مساء الخير
مساء الخير
قدر ماديك حنان واشواق
احس بي اني لسه بخيل
مساء الخير
وكل ماتكتر الاهات
ويطول الهم تهل زي عادتك
انت صباح تهزم الليل
مساء الخير
محكر في القليب جوه
وياك فارس المشاعر ريد
بتملاء دواخلي ديمه صهيل
مساء الخير
وياما معاك خطاي ترتاح
تكمل باقي كل مشوار
ويقصر مهما يبقى طويل
مساء الخير
وقدر مايشح ترابي محل
تدفق لي بحورك ريدك
وتطفح سيل
مساء الخير
وقدر مايغش سحاب الناس
بروق ورعد
بتمطر انت بالتحنان
تعبي تكيل
مساء الخير
وكل ما تفرح الاحزان
تعود تاني الاماني حمام
وتملا البهجه عمري هديل
مساء الخير
مخير انت في الاشواق
تجيك كل المشاعر ريد
وتنوى الحسرة مني رحيل
مساء الخير
بشيلك في سواد العين
وبشوف بي حبك السنوات
سعادة يوم تهب نسمة هواه عليل
مساء الخير
بتمسح دمعات الفراق بالشوف
وقادر لي همومي تشيل
مساء الخير وصباح الخير
وحاتك عندي مافرقت
لانك انت كل الخير
مساء الخير
صباح محمد الحسن
|