سودانيات .. تواصل ومحبة

صفحة 2 من 2

عرض 40 مشاركات من هذا الموضوع لكل صفحة

سودانيات .. تواصل ومحبة (http://www.sudanyat.org/vb/index.php)

- منتـــــــــدى الحـــــوار (http://www.sudanyat.org/vb/forumdisplay.php?f=2)

- - الأمر مُعقد (http://www.sudanyat.org/vb/showthread.php?t=26379)

رأفت ميلاد

09-01-2013 09:24 AM

أنتو عزام ده بتاورو العرق ولّ شنو :D:D

ماريل

09-01-2013 09:25 AM

اقتباس:

المشاركة الأصلية كتبت بواسطة زول الله (المشاركة 510223)

اولاً احييك على "النجاضة" دي تحية كبيرة:D

دايرين تنجضونا وتبقوا مارقيين لا اقبل لا اخضع لا تفاوض لا تصالح ولو منحونا الذهب:p

بعدين ياخ انا ماوجدي - والله فعلاً الشغلة شكلها بتعمي العيون التي في الوجوه:D

لا ياخ انا طبعا عارفاك زول الله والدليل خطابى ليك ب(يا فنان)بس قصدت انبه وجدى
للبعد الانسانى المفروض يكون جزء من حوارى معاهو وقع ليك

ثم انو "سوابق" دي يعني كان زمان ما هسه - الهوا بقوم يابتنا

برضو ما فهمت سوابق دى يا فنان افصح بالله اختك فى الزنقات الزى دى مخها بربط
وتتعدد الروئ شفت بالله تتعدد جات حشرتها ليك كيف ...

واصلي ف انا مستمتع جداً بحوارك هنا بإعتبارك "عميل محتمل"

* للعملية دي وكدا:) *بإعتبار كل النساء احتمال يدبلو فيهن وارد اقول قولي هذا واستغفر الله لي...................

عميل محتمل انا يا فنان؟؟ بِتفوِل على حسبى اللللللللللللللللللللللللله ونعم الوكيل فيك:D:D

ماريل

09-01-2013 09:33 AM

اقتباس:

المشاركة الأصلية كتبت بواسطة وجدي الأسعد الأسعد (المشاركة 510225)

لانو المرة مرفوع عنها اللوم ^_^

لا اعتبر ده رد لكن بقبلو على مضض واواصل معاك

بعدين النحدثك مسالة التعدد هو (خيار) زي ما انتي بترفضيه رفض بات في غيرك متصالحه معاهو وموافقة عليهو

انا نوهائيا لم اتحدث باسم اخريات دى رائ انا ماريل دى فقط رغم انى ما ادس عليك بشوف
انو المرأة البتقبل بالتعدد غير واعية لحقها الانسانى واذا جاتنى فرصة لنقاش التعدد ما بضيعا
لانو محتمل افتح عين نساء اخريات لا افرض رائ عليهن ولن اقبل التعدد لى انا....

بالظبط زي ما عزام عاوز يتزوج رابعة وزول الله ما عاوز يدبل كلها خيارات واي زول حسب خيارتو عشان كدة يا ماريل احفظي تقدميتك وجندريتك الفارغة ومقدودة دي* *عارفك ح تجي تقولي لي كيف تقول عليها فارغة ومقدودة وح اجي اقول ليك لانو جندريتك دي هي في الاصل احتكار لاراء نسوان اخريات ما عاجبن الرضاعة من شطر الجندرية الميت دا

عندى رغبة اخيب ظنك واتجاوز مسالة فارغة ومقدودة دى...

أسعد	09-01-2013 10:02 AM

اقتباس:

انا نوهائيا لم اتحدث باسم اخريات دى رائ انا ماريل دى فقط رغم انى ما ادس عليك بشوف انو المرأة البتقبل بالتعدد غير واعية لحقها الانسانى واذا جاتنى فرصة لنقاش التعدد ما بضيعا لانو محتمل افتح عين نساء اخريات لا افرض رائ عليهن ولن اقبل التعدد لى انا....

يا ماريل الحقوق دي حاجة نسبية واولوياتها بتختلف من زول للتاني
لكن يظل معيارها الوحيد هو السعادة
اها اسي لو اتعمل استبيان بين المتزوجات
قطع شك النسوان المتزوجات بتعددية بكونن اكثر سعادة من النسوان المتزوجات (باستفراد)

azzam_farah

09-01-2013 10:18 AM

يَـزْني الزُنـاةِ -ويْلهُم- ولا يُلْفظوا، ومن تدثر بالتعدُدِ لمِزوه وباتوا تعجبوا!

ماريل

09-01-2013 10:34 AM

اقتباس:

المشاركة الأصلية كتبت بواسطة azzam_farah (المشاركة 510234)

يَـزْني الزُنـاةِ -ويْلهُم- ولا يُلْفظوا، ومن تدثر بالتعدُدِ لمِزوه وباتوا تعجبوا!

يا سيد شايفاك كررت الجملة دى مرتيين فى متن الخيط ده خليتنى اتحسس قلبى ياخ
مافى همز ولا لمز نحن بنناقش فى التعددية كقضية ولم يتعرض شخص لشخصك
الكريم مع انو يا عزام انت فتحت الموضوع بشئ شخصى يخصك انت ده الا وهو
موضوع زواجك الثالث والرغبة فى الرابعة يعنى ممكن هسه يجيك زول ويناقش قضيتك
منفصلة عن التعدد بشكل عام لانك طرحك وضعك فى منبر حوار يبقى بقيت قضية
نقاش...انا شخصيا تحسبا للحساسية والخلط بين نقاش التعدد بصورة عامة ونقاش
عزام كحالة خاصة تم طرحها من قبل صاحبها استاذنتك فى النقاش وانت وافقت وقلت
ليك طالما انت عرضت حالتك برضو ح اهبش عليها وانت وافقت ....

ماريل

09-01-2013 10:45 AM

اقتباس:

المشاركة الأصلية كتبت بواسطة وجدي الأسعد الأسعد (المشاركة 510231)

يا ماريل الحقوق دي حاجة نسبية واولوياتها بتختلف من زول للتاني
لكن يظل معيارها الوحيد هو السعادة

اتفق معاك اتفاق كامل فى الجزئية دى..طيب انا كامرأة يا وجدى احس بمكنونات المرأة
اكثر منك وافهم طبيعتها وعاطفتها اكتر منك وبقول ليك سعادة المرأة تكمن فى الاشباع
العاطفى وان جوعها للعاطفة يظل فى تنامى لذلك يا وجدى الحب الذى يمنحه الرجل للمرأة
(الزوج هنا مثال)هو اكبر سعادة للمرأة عليه الرجل الذى اتقاسم حبه مع اخرى لا يسعدنى
وان قبلت بعض النساء بتقاسم رجل مع امرأة اخرى فده ما معناهو ده الوضع الافضل بالنسبة
ليها لكنها تقبل وفق لظروف كتيرة محيطة بيها والامثلة على الظروف دى كتيرة....

اها اسي لو اتعمل استبيان بين المتزوجات
قطع شك النسوان المتزوجات بتعددية بكونن اكثر سعادة من النسوان المتزوجات (باستفراد)

تعالى ورينى قطعت شكك ده بناء على شنو يا سيدى

عايزة اسالك سؤال رايك شنو فى المجتمع الامومى ؟؟؟

azzam_farah

09-01-2013 10:48 AM

لا تفْعل فإني أراك عاقِلٌ.. لا تخرُج قبْل أن تُخْرَج.. فإن تم إخْراجُك أُعِنْت وإلا فإن لك ضنْكِ المعيشة وعنتِها.. لا تفْعل، فقد تم إخراجي وما أنا بِبطلٍ أو كُنْت ويْح أمي بِشهيد.. إني يا سَيِدي قد أُسِرْت وهل لأسيرٌ رأي.. لا حيلهٌ لي معها إلا أدْمُعي، علها تنظُرني ولا بأس علي بِقَيْدِها وخِمود ذِكْري، فلا يُفيد تحريرُ قَيْدٍ عبْدٌ ذليل

azzam_farah

09-01-2013 10:52 AM

ماريل

اقتباس:

إذا لم أُعنْوِن مُداخلتي بإسم، فهي مُداخلة تُكمِل ما أُريد أن أطرحه.. أنا لا أتحسس مِن نص طرحته في مُنْتدى عام.. ولم أخُص أحد بِعَيْنهِ فيما أشرت إليهِ

اقتباس:

يَـزْني الزُنـاةِ -ويْلهُم- ولا يُلْفظوا، ومن تدثر بالتعدُدِ لمِزوه وباتوا تعجبوا!

أبوبكر عباس

09-01-2013 10:56 AM

اقتباس:

الأمر مُعقد

إذا أباح الله أمر مِثل إباحتهِ للتعدد < ... انكِحُواْ مَا طَابَ لَكُم مِّنَ النِّسَاء مَثْنَى وَثُلاثَ وَرُبَاعَ..
عزام

هذه الجزء من الآية؛ لشرط موجود في بداية الآية، انت تجاهلته عمدا؛ حتى تبيح التعدد بشكل مطلق
شرط الآية بقول: وَإِنْ خِفْتُمْ أَلاَّ تُقْسِطُوا فِي اليَتَامَى
جواب الشرط بقول: فَانكِحُوا مَا طَابَ لَكُم مِّنَ النِّسَاءِ مَثْنَى وَثُلاثَ وَرُبَاعَ

أي تعدد يخالف الشرط دا؛ ليس له ما يبرره من القرآن

وفي رأيي: التعدد الحالي هو زواج عرفي أكثر منه ديني.
سلام لعزام، وللصائغ وكيشو القادمين

كيشو	09-01-2013 11:15 AM

اقتباس:

المشاركة الأصلية كتبت بواسطة بابكر عباس (المشاركة 510247)

اقتباس:

سلام لعزام، وللصائغ وكيشو القادمين

ياخ انا جيت زمان، إتا الما جايب خبر :)
تفتكر حأقول شنو؟

أحمد طه

09-01-2013 11:18 AM

لو كان مفهوم الآية ( ولن تستطيعوا أن تعدلوا بين النساء ولو حرصتم فلا تميلوا كل الميل فتذروها كالمعلقة وإن تصلحوا وتتقوا فإن الله كان غفورا رحيما) هو عدم الترغيب في تعدد الزوجات لما فعل ذلك كبار الصحابة و التابعين ، و للتذكير فقط إليكم أسماء زوجات كبار الصحابة

أبو بكر الصديق : قتيلة بنت سعد ، أم رومان ، أسماء بنت عميس ، حبيبة بنت خارجة

عمر بن الخطاب : زينب بني مظعون ، جميلة بنت ثابت ، عاتكة بنت زيد بي عمرو
أم كلثوم بنت علي بن أبي طالب

عثمان بن عفان : ( بعد رقية و أم كلثوم بنتا رسول الله صلى الله عليه و سلم) تزوج
فاختة بنت غزوان ، أم عمرو بنت جندب ، فاطمة بنت الوليد بن عبد شمس ، أم البنين بنت عيينة بن حصن ، رملة بنت شيبة بن ربيعة ، نائلة بنت الفرافصة الكلبية ،

علي بن أبي طالب : فاطمة الزهراء ، فاطمة بنت حزام الكلابية ، ليلى بنت مسعود التميمية ، أسماء بنت عميس ، أم حبيبة بنت زمعة ، أم سعيد بنت عروة الثقفية ، ابنة امرؤ القيس بن عدي الكلبية ، أمامة بنت أبي العاص بن الربيع ، خولة بنت جعفر بن قيس ..

فيا عزام ياخوي إنت فعلت عين الصواب ، و نسأل الله أن يرزقنا مثلك بثانية ثم ثالثة ثم رابعة

التحايا

ماريل

09-01-2013 11:22 AM

اقتباس:

المشاركة الأصلية كتبت بواسطة بابكر عباس (المشاركة 510247)

وفي رأيي: التعدد الحالي هو زواج عرفي أكثر منه ديني.
سلام لعزام، وللصائغ وكيشو القادمين

كيف يعنى عرفى اكتر منه دينى؟؟
العرفى هو ما تعارف عليه الناس لكن الدينى هو ما يخضع لمرجعية شرعية
وده بالضبط البحصل فى التعدد ...زواج شرعى بكل اركانه الشئ الوحيد الممكن
يقع فيهو الزوج هو عدم العدل وهنا ببقى المسالة حساب وعقاب على جريمة
الظلم او عدم العدل بين نسائه لكن عرفى دى لا اعتقد فيها هو زواج شرعى

كيشو	09-01-2013 11:24 AM

اقتباس:

المشاركة الأصلية كتبت بواسطة أحمد طه (المشاركة 510250)

سلام يا أحمد طه
وشكراً على المعلومات القيمة
لكين يا خوي ماك خايف تطلع بعاتي؟ :p

ماريل

09-01-2013 11:25 AM

اقتباس:

المشاركة الأصلية كتبت بواسطة أحمد طه (المشاركة 510250)

يا افوكاتو صباحاتو ياخ
الصحابة يا سيدى قبل الاسلام كانو بتزوجوا بلا عدد وفوق داك يتمتعوا بامائهم
اها يا سيدى الاسلام جاء قال اربعة بس... قاموا قالو(الكحة ولا صمة الخشم)
ورضوا بالاربعة وبقوا شغاليين تعدد تعدد تعدد....
غفر الله لهم ان (مالوا) ولنا ان (تطاولنا)

أبوبكر عباس

09-01-2013 11:26 AM

خلينا يا أحمد طه من قصة العدل بينهن بعد الزواج، ألقى لينا مخرج للشرط الموجود في أول الآية: "وَإِنْ خِفْتُمْ أَلاَّ تُقْسِطُوا فِي اليَتَامَى" ومثلوا لينا (الشرط) بأي تفسير ترغب به في التعدد الحالي.

ماريل

09-01-2013 11:32 AM

اقتباس:

المشاركة الأصلية كتبت بواسطة بابكر عباس (المشاركة 510247)

الاية هنا بتكللم عن حالة خاصة جدن وهى اليتيمة التى فى رعايتك فقط
والقسط هو باعطائها حقها كاملا من مهر وكذا والمعنى ان خفت من عدم
العدل فيها فزوجها لغيرك وتزوج غيرها مما طاب لك...
يا ريت مزيدا من الشرح حول النقطة دى لانو ده بحر انا ما من عُوامو

أبوبكر عباس

09-01-2013 11:44 AM

اقتباس:

المشاركة الأصلية كتبت بواسطة ماريل (المشاركة 510256)

هذا التفسير للآية غير صحيح ومدغمس ومكلفت.
شنو العلاقة ب: لو عندك يتيمة وما داير تديها مهرها كامل؛ امشي انكح غيرها؟
التفسير الصحيح هو ما قاله محمد شحرور:
لو ضميت ليك يتامى بأمهم وعندك وصاية على أموالهم وخفت من عدم العدل، تزوج بأمهم وخلي الحال واحد وأصرف عليهم كأولادك.

أحمد طه

09-01-2013 11:47 AM

اقتباس:

المشاركة الأصلية كتبت بواسطة بابكر عباس (المشاركة 510255)

بابكر أنا ما بقدر ألاويك ، لكن هاك المقتبس دا فهو شاف و كاف

اقتباس:

أرجو تفسير قول الحق تبارك وتعالى: وَإِنْ خِفْتُمْ أَلاَّ تُقْسِطُواْ فِي الْيَتَامَى فَانكِحُواْ مَا طَابَ لَكُم مِّنَ النِّسَاءالآية (3) سورة النساء.

معناها: أن الرجل يشرع له نكاح اليتيمة التي عنده إذا كانت مناسبة له, ويعطيها مهرها الواجب, وينكحها بالوجه الشرعي، كبنت عمه, وهي يتيمة عنده, أو بنت خاله اليتيمة, يعني: يشرع له يتزوجها إذا وافقت على ذلك، وعليه أن يعطيها المهر المعتاد وأن لا يظلمها، فإن خافا أن لا يقوم بالواجب وأن لا يقسط في حقها لأنها تحت يديه فليزوجها غيره، وليتزوج من سواها حتى لا يظلمها، إما أن يعطيها حقها كاملاً إذا رضيت به، وإما أن يزوجها غيره، ولا يتساهل يقول هذه يتيمتي ويكفيها نصف المهر لا ما يصلح، قد تستحي ولا تطلب، لكن ينصفها يعطيها حقها كاملاً، وإلا فليزوجها غيره، فإذا لم يتزوجها يلتمس سواها؛ النساء كثير، وله السعة في هذا إن شاء تزوج ثنتين إن شاء تزوج ثلاث إن شاء تزوج أربع، وهذه الآية تعطي أن نكاح الثنتين و.... أفضل؛ لأن الله قال: (فَانكِحُواْ مَا طَابَ لَكُم مِّنَ النِّسَاء) ما قال فانكحوا واحدة قال: (فَانكِحُواْ مَا طَابَ لَكُم مِّنَ النِّسَاء مَثْنَى وَثُلاَثَ وَرُبَاعَ) فدل على أنه يختار ويتأمل يتزوج ثنتين، يتزوج ثلاث يتزوج أربع؛ لأن في ذلك إعفافاً له، وإعفافاً لهن أيضاً، وفي ذلك –أيضاً- طلب الولد فإن وجود زوجتين أو ثلاث أو أربع في الغالب يكون أكثر للأولاد وأكثر للأمة، مع إعفافه نفسه ومع إعفافه هؤلاء النسوة ثنتين أو ثلاث أو أربع فيه مصالح كثيرة، يتزوج بثنتين أو ثلاث أو أربع فيه مصالح كثيرة، فلا ينبغي للمرأة العاقل، ما ينبغي للمؤمنة أن تأبى ذلك، ولا أن تكره ذلك، والحمد لله، إذا عدل فيها وأدى الواجب فالحمد لله، أما إذا جار وظلم لها حقاً أن تأبى، وأن تطلب العدل، ولهذا قال سبحانه: فَإِنْ خِفْتُمْ أَلاَّ تَعْدِلُواْ فَوَاحِدَةً (3) سورة النساء. إذا خاف أن لا يقوم بالواجب يكتفي بواحدة والحمد لله، إما إذا كان عنده قدرة في بدنه وفي ماله يستطيع أن يقوم بالثنتين أو بالثلاث أو بالأربع فالسنة له أن يعدد، وأن يصبر ويقوم بالواجب، كما فعله النبي -صلى الله عليه وسلم- فإنه عدد -عليه الصلاة والسلام- تزوج في المدينة تسعاً جمع بين تسع، وفي مكة خديجة وحدها ثم تزوج بعدها سودة وعائشة ثم في المدينة تزوج بقية نسائه, حتى بلغن تسعاً, والله يقول: لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ (21) سورة الأحزاب. لكن الأمة تقصر على أربع، الرسول -صلى الله عليه وسلم- قصر الأمة على أربع، وأمر من كانت عنده خامسة أو أكثر أن يفارق الزائدة، لمّا أسلموا أمرهم أن يمسكوا أربعاً وأن يفارقوا ما زاد على أربع، فاستقرت الشريعة على أن الرجل من الأمة له أن يجمع أربعاً فأقل، أما التسع فهذا خاصٌ بالنبي -عليه الصلاة والسلام- ليس للأمة، بل هذا من خصائص النبي -عليه الصلاة والسلام- وإذا خاف الرجل أن لا يعدل اكتفى بواحدة، وإذا تزوج ثنتين أو ثلاثاً أو أربع فالواجب عليه أن يعدل في القسمة والنفقة، وما يستطيع من العشرة الطيبة والكلام الطيب، وحسن البشر وطيب الكلام، يعدل في ذلك، أما المحبة فهذا إلى الله ليس في قدرته، أن تكون المحبة سواء وهكذا الجماع ليس في قدرته ذلك، فإن الجماع تبع المحبة وتبع الشهوة، فيجتهد في العدل مهما أمكن، ويعفو الله عما عجز عنه. في الحديث الصحيح يقول -صلى الله عليه وسلم- لما كان يقسم بين نساءه ويعدل- كان يقسم –صلى الله عليه وسلم- بين نسائه ويعدل ويقول: (اللهم هذا قسمي فيما أملك فلا تلمني فيما تملك ولا أملك) فالمؤمن يقسم ويعدل حسب الطاقة، يسوي بينهن في قسمته في وجهه وكلامه وبشره لهن ومعاشرتهن الطيبة، أما المحبة فهذا بيد الله ليس بيده هو، قد تكون هذه أحب من هذه، ولكن لا يجوز أن يحمله على الجور، وهكذا الشهوة قد يشتهي هذه في الجماع أكثر، فلا يضره هذا؛ لأن هذا ليس باختياره، وليس في قدرته، بل هذا يتبع المحبة والشهوة، إنما الواجب العدل في القسمة هذه ليلة وهذه لها ليلة, وهذه لها يوم, وهذه لها يوم، ينفق على هذه ما يليق بها وهذه ما يليق بها، وأولاده كلٌ على حسب حاله، هذه عندها ولدان هذه عندها ثلاث هذه عندها أربعة, هذه ثوبها طويل وهذه طويلة وهذه قصيرة، كل واحدة لها كفايتها وكفاية أولادها. جزاكم الله خيراً.

ماريل

09-01-2013 11:49 AM

اقتباس:

المشاركة الأصلية كتبت بواسطة azzam_farah (المشاركة 510216)

ماريل

بعد الرابِعة على المُتعفِف الصبر، وإذا إسْتقام الزمان وفُتِحت الفُتوحات، حُلِل لي ملْكُ اليمين دون عدد

لا حولتن الا بالله بعد التعدد جابت ليها انتظار للفتوحات وعودة الرق للتمتع بما شاء لك

قلبك اها يا عزام كان جات الفتوحات وعاد الرق وما وقعت فى زمرة الاسياد كما تتمنى يعنى

ممكن تقع فى زمرة الرقيق عندها تكون مرقت لا عنب شام لا بلح يمن ....

ــــــــــــــــــــــــــــــــــــــــــ الحب له أشكال عديدة.. أما شهوة الرِجال لا تُطفئ إلا بأُنثى قد رف لهُ قلبهُ، ولولا أن حَدَنا الله تعالى لحكمة يعلمُها هو جل وعلا لملأت مُحيطي بِهِن وتفيأت ظلهِن تعفُفًا

انا بس قلت ليك استصحب معاك ان للنساء قلب ايضا الجملة دى ما وقعت ليك وله شنو؟؟

أبوبكر عباس

09-01-2013 11:50 AM

اقتباس:

المشاركة الأصلية كتبت بواسطة ماريل (المشاركة 510252)

يا ماريل، أنا ما قلت كلامي ساكت!
قلت التعدد الديني مربوط بشرط في الآية، إذا لم يتحقق هذا الشرط (حسب قراءتي للآية) يصبح هذا الزواج ليس ديني وإنما زواج تعارف عليه الناس (عرفي) من توارثهم للفهم الغلط للآية

ماريل

09-01-2013 11:59 AM

اقتباس:

المشاركة الأصلية كتبت بواسطة بابكر عباس (المشاركة 510258)

هذا التفسير للآية غير صحيح ومدغمس ومكلفت. شنو العلاقة ب: لو عندك يتيمة وما داير تديها مهرها كامل؛ امشي انكح غيرها؟ التفسير الصحيح هو ما قاله محمد شحرور:.

انا قلت انو حالة خاصة وهى اليتيمة التحت رعايتك وانت جيت قلت اليتيمة التحت وصايتك
ما شايفا فرق انا ،كويس معاك
ثانيا نجى لكلام محمد شحرور( لو ضميت ليك يتامى بأمهم وعندك وصاية على أموالهم وخفت من عدم العدل، تزوج بأمهم وخلي الحال واحد وأصرف عليهم كأولادك)
عدم العدل فى شنو تحديدا يا بابكر؟؟وهل الزواج بامهم مثلا بخليك تعامل الايتام ديل كانهم ابناءك فقط لانك نزوجت امهم...
شوف انت اذا معاملتك كريمة ليهم ده ابدا ما مربوط بالزواج من امهم وعدموا ده مربوط بسلوكك العام فقط...

أبوبكر عباس

09-01-2013 12:03 PM

اقتباس:

المشاركة الأصلية كتبت بواسطة ماريل (المشاركة 510262)

العدل بجيبو تغيير وضع المرأة (الام) بعد السكون إليها؛ تصبح حكومة تتمتع بكامل الحقوق الدستورية في المال وهي أحرص على نزع حقوق أولادها اليتامى

ماريل

09-01-2013 12:05 PM

اقتباس:

المشاركة الأصلية كتبت بواسطة بابكر عباس (المشاركة 510261)

يا ماريل، أنا ما قلت كلامي ساكت! قلت التعدد الديني مربوط بشرط في الآية، إذا لم يتحقق هذا الشرط (حسب قراءتي للآية) يصبح هذا الزواج ليس ديني وإنما زواج تعارف عليه الناس (عرفي) من توارثهم للفهم الغلط للآية

شروط الزواج الشرعى معروفة ودى بتكون موجودة فى حالة التعدد الا اذا كنت عايز تقول
انو فى حالة التعدد هناك شرط اضافى اذا لم يتحقق تنتفى شرعية العقد كده بكون معاك

ماريل

09-01-2013 12:16 PM

اقتباس:

المشاركة الأصلية كتبت بواسطة بابكر عباس (المشاركة 510263)

فى حالة وفاة الاب ووجود الام الوصاية بتكون عن منو اصلا؟؟

ماريل

09-01-2013 12:22 PM

الوصاية بالله اتكلم لى عنها بفرعيها كويس عشان نفهم كلام محمد شحرور

أبوبكر عباس

09-01-2013 12:29 PM

اقتباس:

المشاركة الأصلية كتبت بواسطة أحمد طه (المشاركة 510259)

بابكر أنا ما بقدر ألاويك

يا احمد، في أربعة بالمنتدى دا، بحبهم وما بحب ألاويهم خالص؛ هم: انتا، تماضر، أميرة (أمهم) وفيصل سعد، لكن كمان مرات بلقاكم في نص شكلاتي مع الفريق الخصم، وأنا غلاطي دا، زي أولادي؛ أحبّ إليّ من نفسي.

أبوبكر عباس

09-01-2013 12:35 PM

اقتباس:

المشاركة الأصلية كتبت بواسطة ماريل (المشاركة 510265)

فى حالة وفاة الاب ووجود الام الوصاية بتكون عن منو اصلا؟؟

الكلام برمتو يا ماريل، تاريخي
بالتأكيد حاليا الوصاية للأم

توضيح لنقطة ليست لها علاقة بالإقتباس:
الزواج عندي مرجعيتو ممكن تكون:
- دينية
- أو إجتماعية (العرفي والبوي فريند)
- أو قانونية (زواج مدني)
وكلو بالنسبة لي شرعي

أبو دعد

09-01-2013 12:37 PM

و الشيعة عندهم مذهب يجمع الاعداد مثنى و ثلاث و رباع يعنى 2+3+4=9 اعتبروا الواو اضافة و ليس خيار هذا بالاضافة الى زواج المتعة

ماريل

09-01-2013 12:44 PM

اقتباس:

المشاركة الأصلية كتبت بواسطة بابكر عباس (المشاركة 510269)

الكلام برمتو يا ماريل، تاريخي
بالتأكيد حاليا الوصاية للأم

طيب يا بابكر اذا عرفنا انو الوصاية نوعيين:
وصاية نفس
وصاية مال
نحن هنا بعرض وصاية المال وهى عند الام كما تفضلت حضرتك بكون كلام محمد شحرور

( لو ضميت ليك يتامى بأمهم وعندك وصاية على أموالهم وخفت من عدم العدل، تزوج بأمهم وخلي الحال واحد وأصرف عليهم كأولادك)

ده ما تفسير الاية....

ماريل

09-01-2013 12:45 PM

اقتباس:

المشاركة الأصلية كتبت بواسطة أبو دعد (المشاركة 510270)

الرجال ديل عايزين يجلطونى عليه انا مارقة من هنا

ناصر يوسف

09-01-2013 02:04 PM

عزام فرح
كيفنك ياخ ومساكاقمي ياخ

أنا عن نفسي زول موحِد جداً

الله واحد والزوجة ياها وااااااااااااااحدة تكفي ياخ

والتركين حيثُ أنهُ أيضًا كذلك ،،،،،،،، وااااااااحد

شُفتَ كيف يا حَبَّوب ؟؟

حافظ حسين

09-01-2013 06:36 PM

اقتباس:

المشاركة الأصلية كتبت بواسطة بابكر عباس (المشاركة 510258)

هههههههههههههه
والله يا بابكر شرحك عجبني أكثر من شروحات ماريل و أحمد طه
لكن ما عارف حكاية عندك يتيمة ؟
حسيت زي انك قاعد في قيفة البحر, شهر 8 و الدنيا دميرة
و لافيها صاح
مع الحطب البجي من الصعيد
جات يتيمة شايلها البحر و اولادها راكبين في ضهرها
زي أولاد العقرب
هي بتكورك (يا ابو مروووووه)
و انت كزول عندك مروة زايدة طوالي وقعت البحر و طلعتها و قلت الله اداني يتيمة باولادها كمان.....
اها شويتين كدا اكتشفت انو اليتيمة دي مقندلة و الطمع لعب في عبك
قمت اتزوجتها و بقيت تصرف عليها و علي اولادها و علي اولادك من قروشها....

بكور يا صاحب و الله الواحد حاسي بحرج الجموع لكن الله غالب
غايتو بالصورة دي بنقع دين الراقي ود الراقية*
-------------------
* لو ما عرفت لا الراقي لا أمه شد السلك

أبوبكر عباس

09-01-2013 07:25 PM

كدي يا حافظ شوف التعددية عند شحرور

Hassan Farah

10-01-2013 05:46 AM

اقتباس:
المشاركة الأصلية كتبت بواسطة زول الله http://sudanyat.org/vb/images/buttons/viewpost.gif

السبب شنو انو المرأة دائماً مكفهرة الوجه لمن تجي السيرة دي؟ - ماريل نموذجاً
والغالب الاعم انهن انفسهن سبب كبير في التعدد او تطبيقها بأخرى
طبعا للعلم ياماريل لستُ من انصار التعدد رغم اني "سوابق"
لكن استغرب من هذا الأمر الذي ترفضنه جملاً وتفصيلاً حتى لومسبب

اقول قولي هذا واستغفر الله لي..................
-------------------------------------------------------------
انت اوعك تكون مخطط تسلك درب ابوك......انتظر لمن اكلم اختى حاجة نعيمة

يحي عثمان عيسي

10-01-2013 09:49 AM

اقتباس:
المشاركة الأصلية كتبت بواسطة رأفت ميلاد http://sudanyat.org/vb/images/buttons/viewpost.gif
أنتو عزام ده بتاورو العرق ولّ شنو :D:D

دي يا خواجه إسمها القوحه ولا صمة الخشم
انت اكيد سمعت بي نكته يا حليل الرجال البكسروا العناقريب
تحياتي العطرات عزام

azzam_farah

25-02-2013 07:18 AM

اقتباس:

حليل الرجال البكسروا العناقريب

لِذا قد جعلْت مِن الأرض فراشا

الساعة الآن 08:27 AM.

صفحة 2 من 2

عرض 40 مشاركات من هذا الموضوع لكل صفحة