هــــــواة الـــــرسم (لـــوحات )

[سمراء]

اقتباس:
المشاركة الأصلية كتبت بواسطة آيات
ياسمارة تعالي شوفي البيَّ ..
و خليك من كسلي ده

شوفتي البنات ديل أول حاجة شكلهم اوحى لي .بأنو ام أحمر دي حابة اخو ديك وبتحاول تتلفت تشوفو حايم بي جاي ولاجاي.. عشان كده خلت عدة الصباح عاوزة تشوفو قبل مايطلع

تاني جاني إحساس أنو ام أصفر دي ..عندها مشكلة كبيرة شديد
ثم إنو .. أم أحمر دي زاتا (الخملة) الخلت عدتها وسخانة وقامت تشمشر ياها العرسها ...صاحب أزهري المكوع داك

والله يا ايات ختفتيها من خشمى
دايرة اقول ليك اتى البت دى بى خمالته عرسوها كيفن

ولا ياربى الفنان ده عندو اولاد ماما واللولية ودساتير الاحمر !!
ياربى تكون ياها نفس البت الخملة القاعدة تتونس بالحيطة وعدتها فى السهلة ؟

ايات رايك شنو نقوم نفتح بوست باللوحة دى ونحاول نطلع منها موضوع ؟؟؟

[سمراء]

اقتباس:
المشاركة الأصلية كتبت بواسطة أزهري سيف الدين
تحياتي يا سمراء وباقي الشباب ..
بوست جميل والله ..

اللوحة الجابا الرشيد أظنها حقّت أبو الحسن مدني ..
بتذكرني لوحة للفنّان الإيراني مرتضى كاتوزيان ..

ازهرى تحياتى
انت حكاية الايرانين مع الرسم دى شنو ؟
ياخ ديل مبدعين فى الرسم بطريقة مدهشة جدا جدا !!
ودونك المالكى ...
ياخ بهتمو بالتفاصيل بدرجة تشكك فى انها صورة
وشوف اللوحة المقاربة لى لوحة الرشيد فى الفكرة ...والتفاصيل الدقيقة جدا فيها
موبااااالغه حد الدهشة والله

[سمراء]

اقتباس:
المشاركة الأصلية كتبت بواسطة البديري
يا سلام ياخ بوست فنان
تدفعى كم واثرى ليك يا سمراء ٠٠٠

سمراء ٠٠٠ الفن منك وإليك

التحايا العطرة لكى

والتحايا اليك بديرى
انت اثرى ...وانا بسرى ....
والفورة 100000

[أزهري سيف الدين]

أبو الحسن مدني


.

[أزهري سيف الدين]

إبراهيم العوّام

لوحة تدّيك إحساس الطيور من غير طيور!

.

[أزهري سيف الدين]

عبد الوهاب محمد نور


.

.

[أزهري سيف الدين]

من أعمال الفنان التشكيلي حسين عبد الرحيم سالم

[تغريده]

سمراء ياسمـــــــــراء

تهت فى خد من صفح ليلة قمرية داعبت فيها النجوم وداعبتنى

ويـــــــــــــــــا لجمال هذا التيه تمنيت ألا أعود

شكراً ياأنيقة على هذا الأمتاع فقد دلفت المكان لتوى وأنوى المقام

وأتعشم بالمزيد من الروائع