اقتباس:
حبابك اخي عوض الله وشكرا جزيلا للترحاب في سودانيات |
حباب ناصر آلاف ..
قلم حلّاب ضرع الغيم ... شكراً عكود ... بالجمبة كده: قريت سيرة صديقن(ك)ا جقلر مرات ... وأعجبتني العناية .. |
مرحب حبابك في سودانيات يا ناصر
|
اقتباس:
شكرا على الترحيب أخي مهند وشكرا على نداوة الكلمة الطيبة وطلاوة حسن الظن ويعجبك السمح يا غالي |
اقتباس:
اهلا وسهلا يا اسمر وشكرا على غيم الورد الجميل |
والله بعد دة ناس سودانيات ديل مااااااااااا بيظنوا فيني الخير:gap:
في زول إسمو فخر الدين حسب الله سجّل -برضو- جديد في سودانيات ، وفي فترة قصيرة -عيني باردة- عمل ليهو شعبية ، وعلّقوا ليهو بوست في (البانر) فوق... كنت غايب... جيت رحّبت بيهو وقلت ليهم ....الزول دة فردتي وكنا ساكنين في أوضة واحدة وشايلين مشروع تخرّج واحد... معاك كويس؟؟؟؟ أقووووووووووووووم أغيب تااااااااااااني يقوم يجي ناصر البهدير و -بررررضو ...عيني باردة ، وماشالله يعمل ليهو شعبية ويعلّقوا ليهو بوست في (البانر)- أنا غااااايب أهاااااااااااا أكان قلت ليهم ناصر دة ود خالي....باقي ليك بيصدقوني:tongue::biggrin::tongue:؟؟؟؟؟؟؟ يا زول حبابك ألف والله وشرّفت كتيييييييييييييييييير وانا بعرفك وبعرف سودانيات لكن عمري ما فكّرت .... إنت ما عضو قديم فيها ليه؟؟؟؟؟؟ ياخ والله حبابك |
سلامات هيثم على الشفيع.. نوارة اهلنا.. اتورطت قلت لي.. عاد ما لازم يكون في تبرير قوي جدا وانا اسه كان نكرتك ما واطتك أصبحت تاني الا تشوف ليك غسيل زى حق الامام دا يلمعك من جديد.. يا ود عمتي .. غايتو عشان تتحله لازم تمشي تجيب شجرة العائلة وبما أنك رسام بحكم التخصص بتقدر اكيد ترسملك رسمة توضح كل العلاقة... أرجو ان تستعين بصاحب الطريقة الحافظية؛ شيخنا حافظ ود جدي وخالك وود عمتي الغالية نفيسة رحمة الله عليها..! بلقى ليك مخرج قوي والراجل صاحب مقدرات في التخلص من الحرج.. مش حاجة غريبة إني ما أسجل هنا رغم إني مسجل في الكتير من المنتديات!!. وجاء تسجيلي صدفة هنا ولكن كل الشكر الجزيل للدعوة التي تلقيتها من الأخ عكود الحادب على مصلحة سودانيات كبقية كل عضويته.. شكرا هيثم على المرور رغم المشغوليات.. تاني ما تغيب كتير لانو ح تجي راجع تلقى القرض سجل!! وبعدين ح تبقى في ورطة أكبر |
مرحب حباب ناصر البهدير..
نورت سودانيات |
مرحب حبابك اخي الجيلي وتنور كل دروبك وتسقينا الحلو شكرا على ترحيبك.. ونسأل الله ان يعيننا على المسيرة في فضاء سودانيات الرحيب |
الف مرحبا بيك الاخ ناصر... حللت أهلا ونزلت سهلا .. بين أهلك وناسك...
سودانيات تتشرف بانضمامك لركبها..... |
اقتباس:
شكرا شكرا الاستاذ حسن فرح على الترحيب واتمنى ان اكون بمقام سودانيات الحافل بالروعة والمعرفة وسعيد بوجودي بينكم.. |
| الساعة الآن 06:51 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.