ياخالدآ فى الناس..

[الجيلى أحمد]

التعازى ياصحابى وصديقاتى,

وصبرآ جميلآ
صبرآ جميلآ..

[منال]

احييييييييييي يا جيلى
احييييييييييييييييي

ضليت وهرب منى الامل جنيت

[خضر حسين خليل]

منتظرك من امبارح يا الجيلي ياخ



ياخ هسي اقول ليك شنو
ممغوص والله يا الجيلي
ممغوص ياصاحب
وما عارف أقول شنو

[طارق صديق كانديك]

سلام عليه في الخالدين

[جيجي]

انت منا امس ساكت ليه
انت قادر تسكت؟
انا ماقادرة
علموني اسكت كيف
انا عايز اسكت وماقادرة

[خضر حسين خليل]

نفسي أبكي وإياك ياصاحب


نفسي أبكي وأياك
ياخ أي ورطة تلك التي أدخلنا فيها خالد ؟

[حافظ حسين]

يا صديقي كويس أنك حي أنت
صبرك يجي من وين و لا وين؟
انكسر مرقنا و سندنا
و فوق راسنا اتشتت رصاص الهزيمة يا جيلي
خالد في الخلود و في العدم نحن
الله من نارك و من نارنا
يا ناس الشتات انتو نفر و نحن مجموعة .... نتكي علي بعضنا ... أبكي علي صدر ناصر أنا .... نبراس تقالد سمراء و أروي باكيات .... أحمد زين يترك تقطيع الرحم و يقالد وليد من تقالدون أنتم يا أصدقاء , و علي صدر من تبكون يا أصدقاء الشتات .... خالد رحل الي خلود يخصه و يخصنا و لمن رحلتم يا أصدقاء

[عمر صديق]

نعزيك ونعزى انفسنا فى هذا الفقد الجلل
انا لله وانا اليه وانا اليه راجعون
وربنا يجعل البركة فى ابنائه
ويصبر اسرته الكريمة واعضاء وادرة سوادنيات
ويدخله الجنات مع الصديقين والشهداء
ولا حول ولا قوة لا بالله العلى العظيم

[kabashi]

خالد فقد عظيم يا الجيلي لنا نحن الذين عرفناه عبر الأثير فكيف لكم انتم أصدقائه كان الله في عون الجميع ما أصعب هذا الوداع وما أقساه الله يصبركم ويصبرنا ويرحمه رحمة واسعة ويبارك في أبنائه

[حافظ حسين]

يا جيلي لحدود العدم أنا حزين لخالد الذي فارق هذه الدنيا التافه
و لكن سعيد أنك لم تزل حي و إحتمال ترزق

يااااااااااااااااااااااااااااااااااا جيلي يا صديقي
ما قادر أمشي المطار أقابل عكود ... و لو مشيت أقابله بأيي وجه أو دموع

[منال]

يا جيلى

ليه استعجل كده
ليه جانا فى الوقت ده
ليزيدنا حزن
و يشتننا رماد

وينو ياخ
ونساتو و كلامو داك
كيفنو ده يكون يا جيلى


اخخخخخخخخخخخخخخ
بكيت و ما اتفشيت
صرخت وردحت
يا حليلو يا حليلو

[معاوية عبيد]

الى اين ذهبت ياخالد ؟
امثالك لايموتون...

نلتقى بعد قليل

[محمد مصطفي]

اقتباس:
المشاركة الأصلية كتبت بواسطة حافظ حسين
يا ناس الشتات انتو نفر و نحن مجموعة .... نتكي علي بعضنا ... أبكي علي صدر ناصر أنا .... نبراس تقالد سمراء و أروي باكيات .... أحمد زين يترك تقطيع الرحم و يقالد وليد من تقالدون أنتم يا أصدقاء , و علي صدر من تبكون يا أصدقاء الشتات .... خالد رحل الي خلود يخصه و يخصنا و لمن رحلتم يا أصدقاء

ودي زيادة الوجع يا صاحب
موجووووووووووووع وممغوص
ونفسي اقالدك .. اقالد الجيلي ,, احمد زين ,,, ناصر ,, اي من الاصحاب
حتي اني لم استطيع التحمل امام الهاتف ,,,
غلبني الكلام والله ,,,,
وليس لي الا
الحمد لله علي المصاب
وربنا يرحمه ويغفر ليه

[الرشيد اسماعيل محمود]

المشاركة الأصلية كتبت بواسطة الجيلى أحمد
وصبرآ جميلآ
صبرآ جميلآ..

...

[مبر محمود]

هذه الدنيا لئيمه وصلدة ككف حطّاب .. ما أقساها
تعازينا يا جيلي ..