اقتباس:
والله الحال الأنا فيها ما بتديني فرصة تصابي الإنحرمتا من شوفتا الصبايا وغزل ناس حي الصبابي لكن معاكم، جاري، لاهث وعرقي صابي. دا لي أولا في للتاني مشيت مع جدك بابكر بدري، من باب العقل كدا لو كان الحكاية دي فيها شئ مبيت ليهو سؤ النية ما أفتكر كان شيوخ الأنصار مشو لي قدام وزارة المالية وين كان تمثال رمز الإستعمار مادي سيفو تجاه مدينة البقعة. والتاني في للتاني؛ يعني تفتكر ممكن شنو يحصل من شعب مستعمر من دولتين ويجي رئيس واحدة من دول الإستعمار في زيارة وبتحدي في مكان فيهو تمثال يرمز لكل شرور الإستعمار. بفتكر دا كان حال كل سوداني يدعو للإستقلال من أن يرزح تحت إستعمار دولتيين وما واحدة بس نقول شنو ولا رأيك شنو؟؟؟؟ |
اقتباس:
ده ما شي غريب ؟؟ محمد نجيب ليس هو رئيس حكومة السودان الوطنية والحكومة هي حكومة المحتل والبوليس بوليسهم الضباط انجليز الجنود انجليز البلد بلد السودانيين لو جو الانصار شايلين سكاكين وكوكاب في الظاهر او داسينا في النهاية هم ابناء الشعب السوداني وهم ضد الاحتلال الغريب شنو ؟ انو زول يدافع عن استقلالوا وحرية بلدو ويوصف بعد كده انو ( مخرف ) ومتعطش للدماء ؟؟ الجزائر بلد المليون شهيد لماذا استشهدوا ؟؟ يا اخي الامريكان اللحم راس وملقطين من كل اشرار الدنيا كافحوا وناضلو من اجل موطنهم الجديد فما بالك بقوم سقوا الارض من دمائهم ونبتت كل شجره بعرق ودم اجدادهم واجداد اجدادهم ؟؟ احداث مارس مهما اختلفت الروايات وتعددت المزاجات والاغراض من كل الاطراف الا ان الجميع يتفق في انها كانت ضد الاحتلال ويكفيهم شرفا انهم كانوا يدافعون عن استقلال بلادهم |
يا ود العمدة أنا معاك في انو البلد بلدنا لا هي حقة الانجليز ولا المصريين لكن للأسف مات انجليزي واحد والباقي سودانيين وبعدين زيارة محمد نجيب كانت أول زيارة لرئيس دولة للسودان بعد الاستقلال محمد نجيب ذاتو كان عايش في السودان وليهو أخت عايشة في بحري جنب حلفايا سينما وجارة ابراهيم عبود وأنا لما قلت الراجل خرفان فدا لانو قال انو ما كانوا الأنصار مسلحين والحصل بيثبت عكس ذلك ولعلمك مصر اشترطت علي الانجليز انو آخر جندي انجليزي يغادر السودان قبل مصر وبالفعل السودان استقل قبل مصر لو بتتحسب بالوجود الأجنبي في البلد علي الرغم الشكل الظاهر بيقول انو مصر مستعمرة من قبل انجلترا ومصر الا انو الواقع بيقول مصر والسودان الاتنين كانو مستعمرين من انجلترا..
|
الاعزاء كل الموجودين وصاحب البوست الكريم
سلاما مربعا للجدعان والثائرين ضد الاطماع المصرية قديما وحديثا!!!!!!! بعد التحية والسلام على الموجودين.............. نحي شهداء بلادنا جميعا من قبل المهدية ومرورا بالمهدية وبعد المهدية والتحية لشهداء التظاهرة موضوع البوست والتحية لي الامام الهادي وصحبه ولي شهداء مذبحة القصر ولي عبد الخالق والشفيع احمد الشيخ ،والتحية لي محمود محمد طه وحوارييه، والتحية لي 28 ضابط اغتيلوا غدرا ،والتحية لي د/ علي فضل واسرته الجميلة، والتحية لي عبد المنعم رحمة واهله وصحبه الميامين والتحية لكل شهداء يلادنا ولهم الانحناء فالشهداء أكرم منا جميعا وبعد.............. نثبت مبادئ ياشباب السودان للسودانيين جميعا وبالتساوي وحزب الامة تشكيل في النسيج الكبير ان كان سياسيا او اجتماعيا شأنه شأن اي تنظيم سياسي (موافق ياود العمدة وياود مخير ولا في جقلبة؟) الدحر والموت لاي دخيل غير سوداني وبالذات لو كان الدخيل مصري (ده حسابه براهو ...وأنا ماحزب امة ، ) التاريخ نصنعه سوية لان الايام كانت ولازالت دول وكذلك الحكومات والانقلابات!!! كل القوانين والشرائع والمواثيق الدولية تقر بمحاربة الاستعمار والاحتلال ومقاومته وايضا الاعراف والاخلاق والرجولة وماشاكل مصر ليست شقيقة!!!!!!!!!!!!!!!!!!!!!!!!!!!!!!!!!!!!!! مصر مصدر الخطر الاول علينا كسودانيين ومصر تتآمر على وجودنا!!!!!!1(قلتو شنو؟) لو في زول معترض على المبادئ دي يرفع اصبعو عشان نناقشه بهدوء شديد بعد المبادئ الكلام حالات الاستقطاب الحاد التي تعانيها الاحزاب التقليدية في السودان تثير عواصف ترابية وتمنع الرؤية لكني اقول ان حزب الامة كان شجاعا بخروجه في تلك المظاهرة فتلك الزيارة كانت ستكون مفصلية في تاريخ السودان لولا ايقافها من قبل فصيل سوداني وطني دفع ثمن ذلك من دماء ابنائه حزب الامة عنيف حزب الامة شرس ده كلام تتم مناقشته لو كانت المظاهرة للاعتراض على شئ داخلي لكني هنا ارى حزب الامة مبدئي جدا ..... العنعنة ياود مخير تشمل كل شئ في السودان ولو لا مكي شبيكة عليه الرحمة لكنا من الامم القلائل التي تعتمد المشافهة في نقل تاريخها وهذه العنعنه تشمل كل شئ بالمطلق في السودان و كذلك التهويل يشمل اي شئ في السودان لكن عندما نقرأ في السياقات جيدا نستطيع أن نخرج بثوابت تاريخية تقارب اليقين فمحاولات التأريخ تخضع لغربلات وتمحيص ومقاييس اكاديمية غاية في الصرامة لكنها اكثر انصافا من الاستقطابات السياسية واهؤاها المميلة (بضم الميم الاولى) عمنا فتحي اسمعنا مرة ياعزيز محمد نجيب عندما يأتي السودان حاملا اجندة مصرية لامرحبا به ولن يشفع له اي شئ ومسألة الاتحاد اصلا اوكلت له للاستفادة من علاقته بالسودان وكأننا اغبياء وسذج وفرحين كونه تكرم وعاش في السودان! وعاش في السودان دي عايزين فيها حسه ايجار من ورثته (وانا ماعافية ليهو من نصيبي) بعدين كيف مصر اشترطت ياعم فتحي؟ فاقد الشئ لايعطيه مصر كان اول تكون بلد حر بعدين تشترط !! السودان نال استقلاله لانه شعب لايمكن احتلاله ولانه ناضل مش لانه مصر اشترطت وهي بلد غير سيد كيف يكون عندها كلمة وهي بلد محتل السودان نال استقلاله بلا مساندة مصرية ومصر ان كانت تساند السودان فلماذا غزته اصلا ؟ ولماذا اهانو قومه وشنت عليهم حملات انتقامية ........ولماذا اخذت مصر قطن وذهب "وعبيد" السودان؟ مصر تاريخيا كانت ناهبة لثروات السودان والآن مصر تنهب النيل وتعطي السودان 19% فقط من مياهه وترفض تعديل اتفاقية سنة تسعتاشر !!!! ومصر الآن تنهب خيرات السودان الزراعية بتوقيع اتفاقيات لم يستفت فيها الشعب السوداني!!!!ومصر عادت الآن للسودان عشان تستثمر في اراضيه وتلاحقنا في ال19% زاتها ! ومصر قبل كل شئ سارقة تاريخنا لانه علماء الحفريات يعتقدون أن بناة الاهرمات كانوا في الاول سودانيين ثم سرقوا هم الوصفة ونابحننا !!قال اهرامات قال !!!! مصر ياعم فتحي تحتل الآن حلايب.......قطعة من ارضنا وشرفنا ياعم فتحي بتقول انه مصر والسودان كانو مستعمرين من الانجليز؟ مصر شاركت الانجليز في احتلال السودان والكثيرين لن يسامحوا في ذلك طيب ماقولك في المطامع التاريخية لمصر في السودان انا احترم وجودك وخيارك في العيش بمصر بل ومن حقك ان تعيش هناك عارف ليه؟ لانه خير اكتافهم مننا ولانهم سارقين مويتنا ولانهم طمعانين في بترولنا ولانهم بيذبحوا في السودانيين طالبي اللجوء لتصفية خصومات معنا لاننا شعب يعشق الحرية عش هناك سعيدا فأنت تصرف عليهم لانك من السودان وكاسر عينهم لانه لولا السودان لماتت مصر عطشا وجوعا عارف ياعم فتحي وأنا بتأمل كده جاني خاطر لذيذ انه مصر على تاريخها الذي يحكون عنه لم تعرف ولاحكومة ديمقراطية واحدة!!!!!!!من ناس الاسرة صفر ولي حسه احتلال يديهم احتلال ودكتاتورية تديهم اختها واللهم شماته كااااااااااااااااااااااااااااااااااااااااااااااااا اااااااااااااااااااااااااااااااااااااااااااااملة وده بوست يودي في داهية عليكم تمام اللعنة...........انتو مجانين ...... سياسة .سياسة.سياسة مافي جمال مافي فن مافي رومانسية!!!! كده اشوف واحد تاني يقول امة ولامصر ولااستعمار ولا 28 :D |
اقتباس:
والحالة دي كنت حاضر مارس 54 ؟؟!!! اقتباس:
لومك بي اردم ليك المنبر ده كلو خرسانة :D:D:D:D |
هيييييييييييييييييييييييييييييي يامحمد حسن العمدة
شيل حربتك دي واطلع بره من المنبر لوبقت شغل خرسانات وحراب اخير ناس امير شعراني وكده;) |
اقتباس:
عليك الله شوف لينا لينا ربنا يا بنيتي يحفظ ليك عقلك ويبارك ليك في فهمك |
[frame="7 80"]http://sudanyat.org/vb/imgcache/40.imgcache.jpg
يتوكأ على عصا غليظة، اصبحت له رجلاً ثالثة، بعد ان وهن العظم واشتعل الرأس شيبا، (92) عاما تآمرت على عنفوان البطل عبد الرحمن احمد الزين، احد قادة احداث مارس 1954م؛ تلك المظاهرة المشهورة التى سيرها انصار حزب الأمة نكاية فى قدوم الرئيس محمد نجيب الذى قيل وقتها انه يتأبط مشروعا لوحدة السودان مع مصر، والبطل عبد الرحمن كان والده من اقرب ثلاثة رجال الى قلب السيد عبد الرحمن المهدي المفطور فى الوطن واستقلاله، وقد قال فيهم: (ثلاثة بريدن كان رادونى بريدن وكان ما رادونى بريدن) وهم عبد الله ود جاد الله (كسار قلم مكميك) والأمير ود نوباوى وأحمد الزين -والد عبد الرحمن- الذى كان خزنة مونة الأنصار بعد احداث الشكابة وقتل أولاد المهدي باستثناء السيد عبد الرحمن الذى كان أصغرهم سنا.[/frame] |
[frame="7 80"]http://sudanyat.org/vb/imgcache/41.imgcache.jpg[/frame]
|
[align=right]تسلم يا أمير ..[/align]
[align=right]حكاياتك أعتبرها من أجمل مايتم طرحه فى هذا المنبر .. عارف ليه .. لأنها قاعد تنفض غبار كتير متراكم على الحاجات .. وبتذكر الناس بى العايزين ينسوهو وما مفروض ينسوهو .. وتخلى الكلام يمرق من جوة الناس براهو بى صاحو وغلطو .. وحرّوا ..و حريرو .. والعبرة كلها فى المداخلات الثرة الحصلت فى البوست ده من بعدك .. شفت يا شعرانى العلال والكتاحة القاعد تسويها حكاياتك .. :):):rolleyes: يا خ الله يديك العافية ومسجلين حضور فى كل الحكايات ..[/align] [align=right]تخريمة : قلت لى عمنا قال ليك الخواجة ضبحوهو كيفن ..؟! :rolleyes::rolleyes: [/align] |
اها يا الحبيب بابكر--رايك شنو فى الكلام دا و ما تنسى نحنا برضنا انصار بالوراثة-- وجدى فرح حارب فى حملة ود النجومى واستعاد حبوبات بطون الرباطاب من الأسر---
أنا شوقي بدري أنصاري بالنشئة والتربية نشأنا وكل ما حولنا ينطق بالأنصارية والآن وأنا لست بالشيوعي أقول بملء فمي أن الشيوعيين يعدوا في مجموعة شرفاء السودان لهم حسناتهم وغلطاتهم مثل الآخرين واجهوا كل الوقت ولا يزالوا يواجهون اقسي التحديات . لا يصير الإنسان شيوعيا إلا إذا قرر أن يطلق الراحة والدعة وراحة البال (والترطيب) . المتوقع من الشيوعي أن يضحي وان يكون متجردا وان يتقبل النقد ويمارس النقد الذاتي من المؤكد أن كثير من الشيوعيين يشتطون ويحتدون في عداوتهم لان المخاطر والمواجهات التي يواجهونها يوما خاصة في أيام العمل السري تتطلب مقدرة عالية من الانضباط والالتزام والتضحية . وعندما يتقاعس البعض او يغير جلده يكون رد الفعل قويا وأكون كاذبا إذا قلت أنهم لا يمارسون اغتيال الشخصية والتجريم والتجريح ككل قطاعات المجتمع السوداني. المؤلم جدا أن الجميع مطالبين بمقاطعة ومعادات الشخص المجمد أو المحارب ولكن هذا ليس برنامج الحزب وهدفه في الحياة . فعندما يقررون تطبيق الشريعة الإسلامية لا يفكر الناس إلا في الحد والقطع والجلد والسجن والتعذير . الشيوعيون والذين هم مدرسة مهمة من مدارس الاشتراكية يدعون إلي العدالة الاجتماعية والوقوف مع حقوق المرأة والقضاء علي الظلم والتفرقة العنصرية والشوفينية ،وكل ما هو جميل ، أوروبا التي تقف الآن أمام أميركا وستكون القوة المخلصة من السيطرة الأميركية تحكمها الأنظمة الاشتراكية . والكلام علي أن الاشتراكية قد انتهت هذا كلام خاطئ فالاشتراكية تكسب وستكسب كل يوم وهاهي لاتين أميركا قد كسرت أغلالها . وصار مونرو دوكترين في حكم المنتهي . وهذا خط سياسي استراتيجي رسم بعد الحرب العالمية الثانية جعل لاتن اميركا منطقة نفوز امريكي لا ينازعوا عليها. لقد كثر الهجوم مؤخرا علي الحزب الشيوعي السوداني وممارسة الشيوعيون لاغتيال الشخصية نعم لقد حدثت تجاوزات بخصوص اغتيال الشخصية . ولكن ليس هذا خط سياسي شيوعي يدرس في مدرسة الكادر . اذا كان الشيوعيون قد مارسو قتل الشخصية فقد مارس حزب الامة قتل البشر . لقد اعتدي علي الأستاذ عبد الله رجب رئيس تحرير وصاحب جريدة الصحافة وهو العصامي الذي علم نفسه, و تعلم الانجليزية بنفسه ومترجم وثيقة حقوق للعربية وخلق مصطلح أهلنا الغبش، ومحمد احمد دافع الضرائب وسمي الأبيض عروس الرمال وعندما لم يرعوي تقرر قتله وهاجمه تيم كامل من أشداء حزب الأمة بقيادة صديقي البناء ياء الدين (ود فاطنة) وتركوه لأنهم حسبوا انه قد مات وذهب (الدين) للسجن بتهمة الشروع ف القتل السبب أن الأستاذ عبد الله رجب أورد اسم الصديق المهدي الصديق أفندي عبد الرحمن المهدي وهذا هو اللقب الرسمي لكل من تخرج من كلية غردون . وزعم أن وصف حفيد المهدي بالأفندي إساءة . صديقي الدين كان من سكان ود نوباوي لا يصلي ولا يمارس أي شعائر دينية ويرتكب كل موبقات الأرض. في بداية سنة 1963 تعرض العالم المعروف السراج زوج والدة الصادق المهدي لعملية قتل بشعة فلقد قطع إلي قطع صغيرة وهو لا يزال علي قيد الحياة ولقد سمعت من الدين انه يعرف أولاد الأنصار الذين قطعوه وان الشيخ السراج يستحق القتل وأكثر لأنه تطاول علي أهل المهدي. في سنة 1956 اعترض المحامي شمس الدين عبد الله بدوي علي احد قرارات الهادي المهدي او في الحقيقة لم يبدي رضائه التام فاحل والده العم عبد الله بدوي دمه فهرب المحامي شمس الدين من الجزيرة ابا وعاش منبوذا خائفا طيلة حياته . احد أبناء الغرب واسمه كلول لم يقبل يد احد أبناء المهدي فسمع والده واحل دمه لقد أتي حزب الأمة بجموع الأنصار عدة مرات إلي الخرطوم في 1954 الأول من مارس وقتل رجال البوليس وكثير من الأبرياء احدهم ميرغني عثمان صالح لأنه كان لابسا أفرنجي وعندما صرخ أخيه بعد ذبحه ده أنصاري كان الرد إلي جنة الخلد وعندما طالب الوزير ميرغني حمزة من أزهري أن يقدم الصديق المهدي إلي المحاكمة هلع الأزهري وقال له أنت جنيت؟ وقدم آخرين منهم الأمير نقد الله الرجل الشجاع وتقبل الحكم بشجاعة ثم الغي الحكم بعد الاستقلال وصار وزيرا للدفاع ووزيرا للداخلية . الفيتوري الذي لا يزال عائشا كتب قصيدة لم تعجب رجال حزب الامة فبعثوا بأشداء حزب الأمة وكان الفيتوري قد هرب من الجريدة وتدخل السر قدور الأنصاري زميل وصديق الشاعر الفيتوري المعروف واتصل السر قدور بالفيتوري قائلا الناس ديل حا يكتلوك . تسوي ليك قصيدة سمحة تشكر فيها الأنصار وبعد يومين ننشرت قصيدة في نفس مكان القصيدة الأولي تمجد الأنصار . افيتوري ولسر قدور لا يزلا عائشان . وكما ذكر الفيتوري في مقابلة تلفزيونية قبل سنتين أن الصادق المهدي قال له أنا لو ما كنت راجل ديمقراطي كنت أرسلت ليك ناس دقوك الإنقاذ ذاهبة إذا أردنا ديمقراطية يجب علي كل حزب أن يلتفت إلي أخطاءه قبل أخطاء الآخري . |
اقتباس:
يازول هو الشي كتير لكن النقول 1 - الجمل ما بشوف عوجة رقبتو 2 - دس كروك خليني الننبز بت أم كرو خلينا نبدا صفحة جديدة ونشوف لينا مخارجة من اولاد ال........ ديلا وبعدين نمضى إتفاق الدفاع عن اليمقراطية، نسخة (أي حتة بس ما مدني، ما داك ترطشق) |
يا حسن فرح
سلام الفرق فرق السماء والارض بين الحوار الاجراه امير الشعراني والعم عبد الرحمن وبين قصص شوقي بدري .. امير ياهو ده عايش وعمنا وجدنا عبد الرحمن ياهو ده عايش وربنا يمد في ايامو وينعموا بالصحة والعافية يعني لو اي زول عاوز يتحقق من الكلام ده يشيل شريط الكاسيت بتاعو ويمشي يقابل عمنا وجدنا عبد الرحمن ... لكن شوقي بدري بيكتب عن عن ناس انتقلوا للدار الاخرة ولا يمكن التحقق من كتاباته خاصة في وجود كتابات اخرى تنفي بالحجة كل مزاعم واباطيل شوقي بدري يعني انتي حسع ممكن تمشي وتقابل عمنا وتسمع منو مباشرة الدين بتاع شوقي بدري ده تلقى وين ؟؟ تم تعديل ما لا يليق الأمين العام لمنتدى سودانيات بالانابة |
كتب ود العمدة:
لكن شوقي بدري بيكتب عن عن ناس انتقلوا للدار الاخرة ولا يمكن التحقق من كتاباته خاصة في وجود كتابات اخرى تنفي بالحجة كل مزاعم واباطيل شوقي بدري يعني انتي حسع ممكن تمشي وتقابل عمنا وتسمع منو مباشرة الدين بتاع شوقي بدري ده تلقى وين ؟؟ بعدين ياخ البكتبو شوقي بدري ده ما تاريخ دي قلة ادب وخوض في عرض الناس ونسبهم وتستوجب الضرب شرعا لانها خوض في العرض فهمت يا اخ ؟ هذا فراق بيني وبينك ويبدو انني كنت أنفخ في قربة مقطوعة:( ويبدو ان هدفك كان يتلخص في استغلال الفرصة للاساءة لشوقي بدري ولو كنت تقف أمام شوقي بدري لما تجرأت لقول كلمة واحدة من ما كتبته عنه هنا وقلة الأدب هو ما أوردته أنت ولعلمك شوقي بدري مؤدب أكثر من كل حزب الأمة بما فيهم زعماء الأنصار وعلي رأسهم الصادق المهدي وشوقي بدري مكانو معلوم أمشوا أضربوهو لو فيكم راجل بيقدر وردي دا مفروض تفهم منو انو قلة الأدب ما بتجيب غير قلة أدب وثق تماما ان شوقي بدري لن يرد عليك لأنك أقل شأنا من أن تستحق الرد عليك وأنا أعلم تماما اسلوبك العاجز في الاساءة لمن هم بعيدين عنك ولن أبرد لك بطنك بالرد عليك مهما كتبت وان كان هناك عقلاء في حزب الأمة لصدر أمر بمنعك من الكتابة باسم الحزب حتي لا تتسبب في اساءات هم في غني عنها.. |
اقتباس:
لك التحايا أهلنا الأنصار ما علمونا إلا قولة الحق وحسي الحبيب بس داير أقول ليك وما محاباة لي شوقي وإتا بتكون بتعرف أني بتصدى ليهو في كتير من الأحيان. يا الحبيب إن كان شوقي ولا حتى (على قولة حبيبنا سيد صادق) ما خوس، كذب ولا لفق... كلامك ما الياهو،،، ما قولن بيقولو لسان أنصاري ... (لست تشككا في أنصاريتك ولكن لحبي لك وللأنصار أن المقدمة والريادة هي لهم ولك، ملكٌ لك ولهم) الحبيب إحنا أنصار الله أحباء المهدي، ربنا حبانا بصفات كتيرة وما وضع الله فينا هذه الخصال، إلا ليتعلم الناس منها. الحلم، عفة اللسان، الصدق في القول، العطاء حتى الإستشهاد والكثير الكثير. ليتك الحبيب تخرجنا من مأزقنا هذا، إما بقول أو بفعل أنت حبيب وشوقي حبيب، يشفع له دوماً تأكيده على أنصاريته والتي لا يستطيع شخص حجبها عنه أو نزعها منه، إن أخطاء فعلينا أن نناصحه،،،، "أنصر أخاك ظالما بالمناصحة ومظلوما برد الظلم عنه" لك المودة وبالغ المحبة ولشوقي التحايا والمودة وبالغ المحبة. خوفي أن يقودنا هذا الي حديث يتبادل، يخلق فجوة داخل سودانيات، تؤدي الي رد ورد أخر الي أن تصل حد المهاترات وهذه أنت أول من يترفع عنها دمت الحبيب |
| الساعة الآن 01:01 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.