في حضرة النجمة التي هوت

[فتحي مسعد حنفي]

المشاركة الأصلية كتبت بواسطة Babiker Mukhayer

الحبيب
هو إتا قايل أمريكا والسودان بينهم فرق في رتيبة الحياة
قول ليا يوم بس واحد كدا، قعدا فيهو في ضل شجرة ولابس ليك عراقي خفيف ومنطرح ليك في عنقريب هبابي،،، ما هو الصباح الشغل لين بليل والفكر الدايم في سداد سلفة البنك والي الي آخرو....
بعدين أكان رئيسهم أكان حقنا مجانيين وبلدنا كبيرة لمن عويرة وتعدد أجناس وأعراق ودين وديانات...
الحبيب
القصد شريف وإتا سيد العارفيين
وبرضو البدخل بين التفاحة وقشرتها
لايوق وفضولي لي أخرتا
لك المحبة
ولعمك فتحي برضو معاك
.........
عندك فكرة ليه أبو الدقيق بيوصف كدا
طبعن ما للحماقة لكن لأنو بحب الحلو والرحيق الزهور
وهو دايمن جميل زيك زعم فتحي وأنا
أهو لقينا صفة نتشارك فيها
بس إتا فايتنا بإسلوبك الحلو
النبي تواصل

ذكرتني يابابكر نكتة الديك العراقي القال لي سيدو زح انت أبعد خلي الصقر دا ينزل..معليش دي ما بتتحكي عشان ناس الادارة ما يجوا ناطين لينا بي جاي

[فيصل سعد]

الاخوين العزيزين فتحي مسعد و تاج السر الملك :

سلامات و مساء الخير .. و العنوا ابليس ،، الاخ فتحي ابدى ملاحظة و وجهة نظر في اسلوب الاخ تاج السر و تعامله في المنبر لم تجد عنده القبول و الاستحسان و نفى مزاعم فتحي و حصل اللبس و سؤ الفهم و الزعل الشايفنوا فوق دا .. كصديق و زميل مشترك لكم في المنبر اقول انتوا الاتنين غلطانين ، فتحي غلط بعمل المقارنة بين تاج السر و بعض كتاب المنبر و استعمال كلمة سوبر ستار ، و تاج السر غلطان في التسرع بالحردان و حذف مداخلاته في موضوع البوست و لم يتعامل مع فتحي كاخ و زميل.. الموضوع يحل بالتفاهم بينكم الاثنين و البيناتكم عامرة و اتمنى زوال الخلاف سريعا ..

اذا حردت و زعلت و تملكك الغضب و حذفت مداخلاتك و عزمت على الرحيل و المغادرة في خلاف مع عضو زميل و صديق يا عزيزي تاج السر الملك، فكيف كان سيكون تصرفك اذا كان طرف هذا الخلاف احد اعضاء الادارة ؟؟

لكم صادق التحايا و الاعزاز و الاحترام و التقدير ،،
و معا نحو عالم من التواصل و المودة ..

[فتحي مسعد حنفي]

المشاركة الأصلية كتبت بواسطة فيصل سعد

الاخوين العزيزين فتحي مسعد و تاج السر الملك :

سلامات و مساء الخير .. و العنوا ابليس ،، الاخ فتحي ابدى ملاحظة و وجهة نظر في اسلوب الاخ تاج السر و تعامله في المنبر لم تجد عنده القبول و الاستحسان و نفى مزاعم فتحي و حصل اللبس و سؤ الفهم و الزعل الشايفنوا فوق دا .. كصديق و زميل مشترك لكم في المنبر اقول انتوا الاتنين غلطانين ، فتحي غلط بعمل المقارنة بين تاج السر و بعض كتاب المنبر و استعمال كلمة سوبر ستار ، و تاج السر غلطان في التسرع بالحردان و حذف مداخلاته في موضوع البوست و لم يتعامل مع فتحي كاخ و زميل.. الموضوع يحل بالتفاهم بينكم الاثنين و البيناتكم عامرة و اتمنى زوال الخلاف سريعا ..

اذا حردت و زعلت و تملكك الغضب و حذفت مداخلاتك و عزمت على الرحيل و المغادرة في خلاف مع عضو زميل و صديق يا عزيزي تاج السر الملك، فكيف كان سيكون تصرفك اذا كان طرف هذا الخلاف احد اعضاء الادارة ؟؟

لكم صادق التحايا و الاعزاز و الاحترام و التقدير ،،
و معا نحو عالم من التواصل و المودة ..

الأخ فيصل,شكرا علي حسن نيتك وتدخلك في الموضوع من أجل تلطيف جو الحوار بيني وبين الأخ تاج السر واسمح لي بالرد علي ملاحظاتك....
ما كتبته ليس تقييما لتاج السر ككاتب له مكانته بيننا..ولكن للأسف تاج السر أخذ الموضوع بحساسية زائدة وتناسي معزتي له كصديق وأحد المعجبين بكتاباته رغم محاولاتي لتوضيح هذا الأمر له...
أولا أنا لم أقارنه بأحد ولكني ذكرت أسماء بعض الذين أعتبرهم من من الشخصيات الموهوبة في المنتدي ويتداخلون في بوستات الغير مثلي ومثلك...ولا يكتفون بالمداخلات فقط في بوستاتهم الشيئ الذي اعتبره مهما لباقي الأعضاء للاستفادة بآرائهم في ما نكتب فأنا مثلا مشاركة أي كاتب في ما أكتب أعتبره دفعة لي من شخص مؤهل لتقييم ما كتبته..هذه واحدة والثانية هي موضوع السوبر ستار الذي قصدت به ان تاج السر بالفعل سوبر ستار في اسلوب كتابته ولكن بحكم عضويته في المنتدي نطمع في مشاركتة ياعزيزي ما يدور بيني وبين تاج السر ليست معركة ولكنه خلاف في وجهات نظر مبني علي حب وتقدير من جانبي لتاج السر واعتراضي علي عدم مشاركته في بوستات الأعضاء الآخرين بابداء رأيه في ما يكتبون وهذا ليس بالطلب العسير...فلماذا اساءة الظن بما أعنيه!!!!!!!!!!!!!!!!!!!!!!!!!!
يا فيصل ان كان تاج السر شخصا لا يعنيني لما كلفت نفسي وعاتبته والعتاب مشروع بين الأصدقاء..والخطأ الوحيد الذي أعترف بارتكابه هو ان ما كتبته كان من الممكن كتابته في البريد الخاص الا ان ردي جاء في نفس البوست الذي سأل فيه عني ولعدم وجود أي قصد سيئ للمساس به كتبت ما كتبت ثم ان هناك فرق بين التوقف عن في الكتابة عن هذا المضوع وبين سحب المداخلات وفي كلا الحالتين لتاج السر الشكر والاعتذار عن ما سببته له من ضيق دون قصد أو سوء نية..
أنا مثلا قد قمت بمهاجمة الأخ شوقي بدري في أحد بوستاته بشدة ندمت عليها فيما بعد ولكن ماذا كان رد شوقي علي ثورتي عليه لقد أخذ كلامي بمنتهي العقل والفهم لأسباب ثورتي عليه ولم يحاول حتي تخطيئي... وهذه هي طريقة التعامل بين الأصدقاء...
مرة أخري لك الشكر والاعتذار لتاج السر ان كنت قد أخطأت في حقه وأنا متنازل عن الأبقار التي كنت سأجنيها من انتقادي لاسلوب تعامله

[بابكر مخير]

المشاركة الأصلية كتبت بواسطة فتحي مسعد حنفي

والاعتذار لتاج السر ان كنت قد أخطأت في حقه وأنا متنازل عن الأبقار التي كنت سأجنيها من انتقادي لاسلوب تعامله

أخونا قاسم مخير عليه رحمة الله؛ قبل ما يسيبنا ويمشي (وهو كان مشهور بالإنفعال السريع ولسة في نص السكة، يخت الجير عكس ويرجع حركة ورا)
كتبتا قولة ليهو:
يا الفي لحظة غضب، بركان ينفجر
وما في ثانية الحبيب إلا ترجع تعتذر
عارفك لون الفل بياضو من روحوك بيختزل
يا المن بهاك، في وصفك الأومي يشعِر بيغزل
........
دحن!!!!
عاااااااااااارفك..........
بس كنتا مستني
لما السطور دي تظهر تجي
لك وللتاج المحبة
وربنا يديم الولفة

[تاج السر الملك]

فيصل سعد العزيز
تخجلني دائما بتعاملك الراقي..حينما ( تنكت) بوستاتي القديمة و حينما تفتقدني ( تاج السر اين انت لا أسكت الله لك حسا)، كل هذه الأشياء تمر أمامي و تقربني الى سودانيات اكثر و اكثر، هذه هي الرفقة و هذه دلائل المعزة الحقة، لا مرارة و لا عتب ( داخلتني و ما داخلتني)، لك جزيل شكرى و امتناني اللامحدود، دكتورة نجاة محمود بسبب منها انضممت الى هذا الموقغ فهى عزيزة على لا افرق بينها و بيت بنات حسن الملك، خالد الحاج لم يتوانى عن دعمي و مساندتي فى ود و اصالة، لكم جميعا شكرى و امتناني.
بابكر أخوى...ربنا يديم الولفة زى ما قلت.
و يا مسعد أخوى، ان جات لى سيوبر ستار ، على الطلاق انا سيوبر ستار..أها شنو ليك
موقعى عمرو تمانية سنة ، لا نقاش و لا مداخلات، عمل عشرة مليون هيت
فى سودانيز اونلاين ، الأحمسة 6600 فى يومين
راجل المرا 5200 اوفر نايت
الأسماء الحلال
( راجع المكتبة) لأختصار الزمن
الثورة لن تبث على الهواء 26000 منذ اطلاقه
البلوق بتاعتي 15000 خلي نجاة توريك رفعتا متين
فليكر قاليرى ما حسبتها لكن شرط
كتاب الأحمسة اتباع كلو تقريبا
ستة كتب بالأنجليزية في الفوتوغرافي
معرضي فى موديل ميهيم فى التوب تن لمدة سنة
صفحتي فى أى ستوك الداون لود منها يقترب من ايرا مايرز اشهر مصور امريكي معاصر
بكون نسيت حاجات تانية
نجي للسبقان اسفيريا
1992 كمبيوتر كومودور ، من اوائل السودانيين السجلو فى موقع دكتور محيسي الألكتروني
سودانيز اونلاين ولدت فى ولاية ميريلاند اكروس ذى ستريت و أسال بكري بديك باقي التفاصيل
برضو بكون نسيت حاجات
بصمم و برسم و اعمل معارض و اكتب و انشر و اربي اولاد و ادرس ( من تدريس) فى الأرت ليق في الكسندريا فيرجينيا
السيوبر ستار ده كيف؟؟؟؟؟؟؟
زمان فى زول قال ناس العالم التالت لازم توريهم انت منو لأنو أصلا ما بتعبو رقبتم يعرفوك
و بندهشو يقولو ليك انت جيت من وين؟؟؟
و في السودان بزعلو منك و بسموك مزدرى و فاكيها الخ الخ
و الما بعرف بقول عدس.
لكن انا لقيت الفكة الذ من صمة الخشم..جابت ليها حبيان.

معزتي للجميع

[فتحي مسعد حنفي]

السيوبر ستار ده كيف؟؟؟؟؟؟؟





يا ملك والله حيرتني زي ما أكون بكتب بي لغة والناس بتقرا كتابتي بي لغة تانية
ياخي سوبر ستار أنا الوصفتك بيها وما زول تاني وما قلتها استهزاء بيك بل قصدتها لأنك فعلا سوبر ستار غصبا عني وعن غيري..فرجاءا لا تحاول أن تضعني في اتهام بما ليس مقصدي..
يا تاج السر الملك لقد حاولت ويكل الطرق أن أوضح لك حسن وسلامة نيتي وزدت علي ذلك اعتذار ان كنت أخطأت ولكن بدون فايدة.فبالله عليك قول عايز شنو تاني..
ياخي لمعلوميتك انا انا انسان في غاية الأدب والزوق ولا أخاف الا من الذي خلقني ولا يهمني مع من اتعامل كبير ولا صغير نكرة أو مشهور وما كتبته نابع من معزتي لك ولا أدري لماذا تحاول جري الي طريق الحماقة وأنا منها براء..
للمرة الأخيرة أكررلك اني لم أقصد أي تجريح أو استهزاء أو التقليل من شأنك وهذه آخر مداخلة معك بعد أن فشلت في اقناعك وعذرا...

[بابكر مخير]

المشاركة الأصلية كتبت بواسطة تاج السر الملك

زمان فى زول قال ناس العالم التالت لازم توريهم انت منو لأنو أصلا ما بتعبو رقبتم يعرفوك
و بندهشو يقولو ليك انت جيت من وين؟؟؟
و في السودان بزعلو منك و بسموك مزدرى و فاكيها الخ الخ
و الما بعرف بقول عدس.
لكن انا لقيت الفكة الذ من صمة الخشم..جابت ليها حبيان.
معزتي للجميع

أبو التج
غايتو أنا بشكر ناس الإنقاص إتسببو أني مرقتا من السودان وبقيت في لندن
سنة يا أنا
وإتخارجتا من حكاية أنو بتاع عالم تالت
والله يا ولدي
ما شاء الله، سي في، جد
زرد ويزيدك يا رب،
وبعدين الحبيب!! فكها وفكفك فكها ظاتو
..........
حقو بعد دا
نرجع لي موضوعنا الحبيب
ونعلن أبو الشيطان ذاتو
بين قوسين،،، إبليس
.............
نشوف قصة النجمة التي هوت

[تاج السر الملك]

نرجع للنجمة. و يا مسعد كان ما عجبك أشرب من قلة ود اب زهانة.

[فتحي مسعد حنفي]

[تاج السر الملك;104520]نرجع للنجمة. و يا مسعد كان ما عجبك أشرب من قلة ود اب زهانة






كدي في الأول الكلمة البي الأحمردي أسحب منها حرف وعيد توزيع باقي الحروف وخليني اختار أشرب من وين..بالله ياتاج السر المداعبة مش أحسن من المساخة وحألون ليك الكلام الباقي بالأخضر رمز السلام كان يطمر فيك

[الجيلى أحمد]

نجمتك كاربة ياملك,



لكن قلة ود اب زهانة الخلت فتحى يضحك براهو دى ماهينة

[تاج السر الملك]

الجيلي الجميل
الحلبي كان ضارب ليه عبار روب خمير الراس ما خفيفة
اظنو النجمة ام ضنب هبشتو.. التمباك ده يوم بشرقو..
لك تحياتي

[فتحي مسعد حنفي]

المشاركة الأصلية كتبت بواسطة تاج السر الملك

الجيلي الجميل
الحلبي كان ضارب ليه عبار روب خمير الراس ما خفيفة
اظنو النجمة ام ضنب هبشتو.. التمباك ده يوم بشرقو..
لك تحياتي

ياملك الراس خفيفة ولا تقيلة بقت ما فارقة عشان الحاجات الخميرة دي اعتزلتها من زمان.. بقت تعمل لي حيرقان...وكان التمباك بيشرق خلاص تمباكك الشايلو ليك في الفريزر حأديهو كلو لي فيصل سعد وخليه يتصرف معاك لاني كنت عايز ارسلو مع نبيل عبد الرحيم لي لندن وهو من هناك يرسلو ليكم لكن فيصل قال لي خليهو انا حأجي أشيلو..صدقني عندي في البيت 7 كيلو تمباك ونص كيلو سمسميةhi
النجمة أم ضنب دي ياها ذاتها التي هوت

[فيصل سعد]

حلوين