العمدة عكود و كل الأحباب المتفاعلين هنا اول هام شكرا ليكم كلكم علي الوصفات العلاجية دي و كم احوجنا اليها

لكن يا عكود و يا الأحباب انا كزول ناااازح داخل السودان بقيت أقرأ و أضحك علي خيبتي من ناس كركم و ورق الشيا و الشنو شنو داك ماني خابرو

الموووووهم الواحد يقع الثوم القرض بس و الكممممدة بالرمدة

ههههههه

حفظكم الله جميعا و رعاكم

سلام ناصر،
ربنا يواليك بالعافية إن شاء الله.
الحاجات المذكورة دي كلها ممكن تلقاها في العطارات.
لو في وصفة إنت محتاجها أنصحك تمشي للعطارة وبتلقاها إن شاء الله. لو ما لقيت الشي الدايرو كلمني أرسلو ليك مع أي مسافر من هنا.

أبقى طيب

سلام يا عمدة
تصدق انا من صغير ولمن مرقت من السودان بعالج المغص بالعطرون والحيرقان (الحموضة بي سف الرماد واخير بي اكل الخيار والكحة الشديدة بي اللبان الضكر)
جربوها وشوفو النتيجة


ان شاء الله في عمرنا دا خاصة وانو بقينا ناس رجوع للبلد حاطبع كل الوصفات الهنا واجربها اذا احتجتنا ليها انا وجماعتي هناك (ود الخليفة والتاج علي الحسن) ..ويا عمدة اخونا التاج اتزوج الاسبوع الفات فدحين برضو دايرين ليهو دوا بلدي فاذا في زول عارف ليهو حاجة بلدية مضمونة يلحقنا بيها ا


تحيات وتقدير

سلام يا عبد الله،
ياخي سف الرماد ده، أول مرة أسمع بيهو!
بس القحة الشديدة، جرب القرفة بالعسل ليك وللأسرة، طريقتها مشروحة في أول أو تاني مداخلة، مفعولها فوري.
قبل كم يوم مشيت زيارة لود عمتنا لقيتو حالتو صعبة من القحة وسكسكة الصدر قال ليهو يومين النوم غالبو.
قلت لي مرتو جيب لي قرفة مسحونة وعسل وشوية موية دافية. خلطتهم أديته ملعقة واحدة، بعد شوية أشوف زولي نام فوق كرسيهو. تاني يوم ضربتلو، قال لي النومة النمتها دي لي يومين ما نمت زيها، والحمد لله امورو اتحسنت.
اللبان الضكر سمعت بفوايدو وبجربو عند الحوجة.

ود الخليفة والتاج، البوست ده يلزمهم، أما عرس أخونا التاج، فحمدو في بطنو :).

تسلم والله لا حوجك ولا حوج حبيب للوصفات دي.

تسلم حبيبنا عبد المنعم،
أنا عندي ثقة كبيرة في التداوي بالأعشاب وعندي تجارب فيه، نتيجة التجارب حفزتني، قلت ننشرها والناس تستفيد.

تسلم يا حبوب

يبحث العديد من الأشخاص عن إجابات لاستفسارات متعددة حول بذور الكتان، ومنها ماذا يحدث عند تناول بذور الكتان يوميا وغيرها الكثير من التساؤلات.

 

تجدر الإشارة إلى أنه يمكن تناول بذور الكتان بصورة يومية بكمية لا تتعدى 4-5 ملاعق من بذور الكتان أو ما يعادل 28-35 غرام تقريباً، حيث أن الحصول على جرعات عالية قد يسبب الاضطرابات في الجهاز الهضمي خاصة انتفاخ البطن والغازات، كما قد تتداخل مع بعض الأدوية مثل مميعات الدم وغيرها.

 

وإن الحصول على بذور الكتان بصورة يومية ضمن النظام الغذائي له العديد من الفوائد، ومنها ما يلي:

تزويد الجسم بالفيتامينات والمعادن المختلفة، بالإضافة إلى البروتينات والألياف وحمض أوميجا 3.
تزويد الجسم بالعناصر المغذية مثل الليجنان التي تعمل على منع نمو أنواع متعددة من السرطان.
تزويد الجسم بالألياف الغذائية الضرورية للحفاظ على صحة الأمعاء وحركتها.
خفض مستويات الكوليسترول والوقاية من الإصابة بأمراض القلب.
خفض قراءات ضغط الدم المرتفع.
ضبط مستويات السكر في الدم.
تقليل الشعور بالجوع وضبط عملية الهضم، مما يساعد في الوصول للوزن المثالي.
للمزيد:

فوائد بذور الكتان للعظام والمفاصل
فوائد بذور الكتان للوجه وأضرارها المحتملة
ما هي فوائد بذور الكتان للقولون؟

المصدر من هنا

إليكم فوائد البقدونس لتنظيف الكلى:
تأخذ حزمة كبية من البقدونس
تغسلها جيداً ثم توضع في حلة كبيرة وتغمر بالماء
تُغلى في نار هادئة حتى يتغيّر لون الماء إلى اللون الأخضر الغامق
يصفى ثم يُترك حتى يبرد
يوضع العصير في جك أو زجاجة ويحفظ في الثلاجة
تشرب منه نص كوب على الريق يوميّاً لمدة أسبوع (طعمه مسيخ لكن أشربه)
ستلاحظ في الأيام الأولى أن لون البول قد تغيّر بسبب إنزال الترسبات من رمل وحصوات صغيرة
بعدها، سيتغير اللون إلى أبيض صافي
ينصح بإضافته كمكوّن أساسي في السلطة.
يُنصح بتكرارها كل شهر تقريباً لتنظيف الكلى حتى لو لم تعاني من أي أعراض.

النعناع:
النعناع مفيد جداً للجهاز الهضمي، وينصح بإضافته كمكوّن أساسي في السلطة، لكن لا يُنصح به لمن يعانون حموضة المعدة.

(حيث تكمن فوائد النعناع في علاج مشاكل الجهاز الهضمي من خلال الآتي:
أُثبِت أن النعناع يعمل على زيادة إفراز ونشاط الغدد اللعابية والإنزيمات الهاضمة؛ مما يساعد الجهاز الهضمي في عملية الهضم، ويساعد في علاج حالات عسر الهضم.
يعتبر النعناع فاتحًا للشهية؛ ولهذا فهو متعارف عليه كمقبلات، ويدخل في العديد من أطباق الطهي.

يعمل النعناع على تحسين أعراض مرض تهيج القولون مثل:

الانتفاخ والغازات.
ألم في المعدة.
تجشؤ مع إمساك.
الإسهال.
فوائد النعناع أو زيت النعناع (لاحتوائهما على مركب يسمى بالمنثول) يعمل على تخفيف هذه الأعراض بشكل ملحوظ بسبب تأثيره المرخي على عضلات القناة الهضمية؛ ومن الممكن تناوله على شكل كبسولات معبأة بزيت النعناع.) -منقول-

متعكم الله بالصحة والعافية.

فوائد شرب البقدونس على الريق
1- دعم صحة الكلى يساعد شرب شاي البقدونس المغلي بانتظام في زيادة إدرار البول، مما قد يساعد في طرد السموم من الجسم ومنع تكوين حصوات الكلى. ...
2- تحسين صحة الجهاز الهضمي ...
3- تقوية المناعة ...
4- خفض ضغط الدم ...
5- فقدان الوزن

-منقول-
فوائد البقدونس

التخدير لي وجع الضرس البيكون مقوقر بالسوسة، غير زيت القرنفل؟ يحشى بتفل شاي لأنه تأثيرهو الشاد (adstringent) بيعمل عمل التخدير الموضوعي.
ناس بتخت الصعود ودآ لأنهو فيهو مادة شادة وهي "العطرون" أو القرض وهو شاد أيضاء.
بعد دآك أمشي لخير العلاج وهو؟
القلع:gap:
https://maqall.net/facts-information...ts-loan-plant/

مداخلتي دي عبارة عن ثلاثة تجارب حا احكي اتنين والتالتة اديكم عنها فكرة بس لانها مشروع بحث علمي
الاولى:
كنا شلة من الأصدقاء بنتسامر بصورة يومية في شارع النيل امدرمان ومن ضمن الحضور استاذنا جعفر بدري وناصر يوسف احيانا وفي مرة النور يوسف والفنان ابراهيم خوجلي
جاني تلفون من المدام يفيد انها تعبانة جدا من البواسير ولازم نمشي المستشفى. استأذنت في الذهاب لهذا الأمر ولكن استاذ ابراهيم خوجلي أمرني بالجلوس والدواء عنده وبالفعل جلست لعلمي بخبرة الرجل في مجال التداوي بالاعشاب. وبعد انتهاء الجلسة اخذني لمنزله واعطاني أوراق نبتة اسمها ام جلاجل و وراني طريقة الاستعمال وبالفعل بدأنا نستعمل العلاج. اليوم الأول الألم اختفى تماما اليوم الثاني لاحظنا نزول قطع من الأنسجة والدم اليوم الخامس لا أثر للبواسير
الكلام ده كان ٢٠١١ ولحدي الان تاني المدام ما اشتكت من بواسير والله على ما أقول شهيد

الثانية
إنا شخصيا كنت عريس في أول شهر أصبت باسهال ما نفعت معاهو كل العقاقير وقرر الطبيب عمل منظار للقولون
شقيقي الأكبر باشمهندس حسين كان يعمل مفتش زراعي في منطقة معتوق جنوب غرب الجزيرة اخدني لرجل من مشايخ العركيين في منطقة اسمها المجيقة هذا الرجل أعطاني عسل نحل لونه( بيج) فاتح زي السمنة كده
وانا اصلا عندي حساسية من العسل لو اكلت عسل طوالي البطن بتلخبت والاسهال ده لو مافي بجي
اجبرت على استخدام العسل على الريق واتوكلت على الحي الذي لا يموت واخدت اول جرعة طوالي الإسهال وقف وسبحان الله الحساسية ذهبت بدون رجعة إلى يومنا هذا

الثالثة
الآن في مرحلة كتابة مقترح بحث لاستخدام الحناء في التشخيص النسيجي للامراض وبالاخص الأورام

سلام يا أحمد ومشكور على مشاركة تجربتك.
أم جلاجل سرّها بديع حسب ما ذكرت، وبالتأكيد ح أضيفها لمعوماتي.
ربنا يحفظكم.

بس ياخي لو قدرت عرفت لينا إسم العسل اللونو بيج النفعك وعالج ليك الإسهال تكون ما قصرت.

ربنا يوفقك في بحث مقترح إستخدام الحناء، وفيدنا بنتيجة البحث لاحقاً.

أبقى طيب

حبابك حبيبو،
ياخي معلومة تفل الشاي لتخدير الضرس ال بينتح، دي معلومة مهمة خالص وأول مرة أعرفها، وما أسهلها! خاصة وهي مدعمة بصورة علمية.

تسلم يا حبوب