|
اقتباس:
سببي الفي المروخ جدياً غلبني أسايرو النهد الدفر فتّق عراوي زرايرو والفاقل العِلا تلتل معاهو مسايرو شبه الدسدسو غزل الخواجة حرايرو حتفاً في هواو من فوقي حلّق طايرو السولت لي ملك العزيز في كايرو جزمت يا حافظ شوية ......... |
اقتباس:
ولّ سنة حبيبنا فسراع أرح اعترفي لو كان الورد في الريدة بِعَدِل ظرفي كتري في الشتول عُقب النروح لي شرفي |
جيت من الصباح شايل الكلام متوجّب
أكالم في العدم يا ربي واحداً إعقّب درفون أم حفر من قام سغير متحجّب الصادف نصالو بتعيقو كان متحجّب |
اقتباس:
شاغلني مربوع القوام وكاحل طرفو ورد الخمائل المشتول فوق جرفو يطيّب ويشفي مرضان السنين بي كرفو |
اقتباس:
وردتك سرتني ودواخلي نالت اعجابن تواريخ الادب عندك سجل وكتابن تزوري بالحرمين ان شاء الله وتمسكي بابن |
اقتباس:
شاغلانا أم قدود يا خِلي أسرع عقِّب تمينا الكلام من راسنا جانا يعجِّّب الزول القبيل خلاني أسرح أحقِّب نسّام المقيل مطيرتو دابا تجبّجِب |
اقتباس:
والبال انصنج حالي العلي ما بخفو الشال الثمار في البورصة زايد سقفو ريق فاطرو المتل شن العسل في رشفو |
اقتباس:
أصل الجمال مصدر قانونو وعرفو الكدر ايامي خلاني مطر دمعي أزرفو كاويني بـي صدو وتيهو وظرفو |
فر باسمك لمع لامن بريقو جهرني
شال منام عيني مع السقد سهرني يا الوجهك سلب عقلي و جمالو بهرني حد ما أقول نسيت قلبي العليل ينهرني |
اقتباس:
و من صدق الكلام رويانا لى سروفة و انت بالكرم و الوداد بلحيل معروفة نرجة عودتك كل الناس بى ظروفة |
جيت الراكوبة قلت أحكي فيها وأقول
بي خيار الناس المكان يكون ماهول نضحك وننبسط ننسي الهموم والهول لكن الأسف الشديد ما لقيتلي فد زول |
اقتباس:
الدوباى فى رجّاك من الصباح يتقلّى...... والجبنّات تدور البكرى والبتنى ........ إتوهط عديل وبالله جُرّ النمة .......... والاحباب بيجوك ,أصبر وما تنهمّا:) .... |
اقتباس:
مزرود بي حبال الشوق مربوط ومكتف جيت الراكوبة قلت ابكي فيها اتنهف فاقد عفيف المنطق العلي ما بتأفف |
اقتباس:
ومن وجهو الصبوح يا اخوانا جانى الجانى لو يرضى ويحن او فى المنام يغشانى أنفاسو المسك وعرقو جورج أرمانى:p:D *جورج ارمانى دا عطر يا ناس وتانى كر:p:D:D |
| الساعة الآن 04:50 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.