الحصة قواعد ..آلاء و أخواتها .. ..النحو الحديث فى السودان ..

[intehazy]

سلام للكل

غداً الجمعة سيكون أعضاء المجموعة على الهواء مباشرة عبر إذاعتي الإف إم

100
برنامج: أكيد في أمل
من الساعة 5 إلى 6 مساءً

89
برنامج: صحتك الساعة
5:30 عصراً

وأكيد بكرة أحلى

[intehazy]

بحمد الله فقد تم تفعيل النسخة التجريبية لموقع المجموعة الإلكتروني تحت العنوان
www.wegroup.sd
وهي باللغة العربية

[intehazy]

خالد بعد دا الكورة في ملعبك

أعمل التصميم والداتا في الموقع

ورسلو لينا

والدعوة مفتوحة للكل

[intehazy]

بحمد الله أقامت المجموعة يومها الترفيهي الثاني عشر للأطفال بنادي جامعة الأحفاد اليوم السبت 21/03
وكان الجديد في اليوم أنه تزامن مع عيد الأم
فكان توزيع الهدايا على الأمهات بواسطة الأطفال أنفسهم
وشاركتنا فرقة الكشافة البحرية بمسابقات وألعاب وإنشاد
وكان الحضور الأجمل للشاعر الإنسان محجوب شريف والذي أنشد مع الأطفال بعضاً من قصائده
ومشاركات شعرية من بعض أعضاء المجموعة
وتفاعل فوق الوصف من طالبات جامعة الأحفاد
+++++++++++++++++++++++++++++++++++
إستضافت إذاعة أمدرمان إف إم 100 المجموعة مرة أخرى يوم الجمعة 20/03 في برنامج أكيد في أمل
كما أفردت أسرة برنامج أفتح الباب بإذاعة مانقو 96 مساحة خاصة ومداخلة عبر الهاتف للمجموعة وذلك في حلقة الأمس الجمعة 20/03 بمناسبة مرور سنة على بداية البرنامج
+++++++++++++++++++++++++++++++
إستضافت إذاعتي أمدرمان إف إم 100 والإقتصادية 89
أعضاء من المجموعة يوم الجمعة 13/03
وتم عرض نشاطات المجموعة وكانت بالجد حلقتين رائعتين
++++++++++++++++++++++++++++++++++
تم عمل تحقيق عن المجموعة ونشاطاتها بجريدة الوطن عدد الأربعاء

[خالد الحاج]

المشاركة الأصلية كتبت بواسطة intehazy

خالد بعد دا الكورة في ملعبك

أعمل التصميم والداتا في الموقع

ورسلو لينا

والدعوة مفتوحة للكل

سلامات يا زول يا زين..
تجولت في الموقع التجريبي .. شغل جميل حقيقة .
لا أعرف لماذا تسمونه تجريبي؟ هذا عمل محترفين ..
سأقوم بالعمل في نفس التصميم لجعله باللغتين يعني إضافة النسخة الإنجليزية
ما سأفعله هو وضع إعلان عن الموقع أعلي المنتدي وفي صفحة سودانيات الأولي
بهذه الطريقة يصير الموقع معروف . كذلك سأفعل نفس الشيء في موقع البركل
وأدعوكم لنشر رابط الموقع في كل المواقع السودانية..

تهنئة صادقة للمصممين...

[intehazy]

والله يا خالد أخجلتم تواضعنا

إحنا لقينا التصميم دا في
microsoft puplisher

ولعبنا فيهو

لكن الموقع والإستضافة مجانية من الجمعية السودانية للإنترنت ولهم الشكر

خالد طالبنك تصمم لينا حاجة للموقع لأنو النسخة المرفوعة الآن غير قابلة للتعديل

في إنتظارك

تحياتي للكل

[خالد الحاج]

ممكن برضو أغير ليكم في التصميم نفسه لمعالجة بعض الأخطاء الطفيفية مثلا إتجاه الصفحة يعني ما تكون مايلة لليسار.
كذلك تضمين الإنجليزية وده بيعني ترجمة (محترفة) لكل ما هو منشور بالعربية
في موقعكم المؤقت .. رأيك شنو ؟

مثلا ده بعد التعديل شكل الصفحة ممكن يكون كده :

[align=center][/align]

[intehazy]

this what we r talking about dear

keep the good work up

cann't wait ya sa3adtak

لك ود بلغة الإنسانية

ولنا ما تبقى من ترجمات الإغريق

[intehazy]

الإثنين 23/03

إستمعوا إلى إذاعة مانقو 96 إعادة حلقة برنامج أفتح الباب الساعة 9 م

[بابكر مخير]

عمدتنا الحبيب
غايتو جنس غشة عشتها، إتحسبت على عمري، لكن النتيجة!!!
إعجاب منقطع النظير، فرحة مبااالغة...
تعرف يابا، قريت عنوان البوست وقعدتا أتضارآ منو جاي، جاي،،،
ما شنو؟؟؟ قال قواعد وآلاء وأخواتها إفتكترها حاجة جديدة مستحدثة مكملة لي ناس إنا وأخواتآ...
يا زول ريديتي ليك، قلتا مش معتصم هو سيد البوست، كدي النستفيد ونشوف آلاء دي الجابها لينا عمدتنا، موقعها وين من الإعراب؟؟؟
لقيت بسم الله صورة، هديت أعصابي، قلتا النكمل، بعدها صورة لي مجموعة وسطهم خلود والغريبة أول شخص وضحت ليا صورته، إمكن الصلعة،، إتوكدتا الصورة ولقيت أني وسطها ممثل في إتنين،،، شهنوزا (شاهناز أحمد بدري، بت أخوتي وكمان اليزابيث هوتشكينز "أختي")..
يا زول إرتحتا أكتر لمن لقيتك وسط الزهور مصور ودخلتا بي قلب قويييييي.
بقيت أقرا وأندهش، أعجب وأنشرح..
ما إنتهازي فكا الطلاسم....
بفكر كيف أتلم على الشغل دآ،،
ما حأطول قبل ما أجي بالبقدر عليهو وربنا ويفقكم..
تحايا وحب ومودة وكل خير لأهل الخير
بديت إتا وقلتا وبعد ما

[intehazy]

عمي الحبيب بابكر مخير

وإيه رأيك إنو إنتهازي زاتو إنت بتعرفوا

أنا ناظم أسأل مني زينب وآمنة

تحياتي وفي إنتظارك

[بابكر مخير]

المشاركة الأصلية كتبت بواسطة intehazy

عمي الحبيب بابكر مخير

وإيه رأيك إنو إنتهازي زاتو إنت بتعرفوا

أنا ناظم أسأل مني زينب وآمنة

تحياتي وفي إنتظارك

في قولة بتقول:
أسأل العنبة وحسي إتا رجعتها تاني من جديد،،،،
ما قلتا ليا أسأل العنبة والتفاح والورد والزهور،،
وكل البيجي من طرف الحبيب بيكون حبيب...
مدام قلتا ليا أسأل أغلى غاليين، أبقىخلاص عرفتا حتى لو ما عرفتك، برضي عرفتك....
وحقيقي يابا عرفتك...


بس البكتبو هنا دآ؟؟؟
خليهو سر بيناتنا،،
ما تمشي تشمر الشابات ديل وإتى عارف "زينب" برآك.....


لك إبني الحبيب كل الشكر على هذا العمل...
وسودنا لساتو بي خير، مدام إتو حفظت مستقبله.....

[intehazy]

ما تخافش يا كابتن مش حفتن

وشكراً لجميل ما سطرت

[فيصل سعد]

التحية و التقديرو الاحترام و الاجلال و الاعزاز لكل من ساهم في هذا العمل الانساني الخير ،و نسأل الله التوفيق و السداد ..

[intehazy]

ستشارك المجموعة في المنتدى الأسبوعي للنادي

يوم الإثنين 6/4
الساعة 8 - 11 مساءً

بالتعاون مع البرنامج القومي للتبرع بالدم

تحت عنوان

دور التبرع الطوعي بالدم في إنقاذ الحياة
أطفال السرطان نموذج

ستكون للمجموعة كلمة + مشاركات لأطفال مصابين وأسرهم + عرض لفيلم رحلة علاج

بالإضافة إلى العرض التوضيحي كيف ممكن تساعد

ومشاركة المطربة المعروفة إيمان لندن والشاعر د. عمر محمود خالد

حضوركم يهمنا