نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > نــــــوافــــــــــــــذ > كلمـــــــات

إضافة رد
 
أدوات الموضوع انواع عرض الموضوع
قديم 10-11-2012, 09:22 PM   #[1]
صباح محمد الحسن
:: كــاتب جديـــد ::
 
افتراضي بفوتك ...خوف

بفوتك... خوف
متل خيبة رجاي الفيك
لقيت الليل
يتلوى من الألم موجوع
وماتلبس قناع الزيف
براك خداع بلا مقنع
ومتل قدر البقيف محتاج
على باب البخيل عشمان
راجي اللقمه من ايديو
يصد العشم بابو ويفوت يقنع
ومثل روح البصارع الموت
ويعيش لحظة ألم سكرات
ويكون حلمو
تفارق روحو بس تطلع
متل فرحة غريب ناقصه
وسعادة زول بلومو ضمير
يقولو حرام تسيب وطنك
تفوت تنجع
متل كل الكلام الشين
ومتل كل الكلام الزيف
ومتل كل الكضب كلمات
بفوتك قول بفوتك ريد
ومحال ياسيدي لو ارجع
بفوتك شايلة ترياقك
تلاوي كبيدتي من الجوع
مصراين الفراق نبحت
وماك الزاد
وكت مايجيك خشيم الريد
عشان يشبع
بفوتك ريد بيسرق في خطاوي الخوف
هروب باليل وقبال شمس
الخلوق تسطع
بفوتك شوف عيونو عمت من الخدعه
ولابرجع يحس بيك ولابسمع
بفوتك خوف من التاريخ
عشان مانكون للخداع مرجع
بفوتك موج هجر قيفك
وموية ملحك المره
خسارة قلبك المنبع
بفوتك ماك فارس القدله
ولاك لضعيف قبله
ولاك عشى البايتات
ولاك لي الحوبه يوم تنفع
بفوتك فالصو من الريد
نحاس الحب
وكت ماكتا مغشوشه
وشفتك ذي دهب بلمع
بفوتك مابتشبهني
ولابتشبه تكون ليا
بتشبه روحك المخدوعه فيك
وزول مخدوع وفيهو
الخوف دوام بخدع
وبيتك من قزاز الزيف
حذاري تشيل حجار اللوم
تفلع بيتي يوم تجدع
تجقلب خيلك انت وجع
وشكرك ديمه لي حماد دوام يرجع
وليك بفتح ثلاته ابواب
براك اختار عشان تطلع
اطلع من عروق الدم
اطلع وشيل معاك الهم
اطلع وتاني مافي ندم
اطلع وكت يبقى الفراق اشعار
كلامو رماد حرفو سجم
اطلع وكت يبقى الأسف مجنون
يهضرب بي حلاوة الريد
ويشيل حق الوفاء المسكين
يشيل اقلع
أطلع
صباح محمد الحسن 3/1/2012



التوقيع: إنك تؤلمنى حد الكتابة....فأعلم ان شفائي اكبر من ان تقرأ لي!!!
صباح محمد الحسن غير متصل   رد مع اقتباس
قديم 14-11-2012, 02:57 PM   #[2]
النور يوسف محمد
:: كــاتب نشــط::
الصورة الرمزية النور يوسف محمد
 
افتراضي

بسم الله الرحمن الرحيم


الأخت صباح ..
الأمانى والتحيات ..
لك ولمن حولك وللزمن الجميل ..

قرأت هذه القصيدة وشقيقتها (ودعتك الله )
وأسرتنى الموسيقى المنبعثة من أركان النشيد ..
تآلف الحروف أفاض عليها مسحة من الهدوء المدهش ..

شكراً لك على هذه الألوان ..
ونطمع فى زهرات وردية المنبع ، مكحولة العينين ..



النور يوسف محمد غير متصل   رد مع اقتباس
قديم 14-11-2012, 03:32 PM   #[3]
صباح محمد الحسن
:: كــاتب جديـــد ::
 
افتراضي

شكرا يوسف على المرور واهلا بك كلمة وسهلا بك حرف كم جميل ان يكون الالق والبهاء شخوص ......تحيااااااااتي



التوقيع: إنك تؤلمنى حد الكتابة....فأعلم ان شفائي اكبر من ان تقرأ لي!!!
صباح محمد الحسن غير متصل   رد مع اقتباس
قديم 14-11-2012, 03:44 PM   #[4]
تماضر حمزة
:: كــاتب نشــط::
الصورة الرمزية تماضر حمزة
 
افتراضي

بفوتك مابتشبهني
ولا بتشبه كون ليَّ

سلامات صباح
شكرا على احساساتك هنا



تماضر حمزة غير متصل   رد مع اقتباس
قديم 14-11-2012, 09:12 PM   #[5]
صباح محمد الحسن
:: كــاتب جديـــد ::
 
افتراضي

تماضر..............تحيااااااااااتي ..........شكرا ثمينا"



التوقيع: إنك تؤلمنى حد الكتابة....فأعلم ان شفائي اكبر من ان تقرأ لي!!!
صباح محمد الحسن غير متصل   رد مع اقتباس
قديم 04-05-2013, 04:09 AM   #[6]
واحة
:: كــاتب نشــط::
 
افتراضي

ياالله ... من هذا الصباح ..ياصباح

استوقفتني حروفك وتلك الصور جد صادمة
واسعدنىكثيرا رشاقة حرفك بنسياب وزخيرة
تصويرية دون تكلف.
سلمتى..
واحة



التوقيع: حال الدنيا تسرق منيه فى لحظة عشم
واحة غير متصل   رد مع اقتباس
قديم 04-05-2013, 09:47 PM   #[7]
محمد باعو
:: كــاتب نشــط::
الصورة الرمزية محمد باعو
 
افتراضي

براي اخترت
واهو طالع من وجع الحروف
سلمت يمناك صباح



التوقيع: مـحـمـد بـاعـــو




[align=right]أيها الشك الذى شيد بأرضى ...

بأحلامى و أوهامى أوتدّ خيامه ...

إبتعد يا شك عنى وإرتحل ...

فحبيبى يرفض القلب إتهامه ...

لا تقل خان عهودى فى الهوى ...

إن بعض الظن للأثم علامة ...

كل ليل فى الهوى قد ينجلى ...

لكن دجى الشك إلى يوم القيامة
...[/align]

http://mhmdbaow.blogspot.com

محمد باعو غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 01:51 PM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.