اقتباس:
|
اقتباس:
اقتباس:
فى.... أيها العابرون الحســــــــــــــــــــــــــــــــــــــــــــــ اب ولد |
لست معنيا بالسياسة هنا..
معنى بأخلاق من سموا انفسهم الرعيل الاول للاستقلال الرجال القالوا انهم الرجال ولم تنجب حواء غيرهم!!!! نعم انا معنى باللذين لم يقفوا مع على عبداللطيف لأنو (عب) منو هم.......................اسألوا عبد الرحمن المهدى معنى بكلمات قالها كمال الجزولى فى كتابة من كتاباته عن قنصل اثيوبيا الذى كان يحكم الخرطوم فى الستينات ولا السبعينات ما عارف....ولا بهمنى ...مش دة ياهو الزمن الجميل؟ قدر ما فتشت الرزمانة دى ما لميت فيها ( العندو منها خبر) قنصل اثيوبيا الاستباح الحزام الأخضر بجثث المعارضين لنظام اثيوبيا.....بعلم سياسيي الخرطوم ...مجرد صفقة وعار.... معنى بالناس اللقوها باااردة وميتة...تعليم مجانى وعلاج مجانى وبعثات ووظائف وبيوت حكومية وووووووووووو..... وفشلوا................................ الحساب ولــــــــــــــــــــــــــــــــــــــــــــــــ ـــــد ــــــــــ ياااخ انا مغبون شديد |
انا انجرفت ومرقت برة الموضوع ولا شنو..
زمنكم جميل جدا.... بس ما وصلنى منو الا صفوف دعارة قالوا كانت مالية الشوارع وبارات فاتحة وشعر خنفس وقميص ضيق وشارلستون دة الشفناه فى الصور اما الفعل على أرض الوطن BIG ZERO البخلى زمنكم يستحق انو نسميه زمن جميل شنو؟ ارقدوا عافية ــــــــــــ زمن الافندية دة الله لا عادوا تانى |
اقتباس:
تعرف ياحبيب جماليات الازمان دي مسألة نسبية بمعني انو كل جيل بشوف زمنو اجمل لكن من الضرورة بمكان انو كل جيل يموت بأحاسيسو تجاه زمنو وما يحاول يسقطا علي الاخر فيما يشبه الاستصحاب الذي يحمل مسحة من التحسر من شاكلة انو الجيل الحالي جيل كسول ومامثقف وسطحي وماعارف ليك في حين انو المحاكمة من غير الرجوع للظروف الموضوعية المحيطة تصبح من غير معني ومحاولة للقفز فوق الحواجز يستنكرون علي الاجيال اللاحقة اللهث وراء الموضة ويتناسون عمدا لهثهم وراء الشارلستون والشعر الخنفس وعلي البنات اللبس الضيق ويتناسون ان البنات في زمنهم كن يمشين موضة يتذمرون من ان شباب الزمن ديل صعاليك ويتناسون صفوف الدعارة المباحة كأنها صفوفا للرغيف اييييييه يا اميري وجدوا كل الامكانيات المتاحة كما ذكرت انت من مجانية التعليم والعلاج والبعثات المجانية وووو المحصلة ...ماذا كانت..فقط محاولات مكرورة لاجترار زمان لن يأتي لكن حتي لانعمم الاحكام لن نتجاوز بعض الاشراقات هنا وهناك التي عملت ومازالت علي التصالح مع المتغير الزماني دونما طوطمية او تقديس لزمن بعينه اميري بجيك راجع اكيد قلت لي زمن الافندية ده تاني نهي:D:D |
اقتباس:
اقتباس:
أي زمان البارات فاتحة طيب هسي الطرمبات ما شغاالة. وبعدين يا أميري كل جيل وليهو ثقافتو وليهو موضته عندنا حالياً التسريحة بالاسم والقصة بالاسم والقميص بالاسم والبنطلون بالاسم (وعلى فكرة موضة اللبس للزمن الجميل رجعت تاني بس بمسيات مختلفة ) اقتباس:
لو درى أهل السودان أين هم من الأمم لقضوا حزناً وإشفاقا عارف السبب أيه يا أميري ؟ أحزابنا وساستها والزيروا الكبييير ده غلطتنا كلنا |
اقتباس:
ياخ عبرت عنى وحاتك بى كلام المثقفين دة هى ليست محاكمة ليهم يا الرشيد بس ياخ يسيبونا فى حالنا ومايشبكونا كنا وكنا وانتوا وأنتوا... بداها منصور خالد فى كتابو بتاع النخبة السودانية وادمان الفشل و ياصاحبى كل يوم بنكتشف انو تاريخنا مجرد خدعة كتبها ارباب الانغليز ذات طشمة والغسيل القذر بقى مشرووور فى الهواء الطلق .... يا الرشيد الاجيال الضاقت الجوع والتشرد والعطالة انتفت عندها قداسة الاسماء وقداسة الاسياد وقداسة التاريخ المشبوه... يا حبيب والله ونستهم ما بناباها يجوا يونسونا كدة زى ما عايزين عن زمنهم الحلو فى نظرهم...عن الخرطوم الرايقة ونسيمها العليل عن الميرى والميز عن ثورة اكتوبر عن غناهم عن كورتهم عن احلامهم ....هو احلامهم كانت شنو بالجد؟ والاتحقق منها شنو؟ يااخ ديل صحوا على كابوس مفزع... انا احترم كل الكبار ما ابتعدوا عن لعب دور الانبياء فلا نبى بعد محمد ولا مدينة فاضلة هناك.. فقط وطن بزروا بزور سقوطه هم.. ويلومونا نحن.. فانظر... ــــــــ الرشيد وحاتك قدر ما استفزيتهم ما جوا:D سبب التعديل اضافة كلمة لعب قبل كلمة الانبياء واهو كلو لعب... |
اقتباس:
انا لمن قلت لست معنيا بالسياسة كنت قاصد انبه الناس البدت تتكلم عن مواقف دكتور على عبدالله ابراهيم السياسية وبعد شوية كان حيتم تصنيف المقال انو محاولة لنصرة الانقاذ وتلميع وجهها القبيح....دة سبب كتابتى للجملة اقتباس:
بس اقلوا عارفين اسباب البحصل دة...وما تقول لى الفقر والاقتصاد المنهار ماسبب اساسى بزعل.....الدعارة والبارات فى الزمن الجميل كانت اكسسوارات ترفيهية... والدعارة والطشمة فى زمنا هى دلائل البؤس....شتان ما بين الامرين اقتباس:
يااخ حلاتو الخنفس....كان شعار نضالى ياااخ اقتباس:
ما كلنا يا عثمان اسأل من وأد الطفلة... |
اقتباس:
برغم .. لم يسلم ذلك الزمن من إنتقاداتنا وعلى رأسنا (شوقى بدرى) .. وصل بيه الإنتقاد لآل بدرى أنفسهم .. ما يكتبه د. عبد الله علي إبراهيم رداً على شوقى بدرى فى إنتقادات معينة .. فهو يريد أن ينال من الرجل فى مكان أوجعه هو .. رفعت لى بوست مخصوص عشانك لترى بأننا لا نعتق زمن لزمن .. أدخل هنا .. ويظل زمننا هو الزمن الجميل وقال آبائنا بأن زمنهم أجمل زمن راس السكر ووقة اللحم .. وستقولوا للذى بعدكم أن زمنكم أجمل .. ولكن التاريخ لا يرحم عندما يُكتب بنزاهة كما يفعل شوقى بدرى .. تحياتى بالمناسبة زمن الدعارة بالصف والبارات فى السوق كانت الرزيلة محصورة .. ولكنها تسللت وهددت كل الأماكن فى السر .. الممنوع مرغوب |
اقتباس:
رأفت الجميل فى العنوان ما كان فى بالى ما صنعه الحداد بين شوقى والدكتور...والا ما كنت جبت اسم شوقى من الاساس...اقرا على فترات متباعدة مايكتبه شوقى ...فقط يرهقنى طول المقال فنحن جيل تيك اوى داير كبسولات وجرعات مكثفة مضغوطة...عيب كبير مش؟... ما حكزب يا رأفت واقول انو المقال بتاع الدكتور ماوقع لى فى جرح ولقيتوا جسر مناسب لتمرير المرارات الجواى..... يكفينى سببا انى من قوم رحلوا من وطنهم الام الى فيافى مجهولة حيث السماء لا كما سماؤهم تلك ولا الارض هى الارض....وأمى صبية تترك ضحكتها هناك وترتحل فى قاطرة الآلام ثأرى معهم حلفا القديمة يا سيدى.... زمانكم الجميل يا سيدى يعنى لابى وامى وجدى وجدتى سرقة مدينتهم الفاضلة... وكذلك لى .... .فنحن نتوارث الجراح جيدا... ثأرى لن يموت سيدى... ـــــــــ قرأت البوست المرفق مكتمل الاركان والاحساس فقط فاتك انو فى زمان مضى كان القطار يحمل الوعى ما استطاع الى الفيافى والارياف وينقل الوطن الى الوطن... مات ذاك القطار فصار الوطن يقبع فى شارع النيل وماجاورها ولا عزاء للشكينيبة... |
اقتباس:
حلفا تقف شاهداً لقيام ممالك وإنهيار ممالك منذ فجر الخليقة .. وستُبعث ذات يوم .. تاريخها سيقف شاهداً تحت الماء أو فوق الماء .. وحلفا لم تُنقل الى خشم القربة .. الذين ذهبوا هناك أشخاص .. ولقد ذهبت أنت فى مجاهل أبعد منها كثيراً كما ذهبت أنا وذهب غيرنا .. زمننا الجميل لم يسرق أرض أجدادك فالأرض موجودة قبل زمننا وبعد زمننا .. ولكن الذين غدروا بأمك وأبيك ثلة قطاع طرق .. غدروا بهم وغدروا بنا .. عبد الناصر الذى أشترى حلفا ليضمن الماء .. عرض على العسكر أن يبيدوا الجنوب ويعيد هو تعميره ليؤمن منابع النيل لبلاده. وشرع العسكر فى الإبادة لولا تصدت لهم ثورة أكتوبر .. ولمع الناس بما فيهم شوقى بدرى ود. عبدالله (حسن بشير نصر) الذى شرع فى حرق الجنوب قرية قرية .. عدم الكتابة عنه صراحة كمجرم ويطالبوا التاريخ أن يعاقبه . صار تلميع له .. ولو فعلوا لما أعلن البشير حرب الجهاد فى الجنوب بقلب مطمئن ولا أحرق دار فور .. هكذا ندفع ثمن تزوير التاريخ .. نتكلم عن صوفية الفونج وأمجاد العبدلاب أبناء العباس وضاعت أمجاد مملكة علوة المسالمة التى مسحاها معاً فى أكبر مذبحة فى التاريخ بخراب سوبا .. لقد بدأ التزوير من مسلات بعانخى حتى ديمقراطية الكيزان .. صارت أمدرمان بقعة المهدى وصار (العنج) نسياً منسياً .. وصار وصار وصار .. ومن زمن لزمن يتأصل الكذب أكثر .. فصار فى زمنكم ورثة الله على الأرض أكذب الكاذبين .. لقد فقدت (صرتى) فى حلفا ولا أسفاً عليها .. لأن من أضاعها ليس عبود ولكن كل من قال (ضيعناك وضعنا معاك يا عبود) .. وهم سكان حارة الزمن الجميل .. |
| الساعة الآن 02:00 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.