سودانيات .. تواصل ومحبة - سؤال للجميع ، ما هي علاقتك بسودانيات

سودانيات .. تواصل ومحبة (http://www.sudanyat.org/vb/index.php)

- منتـــــــــدى الحـــــوار (http://www.sudanyat.org/vb/forumdisplay.php?f=2)

- - سؤال للجميع ، ما هي علاقتك بسودانيات (http://www.sudanyat.org/vb/showthread.php?t=62503)

ده عمر طويل ياناصر لو بينا زمان حب سودانيات هسي البينا عشرة سنين

اقتباس:

المشاركة الأصلية كتبت بواسطة بدور التركي (المشاركة 554426)

سودانيات وطن جميل
جذور لا تموت

حبابها عودتك لهذا الوطن الجميل يا بدور

اقتباس:

المشاركة الأصلية كتبت بواسطة جانيت (المشاركة 554434)

ده عمر طويل ياناصر لو بينا زمان حب سودانيات هسي البينا عشرة سنين

سعيد أيما سعادة بعودتكم لهذا البيت الكبير

اقتباس:

المشاركة الأصلية كتبت بواسطة ناصر يوسف (المشاركة 554441)

حبابها عودتك لهذا الوطن الجميل يا بدور

صدق بالله
قلبي بدق
كاني جيت اقابل حبيبي
سودانيات فعلا وطن وعشق وعشرة
وايام جميلة جدا قضيناها معا

اقتباس:

المشاركة الأصلية كتبت بواسطة بدور التركي (المشاركة 554443)

صدق بالله
قلبي بدق
كاني جيت اقابل حبيبي
سودانيات فعلا وطن وعشق وعشرة
وايام جميلة جدا قضيناها معا

أصدق تعبير

قلبي بيدق و كأني بلاقي حبيبي

هي بكل تأكيد سودانيات العشق يا بدور

حبااااابها عودتك السمحة

اقتباس:

المشاركة الأصلية كتبت بواسطة ناصر يوسف (المشاركة 554446)

أصدق تعبير

قلبي بيدق و كأني بلاقي حبيبي

هي بكل تأكيد سودانيات العشق يا بدور

حبااااابها عودتك السمحة

باقة من الورد. لقلبك السمح

اقتباس:

المشاركة الأصلية كتبت بواسطة بدور التركي (المشاركة 554447)

باقة من الورد. لقلبك السمح

تسلمي يا رب

اقتباس:

المشاركة الأصلية كتبت بواسطة حسين عبدالجليل (المشاركة 554307)

تحياتي أخ ناصر و لعلك طيب

سودانبات العزيزة تشبه لي حاجة اسمها "بيت الجمعية" وهو شيء ابتدعه آباءنا من نوبيين شمال السودان (حلفاوية , محس , دناقلة) الذين أغتربوا للسعودية وبالتحديد لمدينتي جدة و الرياض منذ الستينات .فتقريبا كل قرية من قراهم لاهلها بيت في جدة او الرياض اسمه بيت الجمعية .

أها بيت الجمعية دا من حق كل مغترب من اهالي القرية , واصحابهم و اصهارهم أن يسكن فيه متي شاء , يتركه متي شاء , يرجع له متي شاء , يساهم في مصاريفه اذا أراد , و لو ماساهم برضو يحق له يسكن فيه مجانا , وياكل وجباته فيه مجانا , و يشرب شايه مجانا . دفعت شيل (اسكن, أكل, أشرب) مادفعت برضو شيل .

يعني البيت بيتك , تدخل , تمرق , تسكن فيه دائما , تبيت فيه ليلة ليلتين . ترجع له بعد سنة , سنتين , علي كيفك , مافي زول بيسألك لانو البيت بيتك . هذه هي سودانيات بالنسبة لي .

سودانيات مثل بيت الجمعية الذي يمكن أن تقابل فيه من تستفيد و تتعلم منه أشياء كثيرة , ومن يستفيد منك , ومن يعكر مزاجك و من يصلحوا لك و يملئك بهجة .

هكذا سودانيات . أكتب فيها من حين لآخر عند اعتدال المزاج , وأكتفي بالقراءة أحيانا . في كل الاحوال وربما هذا من بركة أخونا العزيز خالد الحاج , أشعر بأني جزء من مالكي هذا الموقع .

السلااااااااام عليكَم جميعاً

اول مشاركة منذ سنوات😭😭😭

عاوز اجاوب سوالك يا حبيب
لكني حالياً في (مود) ما حيجيب الانا عاوزو

فااااااشنو؟؟؟؟😁 😂

كلام اخونا حسين دة فشاني شوية
قلت اصبرك بيهو

و بجيك صاد
إن ربنا مد في الأجل

اقتباس:

المشاركة الأصلية كتبت بواسطة هيثم علي الشفيع (المشاركة 554476)

حبابك علي الدوام يا هندسة يا حبوووووب و حباب كل الرجعوا للبيت الكبير سودانيات المحبة

بسم الله الرحمن الرحيم

هى كل شئ تشتهيه ويحتويك
فى غدوك ورواحك وفى صهيل خيل مبتغاك

سودانيات اولا وثانيا ،،،،،،،،،،،،،،،،،،،،،،، وأخيراً

اقتباس:

المشاركة الأصلية كتبت بواسطة النور يوسف محمد (المشاركة 554497)

:L:L:L

علاقة ارض ومطر
محبتي اهلي وعشيرتي

العمرة قفلوها ونحنا رحلنا

سودانيات دى عباره عن عمرنا الماهبشتو الايام
عن لحظاتنا الحلوة ولماتنا وضحكاتنا ... عن مداد مشاعر ما اظن تتكرر
ونحنا كل ما نحب نكتب بنرجع للمداد المحفوظ جوانا
مدادنا ياهو عصير الريده الثابته

سودانيات وطنى
بالجد وطنى وحبى
لانو كل من دخل الباب ده مختوم جواى بختم الحب

الله يخليكم للوطن ده تعمروهو

اقتباس:

المشاركة الأصلية كتبت بواسطة جانيت (المشاركة 554434)

ده عمر طويل ياناصر لو بينا زمان حب سودانيات هسي البينا عشرة سنين

يا سلام عليك يا بتنا

فعلاً سودانيات ( عُمُر طويييييييييييييل ) من المحبة و التواصل و الجمال