نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > مكتبات > مكتبة معتصم محمد الطاهر أحمد قنيف (معتصم الطاهر)

إضافة رد
 
أدوات الموضوع انواع عرض الموضوع
قديم 08-02-2009, 04:25 PM   #[1]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي حوار .. سودانيات ( 2) .. محمد طه القدال ..


جانا
و رش فينا .. الفرح
والأغنيات ..
عزمناهو معانا فى سودانيات

لحوار .. طويل و جميل

قالها بأريحيتو .. و صوته العذب القوى .. المليان معانى

مراحب ..

يلا ..
أسئلتكم للقدال ..



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
قديم 08-02-2009, 05:04 PM   #[2]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

[align=center][/align]

صورة خاصة بسودانيات ..
تصوير أمير طمبل ..



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
قديم 09-02-2009, 04:01 PM   #[3]
أبو أماني
:: كــاتب نشــط::
 
Thumbs up عصمك الله دنيا وآخره ياطاهر يا بن الطاهر ..

[frame="1 90"]
اقتباس:
المشاركة الأصلية كتبت بواسطة معتصم الطاهر مشاهدة المشاركة
[align=center][/align]
صورة خاصة بسودانيات ..
تصوير أمير طمبل ..
[/frame]

الشكر الجزيل لك عزيزي المعتصم..فأنت والحق قمة تطول الأقمار والنجوم العوالي ومن لا يرتقي لمستوى النجوم لا يدركها! وها أنت تهدينا لحظات فرح وعناق لمن في مقدوره أن يفرحنا ويبكينا .. صدقا لا أخالك تدرك حجم ما أكنه لهذا الرجل من حب وإعجاب .. وليتني حصلت على ديوانه الثر .. صدقني.. صدقني سوف أزدري بالثراء الأدبي كل مليارديرات بلادي .. وأتهمهم بالإفلاس.. وافوقهم ثراءً !..
سؤالي لأستاذي الرائع (القدال): متى تجود علينا ولو مرة .. مرة.. بطلة بصحبة قصيدة من روائعك وبرفقتها نبذة بسيطة عن مناسبتها لو سمحت ظروف شاعرنا نكون وملايين معي قد نلنا المراد .. ولك كل الشكر يا المعتصم على هذه (النجفة) التي تسميها تواضعا (بوست)!! ولنا عودة .. بعد هطول مزن شاعرنا الضخم القدال .. أبقى لا جووه ..



التوقيع:
اللهم أرحمه وأغفر له ..
يشرفني أن رجلا مثله في ذمة الله قال عني يوما :-

... ولا يفوتني أن أعلن فرحتي بقلم تريان يا أبا أماني...
أنت إضافة لسودانيات مبهجة ولا شك .
رحمة الله عليك وإنا لفقدك لمحزونون
أبو أماني غير متصل   رد مع اقتباس
قديم 10-02-2009, 12:25 AM   #[4]
خالد الحاج
:: كــاتب نشــط::
الصورة الرمزية خالد الحاج
 
افتراضي

ظللت أقاوم الكتابة هنا يا باش والله..
تذكرت ذاك اللقاء اللذي فرحنا له وهللنا مع ود الحاوي...
كانت نفس البداية .. لم نره للأسف..

القدال ... نغمة حلوة في شفاه كل سوداني ...
قال عنه حميد أن بعض الإخوة سألوه هل القدال من الشايقية؟
وطبعا يا باش القدال يتحدث بلسان مريح إن جاز لي .. لغة لا ترهقك
ومعاني لا يطالها إلا "القدال" ...
في رحلتي الأخيرة للخرطوم اشتريت "غنوات لحليوة" .. وأظنك فعلت يا باش
فقد كنا سويا ...
الديوان في معيته شريط كاسيت .. تستمع وتقرأ قصائد الديوان..
القدال شاعر منبري .. يجيد إلقاء القصيدة بصورة تأخذك بكلياتك ولا تترك لك مجال إلا المحبة لهذا العملاق ..
التجربة كان أهلنا المصريين هم الرواد فيها خاصة أحمد فؤاد نجم وعبد الرحمن الأبنودي..
لم أندهش عندما علمت أن الأبنودي وراء تجربة تسجيل "غنوات لحليوة" ..
إن كان حبيبنا القدال لا يزال في حضرتكم يا باش ليتك تستأذنه في تنزيل ولو قصيدة واحدة من الديوان حتى نشارك الأحباب في هذه المتعة اللامنتهية ..
التحية لهذا العملاق من القلب.



التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها،
وبها تُخَلِّصُ أرضَنا من رجْسِها،
حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

(عالم عباس)
[/align]
خالد الحاج غير متصل   رد مع اقتباس
قديم 10-02-2009, 01:16 AM   #[5]
بابكر مخير
:: كــاتب نشــط::
الصورة الرمزية بابكر مخير
 
افتراضي

اقتباس:
المشاركة الأصلية كتبت بواسطة معتصم الطاهر مشاهدة المشاركة

جانا
و رش فينا .. الفرح
والأغنيات ..
عزمناهو معانا فى سودانيات
لحوار .. طويل و جميل
قالها بأريحيتو .. و صوته العذب القوى .. المليان معانى
مراحب ..
يلا ..
أسئلتكم للقدال ..
عمدتنا سلاااااااااااااام
سؤال ممكن يكون ما للقدال براهو، ممكن يكون لي كتيرين مبدعين وما بس في الشعر والكتابة،،
لا لي كل زول/ة ربنا أنعم عليهو بي جزء من نعمه وأبدع فيها..
ما أطول، لمن السؤال يتنسي..
هل نعمة الإبداع حكر خاص؟؟
هل هي وسيلة للوصول الي!! نقول شهرة (أدبية) شهرة (إجتماعية) شهرة إعلامية ولا سبيل جمع قرش، قرشين.
هل لمن الزول يشتهر بنعمة الله والرسول دي بتكون ليهو مسئولية توصيل هبة الله دي ويبادربها وينثرها عشان تعم الناس ولا برضو شنو؟؟
الأسئلة دي للقدال عشان يدينيا رأيه، ما مقصود بيها هو بآي حال من الأحوال،،،
ما بعرفه قريب عشان أحكم عليهو (وأصنفه) وبرضي بعرفو زول قوله سمح تب وبيعجبني..
شكرن عمدتنا..
تحية ومودة



التوقيع:
بابكر مخير غير متصل   رد مع اقتباس
قديم 10-02-2009, 05:55 AM   #[6]
أسامة الكاشف
:: كــاتب نشــط::
الصورة الرمزية أسامة الكاشف
 
افتراضي

التحية ليك يا ريس على هذه المبادرة الرائعة

عبركم يا ريس ننثر كنانتنا على مرمى بصر شاعرنا الفحل:

1. مسدار أبو السرة تجربة لاستدعاء حكاوي البطانة
والنشوق.. فهل يمثل هذا المسدار موقف الشاعر السياسي

2. حليوه أغنية .. قرية .. رمز اختصر الوطن والحبيبة
كيف أسهمت حليوه في تشكيل وعي القدال الشعري؟

3. تجرأ الصديق عثمان النو بعقبريته الموسيقية المشهودة
على دوزنة وتر غناك .. فكانت تلك التجربة الرائعة.. لماذا لم تتكرر
وما رأيك فيها وفي تجربة الغناء الجماعي الملحمي

4. وظفت الأغنية الشعبية لغرب السودان في النص السابق ذكره
"ما إضينه وزين أني تور عفينه الشين أني" كيف تنظر إلى تجربة
تساوق المعمار الفلكولوري للنص التراثي وحداثة تجربتكم؟

5. التناغم الخفي بين الشعر الملحمي الشعبي
والأداء المسرحي الفردي .. كيف تنظر لهذه التجربة
والتقبل الشعبي لها خصوصا وأنها كرست لنمط
جديد من الشعر .. الحكي.. ولمتلقي جدي
مشارك في صياغة النص الشعري؟ وهل ترتجل أحياناً وفقاً لتفاعل الصالة؟

6. صوتكم كان داويا إبان الحقبة المايوية
لماذا خفت قليلا بعد ذاك؟

7. هل يمكن أن تستعرض لنا في عجالة تطور تجربتكم الشعرية؟

8. بمن تأثرتم في صباكم الباكر؟

9. هنالك أصوات شعرية جادة ومتميزة
واكبت تجربة صعود نجمكم أمثال عالم عباس ومحمد محي الدين
الياس فتح الرحمن.. محمد محمود مدني.. محمد الفاتح يوسف أبوعاقلة
عادل عبدالرحمن .. محمد نجيب ؟ كيف تقيم تجاربهم ورأيك في كل منهم؟

10. تجربة التوثيق لشعر البطانة التي أطلع بها محمد الفاتح يوسف أبوعاقلة
كيف تنظر إليها؟ وكيف السبيل لتوثيق التجارب الشعرية لشعراء الفطرة في البادية السودانية؟
نكرر شكرنا لكم يا ريس وعبركم للمنتدى



أسامة الكاشف غير متصل   رد مع اقتباس
قديم 10-02-2009, 08:04 AM   #[7]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

اقتباس:
المشاركة الأصلية كتبت بواسطة خالد الحاج مشاهدة المشاركة
ظللت أقاوم الكتابة هنا يا باش والله..
تذكرت ذاك اللقاء اللذي فرحنا له وهللنا مع ود الحاوي...
كانت نفس البداية .. لم نره للأسف..

.
يا خــــــــــــــــــــــــــال
عبد اللطيف لم يجيب على الاسئلة التى سلمت له ..

بعدين انت نجاح لقاء هاشم صديق .. نسيتو
ما تتذكر لى إلا الخيبات ..


[align=center]الشكية لله[/align]



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
قديم 10-02-2009, 08:09 AM   #[8]
معتصم الطاهر
:: كــاتب نشــط::
الصورة الرمزية معتصم الطاهر
 
افتراضي

[align=center][/align]



التوقيع:
أنــــا صف الحبايب فيك ..
و كـــــــــــل العاشقين خلفي
معتصم الطاهر غير متصل   رد مع اقتباس
قديم 10-02-2009, 09:12 AM   #[9]
عادل عسوم
:: كــاتب نشــط::
الصورة الرمزية عادل عسوم
 
افتراضي

الباش
صباحات بلون الحليب وبطعم الشهد ياحبيب.
القدال يضفي على الكلمات طعما ماتعا حين يكتبها وعنفوانا حين يؤديها...
مسدار أبو السرة -برغم ما قيل ويقال فيه -الاّ أنه يعد غوصا رفيقا في أختلاجات النفس السودانية الريانة بكل الخير ...وكل الجمال...وكل المروءة...
كما قال الخال على لسان حميد ...رفده فيه (نَفَس) من نفح أهلنا الشايقية!
1-ليتك تسأله ما السر في ذلك.
2-القدال له قدرة ماتعة على أدغام الأمكنة والأزمنة وسوقهما معا فيستطيع القارئ أو المستمع أسقاط المقطع على كل صنوف الفعل ماضيه ومضارعه وأمره!
أما الأمكنة فهو يجردها من محتواها -برغم ذكره لبعض أماكن بعينها-فلا يداني القارئ والمستمع أيما شك في أنه يعني أمكنته التي يتقمصها وجدانه...كيف يفعل ذلك؟
3-القصيدة لدى القدال تجدها كاللوحة تماما ...بها ظلال والخطوط فيها تجدها تقترب وتبتعد داخل أطار المعاني بحسب زاوية نظرة القارئ وحساسية أذن المستمع.
4-لم يطرق القدال-حسب علمي-باب الفصيح من الشعر برغم اني أحسبه متمالكا لكل أدواته من لغة وسياق وضبط ما السبب في ذلك.
التحية لك وله



التوقيع: المرء أن كان مخبوءا في لسانه فإنه - في عوالم هذه الأسافير - لمخبوء في (كيبورده)
عادل عسوم غير متصل   رد مع اقتباس
قديم 10-02-2009, 09:18 AM   #[10]
عبد الجليل سليمان
:: كــاتب نشــط::
الصورة الرمزية عبد الجليل سليمان
 
افتراضي مسدار ابو السٌرة لليانكي - محمد طه القدال

اماتي القبيل بي حنهن لجني
كرفة وقلدة كيف شوف اللبن رجني
حزنا جاني في ميع الصبا يلجني
أطلع مني يا جلدي المنمل جني
واطلع مني يا حزنًا بقى مكجني
خلني ابدا مسداري
و اودي قفايا لي دارا بقت مي داري
جيت الجلدي بيني وبين عضايا الشحمة ،إلاّ النار بقت قدامي
جلدي الليلة بيني وبين عضايا المافي
إلا تراني شوال الكِبس نفيخ جلاليب الورم هدانّي
في جلدي الورم قولنلي ولا صحي الورم عضاني
سفريتك مي في النية
ماها الكانت محرية
خابراك عريف زم العربان ولاّ قيام الوردية
مالك تريان ومندي كاسي الكتان والهندي
قولك ككيف ترجى البيشان ولا الغربة البي زندي
برق العبدلي الوزني يا طاش يا جاب المزن
فرق يا الضيف فعل الغضبان انفر تيران الحزن

شن القعدة يا ابو السرة شن القعدة
في ضل العمارات ام كمرتًا برا .. ضقنا الحنضل اليانكي
وبلعنا المرة كملت كوتة التمباك صقعنا الجرة
وكت اتقفلت شقيش قبل بالمرة لن
يأمرنا في بلد المعاني الحرة
الشم خوخّت بردن ليالي الحرة
والبراق برق شوف عيني الصقير بي جناحو كفت الفرة
تلقاها ام خدود الليلة مرقت برة
مرقت برة تغلي مديدة الحلبة التسمن ردفها
السمن المبستر يانكي
والويقود قعيرات الدخان في العين وفي الفشفاش بسوي عمايلو
شن فايدة مديدة الحلبة يا ابو السرة شن فايدة مديدة الحلبة
الويقود يشيلو اليانكي
قامت من دخاخين العمى تلمع وشيها اليانكي مستنيها
كان اليانكي مستنيها في مراية السجم
في الليل لقيتها متل فرايخ الطير مرق ود عينها من ود عينها
رجافة المزمة الحمى جفلت منو وقعت عندي صدرها بغلي
يا ابو السرة شفت اليانكي في ود عينها
حسها للبحر
يمكن يغسل عينها من اليانكي
فتنا الحجرة بالكتة وغتسنا مسافة
تبقى قدر مسالك الريده ما لاقانا من يغبانا في
البحر الفضا التحتاني
ناس عارفاها ناس عارفاك ناس عارفاني
نادينا القعونج والبلطي قرقور السمك ودانا لي دابي الخشش
نادينا عمال الطمي الصارقيلا والقرموط وود الموية وقتنا عليها
كانت نايمة عجال البحر حارساها
كا نت نايمة بين حجرين
وضل ساسوية وعمال الطمي
الصحونا خابرين الدروب لمّو حصى البحر قسموهو
يات من كان سبع جمرات دابي الخشش قال ادوها
في الجمرات تلات سبعات
قلنا ادوها في في الجمرات تلات سبعات
مسكنا دربنا وعمال الطمي مرقوبنا في مشرع مسارب الضي
لقينا الدنيا تترجانا قوقى القمري خوّى صغيرو وعوّى حدي
وعمال الطمي الصحونا لمّو على البعرفو الصي
حصى القيزان دوابي الدارقة والسحلية والناس التحت
خابرين عمايلاليانكي
قولن للاخلا ديارو
دمك فرهد في نارو
غورّ في الارض طارو صقرين
اولاد الارض ما طاروا
لحمي غطى بن عمي شو صار حالو يا امي
منديل العرض في بيت الدين دمي ما يخلي دمي
انا من دير يسن صرنا في جزر التين
عم نسقي بعض حب الزيتون
بدو يرجع للطين صابرا تحت الدورية
صابرة تحت الدورية .. صابرة فوق الدورية
يا حالة ضد لحم الطفلين نابت غصن الحرية جزري مو في شاتيلا
ما قال حالي يا ويلا احنا في الارض
ارض فلسطين يا امي
هيلا هيلا
قوقي القمري خوّا القي وعوّا حدي
وكنا جماعة دابات الارض والسايمة وعوامة البحر والطير
وحتى الغيمة دفاقة المطر فوق راسنا شايفة الدرب
دريب اليانكي لا يودرنا قال الدابي للضليلة خليك صاحية
زوغ اليانكي لايودرنا
قال الدابي ان يغباها ما بيغباني
ولما الشم مودع غاربة وصّت جملة الصقار عيونن كاربة
ابقو الف بفوت للمتلكم ناهدين
وفوق دينن عريبا غادي
قال السحلي لا تغشوهو دول عربان توابع اليانكي
قال الجمعي لا نغشاهو دول عربان توابع اليانكي
وخلوها العريب الغايبة السراق طليقو معاهو
تيجانا عروشها الخروع الهش العويش النار تعلق فوق عقال العرش
ولا خسانا بي هادي العروش الغربة
يا ابو السرة لا عقام مسكنا دربنا وعمال الطمي الصحوها
خابرين الدروب
مرقوببنا من وادي الضلمة الكان عقب لمينا في باقي الجمع قاصين دريب اليانكي
شمور الضيب في الكنغو وخبرا من جنوب امريكا ومن كلهاري ديبا ضاري
والتمساح وليد امزون ونمرا في النمور كمبودي ونمرة خلا الله مكسيكية
ولما لميمنا والشمس البتوقد فوقنا شد شديدنا التمثال مشيل روقنا وعالم حر
يدوعل فوقنا لي يوم فوقنا نبزغ فيهو في عينيهو جر واسوقنا

يا شمس طلي طلي
شاوري على بيتي دلي
كيال الكيل ختياري مات
ظلي عم يحرس ظلي
عادل على خيي ميلي خيي لا يحمل شملي
ما خف الشمل تاني المرات ما كل الرصاص شيلي
عيني في الفيل ما ظله
كلنا ندريه ما نضله
يا ويل الويل نرمي الجمرات
عدّي المستشهد كله
عدي المستشهد كله



عبد الجليل سليمان غير متصل   رد مع اقتباس
قديم 10-02-2009, 07:49 PM   #[11]
أبو أماني
:: كــاتب نشــط::
 
Thumbs up ... حولا .... !!!

[frame="1 80"]
شن القعدة يا ابو السرة شن القعدة
في ضل العمارات ام كمرتًا برا .. ضقنا الحنضل اليانكي
وبلعنا المرة كملت كوتة التمباك صقعنا الجرة
وكت اتقفلت شقيش قبل بالمرة لن
يأمرنا في بلد المعاني الحرة
الشم خوخّت بردن ليالي الحرة
والبراق برق شوف عيني الصقير بي جناحو كفت الفرة
تلقاها ام خدود الليلة مرقت برة
مرقت برة تغلي مديدة الحلبة التسمن ردفها
السمن المبستر يانكي
والويقود قعيرات الدخان في العين وفي الفشفاش بسوي عمايلو
شن فايدة مديدة الحلبة يا ابو السرة شن فايدة مديدة الحلبة
الويقود يشيلو اليانكي
[/frame]

[align=center][size=5]صبرا علينا شوية .. يا أخوانا .. والله قعدت في البرعم هيل البوست ده قريب ساعتين وقريتو تقول عشر مرات .. واتذكرت صينية العشاء حقت زمان .. نشبع وما نقوم .. ياحليل صينية زمان وحليل ناس زمان .. الباقي لي ما فضل منهم زول تب .. غير ناس خالد والباشا وعسوم .. والله جد بطريقتكم دي بتكتلوا ليكم زول .. والزول ده بيكون .. أنا .. دمي في رقيبة أبو السرة .. ولكم صادق الحب يا أحلى من عصير الكروم ... وسامحونا،،،[/size[/align]]



التوقيع:
اللهم أرحمه وأغفر له ..
يشرفني أن رجلا مثله في ذمة الله قال عني يوما :-

... ولا يفوتني أن أعلن فرحتي بقلم تريان يا أبا أماني...
أنت إضافة لسودانيات مبهجة ولا شك .
رحمة الله عليك وإنا لفقدك لمحزونون
أبو أماني غير متصل   رد مع اقتباس
قديم 11-02-2009, 10:51 AM   #[12]
yasser hasseb
:: كــاتب جديـــد ::
 
افتراضي

[blur1]الشم خوخت بردن ليالي الحرة
والبراق برق من منا جاب الفره
شوف عيني الصقير بجناحو كفت الفره
تلقاها ام خدود الليلة مرقت بره
القدال ايها الرائع تجعلنا دوما مندهشين حيالك
اعتب عليك قلة الانتاج برغم دثامة ما كتبت[/blur1]



yasser hasseb غير متصل   رد مع اقتباس
قديم 12-02-2009, 12:47 AM   #[13]
خالد الحاج
:: كــاتب نشــط::
الصورة الرمزية خالد الحاج
 
افتراضي

[align=center][flash=http://www.youtube.com/v/jjb7YgADbfc&hl=en&autoplay=1]WIDTH=600 HEIGHT=500[/flash][/align]



التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها،
وبها تُخَلِّصُ أرضَنا من رجْسِها،
حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

(عالم عباس)
[/align]
خالد الحاج غير متصل   رد مع اقتباس
قديم 19-02-2009, 06:28 PM   #[14]
أبو أماني
:: كــاتب نشــط::
 
Thumbs up إني عاتب عليكم جميعا اخوتي ..!!

والله يا باشا ويا خال وياعموم حاملي هموم هذا المنتدى الرائع .. ما شدني إليه سوى كل من فيه من أدباء وعلماء وشعراء وقامات وهامات أنزل الله بها من سلطان! فصارت تطاول نخيل بلادي طولا وتعانق الثريات وتجافي الثرى .. لذا حز في نفسي كثيرا أن يظل هذا البوستر المثبت، مثبتا لمدة أكثر من ثمانية أيام دون مداخلة من أحدكم أو إضافة .. ما بالكم أنتم هؤلاء؟ أهل جف مدادكم عند جروف خصبة تمور إبداعا ؟؟ أم تراكم تأدبتم وتقاصرتم أمام ضخامة شاعرنا الفذ وأكتفيتم بالمرور لا أكثر؟؟ عتابي لكم سوف يتضاعف ويتنامى لو لم تبحر تايتانيك هذه الألفية من مفردات بديعة ننثرها ونستقطبها من شاعرنا المخضرم ورفاقه الأشاوس دون أن تصطدم بجبال جليد من عدم المبالاة..ولكم الود أجّله ... سلام ..



التوقيع:
اللهم أرحمه وأغفر له ..
يشرفني أن رجلا مثله في ذمة الله قال عني يوما :-

... ولا يفوتني أن أعلن فرحتي بقلم تريان يا أبا أماني...
أنت إضافة لسودانيات مبهجة ولا شك .
رحمة الله عليك وإنا لفقدك لمحزونون
أبو أماني غير متصل   رد مع اقتباس
قديم 07-03-2009, 08:46 PM   #[15]
أبو أماني
:: كــاتب نشــط::
 
Thumbs up والله حاجة تخلى الزول يكلم نفسه براهو!

بكل أمانة يا حبان .. أنا أحب الشعر واقدس الشعراء وإن قلنا الشعراء خشم بيوت فقد كان ولا زال شاعرنا الضخم القدال من أكبرها وأوسعها أبوابا .. وهذه نظرة شخصية صرفة يقيني أنها في عيون الكثيرين .. ظروفي لا تسمح لي إلا بالركون لهذه الأداة الإليكترونية العجيبة ولبضع لحظات بكل أسف وليس لي معينا أو رافدا سواكم ..

عندما اتحفنا استاذنا المعتصم (الباشا) كرمه الله بهذا البوستر الرائع تهللت أساريري ونادرا ما تفعل ذلك !وتوسمت لحظات جميلة اقضيها كل مرة في رحابه .. ولكني فوجئت بالوسطاء يمتنعون والأدباء يطنشون وتميزت غيظا .. ليس منكم .. أستغفر الله .. بل من حظى العاثر الذي قلما يعطيني ما أشتهيه .. اشتهى إطلالة إشراقاتكم عبر هذا البوست .. ما تعودت الإستجداء .. ولكني أفعلها اليوم بكل طيب خاطر .. فهل يرد خائبا من طرق باب الكرام ؟... والسلام...



التوقيع:
اللهم أرحمه وأغفر له ..
يشرفني أن رجلا مثله في ذمة الله قال عني يوما :-

... ولا يفوتني أن أعلن فرحتي بقلم تريان يا أبا أماني...
أنت إضافة لسودانيات مبهجة ولا شك .
رحمة الله عليك وإنا لفقدك لمحزونون
أبو أماني غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 09:41 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.