نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > نــــــوافــــــــــــــذ

 
 
أدوات الموضوع انواع عرض الموضوع
قديم 12-01-2006, 04:26 PM   #[1]
imported_عبدالله الشقليني
:: كــاتب نشــط::
 
افتراضي فَرحانة بيكْ كُل النِجُوم ، وأنا رَاقِد مَرَدَّخْ بالحَلاَ

فَرحانة بيكْ كُل النِجُوم ، وأنا رَاقِد مَرَدَّخْ بالحَلاَ

إثر دعوة فخمة للإحتفال بمنتدى عكس الريح تحت إشراف
بروفيسور مُعز عمر بخيت في أبوظبي ، على شرف
الأستاذ خالد الحاج يوم 29/12/2005 م .
حضرنا الحفل وتم ( قولة خير ) عن مؤاخاة بين منتدى سودانيات
ومنتدى عكس الريح ، وكتبت للمنتدى : ـ
لعكس الريح في عيدها السنوي الأول نقول :
ـ فرحانة بيكْ كُل النجوم وأنا رَاقِد مَرَدَّخْ بالحَلاَ .
لم يكُن لقاءً و افترقنا .. ، ولم تكُن الدُنيا أسعد في هذا العام
إلا حضور سيدة عُمرنا الجميل عندما يهبِط طائرها البَاذِخ بيننا هي وزهرتيها ،
و رفقة ( خالد الحاج ) و( معتصم الطاهر وقوت القلوب ) ، ومن ثمَ عيد الكواكِب :
عيد عكس الريح الأول .
نعم .. ياسيدة الريح المُعاكِس .
نعم .. يا فتنة العِطر الفوَّاح .
هُنا بين الأحباب نعمنا ذلك اليوم منذ إصبَاحه علينا .
بدأ برفقة عزيزنا الفاتح و وردة عُمره ، و ( معتصِم الطاهر )
..بدون وردة عُمره فقد أخذتها الأسواق ، وتركتها الأشواق ! ،
و (خالد الحاج ) بدون وردته أيضاً ، ولَم ( تَقصِّر ) فمن هولندا
( شّبَّتْ التلفونات حُب مَطرة ) وكما رقابة لصيقة ! ،
زي ما بقولوا ناس الكوُرة ، وكان معنا تاج عكس الريح و ( خاتِف اللونين ) :
بروفيسور مُعَز عُمر بخيت ومعه (الشِبل الرَجُل) ( والزهرة الصغيرة ) .
هو وإبنه : عَينَّا باردَّة ( صُحبَان صُحبَان سَاكِت ) الدَاير يفَلِّتْ ..يفَلِّتْ..
دُنيا ! .
كُنت بينهم ( المِسيكِين الوحيد ) بدون وردتي ،
فقد فارقت هيَّ للسودان مع زهرتيها من بعد عيد الفِطر ،
وتركتني ( لـ الله وعِيشةَ السُوقْ ! )
. قضينا من بعد الظهيرة وإلى ما قبل الغروب أحلى سويعتين ،
ثم جاء المساء :
لم أعلم أن القَدر قد خَبَأ لي في جيب سُترته الداكِنة كنـزاً من السُعُود .
في العاشرة والنصف مساء التقيت نُجوم عَكس الريح المُتلألئة .
ليلة بألف ليلة .. وليلة .
بيننا وبين الجِنان المَوعُودة أن ليلَتنا لم تدُم ، وكما يقول أهل مِصر
( الحِلِو ما بيكْمَلش ) .( إشراقة الغناء الفَخيم ) ، على يمينَها شِعر
مُعِز المَغسول بماء ورد الملوك ، ونَغم موسيقى الموصلي الفارِهة
على يسارها ، وحلَّقنا في سُدُف الغيم ..
ولا ( غِناء وتلحين الموسيقار حَمزة سليمان الرائع
من شعر الشاعر محمد محمد خير ؟ ) :


من ليل ملتخ
بالكوابيس والسهر
فجيت رؤاي
قالدت سوق الشجرة
واب روف والبَنات
الزنكي سوق الناقة
والنَاس والخَدار
وقطعتَ حي البُوستة
مَرفوع الكلام
ودمي ينبح ويندهِكْ
00000000
تاوقت بى عيني اليمين
جوه الشمال
من قلبي كان نازل مطر
لون المطر كان بشبهك
عبيت مشاعري من النسيم
وزفرت طلعت الوحيح
قلت النسيم ما يجرحك
00000000
الله إذا ارتاح شجاي
صبح الحزن مليان ضحك
**

ولا الكَلام الأنا قَاطعُو مِن رَاسي لأني ما حافظ الباقي : ـ
**
و أتغَدى في نادي الهِلال ،
و أتعَشى مع الشَواطِين الحُمر .
ونَادُو لَي عابدين شَرَفْ ،
يكَفِّنِي بى بِتّ الحَلالْ .
**
ولا الحِلوين في العَزف والتوزيع والضبط الموسيقي ؟
.. ولا أتكَلَّم عن الموسيقار الموصلي ؟ :
( الحاضَر الغائب ) وهو ( يَغَمِت لينا في إضنينَّا لَحنُو الحِنَيِّنْ )
ولا أتكلم في سيدة التجهيز من خلف الكواليس وفي وَش الكَواليس .
لها منَّا جميعاً من الشُكر أجزله .. ولا منُو تاني يا ربي .. كُتَاااار و كَتيرات..
عَينَّا باردة عَليهُم .. وناس لابسين فُل سُوت يخَوِّفُو الشِتَّا ؟.

أتكَلَّم في منُو ولا أقطَع مع منُو ؟
و لا أشرَب عَسل مِنو ؟
ولا ناس الشارقة كمان ؟
إتذكرتَ أغنية سَباتَة قديمة بهديها ليكُم بِتقُول :
{ الناس البِرِيدُوني بَجَامِلُن بى عِيُونِي }
الشُكر موصول ( للكيكَة ) الله يرحَما ما قَصرَت مَعانا .
أهلاً بأهل عكس الريح ، بشيبهم وشبابَهم .
الله..... أنا ما هَبَشتَ رُوحِي وكمان معاي الكَاشِف اللابِس ( مُواطِن ) !
**
مرحب بيكُم في القلب النابِضْ
عُمرُو مُشَاتِر.. دَايماً يقَابِضْ
**
دمتُم بمَحبتكم العامرة ، ويدوم صَفَاكم .. يحيَا النيل الرَّوَاكُم ،
و المَا عِندهُم نيل ( أكَلُو النِيم ْ ) .
وكل يوم وأنتم في عباءة الطيبة وسجادة الكِلمَة الصَدِيقة والطلاقة ،
أو كما قال الشاعر حسين بازرعة .

محبتي للجميع .
وكل سنة وإنتُو طيبين .

عبدالله الشقليني
قبل 2005 م ما ينتَهي بى يوم واحِدْ .. فقَط .



التوقيع: من هُنا يبدأ العالم الجميل
imported_عبدالله الشقليني غير متصل  
قديم 12-01-2006, 10:20 PM   #[2]
imported_mamkouna
:: كــاتب نشــط::
الصورة الرمزية imported_mamkouna
 
افتراضي

الصديق العزيز و الأخ الغالي...عبد الله الشقليني...
كفيت...و...وفيت...

كل سنة و إنت أطيب و أروع و أصدق و أعمق...
بيك إنت....يبدأ العالم الجميل...
تسلم...



التوقيع: ممكوووووووووووووووونة...و...صاااااااااااابرة!!!!
imported_mamkouna غير متصل  
قديم 13-01-2006, 01:03 PM   #[3]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

الله نم كتاباتك يا شقلينى

والله من ونستك

ولى الله من بعادك ..



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل  
قديم 13-01-2006, 01:50 PM   #[4]
imported_عبدالله الشقليني
:: كــاتب نشــط::
 
افتراضي

عزيزتنا ممكونة
سمحة السيرة
وسيدة حُلو الحديث

والله مُشتاقين ، وكل سنة والجميع بخير
وأتم العافية .
كان يوم جميل ، وكان بالفعل أجمل من احتفال رأس السنة
الجديدة . وكان الغناء جميل ، ورقصنا زي الناس الصُغار ! .
وشاهدنا مي هاشم لأول مرة وتعرفنا لخطيبها الظريف .



التوقيع: من هُنا يبدأ العالم الجميل
imported_عبدالله الشقليني غير متصل  
قديم 13-01-2006, 04:29 PM   #[5]
imported_عبدالله الشقليني
:: كــاتب نشــط::
 
افتراضي

عزيزنا معتصم
دوماً نفتقد استرسالك الذي لا نعرف من أين يبدأ .
فقدناكما أنت وسيدة قلبك في ذلك اليوم . أول أغنية بدأت بها
إشراق كانت للموسيقار الرائع : علي السقيد و مطلعها :
فَرحانة بيك كل الدروب ...
وبدأ اليوم الجميل نوراً ومعنى .
امتدت السهرة حتى الثالثة من صباح يوم 30/12/2005 م .



التوقيع: من هُنا يبدأ العالم الجميل
imported_عبدالله الشقليني غير متصل  
قديم 13-01-2006, 09:57 PM   #[6]
imported_عمر صديق
:: كــاتب نشــط::
 
افتراضي

عزيزنا الغالى الشغلينى
اول هام
اهنئك بالعيدوعيد سعيد واتمنى ان تتحق فيه كل الامنيات والتهنئة موصولة لكل رواد سودانيات بدون فرز الصغير قبل الكبير طبعا لا زم اتحيز للشباب بس صور التى فام بانزالها الخال ما شاء الله جميلة جدابامانة كده كنت راسم صورة فى خيالى غير الصورة


والحمد لله طلعت الصورة الحقيقية اجمل
وانا كنت معتمد على القصص التى تكتبها والمشاركات
كنت خاتى ليك صورة خمسينية وبجلحات
لكن كانت المفاجاة السارة
وتحياتى لكم



imported_عمر صديق غير متصل  
قديم 14-01-2006, 04:45 PM   #[7]
imported_عبدالله الشقليني
:: كــاتب نشــط::
 
افتراضي

اقتباس:
المشاركة الأصلية كتبت بواسطة عمر صديق
عزيزنا الغالى الشغلينى
اول هام
اهنئك بالعيدوعيد سعيد واتمنى ان تتحق فيه كل الامنيات والتهنئة موصولة لكل رواد سودانيات بدون فرز الصغير قبل الكبير طبعا لا زم اتحيز للشباب بس صور التى فام بانزالها الخال ما شاء الله جميلة جدابامانة كده كنت راسم صورة فى خيالى غير الصورة


والحمد لله طلعت الصورة الحقيقية اجمل
وانا كنت معتمد على القصص التى تكتبها والمشاركات
كنت خاتى ليك صورة خمسينية وبجلحات
لكن كانت المفاجاة السارة
وتحياتى لكم
حبيبنا عمر صديق
كل سنة وإنتَ طيب ،
إنتَ هبشتني : فعلاً في رياح ( الخماسين )
لكن بدون جلحات .
عندي صديق ورفيق دراسة من زمااااااااااااااااااااااااان :
هو عِندُو صلعة وأنا عندي شيب ،
وكان لنا صديق صاحِب طُرفة بيقول لينَا :
والله يا عبدالله إنتَ سبقتَ صاحبَك قاسِم ،
إنتَ أخدتا الشيب .. ولمن قاسم جا دورُو أدوهو الصلعة !!!



التوقيع: من هُنا يبدأ العالم الجميل
imported_عبدالله الشقليني غير متصل  
قديم 13-01-2006, 11:32 PM   #[8]
imported_Garcia
:: كــاتب نشــط::
الصورة الرمزية imported_Garcia
 
افتراضي

الجميل بيكاسو ... تحية طيبة وكل سنة وانت بخير وادام ايامكم فرح وسعادة ..
وما اجمل تلكم الايام بصحبتكم والاحباء خالد / عكود / معتصم ...
وباهل عكس الريح تكتمل الفرحة والصحبة الجميلة ...
ولك كل الود ...



التوقيع: لو انى اكتشفت سر الحياة ... لعلمت حكمة الموت ( رباعيات عمر الخيام )
imported_Garcia غير متصل  
قديم 14-01-2006, 05:31 PM   #[9]
imported_عبدالله الشقليني
:: كــاتب نشــط::
 
افتراضي

اقتباس:
المشاركة الأصلية كتبت بواسطة Garcia
الجميل بيكاسو ... تحية طيبة وكل سنة وانت بخير وادام ايامكم فرح وسعادة ..
وما اجمل تلكم الايام بصحبتكم والاحباء خالد / عكود / معتصم ...
وباهل عكس الريح تكتمل الفرحة والصحبة الجميلة ...
ولك كل الود ...
عزيزنا الرائع غارسيا
فقدنا رفقتكم
كانت ليلة بألف ليلة وليلة أخرى.
تذوقنا طعوم القلوب الفارهة



التوقيع: من هُنا يبدأ العالم الجميل
imported_عبدالله الشقليني غير متصل  
قديم 14-01-2006, 12:30 AM   #[10]
imported_خالد الحاج
Administrator
الصورة الرمزية imported_خالد الحاج
 
افتراضي

العزيز شقليني
عساك بخير يا زول يا جميل

كانت ليلة بألف ليلة..

غمرنا الجميل دكتور معز بكرمه ولطفه كالعادة وهذا هو دأبه كلما ألتقيته

كان هناك حمزة سليمان الحبوب وهو يتلطف مع الكل وتحسهم يحبونه حقآ..

كان هناك أيضآ الفاتح (زيكو) وهوازن أروع البشر ,اكثرهم بشاشة..

خال فاطمة الزول الرائع الودود..

ود الدامر وقد إكتشفت فيه روح النكتة والسخرية المحببة..

الأخوان خواجات وإبتسامة ومشاركة ...

عاطف موسي وكلماته الدقاقة ..

مي هاشم..

مكرّم..

وبقية الرائعيين من عضوية "عكس الريح" وبينهم لا تحس أنك غريب

شروق ذاك الصوت الملائكي (أنتظر أن يفي العزيز معز بوعده ويرسل لي بعض أغانيها) ..

نعم كانت ليلة بألأف ليلة وألف مبروك لعكس الريح مرور عام وعقبال العام المائة إن شاء الله



التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها،
وبها تُخَلِّصُ أرضَنا من رجْسِها،
حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

(عالم عباس)
[/align]
imported_خالد الحاج غير متصل  
قديم 14-01-2006, 01:07 AM   #[11]
imported_Dr. Moiz Bakhiet
:: كــاتب نشــط::
الصورة الرمزية imported_Dr. Moiz Bakhiet
 
افتراضي

اقتباس:
المشاركة الأصلية كتبت بواسطة خالد الحاج

شروق ذاك الصوت الملائكي (أنتظر أن يفي العزيز معز بوعده ويرسل لي بعض أغانيها) ..

نعم كانت ليلة بألأف ليلة وألف مبروك لعكس الريح مرور عام وعقبال العام المائة إن شاء الله
سلام يا ود عمي العزيز

وكل سنة وانت وكل الأحباب بألف خير

بالجد كانت سعادة غامرة أن نلتقي والرائعين من كل فج عميق بالإمارات

وآدي الرجعة من لندن والله ..

منتظر من شروق تديني الأغاني في سي دي عشان أرسلهم ليك

لكن ح أنزل ليها أغنية هنا لم تؤديها في الحفلة وهي من كلماتي وألحان الشاب المبدع محمد عواض

الأغنية بعنوان «غيم الفراق» وتقول كلماتها:



[align=center]ما بوصّي عليك تاني

وما بقيف قدام عيونك

واشتهيك بي صدر حاني

كل سكة معاك مشيتها

ارهقت فيني الثواني

واتعبت نبض الدقيقة

وفارقت زمني ومكاني

***
ما بعيد في العمر مرة

لحظة بترجع هواني

وما بسوق غيم المحنة

لي ضفاف هجرت حناني

وما بعيش ليل ما بضوّي

نجمو بالحب والمعاني

عمري كم شان فيهو أنزف

كل يوم دم ارجواني

***
شوقي ما معناهو انو

بي هواك اشقى واعاني

وكل احساس فيني عامر

هاربة من دربو الأماني

وكل نظرة حزينة تصبح

آهة تتوسد زماني

لا عشانك دمعي جف

لا الظروف حنّت عشاني
[/align]



التوقيع: [flash=http://www.drmoiz.com/pix/drmooaz.swf]WIDTH=500 HEIGHT=200[/flash]
imported_Dr. Moiz Bakhiet غير متصل  
قديم 14-01-2006, 12:51 AM   #[12]
imported_Dr. Moiz Bakhiet
:: كــاتب نشــط::
الصورة الرمزية imported_Dr. Moiz Bakhiet
 
افتراضي

حبيبنا الرائع الشقليني

أنت رجل من ماء وورد

نجمة وشمس على كفها برتقالة

نار وقرآن وخشوع

في حضورك يشرب المطر رحيق العافية من ندى معشرك الجميل

ويصطف الليل على أرصفة الحلم ينتظر صباح مودتك البهي

كانت ساعات مفعمة بالأماني والمحبة

وكم سعدت وسعدنا بلقائك وأنت تستخرج بساتين الإلفة من نبض الوردة ومن عبق الحنين

ولكم أحببناك أيها الرجل النبيل

وأسعدنا إسمك بين الأحباب بعكس الريح

ومعذرة لغيابي الطويل هنا وهناك بسبب السفر..

ولسوف أعود بالصور من ألبوم عكس الريح هدية للأحباب هنا



التوقيع: [flash=http://www.drmoiz.com/pix/drmooaz.swf]WIDTH=500 HEIGHT=200[/flash]
imported_Dr. Moiz Bakhiet غير متصل  
قديم 14-01-2006, 05:38 PM   #[13]
imported_عبدالله الشقليني
:: كــاتب نشــط::
 
افتراضي

اقتباس:
المشاركة الأصلية كتبت بواسطة Dr. Moiz Bakhiet
حبيبنا الرائع الشقليني

أنت رجل من ماء وورد

نجمة وشمس على كفها برتقالة

نار وقرآن وخشوع

في حضورك يشرب المطر رحيق العافية من ندى معشرك الجميل

ويصطف الليل على أرصفة الحلم ينتظر صباح مودتك البهي

كانت ساعات مفعمة بالأماني والمحبة

وكم سعدت وسعدنا بلقائك وأنت تستخرج بساتين الإلفة من نبض الوردة ومن عبق الحنين

ولكم أحببناك أيها الرجل النبيل

وأسعدنا إسمك بين الأحباب بعكس الريح

ومعذرة لغيابي الطويل هنا وهناك بسبب السفر..

ولسوف أعود بالصور من ألبوم عكس الريح هدية للأحباب هنا
[align=center]حبيب الشِعر الذي ينطق عُذوبة :
مُعِز عُمر بخيت
[/align]

يا بائع الأحلام أعطني حُلماً .
يا بائع الورد أحزم رأس حبيبتي بعصابة من ورد شِعركَ .
فاكهة الوجنتين لديها أصدق لامِعة متلألئة ،
ولون بشرتها من السُمرة أروعه ، تخرُج من بين أحرُفكَ ناصِعة ،
فاتِنة . وجهها من مرايا النغم الشِعري بُساط من حرير .
كُنت بيننا وهجاً مُضيئاً ، وبلسم شفاء ومحطّ حليب العُشرة .
روعتك دوماً تسبِق مَحبَتك و حُضورك البهيج بيننا .
على الضفة الأخرى من القلب رمل ناعم ، ناعس الملمَس .
تحت مظلة فضفاضة التقينا ، وعلى الوشي المُذهب رسمنا
أغنية عاشِقة ، وود عاشق .
لك التحية أيها القابض على لؤلؤ الكلمات ، في ثناياها
موسيقى تندلق روائحها علينا .
كانت ليلة بألف ليلة وليلة بحق




التوقيع: من هُنا يبدأ العالم الجميل
imported_عبدالله الشقليني غير متصل  
قديم 14-01-2006, 01:10 AM   #[14]
imported_Dr. Moiz Bakhiet
:: كــاتب نشــط::
الصورة الرمزية imported_Dr. Moiz Bakhiet
 
افتراضي

للأسف الأغنية ما اشتغلت من الموقع الكانت مرفوعة فيهو

وكمان اكتشفت انو المدام صادرت السي دي في لندن..

ح انزل ليكم الصور بدلها..



التوقيع: [flash=http://www.drmoiz.com/pix/drmooaz.swf]WIDTH=500 HEIGHT=200[/flash]
imported_Dr. Moiz Bakhiet غير متصل  
قديم 14-01-2006, 01:25 AM   #[15]
imported_Dr. Moiz Bakhiet
:: كــاتب نشــط::
الصورة الرمزية imported_Dr. Moiz Bakhiet
 
افتراضي

نبدا بي خالد



وبعدين حمزة



ثم الربة:




التوقيع: [flash=http://www.drmoiz.com/pix/drmooaz.swf]WIDTH=500 HEIGHT=200[/flash]
imported_Dr. Moiz Bakhiet غير متصل  
 

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 09:12 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.