الـــــسر الغميــــــــس !!! النور يوسف محمد

حكــاوى الغيـــاب الطويـــــل !!! طارق صديق كانديــك

من الســودان وما بين سودانيــات سودانييــن !!! elmhasi

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > نــــــوافــــــــــــــذ

 
 
أدوات الموضوع انواع عرض الموضوع
قديم 17-10-2005, 12:27 PM   #[1]
Humida
Guest
 
افتراضي مكعبات مدهشـــة .. وشخصية عامة .. بين قوسين ( مباحة )

كشك ناصية..
وشارع ممتد حتي السماء ..
احلام صبايا وصبيان .. وشمس آيلة للسقوط
بعض الشفع يلعبون .. سكج بكج
ونسوة الحلة .. ينتظرن قون المغربية ..
شفق بلون قمر الدين ..
وهي .. تغري الناظرين
غمزة من هنا ..
عضة شلوفة من هناك ..
احي انا تنهيدة من جوه القلب ..
أموت ركن ..
وووب انا ..
مع تحياتي السجم


بُكلوم .. بُكلوم ... بُكلوم
لحن المغربية ..



[media]http://www.m-huether.de/ram/kamb5.asx[/media]



 
قديم 17-10-2005, 12:28 PM   #[2]
Humida
Guest
 
افتراضي

الجنن قلبي .. ذاد عقلي طمسة
فستانو البمبي .. وزرايرو الخمسة

لم تغلق القلب بعد قون المغربية ..
تركته مواربا .. ليدخل .. !!
دخل اولهم ..
فثانيهم ..
فثالثهم ..
اربعة ..
خمسة ..
ستة
احسبها وتوكل
ربما خمسة فقط ..
سادسهم ذاك المعفن
وربما ستة .. سابعهم انا
ضحك .. تمطى قليلا في نفس الفراش
تذكرني يا عزيزي بجدي عليه رحمة الله ..
خير من نهى عن خلق وأتى بمثله .. !!



 
قديم 17-10-2005, 12:29 PM   #[3]
Humida
Guest
 
افتراضي

مرة آخرى ..
شارع ممتد الي موقف من قضية شائكة ..
لن تحل قربيا
احلام صبايا وصبيان ..
لا تتعدى طرف انف احدهم
شفع ماضيين في غيهم ..
يحملون كراريس واقلام ..
نسوة حلة ..
يلهثون وراء ربع لحمة .. وتشكيلة سلطة
صباح الورد لا تكفي ..
فلا ورد .. ولا حتي هذا صباح
ربما كانت اضغاث احلام
وربما .. اجتمعت لها نون النسوة
فكانت بتلك الشهية المفتوحة .. !!



 
قديم 17-10-2005, 12:29 PM   #[4]
Humida
Guest
 
افتراضي

ربما كانوا سبعة ..
سابعهم صاحب الدكان ..
لا ستة.. وجاء المكوجي في آخر الاناء ..
ربما تصاب بداء الأحلام ..
فتهطل السماء ضفادع وشوية فكة خمسينات ..
وربما تنتحر بعض النسوة ..
من الدهشة .. أو غيظا
وربما
وربما
وربما .. يكون الأمر عادي .. ذي الزبادي
بس انت ما تزعل .. !!!



 
قديم 17-10-2005, 12:30 PM   #[5]
Humida
Guest
 
افتراضي

شباك حافلة ..
يطل منه رأسي
جمع حميم .. علي الارض ..
نتكلم بعلو منخفض ..
ماسح احذية .. يمسح دهشتنا
قبلها..
كانوا عشرة .. حداشرهم عمك حسن
تحسست دهشتي ..
ما زالت تلمع في مكانها..
توكلت علي الله ..
وتركتهم عند عم يتسألؤن .. !!



 
قديم 18-10-2005, 12:21 AM   #[6]
imported_خالد الحاج
Administrator
الصورة الرمزية imported_خالد الحاج
 
افتراضي

حميدة يا زول يا جميل
هلا بعودتك..
صدقني تعجبني كتابتك وأسلوبك المتفرد
فلا تحرمنا من طلتك يا أخي...
جميل ما سطرته هنا...



التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها،
وبها تُخَلِّصُ أرضَنا من رجْسِها،
حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

(عالم عباس)
[/align]
imported_خالد الحاج غير متصل  
قديم 18-10-2005, 07:09 AM   #[7]
عكــود
Administrator
الصورة الرمزية عكــود
 
افتراضي

حميدة،

سعيد والله بطلّتك..والبركة في المنتدى الجديد الجابك..
ولا تحرمنا من كتاباتك،

رمضان كريم..
وتشكر على لحن المغربية،

عكــود



التوقيع:
ما زاد النزل من دمع عن سرسار ..
وما زال سقف الحُزُن محقون؛
لا كبّت سباليقو ..
ولا اتقدّت ضلاّلة الوجع من جوّه،
واتفشّت سماواتو.
عكــود غير متصل  
قديم 18-10-2005, 07:51 AM   #[8]
أبو الحسين
:: كــاتب نشــط::
الصورة الرمزية أبو الحسين
 
افتراضي

اقتباس:
المشاركة الأصلية كتبت بواسطة Humida
مرة آخرى ..
شارع ممتد الي موقف من قضية شائكة ..

لنيلهثون وراء ربع لحمة .. وتشكيلة سلطة
صباح الورد لا تكفي ..
فلا ورد .. ولا حتي هذا صباح
ربما كانت اضغاث احلام
وربما .. اجتمعت لها نون النسوة
فكانت بتلك الشهية المفتوحة .. !!
الغالي حميدة...

هلا هلا هلا بعودتك وطلتك البهية... لكن بيني وبينك إنت قاعِد تزوغ وين؟؟؟

وعليك الله خلي التشاؤم شوية وبحبحها شوية الله يرضى عليك...

لك ودي كله بلا حدود...

أبو الحســـــــين....



أبو الحسين غير متصل  
قديم 18-10-2005, 10:59 AM   #[9]
imported_حمدي اب جقادو
:: كــاتب نشــط::
 
افتراضي

اقتباس:
المشاركة الأصلية كتبت بواسطة Humida
كشك ناصية..

بعض الشفع يلعبون .. سكج بكج
..



[[/media]

الحبيب حميده
اولا كل سنه وانت طيب ورمضان كريم يامان

موضوعك جميل ياحميد بس انت شاترو بالتقسيم الكتير يعني المفروض الكلام ده كلو يكون في بوست واحد (راي شخصي طبعا )* وبي كده كان شكل البوست حيكون اجمل واظرف بدل الشحتفه الدخلتنا فيها دي

عزيزنا حميد
اجمل حاجه طبعا في الموضوع عجبتني المقطع بتاع الشفع البلعبو سكج بكج انا زمان كنت بحب سكج بكج دي موت احمر وكنت كيشه فيها وكل يوم يغلبوني الشفع الاصغر مني وامسكهم ادقهم دق العيش وتعال شوف بعد الفطور حريم الحله كل واحده فيهم سايقه شافعها وجايه تشتكي للحجه

لك التحيه ياحميد
وخلي التشاؤم وبجيك صادي تاني

وابقي شمس مابتغيب
حمدي اب جقادو



imported_حمدي اب جقادو غير متصل  
قديم 19-10-2005, 09:37 AM   #[10]
imported_محمد أحمد
:: كــاتب جديـــد ::
 
افتراضي

اقتباس:
شباك حافلة ..
يطل منه رأسي
جمع حميم .. علي الارض ..
نتكلم بعلو منخفض ..
ماسح احذية .. يمسح دهشتنا
قبلها..
كانوا عشرة .. حداشرهم عمك حسن
تحسست دهشتي ..
ما زالت تلمع في مكانها..
توكلت علي الله ..
وتركتهم عند عم يتسألؤن .. !!
شباك حافة => احياناً يكون ، أعزُّ مكاناً في الدُّنى !
يطلّ منه ......... = > ولا كانّه " راس كُليْب !
جمعٌ حميم ........ => ما أثقل وطأة الناس على هذه الأرض الصّابرة ، هكذا همْ ، الذين على الأرض ،حميمين !
نتكلّم بعلو .........=> هذا ممّا يمكن ان يُسمّى ال " بين بين ! " ولا شك ان الكلام هاهنا بفلوس !
ما أمتع ان نمسح دهشتنا ونُلمّعها ونتوكّل على الله ، بعد ان نعقلها ؛ وحينها ، لا بأس علينا ، إن تركنا النّاس يتسآءلون عن النبأ العظيم ..


العزيز / حُمـَّيــدة ،،

هنيئاً لك بهذه القدرة الطامحة في تشيئة الأشياء !!
توقّفتُ مراراً ، عند المقتبس أعلاه ، ففيه رواء صوفي ، ووصفٌ لمعاناة ، وحُميَّا غرامٍ شبابي ، و .. و ..
تمنَّيتُ ان يكون له ما بعده .. فَلْتُمطرنا بأمثالٍ له .. ونحن هاهنا قاعدون ..


مع التحية ،،/



imported_محمد أحمد غير متصل  
قديم 20-10-2005, 01:22 PM   #[11]
Humida
Guest
 
افتراضي

اقتباس:
المشاركة الأصلية كتبت بواسطة خالد الحاج
صدقني تعجبني كتابتك وأسلوبك المتفرد
فلا تحرمنا من طلتك يا أخي...
جميل ما سطرته هنا...
الخال أبا .. طوالي انت معانا كدا ..
أخجلت تواضعنا والله ..
بس يا خال .. شكل البورد بقى مربك جدا ..
والهتش بتاعكم كتر .. واللون باهت ومتعب للعين ..
خصوصا انه اغلب الناس بقت شغالة بشاشات TFT عالية الوضوح
اللمعة دي بتتعب العين شوية ..



 
 

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 07:46 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.