سودانيات .. تواصل ومحبة - سؤال للجميع ، ما هي علاقتك بسودانيات

سودانيات .. تواصل ومحبة (http://www.sudanyat.org/vb/index.php)

- منتـــــــــدى الحـــــوار (http://www.sudanyat.org/vb/forumdisplay.php?f=2)

- - سؤال للجميع ، ما هي علاقتك بسودانيات (http://www.sudanyat.org/vb/showthread.php?t=62503)

اقتباس:

المشاركة الأصلية كتبت بواسطة ناصر يوسف (المشاركة 554246)

سؤال للجميع ، ما هي علاقتك بسودانيات ؟؟

و ماذا تعني لك سودانيات ؟؟

بدأت بدعوة من حافظ حسين.. إثر موقف عنصري في منتديات أخرى..
أتيت هنا في ٢٠١٠ وفي بالي منتدى..
لكن ما عشته هنا أوسع وأعمق من ذلك.. وجدت أخوة واخوات.. محبة وتواصل.. إبداع داخل وخارج المنتدى..
توسعت العلاقات لتشمل علاقات خارج إطار المنتدى للعلاقات الاجتماعية اليومية..
اذن سودانيات هي ساحة وعالم بيجمعنا بمختلف اعمارنا وتوجهاتنا الفكرية وبطلع مننا كل شيء جميل

اقتباس:

المشاركة الأصلية كتبت بواسطة حسين عبدالجليل (المشاركة 554307)

تحياتي أخ ناصر و لعلك طيب

سودانبات العزيزة تشبه لي حاجة اسمها "بيت الجمعية" وهو شيء ابتدعه آباءنا من نوبيين شمال السودان (حلفاوية , محس , دناقلة) الذين أغتربوا للسعودية وبالتحديد لمدينتي جدة و الرياض منذ الستينات .فتقريبا كل قرية من قراهم لاهلها بيت في جدة او الرياض اسمه بيت الجمعية .

أها بيت الجمعية دا من حق كل مغترب من اهالي القرية , واصحابهم و اصهارهم أن يسكن فيه متي شاء , يتركه متي شاء , يرجع له متي شاء , يساهم في مصاريفه اذا أراد , و لو ماساهم برضو يحق له يسكن فيه مجانا , وياكل وجباته فيه مجانا , و يشرب شايه مجانا . دفعت شيل (اسكن, أكل, أشرب) مادفعت برضو شيل .

يعني البيت بيتك , تدخل , تمرق , تسكن فيه دائما , تبيت فيه ليلة ليلتين . ترجع له بعد سنة , سنتين , علي كيفك , مافي زول بيسألك لانو البيت بيتك . هذه هي سودانيات بالنسبة لي .

سودانيات مثل بيت الجمعية الذي يمكن أن تقابل فيه من تستفيد و تتعلم منه أشياء كثيرة , ومن يستفيد منك , ومن يعكر مزاجك و من يصلحوا لك و يملئك بهجة .

هكذا سودانيات . أكتب فيها من حين لآخر عند اعتدال المزاج , وأكتفي بالقراءة أحيانا . في كل الاحوال وربما هذا من بركة أخونا العزيز خالد الحاج , أشعر بأني جزء من مالكي هذا الموقع .

ي سلام يا حسين،
فعلا سودانيات هي البيت الكبير،
بيتنا كلنا، ،

اقتباس:

المشاركة الأصلية كتبت بواسطة عابد عقيد (المشاركة 554590)

علاقة ارض ومطر
محبتي اهلي وعشيرتي

صدقت

متانة العلاقة بكامل الصدق هنا في سودانيات يا عابد

اقتباس:

المشاركة الأصلية كتبت بواسطة آخـر المواني (المشاركة 554622)

باس ويرد :p

الباس ويرد مفتاح القلب يا عثمان

اقتباس:

المشاركة الأصلية كتبت بواسطة اشرف السر (المشاركة 554692)

يا الله يا الله يا الله

اقتباس:

المشاركة الأصلية كتبت بواسطة عبدالمنعم الطيب حسن (المشاركة 554698)

ي سلام يا حسين،
فعلا سودانيات هي البيت الكبير،
بيتنا كلنا، ،

و تبقي سوح سودانيات هي حوش بيتنا الكبير الضامينا بهذه المحبة يا عبد المنعم

سودانيات البيت الكبير العشق النبيل

لسسسسسسسسسسة الكلام عن علاقتنا بسودانيات ما أنتهت

تحدثنا عن العلاقة العاطفية

ننتظر الحديث عن علاقات أخري

مساهمتك في رفد سودانيات بالمواضيع و المشاركات

مساهمتك في الحفاظ علي الموقع ( مادياً )

و الأخيرة دي طبعاً العمدة عكود ما بتعجبه

لازم تعجبك ،، أو ترتضي لينا النقاش فيها لأنو الأمانة التركها ليك الخال ود الحاج هي برضو أمانة في أعناقنا كلنا

عموماً أنتظر بوحكم في الجزئيتين ديل

اقتباس:

المشاركة الأصلية كتبت بواسطة ناصر يوسف (المشاركة 555156)

وينكم يا أهل سودانيات

لا زلت منتظر مداخلاتكم حول الجزئيتين الفوق ديل