إفطار طالب .. معتدل مارش

[نبراس السيد الدمرداش]

المشاركة الأصلية كتبت بواسطة احمد ابوزيد

السلام ملح المشاعر
ومافي ريد إلا ان بدابو ...

سلام الله عليكم اعزائي رواد المنتدا ، انا جديد لنج وإن شاءالله اكون عند حسن ظن الجميع ، وعفوا (للتحشر) المستعجل في الموضوع ،، لكن (فطور لكل طالب) ، شد إنتباهي في ظل الوضع الراهن الذي يمر به الطلبه واسرهم في هذه البلده (الظالم اهلها) ..
لكن دعوني أن استفسر عن الموضوع اكثر وأرى إن كان هناك ما افعله ولكم ودي ..

مرحب بيك احمد وحبابك في سودانيات

افطار طالب مشروع جات فكرتو من الفاتح والتف حولو نفر من اعضاء سودانيات تم دعمه ماديا ومعنويا تاخر تنفيذه لاسباب لمدة عام دراسي كامل والان الحمد لله بدينا التنفيذ وحتستمر باذن الله لنهاية العام الحالي

الفكره ما فطور لكل طالب بالتاكيد لكن اختيار مدرسة في مكان نقدر نصلو ونتابع الطلاب الفيها بتهربو من الدراسة بسبب عدم توفر وجبة الافطار الممكن تعينهم على التحصيل وفهم الدروس وتوفير وجبة الافطار او حق الفطور زي ما كان عنوان اول بوست ودا بتم بمتابعه من بعض عضوية الداخل(بورداب السودان)

راجع الرابط حتعرف اكتر ومرحب باي مقترح منك او دعم يودينا لقدام واكيد حنستفيد منك واذا عندك اي استفسار حاضرين

http://www.sudanyat.org/vb/showthread.php?t=23690

[نبراس السيد الدمرداش]

صباح الخير
اليوم الصباح قابلت الاستاذه روجينا وسلمتها مبلغ 500 ج حق شوال الفول + الغاز +زيت
وسيتم تحويل مبلغ 200 ج كل اسبوع ليها لشراء العيش حتى نهاية الشهر

[عبده سعد]

ماشاء الله تبارك الله دا مجهود كبير ومثمر.
رايعيين والله.
معكم بإذن الله فى العام الجديد أول ماتبدو نبهونا .
نسأل الله لكم التوفيق.

[نبراس السيد الدمرداش]

سلام يا احباب
عشان ما ننسى

تم تحويل مبلغ 600 جنية بتواريخ 8و15و22 سبتمبر وهي عباره عن حق العيش اسبوعيا
الان المدارس في اجازة ح نستانف المشروع بعد العيد ان شاء الله
بس نخت في بالنا انو سعر الغاز اتغير بزيادة 10 ج للاسطوانه والفول والزيت الا بعد نصل السوق حتى نتاكد اذا في سعرو القديم او زاد

[نبراس السيد الدمرداش]

السلام عليكم
تم اليوم استئناف دفعيات المشروع
حيث تم تسليم الاستاذه باولينا مبلغ 700ج
تفاصيلها كالتالي
400 ج لشراء جوال عدسي(بليله)
200 ج لشراء الخبز (لمدة اسبوع)
50 ج لشراء زيت
35 ج لشراء الغاز
15 ج المواصلات

الدراسة في المدرسة استئنفت الاثنين الماضي وكانت لديهم بقية مواد للافطار

[نبراس السيد الدمرداش]

تم تحويل مبلغ 600ج(200ج كل اسبوع) للعيش بتواريخ
2..9..16

[عكــود]

شكراً نبراس
شكراً لكل من ساهم
شكراً بورداب الداخل لهذا الإنجاز

يا ريت يا نبراس لو نبهتوا من يود أن يساهم عن:
كم هو المبلغ الباقي بحوزتكم؟
المدة التي يكفيها المبلغ المتبقي؟
كم نحتاج حتى نهاية السنة الدراسية؟
كم هو المبلغ البنحتاجو عشان يسد الفرقة (إن وجدت)؟
كم تقديراتكم لمبلغ السنة الدراسية الجاية؟

إلى الأمام.

[نبراس السيد الدمرداش]

المشاركة الأصلية كتبت بواسطة عكــود

شكراً نبراس
شكراً لكل من ساهم
شكراً بورداب الداخل لهذا الإنجاز

يا ريت يا نبراس لو نبهتوا من يود أن يساهم عن:
كم هو المبلغ الباقي بحوزتكم؟
المدة التي يكفيها المبلغ المتبقي؟
كم نحتاج حتى نهاية السنة الدراسية؟
كم هو المبلغ البنحتاجو عشان يسد الفرقة (إن وجدت)؟
كم تقديراتكم لمبلغ السنة الدراسية الجاية؟

إلى الأمام.

سلام يا عمده ومشكور على الرد والمتابعه
ومشكورين كل الشباب

بالنسبه للميزانيه زي ما مكتوب فوق انها مقسمه جزء معاي وجزء مع احمد

المبلغ المعاي 6275ج هو البنصرف منو حاليا ودا اتصرف منو 3625ج والباقي منو 2650 ج وبتكفي لمدة شهرين ونص ان شاء الله

احمد زين معاهو 4860 ج ما شلنا منها اي شيء باقيه كما هي
يبقى حاليا خزنة الافطار فيها مبلغ 7510 ج ودا مبلغ كافي جدا لمواصلة الافطار لنهاية العام ان شاء الله

السنه الجديده يا عمده حساباتها لازم تكون قبل السنه بشهر تقريبا لانو السوق كل يوم في حال

اتمنى انو الناس لسه يكون عندها الحماس والاستعداد لدعم المشروع لانو الطلاب ديل اعتمدوا علينا في وجبة افطارهم

[مها الرشيد]

المشاركة الأصلية كتبت بواسطة نبراس السيد الدمرداش

مرحب بيك احمد وحبابك في سودانيات

افطار طالب مشروع جات فكرتو من الفاتح والتف حولو نفر من اعضاء سودانيات تم دعمه ماديا ومعنويا تاخر تنفيذه لاسباب لمدة عام دراسي كامل والان الحمد لله بدينا التنفيذ وحتستمر باذن الله لنهاية العام الحالي

الفكره ما فطور لكل طالب بالتاكيد لكن اختيار مدرسة في مكان نقدر نصلو ونتابع الطلاب الفيها بتهربو من الدراسة بسبب عدم توفر وجبة الافطار الممكن تعينهم على التحصيل وفهم الدروس وتوفير وجبة الافطار او حق الفطور زي ما كان عنوان اول بوست ودا بتم بمتابعه من بعض عضوية الداخل(بورداب السودان)

راجع الرابط حتعرف اكتر ومرحب باي مقترح منك او دعم يودينا لقدام واكيد حنستفيد منك واذا عندك اي استفسار حاضرين

http://www.sudanyat.org/vb/showthread.php?t=23690

[نبراس السيد الدمرداش]

صباح الخير
مها شكرا على الابتسامه

تم تحويل مبلغ 400ج(200ج كل اسبوع) للعيش بتواريخ
(23..30 نوفمبر)

من المفترض تجي روجينا بكره الاحد تستلم مبلغ بقية موؤنة الشهر

[نبراس السيد الدمرداش]

صباح الخير

تم تسليم روجينا مبلغ 700 ج يوم 9/12 عباره عن
400 ج شراء جوال فول
200 ج عيش للاسبوع
50 ج زيت
35 ج الغاز
15 ج ترحيل

كما تم تحويل رصيد 200 ج يوم 14/12 عباره عن حق العيش للاسبوع الحالي

[عكــود]

الأحباب الأفاضل،

ها قد انقضى العام الدراسي ومشروع إفطار طالب سار على أفضل ما يكون هذا العام.

التحية والشكر للذين بذلوا الجهد ..
التحية للذين بذلوا المال ..
التحية للذين بذلوا الرأي والفكرة ..

والتحية كلّها للذين بذلوا كل ذلك وأكثر؛ أؤلئك هم من تصدّوا للمهمّة من بورداب الداخل ..
نبراس، أحمد زين، مهند الخطيب، خال فاطنة، حافظ حسين وغيرهم/ن من الذين عملوا بصمت ونكران ذات، وليعذرني من ساهم ولم يرد إسمه، ولهم العتبى. حاديهم لقمة في بطن طالب علم جائع، دافعهم الإنسانية والإحساس بالآخر. لم يطلبون جزاء ولا شكورا من أحد، فليكافئهم الله بقدر ما قدّموا.

التحية موصولة للفاتح، مفجّر الفكرة وقادح زنادها ..
والتحية للذين وعدوا بالمساهمات وأوفوا ..
ويوم باكر أجمل.

الآن، يجب أن يكون نجاح التجربة هذا العام دافعنا للتجهيز للعام الدراسي المقبل، فلا أقل من أن نكرّر التجربة وأن نزيد عليها قليلا.

أدعو الأخت نبراس والأخ أحمد زين بتوضيح ما تمّ إنجازه وتقديراتهم المالية لتكلفة العام الدراسي المقبل، حتّى نبدأ في تجميع مساهماتنا منذ الآن.

تحياتي للجميع.

[ناصر يوسف]

المشاركة الأصلية كتبت بواسطة نبراس السيد الدمرداش

صباح الخير

تم تسليم روجينا مبلغ 700 ج يوم 9/12 عباره عن
400 ج شراء جوال فول
200 ج عيش للاسبوع
50 ج زيت
35 ج الغاز
15 ج ترحيل

كما تم تحويل رصيد 200 ج يوم 14/12 عباره عن حق العيش للاسبوع الحالي

الكلام ده كان أمبارِح ياخ ،، هسي كلو إتغير يا نبراس ،، مع تغيير الأسعار الما عندها مُخ دي

المشاركة الأصلية كتبت بواسطة نبراس السيد الدمرداش

السنه الجديده يا عمده حساباتها لازم تكون قبل السنه بشهر تقريبا لانو السوق كل يوم في حال

اتمنى انو الناس لسه يكون عندها الحماس والاستعداد لدعم المشروع لانو الطلاب ديل اعتمدوا علينا في وجبة افطارهم

نعم يا نيبو السوق ،، هذا الغول ،، كل يوم حاله متغير ،، أتمني منكم إنتي ومهند واحمد زين وحافظ حسين تمدوا الناس بالأسعار اليوم ،، والمتوقع تصل لوين في نهاية شهر يونيو القدامنا ده

بالنسبة لحماس الناس وإستعدادهم لدعم المشروع الإنسانس ده ،،،

كل الناس علي أتم الإستعداد للدعم ،، لأنو المشروع ده مشروعهم هم كلهم ،،،
بس الناس محتاجه لتجديد الإحتياجات بدراستكم لحال السوق اللآن
وهل حتواصلوا في نفس المدرسة المعنية ولا حيكون في شوية توسع في دائرة التغطية لطلابنا المحتاجين للوجبة بتاعة الفطور دي يا شباب

وبرضو مسألة توصيل الدعم من داخل وخارج السودان ،، محتاجه لتذكير وتجديد لو في تجديد للطريقة أو العناوين الممكن الناس توصل بيها مساهماتها


يلا الكوره في ملعبكم يا ناس الخرطوم ،،،

المشاركة الأصلية كتبت بواسطة عكــود

الأحباب الأفاضل،

ها قد انقضى العام الدراسي ومشروع إفطار طالب سار على أفضل ما يكون هذا العام.

التحية والشكر للذين بذلوا الجهد ..
التحية للذين بذلوا المال ..
التحية للذين بذلوا الرأي والفكرة ..

الآن، يجب أن يكون نجاح التجربة هذا العام دافعنا للتجهيز للعام الدراسي المقبل، فلا أقل من أن نكرّر التجربة وأن نزيد عليها قليلا.

أدعو الأخت نبراس والأخ أحمد زين بتوضيح ما تمّ إنجازه وتقديراتهم المالية لتكلفة العام الدراسي المقبل، حتّى نبدأ في تجميع مساهماتنا منذ الآن.

تحياتي للجميع.

أها جاكم كلامي ؟؟

التجهيز من دغيشاً بدري ،، من ضِي

يلا يا ناس الخرطوم ،، ترانا نحن قاعدين في الخلاء برفقة الرفيق الفَسِل

أفتونا وأأمرونا

[نبراس السيد الدمرداش]

المشاركة الأصلية كتبت بواسطة عكــود

الأحباب الأفاضل،

ها قد انقضى العام الدراسي ومشروع إفطار طالب سار على أفضل ما يكون هذا العام.

التحية والشكر للذين بذلوا الجهد ..
التحية للذين بذلوا المال ..
التحية للذين بذلوا الرأي والفكرة ..

والتحية كلّها للذين بذلوا كل ذلك وأكثر؛ أؤلئك هم من تصدّوا للمهمّة من بورداب الداخل ..
نبراس، أحمد زين، مهند الخطيب، خال فاطنة، حافظ حسين وغيرهم/ن من الذين عملوا بصمت ونكران ذات، وليعذرني من ساهم ولم يرد إسمه، ولهم العتبى. حاديهم لقمة في بطن طالب علم جائع، دافعهم الإنسانية والإحساس بالآخر. لم يطلبون جزاء ولا شكورا من أحد، فليكافئهم الله بقدر ما قدّموا.

التحية موصولة للفاتح، مفجّر الفكرة وقادح زنادها ..
والتحية للذين وعدوا بالمساهمات وأوفوا ..
ويوم باكر أجمل.

الآن، يجب أن يكون نجاح التجربة هذا العام دافعنا للتجهيز للعام الدراسي المقبل، فلا أقل من أن نكرّر التجربة وأن نزيد عليها قليلا.

أدعو الأخت نبراس والأخ أحمد زين بتوضيح ما تمّ إنجازه وتقديراتهم المالية لتكلفة العام الدراسي المقبل، حتّى نبدأ في تجميع مساهماتنا منذ الآن.

تحياتي للجميع.

تحاياي للعمده وشاكره جدا اهتمامك ومتابعتك اللصيقه لمشروع الافطار
وبدوري اشكر كل من ساهم في انجاح الافطار سواء بالمال او التفكير او التنفيذ

الحمدلله ربنا وفقنا في تنفيذ افطار طالب من شهر 8/2013 حتى شهر 3/2014
تقريبا من بداية العام الدراسي وحتى نهايته ان شاء الله ح اكتب تقرير في بوست منفصل عن ما تم انجازه والتكلفه الكليه للمشروع كانت كم والمتوفر بالخزينه

بالنسبه للعام الجديد اذا ختينا اي تكلفه حتكون زي البنحرث في البحر لانو الاسعار كل يوم متحوله ومتغيره مع تغير سعر الصرف

الاجدى الان عرض المشروع على العضويه من جديد ومعرفة نيتهم في الاستمرار من عدمها..يا ريت لو فتحت بوست يا عمده في منتدى الحوار
في حال الموافقه على الاستمرار يبقى انو تتجمع التبرعات من اول شهر 6 لانو المدارس باذن الله حتفتح بعد عيد رمضان كدا حنقدر نبدا من اول ايام العام الدراسي في مد المدرسه بالافطار مع ملاحظة انو العدد حيذيد طلاب الصف الاول

[نبراس السيد الدمرداش]

المشاركة الأصلية كتبت بواسطة ناصر يوسف

الكلام ده كان أمبارِح ياخ ،، هسي كلو إتغير يا نبراس ،، مع تغيير الأسعار الما عندها مُخ دي




نعم يا نيبو السوق ،، هذا الغول ،، كل يوم حاله متغير ،، أتمني منكم إنتي ومهند واحمد زين وحافظ حسين تمدوا الناس بالأسعار اليوم ،، والمتوقع تصل لوين في نهاية شهر يونيو القدامنا ده

بالنسبة لحماس الناس وإستعدادهم لدعم المشروع الإنسانس ده ،،،

كل الناس علي أتم الإستعداد للدعم ،، لأنو المشروع ده مشروعهم هم كلهم ،،،
بس الناس محتاجه لتجديد الإحتياجات بدراستكم لحال السوق اللآن
وهل حتواصلوا في نفس المدرسة المعنية ولا حيكون في شوية توسع في دائرة التغطية لطلابنا المحتاجين للوجبة بتاعة الفطور دي يا شباب

وبرضو مسألة توصيل الدعم من داخل وخارج السودان ،، محتاجه لتذكير وتجديد لو في تجديد للطريقة أو العناوين الممكن الناس توصل بيها مساهماتها


يلا الكوره في ملعبكم يا ناس الخرطوم ،،،




أها جاكم كلامي ؟؟

التجهيز من دغيشاً بدري ،، من ضِي

يلا يا ناس الخرطوم ،، ترانا نحن قاعدين في الخلاء برفقة الرفيق الفَسِل

أفتونا وأأمرونا

يا حبوب كيفنك والخلا
بعض من اسئلتك حتلقى اجابتها في ردي على العمده
والباقي هنا

بالنسبه للمدرسه والاستمرار فيها طبعا لازم نستمر فيها لانو الطلاب ديل بقو مسؤلين مننا في راي وانقطاع الدعم عنهم قد يحرم الكثير منهم من مواصلة الدراسه

نتوسع في التغطيه دي مرهونه بالدعم الحيتوفر للمشروع وكان في اقتراح من خال فاطنه انو الدعم يتوسع ليشمل الكتب سواء بجزء من الميزانيه او بتجميع كتب من الاعضاء اكيد كلنا عندنا ناس بتقرا لسه في المدارس ممكن نجمع الكتب ونعيد تجديدها وتغليفها لانو الكتاب برضو مشكله

ما بتقصر يا ابو رحيق وماك مشحود بس لم لينا كتب البنيات القديمه