عدول رأفت ميلاد عن تجميد عضويتة والاعضاء الجدد ذي الاطرش في الزفة

[فتح العليم]

ينسب مثل الاطرش في الزفة للعراقيين ومعناه عدم الفهم بما يجري حوله .
متابع جيد لرأفت ميلاد في سودانيز اون لاين واطلعت على مقالاته وشعرت بصدق كلماته واذكر بعض مقالاته ومنها (ليس من الضروري ان تتفق معى ولكن رأيك يهمنى هل انت شجاع لتبديه ، ومقاله أبحث عن سمراء ـ قامتها هيفاء تسكن في قلبي تمشى على دربي ـ ومقاله أنا من المسالمة ومن مدنى ومن الديم ومن بورتسودان وغيرها من المقالات الجيدة ) .
وكانت الصدفة يوم نزوله في سودانيات ببوست ترحيبه وبحثه عن الاقامة كنت من أوائل الزائرين الذين اطلعوا على البوست واشد ما اعجبنى كلمات دكتورة نجاة عنه .
وتكررت الصدفة عند تجميد عضويته مع اختلاف الحال من زائر إلى عضو من اوائل الذين اطلعو عليه وتحسرت لإستقالته المبطنة بالتجميد .
انتهى بوست التجميد بقراره بالعدول عنه وقرار حكيم وشجاع ولكنى وغيرى لم نفهم شئ .
سودانيات بطنها غريقة كما يقولون استوعبت الاعضاء الاوائل وغيرهم ضيوف فقط لم افهم سبب تجميد العضوية وكنت اتمنى من مجلس الإدارة ان يقوم بواجبه وان ينشر لنا بوست يوضح فيه مكمن الخلاف مع العضو وطرق معالجته بصورة ديمقراطية .
ولكن لم نجد غير كلام ضمنى غير مفهوم .
من ناحية اخرى اننا من المتابعين لسودانيات كزائرين منذ نشأتها الاولى وحزنا لرحيل خالد الحاج مؤسس الموقع واذكر يوم وفاته اتصلت على الاستاذ المحامي طارق كانديك معزيا ووجدته في حالة نفسية سئية من هول الخبر وكان يردد كلمات امس كنت بكلم فيه وقلت له ياخى انا لله وانا اليه راجعون هذه حال الدنيا وكنت حزين لحزنه على خالد واشفقت عليه حيث انه بالامس القريب فقد شقيقه .
سودانيات تعتبر ثانى رافد اسيري سوداني بعد سودانيز اون لاين ويجب ان تواكب كل التطورات وان تعكس روح الديمقراطية واحترام الغير .
الكلمة الجيدة والقلم الجرئ لايحتاج لتشجيع فريق قوي حتى ينال اكثر المدخلات والاطلاع .
على اعضاء سودانيات الاهتمام بإلاعضاء الجدد والبعد عن الشلليات في تناول المواضع وان تتسم المواضيع بالصراحة بعيدا عن جعلها فيزئائية للعضو الجديد .
في الختام .
أولاً :تقديري للكاتب رأفت ميلاد عن تعديل استقالته .
ثانياً : تقديري لجميع اعضاء سودانيات وسوف اكون على تواصل معهم .
واخر الكلام سوف اكون زائر لهذا الموقع والاطلاع على جميع أعماله حيث اننى لم اجد نفسى كعضو . بطوعى واختياري وحالتى المعتبرة شرعاً أفوض مجلس الإدارة بسحب كامل الصلاحيات الممنوحة لي .
مع امنياتى للجميع بالتوفيق

[رأفت ميلاد]

سلامات يا فتح العليم

يا سلااااام ياخ .. قريت كلامك ده وحسيت بشيخوخة شديدة
أصدقك القول أنا من ساهم فى هذه المهمة .. الأستعجال فى الأستقالة والعدول عنها مع الأعلان العجيب بتجميد العضوية .. أذا وضعت نفسى فى مكانك وأنا أراقب هذا الفعل .. لن أكون رحيماً أو مهذباً مثلك فى التعقيب. وهذا ليس كلام نظرى فلقد فعلتها مرتين بأنتقاد اللأخوان فيصل سعد والجيلى أحمد لأنسحابهما .. هكذا هو الأنسان يضجر من شمس الصيف ويلعن برد الشتاء

الأدراة ليست مسئولة عن فعل الأفراد .. وكما قال حكيمنا عكود سرعة الأعلان عن الحدث تحدث التوازن وتحفظ الثقة .. لم تعمل الأدارة بهذه الحكمة للحفاظ على بقاء الأسد العجوز

عزيزى فتح العليم .. أتمنى أن تتخطى (فوبيا) حداثة العهد بالمنتدى .. هو شعور عادى ويتفاقم فى سودانيات لوجود روابط حميمة بين الأعضاء .. ويقفز للذهن الى التفكير فى الشلليات والتكتلات .. على الأطلاق الأمر ليس كذلك .. وستعرفه بنفسك ولا تحتاج شرح منى .. فقط لا تجعل من نفسك مراقب بل مشارك .. ولا تأخذك فى الحق لومة لائم

تحياتى

[سارة]

نفهم من كدا حتكون مصاقرنا
غايتو لينا الله وعيشة السوق

قال استقالة قال
الكبر شين النصيحة لى الله حتى اسال كانديك


نسيت يا يمة الزهمرة شينةgap

فتح العليم كيفنك آزول

[طارق صديق كانديك]

شنو ياعمك؟ المعنى يا تجي الأول يا (تكوكا)

من خلال كلام رأفت (شكيتو على الله) إنو غضب وأعلن استقالتو قبل المجلس يناقش وينظر فيها، ثم روق المنقة وجاء أعلن إعتذاروا وسحبوا لاستقالتوا، ولحدي هنا بحسب ما اعتقد أن جميع الأعضاء والعضوات (وليس فتح العليم فقط) ما عدا أعضاء المجلس على مربع واحد من عدم العلم بدواعي كل ذلك.

كل الأمور يا حبيب ما أن يخالطها الغضب والحساسية العالية إلا وشانها، ولقد سلكت بحديثك هذا ذات المسلك الذي مشى عليه رافت ميلاد، وكلاكما أخطأتما الطريق.

لسه انت برضو منتظرين نناقش معاك العديد من الأمور قانونية وفقهية وسياسية فدحين امسك عليك تفويضك

تحياتي

[لنا جعفر]

سلام يا أحبة
ياعليم كل التحايا والود وكل الأحترام لمواقفك النبيلة
ياسيدي مافي فرق بين عضو جديد وعضو قديم....وتأمل كلام رأفت في الحتة دي
مافي فرق بين عضو جديد وقديم...الاعضاء القدامى تربطهم حميمية ناتجة من الصحبة والرفقة لعدد مقدر من السنوات والاوقات الطيبة والحزينة اللي قضوها معاً
لكن سودانيات تطمع وتعشم في تمدد علاقات ابنائها افقياً ورأسياً وده ما بيتأتى
الا بصبر الطرفين وترك الامور تراكمها التجارب والقرب واحساس الاسرة الواحدة
اتمنى ياعزيزي تتراجع عن قرارك المتسرع ده...وانت حتماً اضافة ووعي خلاّق
فيما يختص بموضوع استقالة رأفت والعدول عنها فياسيدي الفرق بينهما كان 24 ساعة او اقل
ومجلس الادارة اصلا منعقد وبيتداول ...وبعد الفراغ من وضع صيغة قرار حتماً سيقوم بتنوير العضوية....لكن يلزمنا في الاول كما قلت تداول ونقاش ووصول لصيغة مشتركة لاعلان الأمر
شكري لك ولعم رأفت وللكبير قدراً ومقاماً طارق كانديك
واتمنى تنظر لكلماتي بعين الهدوء والحكمة فسودانيات تحتاجنا جميعاً
وكلامي ليك ده فيما يختص بوجودك بقولو لانك بتهمني ياعليم وانت عارف

[معتصم الطاهر]

تاريخ التسجيل: Feb 2013

و الله عليم يا عبد العليم

أمس كنت بقول للناس داير عبد العليم فى لجنة اللائحة ..لكن دا بكون رجاء و أمل .. و لكنو تدخل فى شئونك و شئون الادارة..

نقوم تجينا بى كلامك ا ..
ياخ رأفت دا أنا اتلحتو يجي الادارة تلفونات و رسائل ووساطات لكن هو عارف نفسو.

ثم أول مرة "لنا" تعملها و تتكلم فى امور ادارية باسم "لنا" ..( وأكيد دا عشانك) و برضو تواصل من العضوية..

شكرا ليك و ليها و لرافت و كانديك عاليه.

[الجيلى أحمد]

سودانيات تعتبر ثانى رافد اسيري سوداني بعد سودانيز اون لاين ويجب ان تواكب كل التطورات وان تعكس روح الديمقراطية واحترام الغير .
الكلمة الجيدة والقلم الجرئ لايحتاج لتشجيع فريق قوي حتى ينال اكثر المدخلات والاطلاع .
على اعضاء سودانيات الاهتمام بإلاعضاء الجدد والبعد عن الشلليات في تناول المواضع وان تتسم المواضيع بالصراحة بعيدا عن جعلها فيزئائية للعضو الجديد .

كل يوم نتعلم شئ,
أحيانآ تحفر الكلمات الصادقة أكثر من البيرسينق والتاتوهات على جسد جميلة..

حبابك والله
وأبشر بالخير

[نصار الحاج]

دقيقة يا فتح العليم
نحن لسة ما اتلاقينا هنا
مش ممكن تمشي قبل نتلاقى ..

سودانيات دي يا فتح العليم من الأمكنة الجميلة جداً
وفيها ناس نادرين رفقة وانسانية وحبا وصدقا وألفة وتواصلاً ..

وانت ياخ وضعك مميز جداً لانك دخلتها وبتعرف شخصياً
عدد كبير من الأعضاء وبيعرفوك وبيعرفوا قدراتك وامكانياتك
وانا واحد منهم واسامة عبدالماجد وطارق كانديك
وعصام بابكر والزعيم النور يوسف ..
وأكيد آخرين وآخرين .. يعني إنت ما جديد ولا حاجة ..
اقعد ياخ واحتفظ بكل حقوقك ..
واعطي سودانيات بقدر ما تستطيع .

[AMAL]

المشاركة الأصلية كتبت بواسطة طارق صديق كانديك

لسه انت برضو منتظرين نناقش معاك العديد من الأمور قانونية وفقهية وسياسية فدحين امسك عليك تفويضك

تحياتي

المشاركة الأصلية كتبت بواسطة لنا جعفر

..وانت حتماً اضافة ووعي خلاّق

واتمنى تنظر لكلماتي بعين الهدوء والحكمة فسودانيات تحتاجنا جميعاً
وكلامي ليك ده فيما يختص بوجودك بقولو لانك بتهمني ياعليم وانت عارف

يافتح العليم
عمك رأفت دا زي عمليتو دي الانجليز بقولو drama queen
ودي من علامات الشيخوخة بالمناسبة الزول لما يكبر ببقيattention seeker


حقيقي و جودك يضيف للمكان

[الطيب بشير]

.
تحية لصاحب البوست و ضيوفو، كان دة كان ديك..
دة مولد فاتني
رأفت يزعل؟
و يقول (ديشكم)
زيو زي سارة!!
برغم فوتتي لبص السيرة
لكن بركة بالعودة

[رأفت ميلاد]

يا جماعة بوست نكت لينا الطيب بشير ده ما ساهل .. شوفوا لينا فتح العليم ده مشى وين

[أسعد]

الاقباط يتحبوا اااااه بس ما يتعاشروش
اسأل مجرب في جكس الاقباط









مع العلم انو الجكس هو المعيار الاخلاقي للقوميات

[نبيل عبد الرحيم]

اقتباس:

سودانيات تعتبر ثانى رافد اسيري سوداني بعد سودانيز اون لاين ويجب ان تواكب كل التطورات وان تعكس روح الديمقراطية واحترام الغير .
الكلمة الجيدة والقلم الجرئ لايحتاج لتشجيع فريق قوي حتى ينال اكثر المدخلات والاطلاع .
على اعضاء سودانيات الاهتمام بإلاعضاء الجدد والبعد عن الشلليات في تناول المواضع وان تتسم المواضيع بالصراحة بعيدا عن جعلها فيزئائية للعضو الجديد .

الأخ عبد العليم




منذ عددت أعوام كتبت بوست عن الشللية في سودانيات لأنه كان عندى نفس الإحساس من قبل.
وطرحت كلام شبيهه لكلامك وأتفق معك أنه يجب علينا تشجيع الأعضاء الجدد ومن خبرتي هنا بتأخذ شوية وقت إلى أن يعرفك باقي الأعضاء وإنشاء الله سوف لا تشعر بغربه معنا .
لك المودة والإحترام

[النور يوسف محمد]

المشاركة الأصلية كتبت بواسطة نصار الحاج

دقيقة يا فتح العليم
نحن لسة ما اتلاقينا هنا
مش ممكن تمشي قبل نتلاقى ..

سودانيات دي يا فتح العليم من الأمكنة الجميلة جداً
وفيها ناس نادرين رفقة وانسانية وحبا وصدقا وألفة وتواصلاً ..

وانت ياخ وضعك مميز جداً لانك دخلتها وبتعرف شخصياً
عدد كبير من الأعضاء وبيعرفوك وبيعرفوا قدراتك وامكانياتك
وانا واحد منهم واسامة عبدالماجد وطارق كانديك
وعصام بابكر والزعيم النور يوسف ..
وأكيد آخرين وآخرين .. يعني إنت ما جديد ولا حاجة ..
اقعد ياخ واحتفظ بكل حقوقك ..
واعطي سودانيات بقدر ما تستطيع .

بسم الله الرحمن الرحيم



يمشى وين يا نصار ،،
ما عندو أي طريقة غير يقعد ويكتب ،،

ثم ياخ ده موضوع تمام لى لمة بكرة ،،

فتح العليم جهز مرافعتك والى وادى حنيفة ،،

[الجيلى أحمد]

هل طالعت مداخلة للطيب بشير,
أم خيل لى