نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > نــــــوافــــــــــــــذ

 
 
أدوات الموضوع انواع عرض الموضوع
قديم 18-10-2005, 09:10 PM   #[1]
imported_شوقي بدري
:: كــاتب نشــط::
الصورة الرمزية imported_شوقي بدري
 
افتراضي مجرم حرب يعتقل فى السويد

مؤتمر القرن الافريقى , صار حدثاً ثابتاً كل سنه فى مدينه لوند الجامعيه جنوب السويد . هذه السنه صار الامر اكثر اثاره . اولاً انتقل المؤتمر من الصيف الى 15 اكتوبر مما اتاح فرصه للكثيرين للمشاركه . كما شارك رئيس الوزراء السابق الصادق المهدى فى المؤتمر . وفى يوم الاحد 17 اكتوبر اقامت الجاليه السودانيه مأدبه افطار رمضان . حوت كل المطائب السودانيه حتى النعيميه والتقليه والعصيده .
وفى صباح يوم الاثنين طلب منى الاخ مجدى الجزولى الاطلاع على جريده افتون بلادت . وقال ( الصومالى الاتوصيت بيه امبارح واديتو قطعه من الخروف المحمر كبيره وكان قاعد جنب الصادق مع رئيس البرلمان الصومالى ابو طاقيه . البوليس السويدى قبضه بعد الحفله فى الهوتيل بتهمه انه مجرم حرب ارتكب مذابح فظيعه فى الصومال . ) .
وبعد الاطلاع على الجريده تذكرت عبدى كيبديد الصومالى النحيل الذى يبدو كشخص مسكين هادئ لدرجه انى حنيت عليه واديتو قطعه اكبر والحقتها باخرى .
السويد لا تتساهل ابداً . ولا تتلاعب فى مو ضوع القانون وتطبيقه . ولقد دفعت الاميره كرستينا شقيقه الملك الحالى غرامه فى شبابها عندما عبرت الشارع والضوء احمر . كما وضع المخرج العالمى انقمار بيرقمان فى السجن لتأخره فى دفع الضرائب .
وارغم رئيس الوزراء الحالى للانتقال من شقته فى وسط مدينتنا مالمو لان الجيران اشتكوا من كثره ضيوفه وكل واحد طالع ونازل . وجمع السكان لسته وطالبوا باخراجه فى منتصف التسعينات .
الاخ عبدى الصومالى لا بد قد عاش فى عدة دول قبل حضوره للمؤتمر . وبالرغم من انه مطلوب عالمياً لم ترد اى دوله ان تشغل نفسها باموره ولكن السويديين لا يتلاعبوا . وليكن هذا درساً لكل من اجرم فى حق البشريه .
فى سنه 1994 حجزت السلطات السويديه على باخره سودانيه وطالبوهم بدفع مرتبات للبحاره تعادل 1500 دولار شهرياً . وهو السعر العالمى . ولم يفرج عن الباخره حتى دفعت الفلوس . واذكر العم عثمان الذى كانت تلك آخر رحله له . ويخطط لفتح كشك صغير فى بورتسودان . وكان قد قضى ثلاثه عشر شهراً متواصلاً على ظهر السفينه . واستلم ثلاثين الف دولار . والخطوط البحريه قد اتفقت مع البحاره , على استلام الفروقات وارجاعها للشركه . لان الف وخمسمائه جنيه وقتها كانت مرتب رئيس دوله . العم عثمان كان يقول ( يعنى الله حيجى يقول لى ياعم عثمان هاك من ايدى لايدك ؟ ما ده جانى من الله ودى فرصه ما تتعوض) . هنيئاً للسويديين بعدالتهم وعقبال عندنا .
شوقى ....






عبدى كيبديد



imported_شوقي بدري غير متصل  
قديم 19-10-2005, 02:14 AM   #[2]
imported_haneena
:: كــاتب نشــط::
الصورة الرمزية imported_haneena
 
افتراضي

العم شوقي
سلامات
مافي طريقة تخلوا ناسنا القاعدين في قلوب اهلنا البهناك يجوكم زيارة؟؟
و بعدين السويديين يقوموا بالواجب؟؟!!

بس ما تنسي
ناسنا ديل بيشملوا كتيريييييييين
ناس لسة قاعدين
و ناس جوا شاركوا أخيرآ
و ناس كانوا مشاركين

يعني مجرمي الحروب في بلادنا كتار جدآ
بس نحضر لستتنا و نرسل ليكم

تسلم كتيرآ و عقبل كل مجرم حرب



التوقيع: Life is all about choices
imported_haneena غير متصل  
قديم 19-10-2005, 12:57 PM   #[3]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

عمنا شوقي

وينك يا كبيرنا

رمضان كريم
وزي ما قالت حنينه :
اللسته في حالتنا هنا في بلد المواجع جد كبيره ..
إنتو طيب ما تعملوا ليهم مؤتمر السودان ولا أي إسم وتخموهم لينا لي عمي البوليس السويدي ونخلص من دي يا حجوة أم ضبيبينه ؟

اللهم أرحنا من عناءنا وعناء أعداءنا أولياء أمرنا
أللهم آمين



ناصر يوسف غير متصل  
قديم 19-10-2005, 01:39 PM   #[4]
imported_حمدي اب جقادو
:: كــاتب نشــط::
 
افتراضي

العم شوقي بدري
لك التحيه ايها الغالي وكل سنه وانت طيب

عمنا شوقي مااكثرهم مجرمي الحرب والافك والنصب في بلادي (يعني ماقادرين تلفتو رقبة العالم ديل عليهم)

ولو ماعارفين اللسته بتاعت مجرمين الحرب ماعليكم انا بديكم عشرين لسته بدل واحده بس الحقني في البريد الخاص

عمنا شوقي بجد اصبحنا ملطشه وسيرتنا في خشم اليسوي والمايسوي

وزي ماقال ناصر يوسف :-

اللهم أرحنا من عناءنا وعناء أعداءنا أولياء أمرنا
أللهم آمين

خارج النص
عمنا شوقي عايز اسالك ... هل شاهدت اخر حلقه من برنامج (في الواجه) امس الاول ؟؟ برنامج يقدمه البلاع احمد البلال وكان يستضيف السيد نائب ريئس البلد
؟؟

ولكم الود كل الود
وابقي شمس مابتغيب
حمدي اب جقادو



imported_حمدي اب جقادو غير متصل  
قديم 21-10-2005, 06:51 PM   #[5]
imported_شوقي بدري
:: كــاتب نشــط::
الصورة الرمزية imported_شوقي بدري
 
افتراضي

الابن العزيز ناصر , الرائعه حنينه , الدينامو ابو جقادو .... لكم التحيه والموده
جماعتنا ديل لو وصلوا هنا السويديين الطرش ديل بس كماشه قبض مسمار ما بفكو . عبدى بعد ما قبضو( وهو كان مدير البوليس فى الصومال) اهلو طلعوا مظاهرات عارمه فى استوكهولم . وصاحبه رئيس البرلمان ابو طاقيه طلب بشده من السويديين اطلا ق سراحه لان هذه الاشياء حدثت قديماً والناس دلوقت اتصالحوا . ولو ما فكوهو حتحصل مشاكل فى الصومال .
لكن السويديين ما سألوا فى زول قدموهو لمحاكمه والمحكمه حكمت باعتقاله رهن التحقيق . حبيبى ده يكون شها الناس العافيه فى الصومال زمان . دلوقت لمن اشوف صدام حسين وجماعته اقول الله يمهل ولا يهمل . وكل زول ليه يومو .
شوقى .....


عزيزى ابو جقادو .. حاولت ما ارد على موضوع احمد البلال لانو الراجل ده بعمل لى دوار بحر . انا بشوفو عشان اقنع نفسى بأنه عندى سبب ما امشى السودان . اكثر من محلستو ومسح الجوخ بتاعه ده . واجعنى ادعائه للعروبه . بالرغم من انه لو كان الوقايه عندها شنب كان تلاليشو ديل اتشتشو بالجبنه . وواجعنى انو حاسب نفسه من الصفوه واولاد المصارين البيض متنكراً لاصله كأحد ابناء الطبقه العامله . والآن يدافع عن طبقه المستفيدين . شفته الحلقه وشفته المحلسه والحلقه ادانه للانقاذ فلقد بدأت الحلقه بالاشاده بنذاهه النائب الاول وعدم لجوءه للسرقه والسطو على المال العام وتجرده والنائب الاول يغرود . وهذا يعنى ان النائب الاول شاذ ومختلف ومشاتر بالمقارنه مع زملائه فهو لا يسرق ولا يتعدى على المال العام . شئ يحير والله .
شوقى .....



imported_شوقي بدري غير متصل  
 

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 06:00 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.