الود القليل يا خِلّي كان لا بُدَّ
يحقن للزعل قبال عليَّ يشتدَّ بشيلك سلف زي الملابس شَدَّة وما بتلقاها مني أكان تموت الكَدّة |
اقتباس:
وما همتني نيران الغرام والوردة ان مت عاد شهيد وان حيت بتحد لقيس او جميل ويبقى المحلق فردة |
من بعد الغياب قاعدين وراك نصيّح
وين يا سيدنا وين دوبيت معاك بريّح وحاة الالفة والبعد الملاني نويِّح فيك طعامة العجو البسيل وبسيِّح |
اقتباس:
|
وا
طعم العجوة ياها حلاتو ديمة تقحح.
والقنديلة أحلى بندور للعبارة نصحح. والزول (العكود) طلاتو زين بتفرح. تكفينا التحية وقولة سلام بتريح. |
اقتباس:
من بعـد الغيـاب الطلـة لـي بتريـح في بُعدك فقدت وقالو ماهو نصيح الوجه الصبوح وكتين يبين ويبيـح ببقى صباحنا بـأرج الزهر متريـح |
اقتباس:
طيبة بطيابتك:smile: |
اقتباس:
القنديلة زي جيتك أكيد بتفرح وعجو المحس لو اني بيهو بصرّح فوقو طعامة لا بتنفات ولا بتروّح عليك المولى يا غافرنا أسي تروّح |
اقتباس:
المهم غايتو: هيلك تفرز الحال القبيل إنشكَّ وهيلك تدحر القلل مقامك شكَّ وهيلك حلّة العقد الكتار منشبكة يا النظرك رماني وفاق صواريخ توشكا:tongue: |
هيلك العرضة وسهيمك شكّ
خارق للفؤاد ود عيننا ذاتا فتكّا يا البدر الخلوق منشبكة وانت مفكّا ويا الدهب الجنية غيرك بواقي وفكّة |
اقتباس:
وهيلك رنعة خلت روحي فيك منشبكة بنــات الجيــل جميعــاً نصبنــك ملكــة وقــدر شابيـت أجيـك ما لقيتلـك سكـة |
اقتباس:
هيــلــك النفــــل النـحاســـو مَتَـكّــــا وهيــلــك العـــز والجُبَــار مــا فكـّـا يا خـارق القلـوب أديـها كمّيـن دكـّة خليت الخِلوق جايطة وكمان مرتبكة |
اقتباس:
لو ماها الغفر وكمان معاها دركّا كنت بخرّم الشوق ما بتعيقني شركّا ف ضراعك بكون وكت العرض منركّة |
اقتباس:
وقّلت رامية ومعاها شركّا قاصدة البلطي والكاس البيملا شبكّا ما قايلة الشبك قبضو البحل شربكّا |
وا
عدلى للقوافى وتاانى نبدا العكا.
عرجونة الشمال الفوق جريدو متكا. يا عجوة شمالنا المنها إتعشركتا. ناقصين قلية البن وريحتو المخالطا المسكا. ويتكرب المزاج ويحلها الشربكا. |
| الساعة الآن 07:07 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.