سلام للكل هنا وهناك
ناصر يوسف احترم رأيك لكن معليش نحن اشتغلنا في نفس المسرح دا كتير والحاجة الذكرتها دي ماصحيحة. ثم.. كــ مستمع لا ارضى ان يوجه لي فناني المفضل أو غير المفضل مثل هذا الأسلوب الفج مهما كانت مكانته عندي وعند غيري. وكـ فنان أساءني جداً هذا التصرف من أستاذ كنا نعتبره مثل أعلى وكانت احلامنا ذات يوم الوصول الى رُبع مكانته عند الناس. يظهر انو الصنف كان كعب ماعلينا المهم... الشكر للجمهور لأنه صبر على "الإحراج" دا ولم "يحرج" الأستاذ بالخروج من النادي. اقول قولي هذا واستغفرالله لي................. |
يظهر انو الصنف كان كعب
------------------------------------------- دى بالغت فيها يا زول الله الزول دا اكبر من خالك فى العمر :confused::confused: |
اقتباس:
العمر مامشكلة ياخال ايوا هو زول كبير عُمراً و فناً بس شكلو المرة دي جاب من زول تاني:D اقول قولي هذا واستغفرالله لي............... |
اقتباس:
:D:D:D:D:D يا زولة إن أنا المقصود ولا لآ ومخير الهو أنا ولا مخيرن تاني مخير الإسم ولا التعريف ولا الفعل ولا المفعول برضي معآك معاك... سلام يا جيجي |
والله انا من اشد اشد المعجبين بالعملاق ود اللمين
لكن بجد تصرفه احبطني جدا حقيقي يهيأ لي لو كنت في الحفلة دي كنت طلعت ياخ ذل احاسيس الناس بصورة ما طبيعية ما عهدناه هكذا والله في حفلاته |
أحترم وجهات نظركم جميعاً بما فيها وجهة نظر الفنان الجميل زول الله
وأنا قلت: ( ليس دفاعاً عن الفنان محمد الأمين ) هي وجهة نظر و زول الله أفاد بعدم صحة المعلومة الفنية الأنا إتكلمت عنها ، وغير زول الله في زملاء كتااااااااااااار إتكلموا عن الــ (دي لي ) وبإنهم ما بكونوا سامعين آداءهم بل سامعين صوت الجمهور أكتر عموماً ود الأمين ( تعبيرو خانو وختاه في خانة اليك ) وأنا مع زول الله في مسألة (إنو الصنف المره دي كعب شدييييييييييييييييد ياخ ) looool looool:p:ploooollooool |
والله شئ مؤسف ومحزن تصرف الاستاذ مع جمهوره ، العنجهية مافي داعي ليها خصوصا كان عندو خيار انو يوصل فكرتو بطريقة أرقي والجمهور اصلا جاي عشان ينطرب ويعبر باحساسو الجمهور لوجاي اصلا عشان يسمع كان يسمع في ام بي ثري ولا التلفون وخلاص ..غايتو السودان دة لا نلقاها من الكيزان ولا الفنانين
|
تحياتي دبل جي..
لاحقا حااجيب ليك فيديوهات بيقول فيهو كلامو دا بشكل جميل للجمهور.. وفيديوهات تانية بيطلب من الجمهور يغني معاهو.. في شوية حاجات مفتاحية لفهم هذا المشهد.. اولا ذاد الشجون أغنية صعبة شديد والباشكاتب نادر مايغنيها في الحفلات.. البيحصل إنو صوت الجمهور بيقرب يطغي علي صوتو والصفافير والكواريك المزعجة فوق العادة بتصعب عليهو الامساك بالأغنية كما يجب.. لولاحظتي إنو عمل المساحيل عشان يهدي الجمهور.. تأشير باليد لوليح بالراس وكمان أخد وقفة عديل عشان يوصل ليهم معلومة إنو يهدو شوية.. أنا في السودان مواظب علي حفلاتو ومابجليها.. وأحيانا المسالة بتاعت الغناء العالي معاهو والصفافير بتصل لدرجة الازعاج.. يلخ في واحدة من الحفلات قعد يكورك ليهم في نص الأغنية لا لا لا.. بالمناسبة؛ في نفس الحفلة دي ذاتا الباشكاتب اعتذر للجمهور وشرح ليهم برواقة شديدة إنو في أغاني للاستماع لأنها غناء صعب حسب تعبيرو، وفي اغاني للغناء الجماعي.. لكن الانتشر هو الفيديو الأول دا من غير مايكون مصحوب بالتاني |
| الساعة الآن 11:39 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.