الحاسة السادسة عندي فعالة ..عندكم كيف.. ؟

[imported_فيصل سعد]

سلامات يا منعم .. في سياق الاحداث الآن يا ترى
من راحت عليهم ؟؟؟

يديك العافية ..

[عبدالمنعم الطيب حسن]

المشاركة الأصلية كتبت بواسطة فيصل سعد

سلامات يا منعم .. في سياق الاحداث الآن يا ترى
من راحت عليهم ؟؟؟

يديك العافية ..

اهلا بالاخ فيصل سعد
تسلم يا امير
الراحت عليهم كتار منهم اخونا صديق محمد
لي بوست بعنوان
ناس راحت عليهم ...
يمكنك الرجوع اليه لترى من راحت عليهم حقيقه ....
وقد فشلت في جلب رابط البوست الى هنا
رجاء اشرح لي كيف ارجع لبوست قديم
شكرا يا امير ....

[imported_فيصل سعد]

المشاركة الأصلية كتبت بواسطة عبدالمنعم الطيب حسن

اهلا بالاخ فيصل سعد
تسلم يا امير
الراحت عليهم كتار منهم اخونا صديق محمد
لي بوست بعنوان
ناس راحت عليهم ...
يمكنك الرجوع اليه لترى من راحت عليهم حقيقه ....
وقد فشلت في جلب رابط البوست الى هنا
رجاء اشرح لي كيف ارجع لبوست قديم
شكرا يا امير ....

انا مداخلتي معاك مستندة على ذلك البوست ..
المهم تنقر بالماوس على ملفك الشخصي ثم مشاهدة
الاحصائيات ثم المواضيع التي كتبها عبد المنعم الطيب حسن
بتظهر ليك لستة بجميع بوستاتك ..

سلام ..

[عبدالمنعم الطيب حسن]

المشاركة الأصلية كتبت بواسطة فيصل سعد

انا مداخلتي معاك مستندة على ذلك البوست ..
المهم تنقر بالماوس على ملفك الشخصي ثم مشاهدة
الاحصائيات ثم المواضيع التي كتبها عبد المنعم الطيب حسن
بتظهر ليك لستة بجميع بوستاتك ..

سلام ..

شكرا يا فيصل ياخ تسلم
والله ريحتني راحه يا تصدق انا لوعاوز اضيف حاجه لبوست لي احاول اذكر اسمو وارجع ابحث في قوقل وحكايه
اتاريها الشغله ساهله
تسلم يا امير وشوف الناس الراحت عليهم في هذا الرابط
http://sudanyat.org/vb/showthread.php?t=21502

[imported_غلالات الشذى]

غايتو الحواس شغالين معاي لحدي الحاسه الــــ 12

تش ترش مافي أي شخشخه ....!!!

[بابكر عباس]

المشاركة الأصلية كتبت بواسطة عبدالمنعم الطيب حسن

الحكاية دي مطلع التسعينات وانا بعد طالب بالجامعات المصرية تابطت جواز سفري
وشهادة قيد تؤكد انني طالب بجامعة المنصورة
ويالعمرة جاك زول منها عمرة ومنها اشوف السعودية..
والمهم الاهم في الامر هو ان القط لي قريشات تساعدني في القراية
وهاك يا اسئلة ....توشك يا السفارة السعودية جاك زول ...
وروني شباك العمرة وقفت اخر زول واقف في الصف ولا يهمني
الساعة تلاتة جات وانا واقف والصف بطيء
المهم قابلني الموظف وقال لي عاوز شهاداتك او صورة منها ...
ماعندي شهادات ما زلت طالبا بالجامعة
وعندي شهادة قيد..
ما تنفعش
وقفل الشباك واكيد غادر
زول معاي مافي انتظرت لم اغادر رغم ان الشباك يفتح خارج سور السفارة وعندما يغلق
فانت في الشارع العريض
مسكت في شباكي داك وقفت حرستو حرست قدر الله جانا عديل
اكتر من نص ساعة وانا واقف
كان عندي يقين ان امرا ما سيحدث لم اغادر قط ولم افكر حتى في المغادرة
فجأة يفتح الشباك ياتي موظف اسمر هذه المرة (لزوم الحبكة وكدة)
يازول انت لسع واقف
هات جوازك
خمسة دقائق والجواز مختوم بتاشيرة الدخول للسعودية
اها ....

في تاني واحدات اخطر

فعلا دا كلام غريب
والإلهام الزي دا هو البصنع الإبداع

تسلم أخي عبد المنعم

[عبدالمنعم الطيب حسن]

المشاركة الأصلية كتبت بواسطة غلالات الشذى

غايتو الحواس شغالين معاي لحدي الحاسه الــــ 12

تش ترش مافي أي شخشخه ....!!!

غلالات الشذى
شوفي لينا حاجه من السادسه
ورشيها هنا ...

[عبدالمنعم الطيب حسن]

المشاركة الأصلية كتبت بواسطة بابكر عباس

فعلا دا كلام غريب
والإلهام الزي دا هو البصنع الإبداع

تسلم أخي عبد المنعم

المافي شنو

[بابكر عباس]

المشاركة الأصلية كتبت بواسطة عبدالمنعم الطيب حسن

المافي شنو

العلامة دي: ؟

[imported_بدور التركي]

المشاركة الأصلية كتبت بواسطة بابكر عباس

فعلا دا كلام غريب
والإلهام الزي دا هو البصنع الإبداع

تسلم أخي عبد المنعم

فعلا كلام غريب ما يخش العقل
وسبحان الله أمكن امه داعية له
عشان كدا بتتسهل اموره
ما في حاجة مستحيلة عند ربنا

[عبدالمنعم الطيب حسن]

المشاركة الأصلية كتبت بواسطة imported_بدور التركي

فعلا كلام غريب ما يخش العقل
وسبحان الله أمكن امه داعية له
عشان كدا بتتسهل اموره
ما في حاجة مستحيلة عند ربنا

صحيح امي داعية لي
كانت دائما تقول
قشة ما تعتر ليك يا ولدي
...
والحمد لله

[عكــود]

سلام عبد المنعم،

مشكور ياخي على رفع هذا البوست الممتع،

لي عودة إن شاء الله.

[عبدالمنعم الطيب حسن]

المشاركة الأصلية كتبت بواسطة عكــود

سلام عبد المنعم،

مشكور ياخي على رفع هذا البوست الممتع،

لي عودة إن شاء الله.

هلا بالباشمهندس الصديق والحبيب اباذر الكامل عكود
تسلم ياخ
...
احتجت لتفاصيل موضوع في البوست دا...
لفة لفتين لقيتو بجاي...
رفعتو منها ديس ومنها ساك
...
ولقيت فيهو تعليقات من احباب واصدقاء
جميلين
يارب نتلم من تاني
ويزدهر المنبر
بالقه السابق
وبالالفة التي كانت وما زالت ترفرف حول المكان؛
..
حبي واشتياقي وودي

[عبدالمنعم الطيب حسن]

شكرا عمدتنا ومحبتنا وليالي هنانا؛
العمدة عكود
شكرا لرفع البوست عاليا في البنر
ساعود ببعض الحكاوي عن الحاسة السادسة
وفعاليتها عندي
...
ساعود

[عكــود]

نهاية ديسمبر 2018 نزلت وأسرتي إجازة السودان، والوالدة كانت في أم درمان مع شقيقتنا (رحمهما الله).
بعد عمل بعض الفحوصات والإطمئنان عليها، سألت صديقنا دكتور عصام فرح المشرف على حالتها الصحية، ممكن أسافر القرير لمدة أسبوع فطمأنني على صحتها وأشار علي بالسفر.

سافرنا أسرتي وأنا يوم الأحد، يوم الأثنين إنقبض صدري لسبب غير واضح، إتصلت بالوالدة وطمأنتني أنها بخير، ورغماً عن ذلك تركت أسرتي بالقرير ورجعت أم درمان يوم الثلاثاء ولم يبارحني إنقباض الصدر.
وصلت وإطمأنيت عليها، ويوم الأربعاء الصباح تعبت فأخذناها المستشفى مباشرة ومعنا صديقي دكتورعصام فرح.
إنتقلت روحها الطاهرة عند آذان صلاة الظهر بين يدي وأيادي أخواني وأخواتي، فكلنا كنا حضور وكان ذلك في تاريخ 2/1/2019.

رحمها الله رحمة واسعة وجميع موتانا وموتى المسلمين.