إسكيــرت و بلــوزة !!! أزهـــري سيــف الديـــن

نحو رؤية واضحة لسودان مابعد الحرب !!! حسين عبد الجليل

ليه الحرب ليــه؟؟ هل من إجابـة للشاعر خالـد شقوري؟ !!! عبد الحكيـــم

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > نــــــوافــــــــــــــذ > مسابقة القصة القصيرة 2013

إضافة رد
 
أدوات الموضوع انواع عرض الموضوع
قديم 03-04-2013, 09:01 AM   #[1]
مشرف منتدى نوافذ
Super Moderator
 
افتراضي نقد مسابقة خالد الحاج للقصة القصيرة 2013 -2014

سلامات يا شباب / شابات
بداية نرحب بكل الأقلام الجديده إللي إنضمت لينا وإللي نتنمنى ليها كل الأمنيات الطيبة بطيب الإقامة ، ونشكر كل زول شارك في إنجاح المسابقة سواء كان ساهم برأيو ، أو بنصو القصصي.
أما بعد :
البوست ده لتلقي كل الأراء النقدية ( السالبه ) إللي صاحبت مشروع المسابقة.. أي نعم في عضوية جديده سجلت في سودانيات ولينا عظيم الشرف بإنو نتعرف عليهم ، وأي نعم خامة المواد المكتوبة كانت طازجة ، خلافاً عن المسابقة بتاعة 2009.. لكن نحن بيهمنا الرأي النقدي السالب ، عشان نثبت إرث هنا في نوافذ.. إنو نعير العضوية كل الإهتمام في آراؤها ، ونحاول نعالج العثرات إللي صاحبت مسيرتنا ، عشان لاحقا مشيتنا تتصلح.

باخد على التجربة دي الآتي :
1/ البطء في المساهمة في تنزيل النصوص : هل السبب كان في إنو المسألة دي ما إتعممت إعلامياً بالشكل الكافي ؟ ما إعتقد.. لأنو كان في بوست مثبت عباره عن تنويه لإنطلاق المسابقة ، خلافاً للبوست النزلتو في صدر منتدى الحوار ووضحت فيهو خطة العمل بتاعتي بالمسا والمتعلقة بالمسابقة ..
هل فكرة إنو الواحد ينزل بوست جديد ما راقت ليكم ؟ إذا ما راقت ليكم بتقبيكم رايكم.. لكن أنا دايما مع الجديد.. ضد إنتاج القديم.. ومن هسي شيلو شيلتكم .. أي مسابقة جديدة فكرتها الرئيسية إنتاج نص جديد

2/ صعوبة تحديد سقف زمني : نسبة لإنو كنت متوقف على إنو تتشكل لجنة فنية - ولحدي ما إتشكلت أخدت زمن ما ساهل - + كنت بشفق على الأخوان في اللجنة الفنية إنو تكتر ن عليهم النصوص.. وأنا مقدر وبثمن إنو إقتطعو زمن من وكتهم عشان يفرتقوا النصوص.. فعشان كده كان الإعلان الأول لفترة المساقة ضيق ، بعد داك قمت بتمديدو..
فالربكه في تحديد السقف الزمني قد توصل إحساس ما جادًي للمتسابق ، والقارئ..
عموما ً إعتقد فترة 45 يوم كافية لتحديد لجان فنية ولقفل اي مسابقة لاحقاُ.

3/ تعديل شروط المسابقة أثناء إستلام النصوص : ده خطأ جسيم ..
3/1نموذج : قمت بتعديل الشرط البيتعلق بعدد الكلمات وإستثنيت منو نص كان نزل قبل التعديل..
بعتقد لو كان في رفرنس.. كان قدرت إتلافى الأخطاء دي..
ومشكورا العمده والزول قاموا بإنشاء فلودرز حول المسابقات 2009 ، 2013

3/2 في شرط المسابقة ما إضمنت اللغة .. هل ممكن تتم المشاركة باللغة الإنجليزية ؟

3/3 في شرط المسابقة : ما كان في حوجة لكلمة ( سودانيين ) لأنو هنا في عضوية ما سودانية.

4/ فكرة الترميز إللي أشارت ليها العزيزة مي جديره بالعمل عليها في مسابقات تانية.. وتعني بالترميز.. إنو يتم إرسال كل المشاركات لمشرف منتدى نوافذ ، وإللي مفروض يقوم بترميز النصوص وإرسالها للأخوان في اللجنة الفنية.. لأنو إسم الكاتب قد يكون ليهو وزنو أكتر من النص الكاتبو.. وهنا ما بتشكك في نزاهة الأخوان الفي اللجنة الفنية ولا في ذائقتم الأدبية.. لكن فقط لمزيد من الشفافية.

5/ النقطة الخامسة دي تهمني جدا وياريت لو سمعت منكم فيها :
شابت تجربة إفطار طالب بعض القصور إتمثلت في عدم تمليك العضوية حركة الوارد والمنصرف ، الحاجه الثبطت من همتنا.. عمدت من فكرة إنشاء بوست المسابقة ده بالإضافة لإثراء العمل الثقافي ، إنو نحرك بوست إفطار طالب.. بإنو نخت جوائز ، يمشي نصها لمشروع إفطار طالب..
ولحدي هسي البوست ده في بداياتو.. بالرغم من إنو بوست المسابقة إتقفل..
ممكن أعرف لو سمحتو : ليه البوست بتاع إفطار طالب ، والبوستات الإتناسلت منو كان ملان بالمبادرين وأغاني العميري بتاعة ( لو أعيش زول ليهو قيمة ) ووو.. وهنا إختفت المسألة دي.. علما بإنو أي تحويلة تجيني حأقوم بعمل scan ليها وحأنزلها هنا -بعد مسح الإسم وإخطار المرسل -..
بعدين ما مشروع إفطار طالب وبس ، بل قبليها برضو كان مشروع النفاج.. إللي كان ملان بالخطب الحماسية والأغاني وو.. الفكرة شنو ؟ ظهور إجتماعي على حساب إنك تقوم بأبسط واجباتك - إن وجدت لذلك سبيلا - وللا الفلس حاصل وللا شنو ؟ أنا القصة دي مزعجاني والله ، وسبق إني ذكرت تاني ما حأفتح بوست بتاع عمل خيري ، وإتراجعت عن الفكرة دي ..
هسي رجاء أي زول عايز يشارك ، يقوم بعمل اللازم ، ويبتعد عن الأغاني الثورية.

تحياتي.



مشرف منتدى نوافذ غير متصل   رد مع اقتباس
قديم 03-04-2013, 11:29 PM   #[2]
وهاد ابراهيم محمد
:: كــاتب نشــط::
الصورة الرمزية وهاد ابراهيم محمد
 
افتراضي

سلام وتحية..

جميل جداً أن تُترك البراحات للتقييم أولاً بأول.
بالتجويد دافع, وإحترام العمل والمعتنين به, سبيل.. وفي ذلك فليتنافس المتنافسون, ولهم عظيم التقدير.

في الأول: انتو ليه مصرين على التعاطي مع المسابقة بإسم مبتور؟

هي مسابقة خالد الحاج للقصة القصيرة.. (كما تفضلتم وإعتمدتموها)

خلونا نعيد الإسم ونكرر حتى ترسخ في ذهن كل من يعبر بها, او بالبيت الذي يتعهّدها بالإنماء والإزهار.
النقاط الخمس المذكورة كلها أوافقك عليها, تُحسب على المسابقة, ولها.. إذ ان الوقوف عليها والتعامل معها يجوّد في التجربة عاماً بعد آخر, ويرتقي بها الى مصاف الجوائز الأمينة والمثالية في جودتها.

فقط أركّز على النقطة الثالثة بفروعها الثلاث:
رغم أني لم تحدثني نفسي بالمشاركة, إلا أن خطأ تعديل شروط مسابقة بعد الشروع في تلقي نصوصها, كان كافياً ليصرفني عنها بلا شك.. وهو خطأ يطعن في منهجية إدارة المسابقة, متسرعين في طرحها للعلن قبل جاهزية قوالبها.. ورغم إفتراعكم لبوست مسبق منذ تاريخ 13 يناير, ليناقش المسابقة البادئة في 4 فبراير, إلا ان النقاش ظل مستمراً والتعديلات تترى, وهذا خصم الكثير.
وظهر بوضوح ان بعض النقاط لم يكن لها مكان بالخارطة الا بعد تساؤلات الإخوة الأعضاء. (مشاركة غير السودانيين, ولغة النص).
عموماً أظنها النقطة التي بالفعل سرّبت احساس (عدم الجدية) أكثر من (جهجهة) تحديد السقف الزمني للمسابقة.
كان الأفضل في رأيي الخاص لو يتم إعتماد المسابقة بشروطها المعلنة, على ان يتم تعديل ما يلزم منها في الدورة الجديدة بإذن الله, وبذلك لا يغشاها غباش, ولا تزيغ عنها قلوب.
نقطة إضافية:
ويثيرها عدم تمكن الأخ (محمد عبد الرحمن) من إدراج نصه في بوست النصوص, إذ تبين حضوره متأخراً بعد إنتهاء فترة إستلام النصوص.
الأخ محمد أدرج نصه في منتدى الحوار في الساعة 11:37 من يوم 31 مارس, بتوقيت الخرطوم. بعدما تعذر عليه إدراجه في البوست المخصص لإغلاقه.
فبأي توقيت تم إعتماد نهاية يوم المنتدى؟.. هذه نقطة مهمة جداً, وتُحسب أيضاً على المسابقة.
_____

بخصوص النقطة الخامسة, وبعد (ياريت) هذه لابد من قول..
اقتباس:
ممكن أعرف لو سمحتو : ليه البوست بتاع إفطار طالب ، والبوستات الإتناسلت منو كان ملان بالمبادرين وأغاني العميري بتاعة ( لو أعيش زول ليهو قيمة ) ووو.. وهنا إختفت المسألة دي.. علما بإنو أي تحويلة تجيني حأقوم بعمل scan ليها وحأنزلها هنا -بعد مسح الإسم وإخطار المرسل -..
بعدين ما مشروع إفطار طالب وبس ، بل قبليها برضو كان مشروع النفاج.. إللي كان ملان بالخطب الحماسية والأغاني وو.. الفكرة شنو ؟ ظهور إجتماعي على حساب إنك تقوم بأبسط واجباتك - إن وجدت لذلك سبيلا - وللا الفلس حاصل وللا شنو ؟ أنا القصة دي مزعجاني والله
انت هسي زعلان عشان ما رفدوا ليك البوست بي أغنية أغنيتين وبددوا ليك السكون؟

يا شليل القصة دي ليها كذا جانب لا يمكن تغفل واحد منهم..
*هناك من تعجبهم الأفكار, يثمنونها غالياً ويعظّمونها, يبذلون لها عوامل تشجيعها لتنمو (أقصد الصادقين منهم).. سيتركون لك لحناً يناسب الأجواء ويذكّر بالقيمة العالية التي فيه, لا غير. هكذا هو إحتفاؤهم بالخير الذي فينا.
*وهناك من هم ضيقة ذات يدهم, وواسعة أمانيهم وقدرتهم على الدفع الجميل (دي ترجمة الفلس حاصل بالمناسبة).. سيأتونك بقلبٍ أبيض وسليم وربما لحنٍ بالكفِ وكلمة.
*وهناك من يعملون بصمت.. وإن أُضطروا فبهمسٍ خافت.. ولو وجدوا سبيلاً لكيلا يراهم الرب في عليائه, لفعلوا.. يقرأون لك ومعك, ويتركون لك الأمنيات الطيبات, وينطلقون الى سوح عطائهم لا يأبهون.
*وهناك من يعالجون تشوهاتهم الذاتية بعمليات تجميل رخيصة, سيشحنون الجو عليك صريخاً وهتاف, وأحياناً يتقدمون حتى لا تكاد تدرك من المُنادِي ومن المُنادَى وما المُنادَى اليه.. حتى ليجاذبونك الماعون, فتذهب عنهم مؤمناً آمناً.. ثم لا طحن ولا طحين.. وهؤلاء كُثر, وسيتناسلون أبداً ما وجدوا متسعاً لظهور وتلميع.
شفت كيف؟
رأيي الواضح والصريح يا شليل, ان الأعمال الخيرية في الأسافير واجهة لظهور اجتماعي و(تسميح شكل), إلا من رحم ربي, وطهرت نفسه. فلهم التقدير أجمله وأبهاه, على ما يبذلونه ليبقى فينا (الانسان).
_____

ربما يجب التفكير في آليات أخرى, وجهات داعمة وراعية لمسابقة خالد الحاج للقصة القصيرة..
هذا يستدعي بالضرورة تجويد التجربة ورتق الفتوق, للتقدم بها مبرأة من كل نقص وشائبة.

____

شكراً شليل..
الجهد الذي بذلته ولازلت, يُفرحني بحق, وأقدّره فيك بأكثر مما تتخيّل, وتستحق.
عملٌ جميل جميل, أعانك الله عليه, والإخوة الأعزاء رفقتك.
(بدون أغنية)



وهاد ابراهيم محمد غير متصل   رد مع اقتباس
قديم 04-04-2013, 07:00 AM   #[3]
مشرف منتدى نوافذ
Super Moderator
 
افتراضي

صباح الخير يا وهاد ،
شاكر ليك تفضلك بتوضيح مآخذك على التجربة..
بداية الرحمة والمغفرة للخال .. وتم عمل اللازم بخصوص العنوان.
متفق معاك في كل نقطة ذكرتيها في مداخلتك ، وما حألجأ للتبرير لكن للتوضيح :

* الشروط بتاعة مسابقة القصة القصيرة شاركت فيها عضوية سودانيات بالرأي والرأي الآخر على مدار كم سنة ، من مسابقة القصة القصيرة بتاعة 2009 لحدي هسي ، وكل فترة الواحد بيكتشف إنو في نقاط يفترض تضمًن/ تحذف ، كان الأحرى إنو ندي فترة الشروط زمن أطول قبل ما تبتدي المسابقة.

* كان في خطأ تقني قمت بإرتكابو ، ضغطت على ( قفل البوست ) عن طريق الخطأ ، إلا إنو في بعض الأخوان/ات نبهوني ، فقمت بإعادة فتحو مره تاني. فلمحمد عبد الرحمن ولكل الناس اللي كان عندهم الرغبة في المشاركة كل العتبى.

* بتفهم كل الخيارات بتاعة عزوف الناس عن المشاركة في جوائز المسابقة ، لكن أنا وضعت علامات إستفهام في مقارنتي بين التجارب الفاتت وبين التجربة دي..
عموما .. الله كريم

شكراً ليك يا وهاد على نقدك الكارب ، ومرحب بيك وبكل الآراء النقدية
أبقي طيبة.



مشرف منتدى نوافذ غير متصل   رد مع اقتباس
قديم 04-04-2013, 07:25 AM   #[4]
مشرف منتدى نوافذ
Super Moderator
 
افتراضي

+ السيستم كان بيسمح بتعديل النصوص أثناء سير المسابقة ..
السؤال هل في إمكانية إنو تكون في فترة سماح لتعديل النصوص لفترة ( اسبوعين مثلا) بعديها تتقفل الخاصية دي



مشرف منتدى نوافذ غير متصل   رد مع اقتباس
قديم 04-04-2013, 02:21 PM   #[5]
وهاد ابراهيم محمد
:: كــاتب نشــط::
الصورة الرمزية وهاد ابراهيم محمد
 
افتراضي

اقتباس:
المشاركة الأصلية كتبت بواسطة مشرف منتدى نوافذ مشاهدة المشاركة
+ السيستم كان بيسمح بتعديل النصوص أثناء سير المسابقة ..
السؤال هل في إمكانية إنو تكون في فترة سماح لتعديل النصوص لفترة ( اسبوعين مثلا) بعديها تتقفل الخاصية دي
لماذا التعديل؟

يفترض في المسابقات ان علاقة المتسابق بنصه تنتهي بتسليمه إياه للجهة المختصة.
كما عندما ترسل مشاركتك بالبريد, لن يمكنك بالطبع إجراء أي تعديل عليها.
وهذا في ذاته يحقق التمايز بين المتسابقين من ناحية الإعتناء بالنص المشارك قبل عرضه.

في نقاطك السابقة أشرت للترميز الذي كان مقترحاً إتباعه لعرض النصوص بدون الأسماء المنتسبة اليها, وذلك يعني ان المشارك متى ما أرسل نصّه للمشرف فلن يمكنه إجراء أي تعديل عليه, لأن المشرف هو من سيعرضه بدلاً عن صاحبه.

ولا انتو ناوين السنة الجاية برضو تقبلوا النصوص من الأعضاء بالطريقة المباشرة التمت بيها هسي؟



وهاد ابراهيم محمد غير متصل   رد مع اقتباس
قديم 05-04-2013, 08:48 PM   #[6]
مشرف منتدى نوافذ
Super Moderator
 
افتراضي

اقتباس:
المشاركة الأصلية كتبت بواسطة وهاد ابراهيم محمد مشاهدة المشاركة
لماذا التعديل؟

يفترض في المسابقات ان علاقة المتسابق بنصه تنتهي بتسليمه إياه للجهة المختصة.
كما عندما ترسل مشاركتك بالبريد, لن يمكنك بالطبع إجراء أي تعديل عليها.
وهذا في ذاته يحقق التمايز بين المتسابقين من ناحية الإعتناء بالنص المشارك قبل عرضه.

في نقاطك السابقة أشرت للترميز الذي كان مقترحاً إتباعه لعرض النصوص بدون الأسماء المنتسبة اليها, وذلك يعني ان المشارك متى ما أرسل نصّه للمشرف فلن يمكنه إجراء أي تعديل عليه, لأن المشرف هو من سيعرضه بدلاً عن صاحبه.

ولا انتو ناوين السنة الجاية برضو تقبلوا النصوص من الأعضاء بالطريقة المباشرة التمت بيها هسي؟
أهلين يا وهاد..
كلامك سليم مستقبلاً..
مداخلتي سقطت منها كلمة (كان ) وتتقري كالآتي :
اقتباس:
+ السيستم كان بيسمح بتعديل النصوص أثناء سير المسابقة ..
السؤال هل كان في إمكانية إنو تكون في فترة سماح لتعديل النصوص لفترة ( اسبوعين مثلا) بعديها تتقفل الخاصية دي
وكنت بنتقد في إمكانية سماح السيستم بالتعديل أثناء سير المسابقة..
عموما ً لاحقاً مع إضافة ( الترميز ) مافي حاجه بتربطنا بالسيستم.
تحياتي.



التعديل الأخير تم بواسطة مشرف منتدى نوافذ ; 06-04-2013 الساعة 03:05 PM.
مشرف منتدى نوافذ غير متصل   رد مع اقتباس
قديم 04-04-2013, 05:40 PM   #[7]
ماجد تاج
:: كــاتب نشــط::
الصورة الرمزية ماجد تاج
 
افتراضي

اقتباس:
المشاركة الأصلية كتبت بواسطة مشرف منتدى نوافذ مشاهدة المشاركة
+ السيستم كان بيسمح بتعديل النصوص أثناء سير المسابقة ..
السؤال هل في إمكانية إنو تكون في فترة سماح لتعديل النصوص لفترة ( اسبوعين مثلا) بعديها تتقفل الخاصية دي
ـ


مرحب يا شليل

تعديلك كطرف يفترض حياده في القصة المشاركة بيها لنا جعفر كان غريب وما عنده مبرر

وبيخلي دخول النص للمنافسة مجحف في حق البقية

يا ريت تسحب النص من المنافسة

أو توضح انت عدلت شنو .. وليه



ـ



ماجد تاج غير متصل   رد مع اقتباس
قديم 05-04-2013, 09:25 AM   #[8]
جيجي
:: كــاتب نشــط::
 
افتراضي

سلام استاذنا شليل
انا عندي اقتراح بعرض اراء اللجنة ونقدها لكل قصة على حدة حتى تعم الفائدة والشفافية ولا اظن ان هناك من حرج
ولكم تقديري



جيجي غير متصل   رد مع اقتباس
قديم 05-04-2013, 08:53 PM   #[9]
مشرف منتدى نوافذ
Super Moderator
 
افتراضي

اقتباس:
المشاركة الأصلية كتبت بواسطة ماجد تاج مشاهدة المشاركة
ـ


مرحب يا شليل

تعديلك كطرف يفترض حياده في القصة المشاركة بيها لنا جعفر كان غريب وما عنده مبرر

وبيخلي دخول النص للمنافسة مجحف في حق البقية

يا ريت تسحب النص من المنافسة

أو توضح انت عدلت شنو .. وليه



ـ
أهلين يا ماجد..
ما عارف إذا كنت إطلعت على نص لنا وللا لأ..
عموماً إعتقد في مشاهدين إنتبهو لأنو لنا ختت بياناتها الشخصية (تلفون ،إيميل ، إلخ ) في صدر النص.. نبهتها لإنو مافي داعي تختي بياناتك في صدر القصة ، وكلفتني بإنو أشيل بياناتها برًه النص ، وأنجزت التكليف.
هذا ما لزم توضيحه



مشرف منتدى نوافذ غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 12:35 PM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.