*ست فله*
زمان والى الان في ناس بتقول ليك ( انته قريت في ست فله) بس قليل العارفين منو هي هي الاستاذة ساره جرجس . اذا كان في السودان قديسات فهي احداهن . كانت ترتدي الدمورية والبسيط من الملابس . اشتهرت مدرستها في شارع كرري . وكانت تستأجر المبني منمن آل بحر وهم من رجال الدين الاسلامي وهي مسيحية . اقرب ماتكون لماما تريزا الالبانية التي كرمت بجائزة نوبل للسلام. ورفضت ان تأكل الاكل الفاخرلأن الفقراء الذين كرست حياتها لخدمتهم لايجدون مثل ذلك الطعام في الهند. ست فلة اول من انشأ روضة في ذلك الجزء من ام درمان . وكانت تقيم معرضا سنويا . وتعلم النساء والطالبات الاشغال اليدوية والرسم علي القماش واشغال الابرة . كانت متجردة زاهدة في الدنيا . تقدم خدماتها للمسلمين اكثر من المسيحيين في مدرستها التي شملت روضة للاطفالالقديسه ساره او ست فله كما كانت تلقب صاحبة مدارس السلام بام درمان او كما كانت تسمي مدرسة ست فله توفيت عام 1999.. ** الصور خاصة بعمنا مكرم ميلاد سلامة.. |
اقتباس:
شكرا ليك أثريت البوست من قبل بحضورك والتشريف وحسي بالمشاركة القيمة دي.. كتيريين مننا حتى الجلاكين ما عارفيين القصة.. تعرف إحنا السودانيين عندنا مقدرة بتاعت تسمية الأشياء ويتم تتداول المسمى وفي أغلب الاحيان دون معرفة القصة من ورآ التسمية... أخوانا الدرستوا في براغ كتيرين منهم كانوا بيدرسوا في جامعة العلوم الأدبية وقليلين ممكن منهم ومننا عارفين إسم الجامعة لأنهو كانوا بيعرفوها بالمسمى الأطلقه عليه وأحد من طلابها على ما أظن وكانت معروفة للجميع بي "هبهانة" |
من وحي الشيخ فرح المفردات دي؟؟
إن زولك هجرك خليه اللفوت إلا حار دآك البموت.. بس إذا تقمصن شخصية أم حمد؟! الفات إن خلاااص وجعك!! ألحقهو |
"فات اوانك
عدى من وشك صهيل الاغنيات ياتو في كفك صبح غير انغماسك في الشتات يا بشوش المعنى ما صابك بشوش و صحيت على حلم الفتات" |
الزول السمح
بابكر بي مزاج قريت البوست دا وبوستات الاخوان والأصدقاء في سودانيات وانت ما شاء الله السهل الممتنع والممتع ربنا يديك الصحة وطوا العمر يارب تحياتي وتقديري عبد الله جعفر |
اقتباس:
إطراء تشكر عليه يابا... لو كان شيخنا سألوهو ردهو بيكون شنهو، ظنيتهو كان قال؟؟ الشكر لمن يجيك من زولن فاهم، شيلوا وأنقز بيهو ما هو إناء ما بينضح إلا بالفيهو.. |
اقتباس:
ياخي ما حكيت لينا عن فترة دراستكم في تشيكوسلوفاكيا، وأكيد بتكون حكاوي ممتعة. عمنا بشير أحمد عبد القيوم درس فيها، يمكن في نفس فترتكم، وأكيد بتكون بتعرفو خاصة وهو من أولاد حي البوستة وشقيق الشاعر علي عبد القيوم. المهم، عايزين حكاوي عن الفترة دي (الصالحة للنشر طبعاً looool) |
اقتباس:
إلا الواحد كان يكون هدي ورضي ومصلح من حالهو مش يعني مصلح رأسهو. حتى تكون صالحة للنشر.. نشوف ما أصلهو بعدآ الصلح مع النفس والتصالح مع المجتمع والصلاح والفلاح هن بس الباقيات.. غسِب وما موضوع خيار.. إن شاء الله الحبيب نلقآ لينا فجآت صالحة وتكون للنشر صالحة :cool: |
| الساعة الآن 09:03 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.