نعي أليم - فيصل سعد في ذمة الله !!! عكــود
آخر 5 مواضيع إضغط علي او لمشاركة اصدقائك! سودانيات .. تواصل ومحبة > منتـديات سودانيات > منتــــدي التوثيق > ارشيف ضيف على مائدة سودانيات ضيف على مائدة سودانيات ...! - 12 - زول الله اسم العضو حفظ البيانات؟ كلمة المرور التعليمـــات مركز رفع الملفات مشاركات اليوم البحث البحث في المنتدى عرض المواضيع عرض المشاركات بحث بالكلمة الدلالية البحث المتقدم الذهاب إلى الصفحة... صفحة 3 من 4 « First < 2 3 4 > أدوات الموضوع انواع عرض الموضوع 05-09-2010, 05:17 PM #[31] زول الله :: كــاتب نشــط:: اقتباس: المشاركة الأصلية كتبت بواسطة فيصل سعد لك مجدد التحايا يا ود الشيخ و لك الشكر على ردودك السابقة، نعود لك بسؤال تقليدي و سؤالين آخرين: 1. الهوايات، المفضل لزول الله (فنان، فلم، لاعب، موسيقى، فريق، اغنية، لون، وجبة غذائية) 2. اين يقف زول الله سياسيا، اجتماعيا، فكريا، و ثقافيا ؟ 3. الكتابة في اكثر من منتدى !! ما لها و ما عليها سلبا و ايجابا ؟؟ و نواصل ... فيصل ياصديق كيفنك وعساك فاين جنس الردم بتاعك دا هو زاااتو البزيد العطش 1/ الهوايات فنية بشكل عام شعر غناء تلحين ولا تخلو من شطحات احياناً و دي بجيك ليها راجع بالنسبة للمفضل كفنان لاشك كل من يستطيع توصيل الاحساس بدون وسيط وتجدني اعشق الحقيبة وابوعركي والراحل مصطفى ثم كوكبة من الشباب المتميز وموسيقياً اموت في زامفير وتجدني اتكيء على الوسادة للنوم وlonly في أذني. فريقي الهلال بدون تعصب والبرنس هيثم مصطفى واللون معروف . 2/ كنت - لاحظ كنت دي - ومعي آخرون نرتاد المنابر واركان النقاش والايام المفتوحة لدعم وتمكين فكرة الديمقراطية كـ جبهة قادرة على حل جميع معضلات البلد, تعرضنا في سبيلها لكل انواع البمبان والعصي والهراوات والسيخ وتعرفنا على جميع عساكر الاقسام الاوسط والشرقي والجنوبي ولازلت اذكر ذات نقاش هجم علينا مجموعة كبيرة من الطلبة المنتمين للرأي الآخر مدعومين بآخرين ليسوا بطلبة أو على الاقل ليسوا من عندنا كما يقولون واخرستنا الدهشة للعدد الكبير من السيخ الذي كان مدفونا تحت الاشجار والعنف وكأننا في ساحة حرب وليس حواراً مفتوحاً للرأي وكان يوماً عصيباً تم تهريبنا ونحن خمسة طلبة عبر الحائط العالي من الخلف وكان في انتظارنا الـ موسكوفيتش الاصفر المميز بالدائرة الخضراء المكتوب داخلها تاكسي الخرطوم حتى صارت نكتة عندما يحتد النقاش كان الواحد فينا يسأل اقرب الواقفين بجانبه عن الموسكوفيتش واقف ولا لسه ماجا . نحن يافيصل شعب ينادي بالديمقراطية ويغني لها لكننا في الواقع ابعد الناس عنها وهذا موقفي من السياسة والفكرة. اما اجتماعياً فأنا والحمد لله زول الله ساكت تجدني اعشق الغُبُش الذين إذا كالوهم أو وزنوهم لايخسرون وإذا إكتالوا على الناس يعدلو ويعزمو على المافيش. 3/ المنتديات هي واجهة نطرح من خلالها فكرنا وثقافتنا ونتعرف على فكر الآخر دون من أو أذى . للأسف بعضهم اعتنق تعكير الاجواء بإتخاذه للمنابر نافذة يمرر عبرها كل مالايستطيع تمريره في أماكن أخرى ويفرد عضلاته التي لم تكن تبش في يوم من الايام إلا خلف الكيبورد. شكراً الحبيب فيصل للفطرة المدنكلة دي اقول قولي هذا واستغفر الله لي .............. التوقيع: انا يوماتي أردد إسمِك بعد الحمدو "مكان الآية" لما وحاتِك -من أشواقي- حِفِظ القول خيط المُـصلاية أبــداً ماهُنـتَ ياســـوداننا يـومـاً علـينا زول الله مشاهدة ملفه الشخصي إرسال رسالة خاصة إلى زول الله البحث عن المشاركات التي كتبها زول الله 05-09-2010, 05:45 PM #[32] زول الله :: كــاتب نشــط:: اقتباس: المشاركة الأصلية كتبت بواسطة طارق الحسن محمد زول الله هنا يا مرحبا يا مرحبا ........ كترت سكاكينو وشكله سمين اسن واجيك ولو رجيتنا لبعد رمضان اسنس واجيك برضو يعني في الحالتين برضو حتسنس ؟؟؟ خلاص ياسيدي تمها عليك الله وماتنسانا اقول قولي هذا واستغفر الله لي ............ التوقيع: انا يوماتي أردد إسمِك بعد الحمدو "مكان الآية" لما وحاتِك -من أشواقي- حِفِظ القول خيط المُـصلاية أبــداً ماهُنـتَ ياســـوداننا يـومـاً علـينا زول الله مشاهدة ملفه الشخصي إرسال رسالة خاصة إلى زول الله البحث عن المشاركات التي كتبها زول الله 05-09-2010, 06:15 PM #[33] زول الله :: كــاتب نشــط:: اقتباس: المشاركة الأصلية كتبت بواسطة جانيت زول الله يا سيد الناس ياخ انا بس نفسي مقطوع من اسئلتكم عشان كده حاسألك براحة لمن اتمخمخ ليك وارجع بي مزااااااااااااااااااااااااااااااااج زول الله,ود الدرديري,ود الشيخ, خلف اقرب الى نفسك اغلب رجال القانون ميولهم للفن بانواعه الرابط شنو ول طبيعة العمل الجافة بتخلي رجل القانون يخرج الروح الجميلة من خلال الفن بما انك الكبير فحيجي يوم وتكون شيخ طريقة وقع الموضوع ده علي نفسك واستعدادك ليه كيف راجعه ليك والله بس اخد نفسي شويييييييييييية كده انتي ان شاءالله يعرسوك في باقي رمضان دا عشان نتفك منك البحيت بتاعك دا يوم حيعوقك 1/ زول الله داخل المنتدى واتعمد ان اكون زول الله حتى في تعاملي مع الآخرين - ودالدرديري في منتدى آخر لي فيه أخوة واخوات اعزاء - خلف الاسم المسجل في جواز السفر والبطاقة والاقامة - ودالشيخ هو اسمي في الخارج والداخل وتتم مناداتي به وتقديمي في كل الاحوال 2/ دراستي للقانون كانت نتيجة أن أغلب الاعمام والاهل يمتهنون المجال فجاءت كأنها تتبع لخطواتهم. وعندما احسست الميول القوية لمجال السياحة والطيران كنت قد قاربت على الانتهاء من دراسة القانون فتخرجتُ ولم اعمل به لأني لم أجد نفسي كـ رجل قانون أو في مجال المحاماة لذلك لا استطيع ان افتيك في العلاقة بين القانون والفن. من ناحية اخرى أغلب الذين نشئوا في بيئة صوفية قد مالوا الى الغناء أو الفن عموماً صلاح ابن البادية والشاب عصام محمد نور وخالد محجوب(الصحافة) نموذجاً وكذلك شعراء وفنانين حقيبة الفن وقد تكون العلاقة هنا أوضح وأميز من غيرها . شوفي .. سبب واحد يخليني ابقى شيخ طريقة مافي إلا كان ناوية تطلعي من الشبكة جد جد ويجيبوك لي عشان اعزم ليك 3/ كوني الابن الأكبر لايعني فرضية خلافتي فكم من الشيوخ قد خلفهم اصغر ابنائهم او الابن الاوسط رغم وجود الاكبر منهم فالشغلة هي الاصلح وليس لاكبر ونحن والحمدلله عددنا 21 أخ ومؤكد يوجد بيننا الاصلح لهذه المهمة ولكنه ليس انا بالتأكيد لكني اظل محباً هائماً ومتصوفاً حتى النخاع اسمعي .. اخدي نفسك وأمشي اقعدي هناااك سمح ؟؟ اقول قولي هذا واستغفر الله لي ................... التوقيع: انا يوماتي أردد إسمِك بعد الحمدو "مكان الآية" لما وحاتِك -من أشواقي- حِفِظ القول خيط المُـصلاية أبــداً ماهُنـتَ ياســـوداننا يـومـاً علـينا زول الله مشاهدة ملفه الشخصي إرسال رسالة خاصة إلى زول الله البحث عن المشاركات التي كتبها زول الله 05-09-2010, 11:14 PM #[34] معتصم الطاهر :: كــاتب نشــط:: لماذا ليس "لنا" ..أيضا ..؟ التوقيع: أنــــا صف الحبايب فيك ..و كـــــــــــل العاشقين خلفي معتصم الطاهر مشاهدة ملفه الشخصي إرسال رسالة خاصة إلى معتصم الطاهر البحث عن المشاركات التي كتبها معتصم الطاهر 06-09-2010, 05:55 AM #[35] فيصل سعد :: كــاتب نشــط:: لك التحايا ضيفنا العزيز، و بعد ان تجتهد في فك طلاسم سؤال الباش معتصم الطاهر، ننتظرك على مهل بهذه الاسئلة : 1. ماهي الأسس التي تبني عليها صداقاتك؟ 2. اول شاكوش اخذته فى حياتك؟ و لماذا هذه العذوبية الباذخة حتى الآن ؟؟ 3- لو اعطيت اليك ثلاث وردات لمن تهديها ؟ 4. تجربتك مع منبر سودانيات، ما لها وما عليها؟ ما هي الأشياء التي يجب: 1/- تركها؟ 2/- البدء بالعمل بها؟ 3/- المحافظة عليها؟ 5. ما هو موقف و رأي زول الله في : 1. الانفصال 2. قرارات المحكمة الدولية 3. تدهور الغناء في السودان 4. ختان البنات في السودان 5. تدهور الرياضة في السودان 6. عالم النت و الاسافير عالم افتراضي غير واقعي و هو لهو و تسلية و قضاء اوقات فراغ، ما رأيك ؟ 7. تلغرافات سريعة من زول الله الى كل من: رأفت ميلاد، خالد الحاج، سارة، النور يوسف، نبراس، جيجي، ود عثمان، عكود، فتحي مسعد، ام التيمان، شبارقة، حسن فرح، شوقي بدري، بابكر مخير، جانيت و نواصل .. التوقيع: اللهم اغفر لعبدك خالد الحاج و تغمده بواسع رحمتك.. سيبقى رغم سجن الموت غير محدود الاقامة فيصل سعد مشاهدة ملفه الشخصي إرسال رسالة خاصة إلى فيصل سعد زيارة موقع فيصل سعد المفضل البحث عن المشاركات التي كتبها فيصل سعد 06-09-2010, 07:09 AM #[36] Hassan Farah :: كــاتب نشــط:: ((فريقي الهلال بدون تعصب والبرنس هيثم مصطفى واللون معروف .))!!!! ------------------------------------------------------------------- البيت كلو مريخاب وخالك المرحوم عمر كان فى يوم من الايام سكرتير لنادى المريخ وانا القدامك دا اسست فريق المريخ فى الدامر عام 58 وجدك رحمة الله عليه كان اليوم اليتغلب فيهو المريخ ما بيفتح دكانو تجى تطلع لى قشيرابى--- والله اللوم علينا الناسبنا ناس اهل العوض---- عاد الله يعوضنا Hassan Farah مشاهدة ملفه الشخصي إرسال رسالة خاصة إلى Hassan Farah البحث عن المشاركات التي كتبها Hassan Farah 06-09-2010, 03:54 PM #[37] بابكر مخير :: كــاتب نشــط:: اقتباس: المشاركة الأصلية كتبت بواسطة Hassan Farah ((فريقي الهلال بدون تعصب والبرنس هيثم مصطفى واللون معروف .))!!!! ------------------------------------------------------------------- وانا القدامك دا اسست فريق المريخ فى الدامر عام 58 يعني بدل ما تخلي ود أخونا فخم وفاخر ومستور حآآآآآآآآآآآآآآل.. تجي تقصر رقبته بي طبزتك دي اقتباس: المشاركة الأصلية كتبت بواسطة Hassan Farah ((فريقي الهلال بدون تعصب والبرنس هيثم مصطفى واللون معروف .))!!!! ------------------------------------------------------------------- تجى تطلع لى قشيرابى--- شوف العزة والمعزة دي كفو يا ود أخويا وخليك من العميل المخرف دآ التوقيع: بابكر مخير مشاهدة ملفه الشخصي إرسال رسالة خاصة إلى بابكر مخير زيارة موقع بابكر مخير المفضل البحث عن المشاركات التي كتبها بابكر مخير 06-09-2010, 04:25 PM #[38] Hassan Farah :: كــاتب نشــط:: اقتباس: المشاركة الأصلية كتبت بواسطة بابكر مخير يعني بدل ما تخلي ود أخونا فخم وفاخر ومستور حآآآآآآآآآآآآآآل.. تجي تقصر رقبته بي طبزتك دي شوف العزة والمعزة دي كفو يا ود أخويا وخليك من العميل المخرف دآ ----------------------------------------------------------------- ما قلتوا زيادية و من نسل سيدى خليفة المهدى--- طلعتوا من اهل العوص ( ود أخويا ) قال--- وكمان هلالاب حلب سمكرية--- تعيش قرن تشوف العجايب Hassan Farah مشاهدة ملفه الشخصي إرسال رسالة خاصة إلى Hassan Farah البحث عن المشاركات التي كتبها Hassan Farah 06-09-2010, 05:34 PM #[39] زول الله :: كــاتب نشــط:: الفارهون:فيصل , الباش , ودمخير , الخال جاييكم بي رواقة بعد اهضم الفوق دا التوقيع: انا يوماتي أردد إسمِك بعد الحمدو "مكان الآية" لما وحاتِك -من أشواقي- حِفِظ القول خيط المُـصلاية أبــداً ماهُنـتَ ياســـوداننا يـومـاً علـينا زول الله مشاهدة ملفه الشخصي إرسال رسالة خاصة إلى زول الله البحث عن المشاركات التي كتبها زول الله 06-09-2010, 07:23 PM #[40] زول الله :: كــاتب نشــط:: اقتباس: المشاركة الأصلية كتبت بواسطة معتصم الطاهر لماذا ليس "لنا" ..أيضا ..؟ والله ياباش سؤالك دا تعسفي جدن جدن وماعارف اهضمو كيف زاتو غايتو للضمان كدا : لنا ولكم كل الحاجات السمحة الممكنة والماممكنة ولو الله مد في العمر حتجيكم لحد عندكم وكل عام وانتم بخير كمان .. اها اقول قولي هذا واستغفر الله لي ................ التوقيع: انا يوماتي أردد إسمِك بعد الحمدو "مكان الآية" لما وحاتِك -من أشواقي- حِفِظ القول خيط المُـصلاية أبــداً ماهُنـتَ ياســـوداننا يـومـاً علـينا زول الله مشاهدة ملفه الشخصي إرسال رسالة خاصة إلى زول الله البحث عن المشاركات التي كتبها زول الله 06-09-2010, 08:55 PM #[41] زول الله :: كــاتب نشــط:: اقتباس: المشاركة الأصلية كتبت بواسطة فيصل سعد لك التحايا ضيفنا العزيز، و بعد ان تجتهد في فك طلاسم سؤال الباش معتصم الطاهر، ننتظرك على مهل بهذه الاسئلة : 1. ماهي الأسس التي تبني عليها صداقاتك؟ 2. اول شاكوش اخذته فى حياتك؟ و لماذا هذه العذوبية الباذخة حتى الآن ؟؟ 3- لو اعطيت اليك ثلاث وردات لمن تهديها ؟ 4. تجربتك مع منبر سودانيات، ما لها وما عليها؟ ما هي الأشياء التي يجب: 1/- تركها؟ 2/- البدء بالعمل بها؟ 3/- المحافظة عليها؟ 5. ما هو موقف و رأي زول الله في : 1. الانفصال 2. قرارات المحكمة الدولية يافيصل ياخوي كمان ماقدر دا ياخ 1/ الصداقة كلمة كبيرة واذا انتبهنا لمن هم حولنا نجد ان اغلبهم زملاء عمل أو جيران في الحلة أو اولاد دفعة في مجال واحد أو يجمعنا معهم إهتمام مشترك أو قضية واحدة. اما الصديق الحقيقي فهو نادر في هذا الزمن الاغبر لذلك اعيش حياتي واتعامل بطبيعتي مع الكل حتى يتبين لي الصديق من الزميل وعندها امسك فيهو قوي 2/ هو ليس شاكوشاً بالمعنى المعروف لكنه فراق اتى دون إرادة الطرفين فقد شاء المولى أن تسلم الروح بين يدي في أقسى صورة للوداع يسطرها الموت لوحة لا ألوان لها كنت ولازلت أعيش ذكراها بحسرة و ألم والحمدلله على كل حال. 3/ ياسيدي انا ودعتُ العزوبية منذ اربعة سنوات والآن ابنتي (فجر) تبلغ من العمر سنتين ونصف وإبني (زاهر) يبلغ من العمر ستة أشهر والحمدلله. 4/ اعطي الوردة الاولى للوالدة ربنا يطول عمرها ويديها العافية والثانية للوالد حفظه الله من كل مكروهـ اما الثالثة فهي لمن قاسمتني اتراحي قبل أفراحي ولونت حياتي بألف لون وقاست معي هفواتي وكل طيشي وهي التي أفديها بكل غالي ونفيس حبيبتي و ست ريدي زوجتي العزيزة. 5/ رغم ردي السابق على هذا السؤال لكن لابأس ان اقول ان سودانيات عالم من التواصل فعلاً والمحبة الخالصة رغم التكتلات والتصانيف لكنها تظل واحة نستظل بفيئها ونتكيء على دوحاتها المثمرة حباً وتواصل و خوة حقيقية. 6/ لم توضح في اي مجال أو مكان تلكم الاشياء لكن عموماً يجب ترك التعصب الاعمى للرأي الواحد وتسفيهـ رأي ودور الآخر والنظر من أعلى في كل المجالات. وبالمقابل يجب البدء بتوسيع دائرة الحوار وتوسيع الصدور لتستوعب الآخرين وفتح صفحة جديدة مع الكل حتى داخل البيت الواحد . وسنجد ان شاءالله ان الفرق كبير بين حال وحال حين المحافظة على كل ماسبق. * الانفصال ذلك الكابوس الذي يؤرق الكثيرين .. لماذا لانعترف باننا فصلناهم فعلياً منذ أمد بعيد بمعاملتنا لهم ؟؟ ياعزيزي كل الدلائل تشير الى الانفصال رغم اننا - الآن فقط - لانتمناهـ . * المحكمة الدولية اصدرت إتهامات ولم تقرر بعد - هذا في رأيي - وبعض ابناء الوطن جعلوا منها مادة دسمة للكسب السريع وطلبات اللجوء والرفاهية المدعومة لكنها لن تدوم طويلاً فكل دور إذا ماتم ينقلب ونحن كشعب سوداني لم نحاكم طاغية في يوم من الايام رغم سومنا العذاب والقهر بصورة اكبر من موضوع الإتهامات الموجهة للبشير ورغم هتافنا ومطالبتنا بالقصاص من بعضهم - راس نميري مطلب شعبي نموذجاً- الا انك تجدنا كلنا في جنازة ذلك الطاغية عندما يشتت الى مثواه الاخير فنحن اولا واخيراً شعب عاطفي الى ابعد الحدود وهذه مشكلتنا. - يتبع - اقول قولي هذا واستغفر الله لي ............ التوقيع: انا يوماتي أردد إسمِك بعد الحمدو "مكان الآية" لما وحاتِك -من أشواقي- حِفِظ القول خيط المُـصلاية أبــداً ماهُنـتَ ياســـوداننا يـومـاً علـينا زول الله مشاهدة ملفه الشخصي إرسال رسالة خاصة إلى زول الله البحث عن المشاركات التي كتبها زول الله 06-09-2010, 09:07 PM #[42] Amin Bushari Banned زول الله يا جميل متابعين وما عايزين نعصر عليك كتير شكرا لعكسك لنا الجانب الاخـــر من زول الله الذي نعرف وحقي انــا بشيلو لما اقابلك الساعة ديك ابشـــر بالعصر الجد تحاياي Amin Bushari مشاهدة ملفه الشخصي البحث عن المشاركات التي كتبها Amin Bushari 06-09-2010, 10:20 PM #[43] زول الله :: كــاتب نشــط:: اقتباس: المشاركة الأصلية كتبت بواسطة زول الله - يتبع - اقتباس: المشاركة الأصلية كتبت بواسطة فيصل سعد 3. تدهور الغناء في السودان 4. ختان البنات في السودان 5. تدهور الرياضة في السودان 6. عالم النت و الاسافير عالم افتراضي غير واقعي و هو لهو و تسلية و قضاء اوقات فراغ، ما رأيك ؟ 7. تلغرافات سريعة من زول الله الى كل من: رأفت ميلاد، خالد الحاج، سارة، النور يوسف، نبراس، جيجي، ود عثمان، عكود، فتحي مسعد، ام التيمان، شبارقة، حسن فرح، شوقي بدري، بابكر مخير، جانيت و نواصل .. نواصل ...... 3/ الغناء لم يتدهور في السودان بل تدهورت الاخلاقيات وتدنت القيم وضاعت المُثُل وضاع معها جيل كامل اصبح همه ان .. يطبِق حاجتو .. وينتبذ بها ركناً قصياً وهذا التدهور لم ياتي من حكومة ولا دخل له بالسياسة إذا كنا واقعيين ونظرنا للأمر من زاوية محايدة لأننا قاسينا اكثر في انظمة سابقة ولم نصل لهذه النتيجة في يوم من الايام. الحاصل بالضبط هو اننا نحاول التطاول و مد كرعيننا اطول من لحافنا ومجاراة العالم الخارجي في ثقافاته وهذه نتيجة طبيعية لما يحدث وطبيعي اكثر ان ينعكس هذا الواقع على الغناء وتمتليء مفرداته به . 4/ ختان البنات العادة المتأصلة فينا زي حبوباتنا وحكاويهن من الصعب التخلص منها بأخوي واخوك في السودان لكن الوعي بأضرارها وحسنات تركها أراهـ بدأ يقف على أرجله بين الشابات خصوصاً وعقبال امهاتهن ومادام انهن - الشابات ديل - حيكونن امهات فأنا متفائل بإندثار هذه العادة في المستقبل القريب ان شاءالله وتنتهي هذه المزبحة المامنها فايدة. 5/ الرياضة ياسيدي عندنا بقت مستقبل .. يعني اللاعب بيعني عند اهله كوم كبير بتاع قروش زي المغترب في العقود الماضية. وهذه النظرة المادية اثرت وسوف تؤثر على مسيرتنا الكروية الى ماشاءالله بالذات عندما يكون طموح اللاعب الوصول الى احد الفرق الكبير هلال أو مريخ ولما يوصل ويستلم ينوم نومة اهل الكهف. وايضاً عندما تختلط السياسة بالرياضة يضيع التنافس الحر وتختفي الروح الرياضية فنحن ياصاحبي شعب كان رياضياً لايشق له غبار في هذه القارة وصار الآن يتغنى بأمجاد الكباتن السابقين الذين مات بعضهم وهم مديونين لأصحاب البيوت الساكنينها بالايجار وبرضو يظل الهلال ساطعاً ومنيراً رغم انف الوصيفاب ومن لف لفهم 6/ عالم النت لهو وتسلية لمن أراده كذلك وعلم ومعرفة وعلاقات انسانية سامية لمن أراده كذلك 7/ ... رأفت ميلاد .. ملك الجالدين والمناطق المجاورة خالد الحاج .. الكبير كبير ياودالحاج وانت كذلك سارة ..... يانادرة في زمناً كعب ياواقفة ضد المستحيل النور يوسف .. لله عباداً اختصهم بقضاء حوائج الناس .. وانت منهم نبراس .... حاحيت عليك غيماتي ماصبن حداك ؟؟؟ جيجي .... يابت يافوق منتظرة شنو ؟ امطري كلماتك وبِلي الشوق ود عثمان .... في ناس تحسهم قبل تشوفهم وانت منهم يازول يانيل عكود ....... صورتك الخايف عليها الفطور عندكم لكن فتحي مسعد .... أول مرة الاقي حلبي بأخلاق الانبياء .. لك الاحترام ام التيمان .... تخشك وتمرقك عااادي .. المشكلة مابتقفل الباب بي وراها شبارقة ... وضاح المحيا سمحاً إذا التقاك وسمحاً اذا فارق حسن فرح ...... ركازة وسند .. ماتطول الغيبة ياخال شوقي بدري ..... شوقي بدري و كفى بابكر مخير ...... أوتعلمون ان هذا الهرم القامة .. قريبي ؟؟ بس كيف ماعارف والله جانيت ..... زولة من طينة ملايكة وراضعة من ثدي البتول .. زي بسمة في ثغر الرسول اححححح ياخ قطعت نفسنا زاتو عميلنا العزيز فيصل .. خلاص لقد استنفذت الكوتة حقتك من الاسئلة عليك بمراجعة المستودع اقول قولي هذا واستغفر الله لي ................. التوقيع: انا يوماتي أردد إسمِك بعد الحمدو "مكان الآية" لما وحاتِك -من أشواقي- حِفِظ القول خيط المُـصلاية أبــداً ماهُنـتَ ياســـوداننا يـومـاً علـينا زول الله مشاهدة ملفه الشخصي إرسال رسالة خاصة إلى زول الله البحث عن المشاركات التي كتبها زول الله 06-09-2010, 10:31 PM #[44] زول الله :: كــاتب نشــط:: اقتباس: المشاركة الأصلية كتبت بواسطة Hassan Farah البيت كلو مريخاب وخالك المرحوم عمر كان فى يوم من الايام سكرتير لنادى المريخ وانا القدامك دا اسست فريق المريخ فى الدامر عام 58 وجدك رحمة الله عليه كان اليوم اليتغلب فيهو المريخ ما بيفتح دكانو تجى تطلع لى قشيرابى--- والله اللوم علينا الناسبنا ناس اهل العوض---- عاد الله يعوضنا انا مابنكر اني الوحيد في العائلة الهلالابي لكن احسن ليكم اكون هلالابي ما اكون حاجة تانية ياخال هسه عليك الله لو طلعت مريخابي البمغص اخوك علي البدوي منو لما الهلال يغلب؟؟ بالمناسبة دي آخر فوز للهلال اتصلت عليهو ولما شاف رقمي عمل لي مشغول تصور اقول قولي هذا واستغفر الله لي ............ التوقيع: انا يوماتي أردد إسمِك بعد الحمدو "مكان الآية" لما وحاتِك -من أشواقي- حِفِظ القول خيط المُـصلاية أبــداً ماهُنـتَ ياســـوداننا يـومـاً علـينا زول الله مشاهدة ملفه الشخصي إرسال رسالة خاصة إلى زول الله البحث عن المشاركات التي كتبها زول الله 06-09-2010, 10:34 PM #[45] زول الله :: كــاتب نشــط:: اقتباس: المشاركة الأصلية كتبت بواسطة بابكر مخير شوف العزة والمعزة دي كفو يا ود أخويا وخليك من العميل المخرف دآ هلا والله بالذين صاموا لرؤيته وأفطروا لرؤيته ... وعيدو برضو لرؤيته شفت كيف ياخال؟؟ اقول قولي هذا واستغفر الله لي ............... التوقيع: انا يوماتي أردد إسمِك بعد الحمدو "مكان الآية" لما وحاتِك -من أشواقي- حِفِظ القول خيط المُـصلاية أبــداً ماهُنـتَ ياســـوداننا يـومـاً علـينا زول الله مشاهدة ملفه الشخصي إرسال رسالة خاصة إلى زول الله البحث عن المشاركات التي كتبها زول الله صفحة 3 من 4 « First < 2 3 4 > تعليقات الفيسبوك « الموضوع السابق | الموضوع التالي » أدوات الموضوع مشاهدة صفحة طباعة الموضوع انواع عرض الموضوع العرض العادي الانتقال إلى العرض المتطور الانتقال إلى العرض الشجري تعليمات المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules الانتقال السريع لوحة تحكم العضو الرسائل الخاصة الاشتراكات المتواجدون الآن البحث في المنتدى الصفحة الرئيسية للمنتدى منتـديات سودانيات منتـــــــــدى الحـــــوار خـــــــالد الـحــــــاج موضوعات خـــــــالـد الحـــــــــاج ما كُتــب عن خـــــــالد الحــــــاج صــــــــــــــــور مكتبات مكتبة لسان الدين الخطيب محمدخير عباس (لسان الدين الخطيب) مكتبة أسامة معاوية الطيب مكتبة الجيلي أحمد مكتبة معتصم محمد الطاهر أحمد قنيف (معتصم الطاهر) مكتبة محي الدين عوض نمر (nezam aldeen) مكتبة لنا جعفر محجوب (لنا جعفر) مكتبة شوقي بدري إشراقات وخواطر بركة ساكن عالم عباس جمال محمد إبراهيم عبدالله الشقليني أبوجهينة عجب الفيا نــــــوافــــــــــــــذ الســــــرد والحكــايـــــة مسابقة القصة القصيرة 2009 مسابقة القصة القصيرة 2013 كلمـــــــات المكتبة الالكترونية خاطرة أوراق صـــــالة فنــــون فعــــاليات إصــدارات جديــدة الكمبيــــــــــوتــر برامج الحماية ومكافحة الفايروسات البرامج الكاملة برامج الملتميديا والجرافيكس قسم الاسطوانات التجميعية قسم طلبات البرامج والمشاكل والأسئلة قسم الدروس وشروح البرامج منتــــدي التوثيق ارشيف ضيف على مائدة سودانيات مكتبة سودانيات للصور صور السودان الجديدة صور السودان القديمة وجوه سودانية صور متنوعة المكتبة الالكترونية نفــاج خالــد الحــاج التصميم Mohammed Abuagla الساعة الآن 04:06 AM. زوار سودانيات من تاريخ 2011/7/11 اتصل بنا / مقترحات القراء - سودانيات - الأرشيف - الأعلى Powered by vBulletin® Version 3.8.8 Beta 2Copyright ©2000 - 2024, vBulletin Solutions, Inc.
