..
ما زالنا نحلم بسودان اخضر
وباطفالا حقيقيين..
يتربوا فوق ترابه،

عايد عبد الحفيظ · 18-10-2021, 06:03 PM

الأستاذ الحبيب عبد المنعم
نستمتع بحكاياتك الجميلة ، نقرأ ونحس
بحلاوة حكيك ، نذوق طعمه ونشم
فيه عبق ورائحة تلك الأزمنة الجميلة ،
نقرأ ونستعيد جلستنا أمام
حبوبتنا ونحن فاغرى الأفواه ، ووجوهنا
تتلون بشتى الألوان التى تترجم تلك
الأحداث طى الحكاية إلى صور واضحة
وجلية فى مخيلتنا .
حكيك ممتع وآسر ويشدك ويجذبك إليه .
لك مودتى ومحبتى

عبدالمنعم الطيب حسن · 28-09-2022, 09:59 PM

عبدالمنعم الطيب حسن · 06-10-2022, 10:12 PM

اقتباس:

المشاركة الأصلية كتبت بواسطة عايد عبد الحفيظ

الأستاذ الحبيب عبد المنعم
نستمتع بحكاياتك الجميلة ، نقرأ ونحس
بحلاوة حكيك ، نذوق طعمه ونشم
فيه عبق ورائحة تلك الأزمنة الجميلة ،
نقرأ ونستعيد جلستنا أمام
حبوبتنا ونحن فاغرى الأفواه ، ووجوهنا
تتلون بشتى الألوان التى تترجم تلك
الأحداث طى الحكاية إلى صور واضحة
وجلية فى مخيلتنا .
حكيك ممتع وآسر ويشدك ويجذبك إليه .
لك مودتى ومحبتى

هلا بالاخ العزيز الدكتور عايد،
الشوق من حاصف لقاصف والله..
اخبارك يا اصيل،، لعلكم بالف صحة وهناء
ودي الذي لا تعلم....

عبدالمنعم الطيب حسن · 12-10-2022, 08:59 PM

واوسي؛
الليلة جيتني في محلتي يا استاذ، جعفر عباس..
انا من اهالي واوسي، وخالنا الشيخ ادريس مدني استقر في الحلة واساسي في كل المناسبات،
وهو رجل طيب وودود وفي اول اجازة ساخبره بهذه الصفحة وهذه الكتابة، وانا بعلق هنا عسى ان يلتقطها احد الاصدقاء ويوصلها للخال العزيز، وهذا امر متاكد سيسعده..
جناين المنقة في واوسي يا لها من رحيبة..
اخر اجازة مشيت مع اطفالي واستمتعوا بالمنقة المتوفرة تحت الاشجار بكثافة بل انتظروا حتى تسقط المنقاية من الشجرة وقد اكتمل نضجها،
في مراهقتنا وشبابنا كنا نذهب غالبا كل جمعة في العصريات للمزارع حيث ياتي موظفين وطلاب الخرطوم للرحلات في منطقتنا، فنذهب في العصريات حتى يكون ضيوفنا وقد انهوا مسالة الاكل والشرب ونبتعد ما امكن، حتى لا نضايقهم ونقترب اكثر ساعة الغناء، وكانت الرحلات ياتي فيها كبار الفنان، فاستمعنا في جناين منطقتنا للفنان كابلي والجابري وبشير عباس والبلابل،
وغيرهم كثر..
تسلم يا مكافح يا مناضل يا كبير...
....
مشاركة لي في صفحة الاستاذ ابوالجعافر، وقد ذكر انه واصدقائه ذهبوا برحلة لحلتنا،
فكانت السطور اعلاه..

عبدالمنعم الطيب حسن · 13-10-2022, 11:30 PM

بالله اسا انت والارباب وفتحي على مسافة واحدة من الجميع،
الهادي بالله ما تسوقنا بالدرب التحتاني
..
لا حياد في الحب والحرب والسياسة
..
بعدين اياك تعتقد لما اكتب رائي هنا دا معناها طوالي راي الحزب لا يا عمك
ممكن تمر ايام ما اقرا مادة للحزب
لكن رائي لو جاء قريبا من راي الحزب
دي اسمها الوحدة الفكرية ودي بتتبني عبر السنين وتجاربها..
وفكرة الانسان نفسه والدنيا والعالم والمحيط
..
الحزب في الغالب يعبر عن رؤيتي وفكرتي، وليس العكس،
ودي قسمة من الله يهبها لعباده الجذريين
..
دمت،

عبدالمنعم الطيب حسن · 14-10-2022, 04:02 PM

ليس هنالك حياد مطلقا في الدنيا يصحبي،
واللامنتمي دا فكرة طوباوية ليس لها ممثل على ارض المعاش،
اي انسان له موقف فكري، تجاه اي حدث، وردة فعل، صحيح هنالك مهتم وهنالك مهتم اكتر، كلنا لست محايدون كلنا منتمون، الاختلاف فقط في الدرجة، وليس النوع.
..
زمان لو تذكر يا عنكبة كنا نسمي المرتبط شديد بالجبهة الديمقراطية كنا نسميهو المتورط..
وكان مثالا للمتورطين طارق البشرى طنطا،
وذو النون جعفر، وعنكبة.واسامة عبدالمنعم.

عبدالمنعم الطيب حسن · 18-10-2022, 07:57 PM

عمك السوداني قريبات دي في تمرين كرة القدم للاولاد، بعرفني كدة يا دوب بالشكل والونسة في المواضيع العامة، ما بعرف اسمي حتى، انا بعرف اسمو، المهم جيت سلمت على مجموعة اباء وهو
في نصهم مسكني من ايدي، وقالي بزهج شديد، ياخ ما تحلق شعرك دا..
هههههههههها
قربت اديهو درس بس مشّيت الموضوع،
عشان اكبر مني شوية؛ وزوجتو متوفية وعايش مع ولدو وبتو وهو اب وام لهم..
قلت ياخ معقول، عمك دا الفيهو مكفيهو..ابقى عليهو انا والدنيا..
كلامو صاح انا زاتي شعري كتير ومخنفس.
واصلا مفروض احلق قبل شهر، ولكنه الكسل التاريخي عند حضرتي..

عبدالمنعم الطيب حسن · 19-10-2022, 04:36 AM

الشاعر خطاب حسن احمد،
سلم على محجوب شريف، ومصطفى ووردي والقدال وحميد.

(جلبت ليك من بلاد الله البعيده
صنوف من الوجد الملح
درت القاك بالسمح
كنت اصطاد في الظهيره
من مناقير الكنار
بوصلات سكك الاغاني
ومن قري الليل القصيه
انتشل عطر الاماني
لو الاقي اللون ادسو
لما يغرس فيني حسو
لي ملاقاتك هديه
واتفقد الرعشه المعبيه
في ايديا)
...
المنصورة مطلع التسعينات، مع صوت المغني الرطب، واصدقاء العمر عمر مضوي
و Ibrahim Alnimma وحللي وعبدالمنعم ابراهيم،،
جاءتنا الاغنية الرحيبة بمفردات جديدة وفكرة جديدة، اذكر انني كتبتها في نفس الساعة وجلست عليها حتى حفظتها، ما زلت..
مبدعين شكلوا وجداننا باكرا على الحب والصدق والجمال،،

عبدالمنعم الطيب حسن · 23-10-2022, 05:36 AM

https://www9.0zz0.com/2022/10/23/04/105116572.jpg
.

الاستاذ الخطيب مع زملان الصبا،
ضحكة من القلب..

عبدالمنعم الطيب حسن · 25-10-2022, 06:48 AM

الانقاذ اججت القبيلة في الفضاء السوداني كله، في الاعلام ياتي الوزير، بدل السؤال عن وزارته مشاكلها والحلول، يساله المذيع المبرمج المبرمج عن قبيله اصولها امتدادها واماكن تواجدتها يبتسم الوزير ويتحدث حديث العالم عن القبيلة، وغُيبت المعلومة التي ينتظرها المواطن الغلبان،
واضف عندك بتوع النكت والتنميط القبلي المريع، ورعاية تامة من الدولة،
زمان النكتة تبدأ كان في واحد وتستمر بالواحد دا لحدت ما تنتهي
فرق النكات العاطلة عن اي موهبة يبدا نكته بفلاتي وجعلي وادروب،،ويبيعون نكات الشعب للشعب بفلوس،
اصلا النكت دي الفها الشعب وتاخذ دورتها وتلف.
لا افهم ابدا ان يكون الواحد من بتاعين النكات ديل
شباب ومتعلم وتكون شغلتو كلها يعيد انتاج نكت الشعب، لا يضيف ولا يؤلف..
ورسميا السؤال في الجنسية والوظيفة عن القبيلة
وسورة طه..
واضعفت الانقاذ منظمات المجتمع المدني والاحزاب ففي الجامعات استبدلت روابط الكليات بروابط المنطقة والقبيلة
وصارت الاحزاب في اضعف حالاته، فلجأ المواطن للقبيلة والاثنية للحماية، بعد ان فقد العدالة والامن في وطن المطففين الطفابيع..

07-09-2021, 04:15 PM	#[151]
عايد عبد الحفيظ :: كــاتب نشــط::	له الرحمة والمغفرة والقبول الحسن من أمتع البوستات التى تقرأها وتحس بعدها بالسعادة . مقدرة هائلة على الحكى الممتع ، الجميل ، والأسلوب واللغة ملكية خاصة لك الأخ الحبيب عبد المنعم . كتابة جميلة تبدأ فلا يوقفك من الإستمرار والمواصلة فى القراءة إلا الشديد القوى . وما أكثره فى سوداننا الحبيب فى هذه الفترة العجيبة من حياتنا وتاريخه لك مودتى ومحبتى
عايد عبد الحفيظ :: كــاتب نشــط::	التوقيع: وانا . . من انا يا سيدى سوى واحد من جنودك يا سيدى خبزه . .خبز ضيق ماؤه . . بل ريق والممات بعينيه . . كالمولد واحد من جنودك يا . . سيدى يركع الان ينشد جوهرة تتخبأ فى الوحل او قمرا فى البحيرات او فرسا فى الغمام امل دنقل

12-09-2021, 12:34 PM	#[153]
عبدالمنعم الطيب حسن :: كــاتب نشــط::	دخلت على امي في غرفتها، شفتا صاحباتا معاها، عاوز ارجع، نادتني امي تعال يا ولد سلم على خالاتك ديل!! رجعت مباشرة على امي، ومديت لها ايدي للسلام، يا الله سلمت على، ههههها وعاوز ارجع تاني، قالت هوي هوي يا جنا،. يا المغبي خالتك دي مادا ليك ايدا، سلم عليها، سلمت على خالتي، ومش متاكد سلمت على كل الخالات ديل، ول فطيت بعضهن، ... لمبتي بتبق .. 🤣🤣🤣🤣🤣
عبدالمنعم الطيب حسن :: كــاتب نشــط::	التوقيع: الثورة مستمرة و سننتصر

16-09-2021, 07:19 AM	#[154]
عبدالمنعم الطيب حسن :: كــاتب نشــط::	صاحبنا جاب صورة ود اخوهو، قال دي صورتي لما كنت صغير، الجماعة قالوا ليهو: ياخ لمن انتا اتولدتا في الجزيرة ابا، كاميرا يصوروا بيها الصادق المهدي مافي..
عبدالمنعم الطيب حسن :: كــاتب نشــط::	التوقيع: الثورة مستمرة و سننتصر

01-10-2021, 05:41 PM	#[155]
عبدالمنعم الطيب حسن :: كــاتب نشــط::	كانت الاذاعة الملجا ونحن بعد صبيان، ارتبطت عندي في نهارات الخميس ببرنامج مختارات الخميس للغنائية، من اعداد وتقديم علم الدين حامد، فان شغلنا كطُلبة وكموانة على وشك الانتهاء واليوم بنستلم المصاريف، وبكرة اجازة وكشاتين الجمعة تبدا بعد الفطور ولقبيل المغرب، وتتواصل بعدها في النادي.. اذكر بكاء المذيع هو ينعي زميله مذيع نشرة السادسة والنصف كمال محمد الطيب،... واذكر من الاذاعةذو النون بشرى وعلم الدين حامد وليلى المغربي وسهام العمرابي، وابراهيم البزعي النضام حتى ان صاحبنا قال انو ابراهيم البزعي دا متخرج من كلية الالسن،، كتابك يا عمر بلساننا جميعا، فنحن جيل الاذاعة..ومجلة العربي والدستور والدوحة وصباح الخير، وعادل امام وفاتن حمامة وسعيد صالح واحمد زكي جيل الطيب صالح وعلي المك وحمدي بدرالدين، جيل الدحيش وكوري وسامي عزالدين والضب،، جيل وردي ومصطفى ووردي وودالبادية وكل اساطين الفن السوداني... جيل عاطف خيري ويحيى فضل الله ومحطة التلفزيون الاهلية ومحمد نعيم سعد والدهباية.. جيل المهر الذكي وزيدان الكسلان ومريم الشجاعة، جيل سهام والهام، سهام من الخرطوم، والهام بنت من بنات حلفا،، حلفا دغيم، ولا باريس.. جيل الانتصارات الصغيرة والهزائم الكبيرة.. جيل الحب والشعر والثورة،، .. ما زالنا نحلم بسودان اخضر وباطفالا حقيقيين.. يتربوا فوق ترابه،
عبدالمنعم الطيب حسن :: كــاتب نشــط::	التوقيع: الثورة مستمرة و سننتصر

18-10-2021, 06:03 PM	#[156]
عايد عبد الحفيظ :: كــاتب نشــط::	الأستاذ الحبيب عبد المنعم نستمتع بحكاياتك الجميلة ، نقرأ ونحس بحلاوة حكيك ، نذوق طعمه ونشم فيه عبق ورائحة تلك الأزمنة الجميلة ، نقرأ ونستعيد جلستنا أمام حبوبتنا ونحن فاغرى الأفواه ، ووجوهنا تتلون بشتى الألوان التى تترجم تلك الأحداث طى الحكاية إلى صور واضحة وجلية فى مخيلتنا . حكيك ممتع وآسر ويشدك ويجذبك إليه . لك مودتى ومحبتى
عايد عبد الحفيظ :: كــاتب نشــط::	التوقيع: وانا . . من انا يا سيدى سوى واحد من جنودك يا سيدى خبزه . .خبز ضيق ماؤه . . بل ريق والممات بعينيه . . كالمولد واحد من جنودك يا . . سيدى يركع الان ينشد جوهرة تتخبأ فى الوحل او قمرا فى البحيرات او فرسا فى الغمام امل دنقل

28-09-2022, 09:59 PM	#[157]
عبدالمنعم الطيب حسن :: كــاتب نشــط::	اب
عبدالمنعم الطيب حسن :: كــاتب نشــط::	التوقيع: الثورة مستمرة و سننتصر

12-10-2022, 08:59 PM	#[159]
عبدالمنعم الطيب حسن :: كــاتب نشــط::	واوسي؛ الليلة جيتني في محلتي يا استاذ، جعفر عباس.. انا من اهالي واوسي، وخالنا الشيخ ادريس مدني استقر في الحلة واساسي في كل المناسبات، وهو رجل طيب وودود وفي اول اجازة ساخبره بهذه الصفحة وهذه الكتابة، وانا بعلق هنا عسى ان يلتقطها احد الاصدقاء ويوصلها للخال العزيز، وهذا امر متاكد سيسعده.. جناين المنقة في واوسي يا لها من رحيبة.. اخر اجازة مشيت مع اطفالي واستمتعوا بالمنقة المتوفرة تحت الاشجار بكثافة بل انتظروا حتى تسقط المنقاية من الشجرة وقد اكتمل نضجها، في مراهقتنا وشبابنا كنا نذهب غالبا كل جمعة في العصريات للمزارع حيث ياتي موظفين وطلاب الخرطوم للرحلات في منطقتنا، فنذهب في العصريات حتى يكون ضيوفنا وقد انهوا مسالة الاكل والشرب ونبتعد ما امكن، حتى لا نضايقهم ونقترب اكثر ساعة الغناء، وكانت الرحلات ياتي فيها كبار الفنان، فاستمعنا في جناين منطقتنا للفنان كابلي والجابري وبشير عباس والبلابل، وغيرهم كثر.. تسلم يا مكافح يا مناضل يا كبير... .... مشاركة لي في صفحة الاستاذ ابوالجعافر، وقد ذكر انه واصدقائه ذهبوا برحلة لحلتنا، فكانت السطور اعلاه..
عبدالمنعم الطيب حسن :: كــاتب نشــط::	التوقيع: الثورة مستمرة و سننتصر

13-10-2022, 11:30 PM	#[160]
عبدالمنعم الطيب حسن :: كــاتب نشــط::	بالله اسا انت والارباب وفتحي على مسافة واحدة من الجميع، الهادي بالله ما تسوقنا بالدرب التحتاني .. لا حياد في الحب والحرب والسياسة .. بعدين اياك تعتقد لما اكتب رائي هنا دا معناها طوالي راي الحزب لا يا عمك ممكن تمر ايام ما اقرا مادة للحزب لكن رائي لو جاء قريبا من راي الحزب دي اسمها الوحدة الفكرية ودي بتتبني عبر السنين وتجاربها.. وفكرة الانسان نفسه والدنيا والعالم والمحيط .. الحزب في الغالب يعبر عن رؤيتي وفكرتي، وليس العكس، ودي قسمة من الله يهبها لعباده الجذريين .. دمت، التعديل الأخير تم بواسطة عبدالمنعم الطيب حسن ; 14-10-2022 الساعة 08:42 AM.
عبدالمنعم الطيب حسن :: كــاتب نشــط::	التوقيع: الثورة مستمرة و سننتصر

14-10-2022, 04:02 PM	#[161]
عبدالمنعم الطيب حسن :: كــاتب نشــط::	ليس هنالك حياد مطلقا في الدنيا يصحبي، واللامنتمي دا فكرة طوباوية ليس لها ممثل على ارض المعاش، اي انسان له موقف فكري، تجاه اي حدث، وردة فعل، صحيح هنالك مهتم وهنالك مهتم اكتر، كلنا لست محايدون كلنا منتمون، الاختلاف فقط في الدرجة، وليس النوع. .. زمان لو تذكر يا عنكبة كنا نسمي المرتبط شديد بالجبهة الديمقراطية كنا نسميهو المتورط.. وكان مثالا للمتورطين طارق البشرى طنطا، وذو النون جعفر، وعنكبة.واسامة عبدالمنعم.
عبدالمنعم الطيب حسن :: كــاتب نشــط::	التوقيع: الثورة مستمرة و سننتصر

18-10-2022, 07:57 PM	#[162]
عبدالمنعم الطيب حسن :: كــاتب نشــط::	عمك السوداني قريبات دي في تمرين كرة القدم للاولاد، بعرفني كدة يا دوب بالشكل والونسة في المواضيع العامة، ما بعرف اسمي حتى، انا بعرف اسمو، المهم جيت سلمت على مجموعة اباء وهو في نصهم مسكني من ايدي، وقالي بزهج شديد، ياخ ما تحلق شعرك دا.. هههههههههها قربت اديهو درس بس مشّيت الموضوع، عشان اكبر مني شوية؛ وزوجتو متوفية وعايش مع ولدو وبتو وهو اب وام لهم.. قلت ياخ معقول، عمك دا الفيهو مكفيهو..ابقى عليهو انا والدنيا.. كلامو صاح انا زاتي شعري كتير ومخنفس. واصلا مفروض احلق قبل شهر، ولكنه الكسل التاريخي عند حضرتي.. التعديل الأخير تم بواسطة عبدالمنعم الطيب حسن ; 18-10-2022 الساعة 09:48 PM.
عبدالمنعم الطيب حسن :: كــاتب نشــط::	التوقيع: الثورة مستمرة و سننتصر

19-10-2022, 04:36 AM	#[163]
عبدالمنعم الطيب حسن :: كــاتب نشــط::	الشاعر خطاب حسن احمد، سلم على محجوب شريف، ومصطفى ووردي والقدال وحميد. (جلبت ليك من بلاد الله البعيده صنوف من الوجد الملح درت القاك بالسمح كنت اصطاد في الظهيره من مناقير الكنار بوصلات سكك الاغاني ومن قري الليل القصيه انتشل عطر الاماني لو الاقي اللون ادسو لما يغرس فيني حسو لي ملاقاتك هديه واتفقد الرعشه المعبيه في ايديا) ... المنصورة مطلع التسعينات، مع صوت المغني الرطب، واصدقاء العمر عمر مضوي و Ibrahim Alnimma وحللي وعبدالمنعم ابراهيم،، جاءتنا الاغنية الرحيبة بمفردات جديدة وفكرة جديدة، اذكر انني كتبتها في نفس الساعة وجلست عليها حتى حفظتها، ما زلت.. مبدعين شكلوا وجداننا باكرا على الحب والصدق والجمال،،
عبدالمنعم الطيب حسن :: كــاتب نشــط::	التوقيع: الثورة مستمرة و سننتصر

23-10-2022, 05:36 AM	#[164]
عبدالمنعم الطيب حسن :: كــاتب نشــط::	https://www9.0zz0.com/2022/10/23/04/105116572.jpg . الاستاذ الخطيب مع زملان الصبا، ضحكة من القلب..
عبدالمنعم الطيب حسن :: كــاتب نشــط::	التوقيع: الثورة مستمرة و سننتصر

25-10-2022, 06:48 AM	#[165]
عبدالمنعم الطيب حسن :: كــاتب نشــط::	الانقاذ اججت القبيلة في الفضاء السوداني كله، في الاعلام ياتي الوزير، بدل السؤال عن وزارته مشاكلها والحلول، يساله المذيع المبرمج المبرمج عن قبيله اصولها امتدادها واماكن تواجدتها يبتسم الوزير ويتحدث حديث العالم عن القبيلة، وغُيبت المعلومة التي ينتظرها المواطن الغلبان، واضف عندك بتوع النكت والتنميط القبلي المريع، ورعاية تامة من الدولة، زمان النكتة تبدأ كان في واحد وتستمر بالواحد دا لحدت ما تنتهي فرق النكات العاطلة عن اي موهبة يبدا نكته بفلاتي وجعلي وادروب،،ويبيعون نكات الشعب للشعب بفلوس، اصلا النكت دي الفها الشعب وتاخذ دورتها وتلف. لا افهم ابدا ان يكون الواحد من بتاعين النكات ديل شباب ومتعلم وتكون شغلتو كلها يعيد انتاج نكت الشعب، لا يضيف ولا يؤلف.. ورسميا السؤال في الجنسية والوظيفة عن القبيلة وسورة طه.. واضعفت الانقاذ منظمات المجتمع المدني والاحزاب ففي الجامعات استبدلت روابط الكليات بروابط المنطقة والقبيلة وصارت الاحزاب في اضعف حالاته، فلجأ المواطن للقبيلة والاثنية للحماية، بعد ان فقد العدالة والامن في وطن المطففين الطفابيع..
عبدالمنعم الطيب حسن :: كــاتب نشــط::	التوقيع: الثورة مستمرة و سننتصر

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري